#تراث

جـيـنـه نـنشد كربلا مضيعينها
بـيـهـا زيـنب گالوا ميسرينها
ــــــــــــــــــــــــــــــــــــــــــــــ
يـسـروهـا ولا لـها واحد فزع
شـال حادي ضعونها بساع وگطع
جـيـنه ننشد وين ابو فاضل وگع
مـا تـدلـونـه الـشريعه وينها
ــــــــــــــــــــــــــــــــــــــــــــــ
بـس اشـوفـه والعتب مني يزود
وادري ابو فاضل على النخوه يجود
عذره حگه يگول مگطوع لزنود
وحـال مـلـك الموت بينه وبينها
ــــــــــــــــــــــــــــــــــــــــــــــ
جـيـنـه ننشد كربلا عليها نعتب
انگول هـاي رجـال وتدور الغلب
حـرمـه زينب بيش مطلوبه بذنب
فـوگ چـتـل حسين ومسلبينها
ــــــــــــــــــــــــــــــــــــــــــــــ
ارد انـشـدچ كـربلا عن النزيل
شـلون ضعن الحرم شال بلا دليل
انچــان گلـتيلي يعاونها العليل
بـالـمـرض مشدوه وينه و وينها
ــــــــــــــــــــــــــــــــــــــــــــــ
ارد انـشدچ هم صدگ بالشام عيد
وحطوا بطشت الذهب راس الشهيد
ومـن نـشـد زينب بديوانه يزيد
گاعـده لـو واگفـه مـخـلينها
ــــــــــــــــــــــــــــــــــــــــــــــ
جـيـنـه ننشد عالعليل من انوله
فـوگ ضعف المرض هالبلوى إبتله
لـيـش مـا غـاصت بهلها كربله
مـن گطـع بالسيف راس حسينها
ــــــــــــــــــــــــــــــــــــــــــــــ
جـيـنـه ننشد كربلا وزين العباد
الروس شالوها وبگت بس الأجساد
شلون جسمك سيدي من المرض باد
مـا حـصل واحد حظى بتجفينها
ــــــــــــــــــــــــــــــــــــــــــــــ
جـيـنـه ننشد كربلا عن العيال
شـلون گلي بلا ولي هالظعن شال
خـلـوا الـسبعين من غير الأطفال
مـذبـحـه ويلي ولا مـسجينها
ــــــــــــــــــــــــــــــــــــــــــــــ
جـيـنـه ننشد كربلا والدمع زاد
بـيـهـا أميه گظت بحسين المراد
كـربلا عليها بچـت سبع الشداد
ويـن شـيـعـتها شسبب ناسينها


الشاعر المرحوم
الملا زاير

#اللهم_عجل_لوليك_الفرج

(5)

بصوت. مسلم المطيري

جينه ننشد كربله مضيعينها
بيها زينب كالوا. ميسرينها

كلمات الشاعر المرحوم
مله زاير

جنت محسبه جيتكم أليه
وتكتبون علبابي مو سبيه
بگبري يخوتي يعيلون بيه
ولوني وطاحت الرايه العليه

الرايه الترف فوگ الصحن :: طاحت
ومن البچي عيوني انعمت :: راحت
درت النضر صوب النجف :: حيره
وروحي أنتخت يابو الحسن :: ضاگت

هيه هاي المالهه أخوان وعشيره
الغربه ماتعرف شنو حرمه وچبيره
أمس بحبال اليسر واليوم أسيره

@@@@@@@@@@@@@@@@@@

وي الرايه شلهم وگعوهه
چي الكم أثر بيهه خذوهه
أهل الشام اختكم تعبوهه
ميته وبالگبر هم حيروهه

خالي ضريحي أمن اللطم :: ويلي
مو حگي أنوحن ونلچم :: حيلي
بس حفنه ضلت ونجفت :: مني
أشبع بچي وشبع هظم :: ليلي

الباب الاخضر يندگ بكل مغربيه
ورگض وگلت اخوتي فزعو عليه
أوصل وماأگله بس چلمت سبيه

@@@@@@@@@@@@@@@@@@

أضل ليا عمر وليا مصايب
أضل ليا وكت ليلي بخرايب
بشام النايبه شفت العجايب
ليا موته التمر وتعدي أثاغب

ليا موته أضل يهلي أننتضر :: موتي
بشام الهظم ميته شكثر :: صوتي
راح بكثر ماسولفت ::  بيكم
كلفه أنسبي وني بگبر :: موتي

