يسالوفة الخــوة وذيـــچ الايـــام
صفت اختك غريـبه بديرة الشام
الـــك حنيت
تجي اتمنيت

صفت اختك غريبه بديرة الشام
........
 
مشتــاگتلك بگــد ماحزن بيه
ابگد ماباليسر صاحو يمسبيه
العــلويه اذا ماتـت يبو فاضل
وجوبا ســيد اليــدفن العلويه
 
يالمتروس غيره وكلك احساس
بـــيدك كـــــون تدفنــي يعباس
شكثر ناديت
تجي اتمنيت

صفت اختك غريبه بديرة الشام
...........
 
اشمك رايده واستنــشق احساسك
وگبل ماموت اترس ريتي بنفاسك
البگه براسـك بــعد مــوتي يگلولك
ولو مهـــشوم خـويه بكربله راسك
 
منو ايوصل الكبرك يالاخــو الصوت
الاخــــت تفرح بخوها حتى بالموت
بغرب حسيت
تجي اتمنــيت

صفت اختك غريبه بديرة الشام
.........
 
يبـعد اعيون اختـــك يابو المروه
خدي امن البواچي يالاخو اتچوه
من يـوم الرحت للـــماي ياعـباس
الزمان اخلاف عينك سوه ماسوه
 
ادري الســـالفه اتـاذي يكـــفال
عگب عيناك شدو ايدي بحبال
صحت وبچيت
تجــي تمـــنيت

صفت اختك غريبه بديرة الشام

 .........
اجروحي اهواي عگبك من يداويها
وهــالوادم ملـــح عبـــاس تـــدريها
الشمــر لمن رحــت موتنـــي ياكفال
متت من صاح زينــب راح نســبيها
 
تدري شلون صعبه صـــعدت النوگ
شلون اصعد وچفي خويه محروگ
بدموعي انخيت
تجــــي اتمـنيـت

صفت اختك غريبه بديرة الشام
...........
 
زينـــب واختـــك الوادم يسموني
ردت تدفني بيدك ياضوة اعيوني
اذا الله قســملي وجـيت ياعباس
مـن تدفنـــي بالـــك تلزم امتوني
 
وحق يمــــناك يابو الغـــــيره والجود
امتوني امن الظـرب يابو الفضل سود
اذا ونـيــــت
تجي اتمنيت

صفت اختك غريبه بديرة الشام

 .........
ابالي يابو فاضـل ضلــت احچايه
تجيني وكون فوگك تخفگ الرايه
ماجرحك واسئلك يالاخو عالجود
ثـــق العلــگمي ماســولف ابــمايه
 
اذا مابيك جيه خـويه معذور
هواي الصوبنك يــوم عاشور
اذا اتــوفيت
تجي تمنيت

صفت اختك غريبه بديرة الشام
…… ..
حيدر تركي الكربلائي

بصوت. مسلم المطيري

يسالوفة الخوة وذيچ الايام


كلمات الشاعر
حيدر تركي الكربلائي

بصوت. مسلم المطيري

#ابوذيات

المهر من ردلي خالي باد ..چم حيل
اركضتله امن اعثر يصيحون. چم حيل
اشلگيته اشچم فتگ بالصدر . چم حل
   شلم من البقه وما بي بقيه


لاهي بذيچ حسباتي.. لهــي بهاي
الحرگ كلما گضت خيمه.. لهه بهاي
اطفّــي بذيج يلسعني.. لهب هــاي
     خَفت ورماد مصبوغات اديه


ثاير الربيعي.

حل الظلام والخوة كلها اتجمعت
حل الظلام زينب تودعهم اجت
تودعهم بدموع العين
عباس الكافل وحسين
ا........................

ليلة العاشر سكون
ساكنه كل العيون
وكلشي ساكن في خيمهم
تركز وتسمع كلام
بالسجود وبالقيام
تلگا ترتيل بهمسهم

بهالظلام وهالحضور
خيمة طالع منها نور
كل ضوة الكون بوجهم


وسط الخيام.. جن الصبح بيها طلع
وسط الخيام. منهم ظلام الطف رجع

بالخيمة طلعت شمسين
عباس الكافل وحسين

.............