بعد حبل السبي نيشانه ماراح
اليموت ويمه أهل غلاهه يرتاح
ونه الماكو ألي بس گض الصفاح

@@@@@@@@@@@@@@@@@@

عقيلتكم تعبهه أتعده الحدود
والغربه تره شما جالهه أتزود
ماضل شوف بيه وگلبي ممرود
وعن زواري تهظم بابي مسدود

چان بضريحي أتفر خدم :: تنحب
يصيحون يمه أهل الشيم :: زينب
وين وصرت مالي عرف :: وحدي
وحرموني من رفت العلم :: لو هب

من كلشي اليهدي أجروحي الهواي
أنحرمت وبس دمعتي الضاله وياي
لازايـر ألـي لارايــــه فـوگــــــاي

رسول رياض

بصوت. مسلم المطيري

چنت محسبه جيتكم أليه


كلمات الشاعر
رسول رياض

بلال. أذن ابكل هضمه
وَقال. حَي على أمر اليمه
الهلال. جاكم ابدوا الخدمه
حسين حسين

ــــــــــــــــ*

فوگ تل أم الحزن يتعاله أذان
اتوكلوا حَيَ على الخدمه للعطشان
اجتمعوا بمجلس مصابه الأنس والجان
ننطر وننظر وصلنه اهلال الأحزان

ــــــــــــــــ*

وصول. اهلاله يعني ابهايه
خيول. داست اعله الراية
جبال. امن الهموم العظمه
حسين حسين

ــــــــــــــــ*

هالشهر روحيته تفرق عن الأشهور
لو وصل نلزم ظهرنه انحسه مكسور
نشعر الأيام تگضي ابيوم عاشور
تنرفع رايات سودة او ينطفي النور

ــــــــــــــــ*

دموع. تجري من وحدها
شموع. تنطفي انشاهدها
محال. احسين نترك همه
حسين حسين

ــــــــــــــــ*

عدنه حُب ويه محرم لا مَموصوف
من يجي انشد الرحيل لأرض الاطفوف
كل سنة اهناك اشيصير انحضُر وانشوف
اندور ويه احسين كل مره اعله الاچفوف

ــــــــــــــــ*

طفوف. كل سنه نحضرها
چفوف. طايحه اندورها
عيال. انشوفهم نص لچمه
حسين حسين

ــــــــــــــــ*

من يجي وانشد حزمنه لحظه مَنام
اشمحله تعب الخدمه يسوه كل الأيام
العمر يبدي من جديد ابشد الأحزام
ما انريد املوك ردنه انصير خدام

ــــــــــــــــ*

حنين. للخدامه ايجرنه
حسين. والأسم يكسرنه
الخيال. دوم ضامي ايرسمه
حسين حسين

ــــــــــــــــ*

كون من ايهل محرم بعد مَيروح
مستعدين ابخدمته انعيش بالنوح
غير هو احسين طايح نحره مذبوح
امن الدمع اتبره لو ما اشوفه مسفوح

ــــــــــــــــ*

أريد. بس حزن أيامي
مفيد. دمعيّ اعله الضامي
جمال. تره اوسام اللطمه
حسين. حسين

لخادم الحسين ( ع ) : مؤمل مازن الشمري ♥️

بصوت. مسلم المطيري

بلال. أذن بكل هضمه


كلمات الشاعر
مؤمل مازن الشمري

ابوذيات. بصوت. مسلم المطيري

ابو ذيه لميلاد الامام الرضا عليه السلام

🌹🌹

لغير اهلك والك بالفخر  مشهد
يكعبة مجد صرت بارض مشهد
ضريحك اله الليله شلون  مشهد
يسر الناضرين بهل مسيه

🌹🌹

يهنياله الگصد مشهد وجاها
احتفل وشموع ميلادك وجاها
يبو محمد ردت منك وجاها
تگضي حاجتي يبن الزچيه

متى الفرج:
مقدمة...