من الخيم ننطي دروس
باجر الحرب الضروس
هذي ليلتنه الاخيرة

باجر ايحل الذهول
عالجثث تسحگ خيول
تسحگ بشيخ العشيرة

ينخطف لون الربيع
من يذبحون الرضيع
ويفتح عيونه المصيرة

بحضنه وينام. عبد الله وابدمه فرش
بحضنه وينام. نايم رضيع أمن العطش
من دم احمر تبجي العين
عباس الكافل وحسين
.............
سولفت زينب دموع
تنطفي باجر شموع
الخيم باجر شمعنه

تحترگ وكت الظلام
أخوتي كلهم نيام
بس جثث يمهم گعدنه

أوصل شلون الحسين
وهو مگطوع الوتين
شگد وصل مگطوعه منه

شگد حرام. أخوية جثة مگطعة
شگد حرام. فوگ التراب موزعة
همه الهدو حيلي اثنين
عباس الكافل وحسين
..............
باجر شعظم المصاب..
حسين المه أمن التراب
من الطفوف اجمع عظامه

باجر تشوفة البتول
تسحگ بصدره خيول
وهو عينه اعلا اليتامه

باجر الاكبر يغيب
وما يضل شبه الحبيب
دمه ينزف من سهامة

بس السهام. تشوف اعلا جثته نابته
بس السهام. ما تلمحة بكل هيئته
كل واحد سالبني سنين
عباس الكافل وحسين
..............
باجر الكافل يروح
بالخيام تضل جروح
واليتامى اتضل حيارة

يحترگ غيره الكفيل
تضما زينب مستحيل
عالضما مشتعلة نارة

يشتعل بالغيره نار
وعينه بس تهل شرار
امن الشريعة يجيبه ثارة

حد الخيام.. من النهر واصل ضما
حد الخيام.. واصل ونين الفاطمة
يمهم شط وعطشانين
عباس الكافل وحسين
............

عباس هلال

بصوت. مسلم المطيري

حل الظلام
والخوة كلها اتجمعت


كلمات الشاعر
عباس هلال

يحسين وياك وياك..ثابــت عهدنه يحسين
يحسين وياك وياك..نصنع مجدنه يحسين
سر يقيـــــــــــن المعبود
يحسين بشخصك موجود
يحسين وياك وياك..ثابت عهدنه
......................................................
صوت أمن الضماير ردده الوجدان
يا سر الوجود وحكمة الرحمن
يا كوكب عرش يا مركـــز الأكوان
ألك فدوه العمر يابو علي وقربان
وتوسط ميدان أنصاره
وبيمينه هلهل فقاره
هوس واستبشر لحسين
وسمعت زينب كل أخباره
عهد الله عــاهدناك..يرخص دمانه
يحسين وياك وياك..أنصون الأمانه
بالدم نوفـــــــــي العهود
يحسين بشخصك موجود
يحسين وياك وياك..ثابت عهدنه
.......................................................
بــــــــــسم أخيام زينب بسمل البتار
وبــــــــــشيبة حبيب وغيرة الأنصار
نزل شيخ العشيرة ودك صدى الأنذار
وكف وكفة جبـــل والجيش بيه أحتار
هلهل سيفه وشد الراية
هوس لحسين ودك ثاية
يا رحمة ألله ويا خير
أنته المقصد وانته الغاية
عالفطرة حبينــاك..وبسمك هتفنه
يحسين وياك وياك..عزنه وشرفنه
بسمك خطينه أحـــــدود
يحسين بشخصك موجود
يحسين وياك وياك..ثابت عهدنه
.......................................................
ركض شيخ العشيرة ركضة الهادود
وكوطر عالزلــم وكفة كطه وصايود
صاح بصوت وينه الزلمه والبيه زود
شحده اليوصل حسين او أنــه موجود
كل عمري شراي طلابه
للموت أتعنــــه وما هابه
اليوصل حد راعي البيت
يتشاهد يله ايــــــدك بابه
يا محلى الموت وياك..ومحلى الشهادة
يحسيــــن وياك وياك..عـــزم او أرادة
راسي وجفينـــي أشهود
يحسين بشخصك موجود
يحسين وياك وياك..ثابت عهدنه
...................................................
عابس من شهد شيـــخ العشرة طاح
وسهام وعساكـــر حاوطت وارماح
نزل هــــد فرقاها بسيفه والكل زاح
وكف شك ثوبه كلهم وبجنونه صاح
الكل تسمع واتشوفوني
هذا أنــه وبالدم حنوني
الما شايفني وما يعرفني
مجنون حسين أيسموني
يحسين أهواك أهواك..وبانفاسي اشمك
يحسين أوياك أوياك..وبروحي اضمك
الموت بحبــــــك مريود
يحسين بشخصك موجود
يحسين وياك وياك..ثابنت عهدنه
.......................................................
وهب شد عزمه من عجت زلم والخيل
زهيــر بضهره دك ضهره ويشد الحيل
جون اعله الخيم يفتر نهار وليــــــــــل
وجان الموت خطوة جـــــدم مثل السيل
واحدهم طاح أعله الثاني
وعباس يكلهم يخواني
بدرب حسين أيضل الشاهد
دم المسلم والنصراني
بحماك أنضل بحماك..يحسين صحنه
يحسيـــن وياك وياك..متنه وربحنـــه
انصارك والطف معهود
يحسين بشخصك موجود
يحسين وياك وياك..ثابت عهدنه
.................................................
خادم خدمة الحسين
الشاعر
محمد الموالي