      صبر خادم

روحي المصَبُر عَليِهَا  
خدمَة الزهره وبَنيِهَا
عمري واعمالي بديها.... فاطمة

*

الدنيه غبره وماتحب طاري العَدِل
تجفي وي الزين وتخاوي النَذل
اهواي ما يسوون صار الهم ثقل
وبطل خيبر ايده تنشد بحبل؟

هي هاي الدنيه غبره
الما يماشيها تغدره
ومِسعَد اليسمَع حجيها .... فاطمة

*
الگلبه طَيَّب يكسر اضلوعه الزمن
واشد حيلي بيا علي وأم الحسن
ظل غريب الما لگه بحبكم وَطَن
أنه أقره أجروحي ويگَلَّي   لِمَّن

شلون عيني ايعز دمعها
وامي المهشم  ضلعها
وتارس العالم بجيها.... فاطمه


ما طفه من الباب گلبي المحترگ
من يمر طاري العصر   حيل اختنگ
ايد هاون   گلبي   وبصدري  يدگ
تربه بيتج    والتَرَبْ   ما تنسِحگ

بابج البعيوني جرحه
جم ملك طَوَلَّه جنحه
تقضي حاجات التجيِهَا... فاطمه

*

افرح أمَن اذبل عليج أمْن القهر
يفرح الفلاح لو زاد المطر
بعلو روج الماي ينهاب النهر
والبواجي اعليج يالزهره فخر

صوتج العاميلي عيني
لما صحتي سَنديني
وما نخت روحج عَليها ... فاطمه


حلم عمري كون أشوفن گبتج
وادخل الجنه من اطب الحضرتج
وانعه ع الشباج واقره زيارتج
وارد لهلي وصوغه جايب تربتج

وكلمن ايسلم عَليَّه
يشم عطر الحضره بيَّه
والفرج عد ام ابيها... فاطمه

___

فيصل المیاحی.

بصوت. مسلم المطيري

روحي المصبر عليها


كلمات الشاعر
فيصل المياحي

يارقيه وين عمه رايحه
الليل هذاموش ليل البارحه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
هذا ليل وبيه حسرات وعتاب
ليله وحشه والگمر من عدنه غاب
وعلينه حايطه وادم ذياب

يامخالبهه يعمه الجارحه
الليل هذا موش ليل البارحه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
وين عمه رايحه بهذا الظلام
يلي عمرج ماوصل عمر الحمام
شتخفي عينج ياعتاب وياكلام

بيه نقره عالغريب الفاتحه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
هذا ليل وبيه هل وادم غرب
عودي منتج هايطفله عله الضرب
عتابي للعباس وعتابي صعب

ليش ما يسمع اخيته تصايحه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
خايفه تعثرين عمه بالسيوف
طفله انتي وكربله ممليه خوف
عيون تعمه من تصد عله الجفوف

من اخيي عله لشريعه طايحه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
راح اشكي السطره ياعمه اله
يامه يامه جان خدي يقبله
اخاف من وحده اسمهه كربله

عتبه عدهه ويامصيبه لايحه
الليل هذا موش ليل البارحه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠


خادم اهل البيت ع
فلاح طالب الماجدي

بصوت. مسلم المطيري

يارقيه عمه وين رايحه
الليل هذاموش ليل البارحه

كلمات الشاعر
فلاح طالب الماجدي

معلگ الچربة يمهدي متاني يومك
حيل تعبنه العطش ننطر قدومك

حيل اذاني السهم
ردلي جفي والعلم —- ايه يمهدي ————————

وحدي يم المشرعة بجودي واتاني
يمته تظهر سيدي صاحب زماني
بعده سهمي بعيني يلمهدي واعاني
واشد من ذاك السهم سهمك رماني

معلگ الجربة يمهدي وعيني تربي
وسهم هجرك سيدي صوبلي گلبي

بصدري نيران الخيم
ردلي جفي والعلم — آيه يمهدي
—————————-

تارك بكلبي جرح ثار الوديعة
وثار عندي بكربلة حسين ورضيعة
وثار اطلب والله لجفوفي الگطيعة
وثار عندي للعلم يم الشريعة

غصه ابصدري وجمر لاختي السبية
واشد من ذاك السهم شوغة رقية

ركني بسكينه انهدم
ردلي جفي والعلم — آيه يمهدي
—————————-

انه كل جمعة التمر والله اندعيلك
وجودي يم العلقمي يصرخ دخيلك
يمته انه ورايتي بجمعة نجيلك
جفني ما لحظة غفه الله وكيلك

هشموا راسي بعمد والله يمهدي
عيني راحت والاشد كطعولي زندي

كلشي مني ما سلم
ردلي جفي والعلم — آيه يمهدي
—————————-

عايش البرزخ يمهدي وية الظنون
خاف زينب يم علي وتكشفله المتون
خاف تحضر فاطمة وتسمع بالظعون
شلون لو شاهد محمد زرگة العيون