بصوت. مسلم المطيري

يحسين اوياك اوياك ثابت عهدنه يحسين


كلمات الشاعر
محمد الموالي

للخدمه بقت ايام     شدّو الهِمّه ياخدام
شهر الماشرب ماي.    عاشور الحزن جاي
شدّو الهِمّه ياخدام
.........

يخدام الحبيب حسين ابواليمّه
ايام ويجينه موسم الخدمه
هيّئوها المجالس تنزل الرحمه
تلگون الملائك بيها ملتمه

رفعو بكل درب رايات      وهيّئوها الحسيّنيات
واسو القائم بهاي.           عاشور الحزن جاي
شدّو الهِمّه ياخدام
.........

چم يوم ويهل عاشور وهلاله
وترد تسحگ بصدر حسين خيّاله
وراسه عله الرمح بچفوف چتّاله
وزينب عالهزل مچتوفه وطفاله

عكب الكافل الضرغام     مچتوفه ومشت للشام
غيّرها السبي هواي.       عاشور الحزن جاي
شدّو الهِمّه ياخدام
.........
حضروها المنابر والحسيّنيّات
بعد چم يوم تبدي بكربله المأسات
من يشتد حزنها وتنزف العبرات
معناها السهم صاب الرضيع ومات

من حرگو خيام حسين.     يعني نگطعن الچفين
وينه اليخدم وياي.            عاشور الحزن جاي
شدّو الهِمّه ياخدام
.........

حسين لكربله متعنّي بظعونه
قرب يوم المصيبه البي بذبحونه
يخدّام المجالس لا تعوفونه
تفرح فاطمه لمّن تواسونه

كون بكلشي ما ننساه.      نقره ونلطم وننعاه
لازم واحد الراي.            عاشور الحزن جاي
شدّو الهِمّه ياخدام
......... 

ستقبال لمحرّم نرفع الرايه
خل ننشر سواد وننصب اقرايه
حتى الزهره ترضا ونربح الغايه
هاي السنه كلنه انروح مشايه
بهاي السنه شَد حزام.     نتعب اكثر امن العام
حتى المهدي مشاي.        عاشور الحزن جاي
شدّو الهِمّه ياخدام
........