خاف زينب تنسئل وينه كفيلج
او وين رايح عنج بساعة رحيلج

ابرزخي وعايش الم
ردلي جفي والعلم — آيه يمهدي
—————————-

حتى وانه ابرزخي عايش اذية
شلون اكدر انسه ثارات السبية
عيوني تجادح جمر لِّهسه بية
يمته يلمهدي تردلي الغاضرية

الهسه بعيني صور ذيج اليتامة
حسين مجفي اعله الوجه وبلا عمامة

من الطبر راسه انجسم
ردلي جفي والعلم — آيه يمهدي
—————————-

كوم يلمهدي العجل طول عنائي
وحلف الله بغيرتي صبري وبلائي
إذن لعباس يشركني ابندائي
وخله يحمل رايتي ويحمل لوائي

شيل جفي ونادي يا ربي ظهوري
ونّت العباس جرحتلي شعوري

ربي وابهذا القسم
ردلي جفي والعلم — آيه يمهدي

ابو علي
عبد الحسن القريشي

بصوت. مسلم المطيري

معلگ الجربه يمهدي متاني يومك


كلمات الشاعر
عبدالحسن القريشي

 مقدمة الليلة الاولى
.
.
.

مو شهر نبچي دهر .. اويه الأمام المنتظر
             على مگطوع النحر
                    حسين

***

حسين مـو فتـره وجيـــزه وتــنتـهــي أيـامه
حسين قصه ابلا نهــايه تبتـدي امـن اخيامه
قصه بيهـا السوط شيخ وشـايخ اعله ايتامه
وبيها جسم حسين مرمي امكسرات اعظامه
 
خيلــهم مارحـــمته .. روحه رده سحگته
وساوته صدر ابظهر
حسين

***

امحرم اتلاثيـن يـوم ويـگضي عند الوادم
ونبقه نبچي السنه كلهه احنــه ويه القائم
نبچـي ذاك الذي بجسمه مابقى شي سالم
عالرمـل والرمـل حار وعــلى وجــهه نايم
 
جروحه اذا فوك الألف .. اشيبقه بي من النزف
دمـه عالغبره انتـــثر
حسين

***

نبجي عالعطشان دم ونحزن اعله مصابه
ولهـــذا المهدي لســـه دمـعتــــه سچـــابه
والتكتــــلك بالقــضيه شـــغلــة الســـلابه
البِجـسمه الفيــن طبره شيــبقن من ثيابه
 
امسردات امن النبل .. واللــي سلبـــهن نذل
عاري ضل ابهالاثر
حسين

***

لو خمس تالاف عمر اشـعـيب الله انطانه
نبچي وشما نبچي تبـقى اعيونه عطشانه
عالذي امن العطش شفته امفطره وذبلانه
الـطبگ بينـه كل دقــيقه تــشتـــعل نيرانه
 
التنشف اعيونه دمع .. باللــطم يكسر ضلع
للذي صاير وذر
حسين

***

امن السـنه للسنــه عاشـــر مـو فــقط هالعــشره
نطبـــخ ونلطـــم ونبـچـــي ولبـــو اليــــمه نـقره
حسين بالطف خيل عشره طحـن طحنت صدره
ومن كثــر سحـگ الحوافر تــرس جسـمه الـغبره
 
بجسمه صله اشكم سهم .. بجسمه ويلي شگد الم
فاق الحدود وعبر
حسين
***
حيدر تركي الكربلائي
 ✍️..الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿........👩‍🚀.....................🥺😭💔...خدمتكم شرف لنا

بصوت. مسلم المطيري

مو شهر نبچي دهر
اويه الامام. المنتظر


كلمات الشاعر
حيدر تركي الكربلائي

الحن الثاني بصوت. مسلم المطيري

مو شهر نبچي دهر
اويه الامام المنتظر


كلمات الشاعر
حيدر تركي الكربلائي

مختــصر تعــب السنين
كون بس يرضى الحنين
اللــهم ارزقنــي حــسن العــاقـــبه
 
***
 
لاتــزل أقـدامي يارب بعــــد اذ هديــتني
ليتــني ربي ارجعوني وماتفــيد اللــيتني
 
جبت عمري بخــدمة حسيـن الذبيح
وخاف جدمي يزل واذا زليت اطيح
هوه بــس وحده اليخليــني استقـام
بصاية الله وصاية المــذبوح اصيح
 
حسيـن اذا ماكــض كفاي
خاف اطيح وصـعبه هاي
اللهـــم ارزقـــني حـــسن الــعاقبه
 
***

حسين اللـــهم اشهــد اول واخــر عشـــگ
الغيره اذا يحترك گلبي كون بالنار احترگ

عــمر جبــته ويــاه اثر يتبع اثر
وعيني كل عاشــور تبچـيله نهر
شلون اتخيل حياتي ابلا حسين
بلا حسين العاشگ يكـتـله القهر
 
عايــش بحــــــالة امــير
لو طردني شــراح اصير
اللهــم ارزقـــني حـــسن العــــاقبه
 
***
 
قابل الــحر قبل بيــه وچــنت تابـع للهوه
الخيمته من احتواني صار عندي محتوه
 
بخيــمة الـــخـــدام مـــن خـــلاني
خيـر مــن الله الحـــبيب انطـــاني
منه اطلب كـون بس وكت الممات
اسمــه كــون اخــر اســم بالساني
 
كون وانا ابچي الخيام
تسلـهـم اعـيوني وتـنام
اللـــهم ارزقــني حســن العــاقبه
 
***
 
ادري درب الخـدمة شائك وادري رايدله صبر
وخاف باخــر امتــحان التـــعـب ذاك ينخــسر
 
يا الـــهــي بجــاه كاروك الرضـــيع
التعب كل هذا التعب خوفي يضيع
والشــريته بغالي كــل هاي السنين
خـــاف برخــص ســعر تاليــها ابيع
 
الما اكو بگلبه حسين
ينحسب صـفر اليدين
اللــهم ارزقـــني حســن الـــعاقبه
 
***
 
حسين معناته الصراط العافه ياربي هلك
والـخدمته قــوي حــيلي ياالــهي اتـوسلك
 
بلــكي ارد بخـدمتي معـروفه
وكون غيره عيني لا متشوفه
حتى مايطفه مصابه البالدليل
وتبـقى تسعر بيه نـار اطفوفه
 
كون لاما اســـتريح
وابقى الطم عالذبيح
اللهــم ارزقنــي حــسن الــعاقـبه

***

جبت عمري ادعي يارب موتي كون بمجلسه
وكــون اخـــر نــفس بيـــه بالـــعزاء اتنفـــسه
 
ارد الاگي الهــشمة صدره الجياد
صدري من اللطم بي صاير سواد
هيه هاي الانتـــظرها مـن زمــان
هاي حسن الـعاقبه البيــا الـسداد
 
الراضي ابو اليمه عليه
الدنيـا كـلها ترضي بيه
اللهــم ارزقــني حــسن الـــعاقبه
*
حيدر تركي الكربلائي.

بصوت. مسلم المطيري

مختصر تعب السنين
كون بس يرضى الحنين


كلمات الشاعر
حيدر تركي الكربلائي

قريب      وصلت ايام العزاء
قريب      ينسمــع هذا النداء

لبيك يا حسين    *    لبيكِ كربلاء
*----------------------*--------------------*

باقي ايام ونلبي ونلبس احرام الســــــواد
نشكر الله بنعمته والعزاء علينــــه عـــــاد
بمجلس حسين المدامع والگلب يعلن حداد
ربي وفقنه لخدمته الخدمة تحتاج السـداد

دموع      تجري وتحدد مصير
دموع      ســـون الخادم اميــر
بدمعة العيون     *    انجدد الوفاء
*----------------------*---------------------*

نواسي للزهره بلطمنه ونخدم الضامي نريد
انتهه عام ونتانـــي يرجـع محـــرم جديـــد
العمر وسنينه كلهه لذتـــــه بذكـــر الشهـيد
اه يحسن ومصابه موعظه واجمـــــل نشيد

وسام      عالگلب دگ الصدور
وسام      يحملــــة بس الغيور
نواسي للبتول    *     بصرخة الولاء
*--------------------*-------------------*

اليلوم بكيفة خله ما عرف معنى الجنـــــون
اليحبّه الباري يحضر يلطم وتجري العيون
فاطمة تسجل الاسامي بالعزه لمـــــن تجون
يالخدم حياكم الله بـــــــأسم ابنهـــه ترددون

اكيد      هذا محضوظ الينـوح
اكيد      بكلبه للضامي جروح
يا كعبة الخلود    *    يا قبلة الاباء
*---------------------*--------------------*