لاشكّ المجالس هاي منظوره
بعين ام الحسن كل واحد بدَوره
بدفترها خَدَم تكتبنه مشكوره
منّ نوصل لبوالسجاد ونزوره

لاشك بضعة المختار.     تمشي بموكب الزوار
تبچي وتنحب هواي.      عاشور الحزن جاي
شدّو الهِمّه ياخدام

#سيد #زيد #الفحام

بصوت. مسلم المطيري

للخدمة بقت ايام


كلمات الشاعر
سيد زيد الفحام

لطميه مربعه للهلال

اهلالك عذباني او دوهن أحوالي
محتاره اولچمني اليوم دلالي


لچم گلبي الهلال أو زيد اونيني
وانه املوعه أمن اصباي تدريني
اخلصهه ابقهر وبضيم يسنيني

شهرك لو يهل مايرحم ابحالي
༺༻༺༻༺༻
شهرك لو يهل يأخذ غوالينه
نضل نسوان والعدوان تولينه
رأسه اعله الرمح ويلوح والينه

محتاره وأصد بعيوني للغالي
،༺༻༺༻༺༻
گلي اشلون اصد بعيوني وانظرله
ياجرحي چبير وياهو اليشله
ماتشفى اوتطيب ابگلبي العله

حرمه أنه غريبه وماالي والي

༺༻༺༻༺༻
حرمه أويه الغرب والنار بضلوعي
سكته وبالگلب ياونتي او لوعي
تسيل وماتجف للدوم يدموعي

وكتال اخوتي يتبختر اگبالي
༺༻༺༻༺༻
چم غالي وعزيز البيك افگدنه
تسعر ماتهيد ابگلبي الونه
اموسد عالترب يبن امي اشوفنه

اصفگ بالچفوف ومدمعي هالي

༺༻༺༻༺༻
خادمة مولاتي ام البنين عليها السلام
ام محمد تقي الموسوي نسألكم الدعاء و الفاتحه لروح والدتي جزاكم الل

بصوت. مسلم المطيري

اهلالك عذباني ودوهن احوالي

كلمات الشاعرة
ام محمد تقي الموسوي

عنوان القصيدة ﴿ ما رحمتني الأقدار ﴾


ما رحمتني الأقدار واسنيني دمع
گدما أشتعل نار رافگت الشمع
وجهه بالصوَر. ما ضل منه اثَر

ــــــــــــــــ*

الگلب من فرگته امزّگ شراعه
حسبت لرجعته انه ساعه ساعه
اعيشن عمر كامل بالمجاعة
ولا احمل ثواني من وداعه
امير الرحمه هوه والشفاعه
لچن خله الگلب مات ابضياعه

ــــــــــــــــ*

اوگف واوگع ادموع. من عين الحزن
گامت تكسر اضلوع. دمعات الوجن
بعيون الدهَر. ما ضل منه اثَر

ــــــــــــــــ*

طبع گلب البنت ينبض مشاعر
تموت ابكسرة وحده بالخواطر
لَمَن يا ناس گلي راح اسافر
دعيت الله اموتن قبل باچر
مشه وخله الگلب بفراگه حاير
شبه مذبوح بس رايد يكابر

ــــــــــــــــ*

گلبي ايعشگه يا ناس من يوم انولَد
يشعر چلمته احساس. لو هَز بالمهَد
من دار القدَر. ما ضل منه اثَر

ــــــــــــــــ*

مسافة دمع بيني وبينه هوه
تبچي اعيوني لو تزداد خطوه
اليسافر غير يطلع سفره حلوه
احس سفرة ابوية كلها بلوه
اذا يرجع عجب خدي تچوه
دمع فرگاه ما خلالي سلوه

ــــــــــــــــ*

ليش اتگول الأحوال أيسي ما يرد
والعاشت عالآمال يذبحها البُعد
من گد القهَر. ما ضل منه اثَر

ــــــــــــــــ*

البُعد سيف او يحز گلب الحنينة
عراق ابعيني صارت هالمدينة
الجفن من الدمع صاير سفينة
تموج ابحر الام الحزينة
انه وام البنين انون صفينة
منو اليسأل بعد عينه علينة

ــــــــــــــــ*

من سد بيده المضيف. ما مرت خلگ
لو مر يحزن الضيف. من دمعه احترگ
من هاي الكدَر. ما ضل منه اثَر

ــــــــــــــــ*

چفوفي من بعد چفه وسادة
حزن گلبي بعد گلبه سعادة
بعد مامش اصرار ولا ارادة
اذا يبعد علَي احزن زيادة
طحت واتطشرت مثل القلادة
جفن عيني اسود ابكثر العبادة

ــــــــــــــــ*

فوگ العلّه ما انام. وادعي لرجعته
ليلية اذكر الام. واشعر دمعته
واتذَكر الگمَر. ما ضل منه اثَر

ــــــــــــــــ*

خذت من عطره شمه وضاع عطره
اشبگت صدره ولگيته انداس صدره
گلت خلي اشمن عطر نحره
احس عطره اختلف وادمومه كثره
ذَبح احلامي كلها بفرد نظره
احس گلي اليسافر ما انطره

ــــــــــــــــ*

دمعه من بده ايلوح يشرح موقفه
يرسم نحره مذبوح. كله امن الگفه
من ذاكه النحَر. ما ضل منه اثَر

ــــــــــــــــ*

انتهت عشرة عمرنه وهاي هية
الأمل شيفيد لو جتي المنية
انه الكاسرني من هاي الرزية
شنو احسين انذبح فوگ الوطية
شنو والدي اتدوسه الأعوجية
شنو من جسمه ما ضلت بقية

ــــــــــــــــ*

گالوا حصة الخيل. صاير والدي
خلص عمري بالويل والهَم سرمدي
من جاني الخبَر. ما ضل منه اثَر

لخادم الحسين : مؤمل مازن الشمري ♥️

بصوت. مسلم المطيري

مارحمتني الأقدار. واسنيني شمع


كلمات الشاعر
مؤمل مازن الشمري

#حبيته_عالفطرة


حبيته عـالـفـطـره  واليعشگ بـزغـره  مـا يـنـظـر لــ ثاني
من ادخل الحضره  گلبي يدگ صدره  المحبوبي بحزاني

     حسين حسين حبيبي     حسين حسين حبيبي

                           *---------------*---------------*

             صحره دنياي ولگيته لــ روحي مطره
             حـسـيـن آيات الـمـحـبـه البيهن اقـره
             حسين عاشرته ابشعوري احله عِشره
             الـعـشـگ صادق تـحـسـه الچنه جمره

تتزايد اجـروحـه  ومـايـهـتـم لـ روحه  البالعشگ قـانع
الدمعه مسموحه  اتزيد الوفه املوحه  معناهه ياسامع

                           *---------------*---------------*

             بعالم الـفـطـره عـشـگـته وگلبي جَنـه
             ما شفت بالكون نـفـسـه بـهـالـمـحـنـه
             اهـواي ازعله اوهوّه يـتـقـبـل زعـلـنـه
             اخطه وٱبديلـه اعتذاري ويـعـفـي عنه

يـتـقـبـل ابسرعه  وينشّف الـدمعـه  مـيـرجـع الـواحـد
ابـلـيـلـة الجمـعـه  لــ كـربـلاء اسعه  مـاهـمـن لــ حاقد

                           *---------------*---------------*

             اعـرفـت معنه الـمـحـبـه من عـرفـتـه
             بعيني ماشـايـف حبيبي بكلبي شفته
             تكثر اجـروحـي واروحـن يم حضرته
             اسرح لـ عالم خـيـالـي بسر مـحـبـتـه

اتـغـزل بـحـبـه  مـاعـوفـن لـ دربه  احـچـيـهـه للغـالـي
الوادم الـغـربـه  ما تـدخـل لـ گلبه  الـعـاشـگ امـثـالـي

                           *---------------*---------------*

             الـدمـعـه ويــاه الـسـعـاده وكلهه نعمه
             اختنگ والغالي احسّه لــ روحي نسمه
             اجمل الايام عـنـدي الـبـيـهـه اخـدّمـه
             وتـنـزل ادمـوعـي جريه واذكر اسـمـه