ننتظر يمتــــه يجينـــــه بالعشك زاد الهيـــام
انوسم الصدور بمحرم ونعمه الِيحصل وسام
يرفع الخادم مقامــه ويرتقي بشهر الحـــرام
بدمعة عيونه اليهلهه تطفى نيـــران الخيـام

جروح     بينه للغالــي الحبيب
جروح     نازفه ما اظن تطيب
يبقى للممات  *   دائم العزاء
*---------------------*------------------*

حيــــره لحسين شنقدم والدمع كلش قليـــل
نحسب ايام وقميصه ينشر بأمر الجليـــــــل
ندعي يرزقنه المناحه ربنا ونزيد العويـــــل
الراحه بالحركه يحسهه الينحب لفگد الخليل

شعار      نرفع باسم الحسيـــن
شعار      يبقى صوت المؤمنين
ثابت اليقين     *    تهتف الدماء
*-----------------------*-------------------*

المنجرح كلبه بحبيبه سلوته الون والدمـــوع
مبين المچوي بحرگته يكسر بصدره الضلـوع
لوعة الثكله وألمهــه العاشك الليلـــــة يلــوع
بذكر الحسين ومصابه ينعرف معنى الخشوع

حزين      الخادم لحزن البتــول
حزين      ودمعة للتحت الخيول
بمجلس الغريب     *    يقبل الدعاء
*---------------------*-------------------*


✍بقلم خادم الحسين( ع)
    الشاعر رعد الچريخي

بصوت. مسلم المطيري

قريب. وصلت ايام العزاء


كلمات الشاعر
رعد الچريخي

(شعار الحب)
ولائيه

يـخـيـمـتـنـه الـچــبـــيــره   حسيـن يحسين
يـــجـــامـــع هـالـعـشـيـره   حسيـن يحسين

                                *---------------*---------------*

يـهــالــكـلــمـة الـــوحـيــده     حسين يحسين
الـمـحـب صــارت نـشـيــده     حسين يحسين
فـــقـــط اسـمـك قـصــيـده     حسين يحسين    
شـــعــار انـــحـــب نــعـيـده     حسين يحسين
الـعـــمــــر يــمــك نـــريـــده     حسين يحسين                   

                                  *---------------*---------------*

يَـمـن بـــيـك افـــتـــخــرنـه     حسين يحسين
الـك يــرخـــص عـــمــرنـــه     حسين يحسين
خَـــــدم لـٰـكـن كـــبــــرنــــه     حسين يحسين
مـلـوك الـــدنـــيـــا صــرنـــه     حسين يحسين
يـــبـــو الاكـــبـــر ذخـــرنـــه     حسين يحسين

                                  *---------------*---------------*

يـسـر حـــبــنـــه وهـيـامــه     حسين يحسين
شـــرف هـــاي الـخـــدامــه     حسين يحسين
لـحَــد يــــوم الـقـــيـــامـــه     حسين يحسين
تـــره الــعـــافــك نـــدامـــه     حسين يحسين
ابــــد مـــا يـعـلــه هـــامـــه     حسين يحسين

                                *---------------*---------------*

و حـــگ الـلــه ونـــبـــيــــه     حسين يحسين
تـظـل انــتـــه الـــهـــويــــه     حسين يحسين
أو يــظـل اســمـك قـضـيـه     حسين يحسين
عـــمـــرنــه الـكـم هـــديـــه     حسين يحسين
فـــده لــدمـــعــــة رقـــيـــه     حسين يحسين

                                 *---------------*---------------*

فــخــر بـــس لـلـــغَـــيـــاره     حسين يحسين
يـأجـــمــــل كـــل عـــبـــاره     حسين يحسين
بـــقـــه الـخـــادم شـــعـــاره     حسين يحسين
هـــتـــف لـــيـــلـــه ونـهــاره     حسين يحسين
الـك دمـــعـــــه ايــتــجـــاره     حسين يحسين

                                   *---------------*---------------*

عـلـى الـخـدمـه أنـجـمـعـنـه     حسين يحسين
نــــدگ ويــهــل دمـــعــنــــه     حسين يحسين
ايـخـسـه الــعــنــك مـنـعـنـه     حسين يحسين
عـشـگ هـــذا ابـطــبــعــنــه     حسين يحسين
نـــذكــرك لــــــو ســمــعـنــه     حسين يحسين

                                   *---------------*---------------*

✍خادم الحسين ع
الشاعر رعد الجريخي