للغالي اجـريـهـه  والعـيـن اداويهه  وتـفـاخـرت خـادم
التحچي معليهه  الـدمـعـه شاريهه  مـعـلـيّـه بـالــوادم

                           *---------------*---------------*

             بـالـزغـر انطيتـه گـلـبـي وكلشي بـيـه
             وافـخـر بـهـاي الـخِـدامـه وهـالـهـويـه
             وسّمت عيـنـي ابـدمـع وچـفـوف اديه
             ويـبـقـه للموت الـعـهـد لٱبـن الـزچـيـه

اسنيني منذوره  والتحچي معذوره  مـاعرفوا بـروحـي
اتخـيـل الصوره  وٱحـتـارن بــنــوره  وتتهيّج اجروحي

                           *---------------*---------------*

✍️خادم الحسين ع
الشاعر رعد الچريخي

بصوت. مسلم المطيري

حبيته عالفطره


كلمات الشاعر
رعد الچريخي

بصوت. مسلم المطيري

لاتجيهم
ذوله ماعدهم ضماير
لاتجيهم


كلمات الشاعر
رائد الناشي

🏴 سلاماً ياجواد الأئمة🏴
ــــــــــــــــــــــــــــــــــــــــــــــــــــــــ
قصيدة.. استشهاد الامام محمد الجواد.ع.. ( نتشابه سويه)




نتشابه سويه  "" بيوم الغاضريه

لكن جدي ياناس "" شاف اصعب رزيه

بيوم الغاضريه "" بيوم الغاضريه

""""""""""""""""""""""""""""""""""""""""""""


انه ياناس الجواد وقصتي هايه

راح اروي بالدموع امن البدايه

عشت بهموم وحزن واصعب رزايه

تالي عمري يخلص  بسم المنايه



وحشه بعيني الايام * حكمو بينه ضلام

قصه تشيب الراس   * شاف اصعب رزيه

بيوم الغاضريه "" بيوم الغاضريه

"""""""""""""""""""""""""""""""""""""""""""
ضل  ثلث تيام انه جسمي مطروح

لكن انه مو مثل الحسين مذبوح

اه وا ويلي اعله صدره وذيج الجروح

ماكو شي سالم بجسمه ومابقت روح



ضل ابلايه تغسيل * جسمه طحنته الخيل

وسفه جسمه ينداس * شاف اصعب رزيه

بيوم الغاضريه ""بيوم الغاضريه
""""""""""""""""""""""""""""""""""""""""""

اني سمتني مره ومعروفه هيه

وجدي ذبحوه العصابه ال اميه

امنه احنه الطاهره الزهره الزجيه

حقها لو صبت مدامعكم جريه



خلها تسيل العيون * مااعوف اليخدمون

حقنه نلطم الراس * شاف اصعب رزيه

بيوم الغاضريه ""بيوم الغاضريه
"""""""""""""""""""""""""""""""""""""""""""

آه  وا ويلي على الراحت سبيه

عمتي زينب بالغرب شافت اذيه 

اتمنه لو حاضر انه ذيج المسيه

اتمنه وياهم رحت مجتوفه اديه



زينب ياغريبه * مصيبتها مصيبه

غربه ماكو عباس * شاف اصعب رزيه

بيوم الغاضريه"" بيوم الغاضريه
"""""""""""""""""""""""""""""""""""""""""""

اني مااعوف المحب وكت المنيه

والي يخدمنه ويقدس هل قضيه

والعزاء الليله بأرض الكاظميه

تجي تحيّي بالخدم امي الزجيه



واكف اني بالباب  * انتم اغله الاحباب

والله جفوفه تنباس *شاف اصعب رزيه

بيوم الغاضريه  "" بيوم الغاضريه
""""""""""""""""""""""""""""""""""""""""""

الخادم _أبو فدك الشامي

بصوت. مسلم المطيري

نتشابه سويه.


كلمات الشاعر
ابو فدك الشامي

قصائد محرم الحرام ١٤٤٥ هـ

نزلة / لليلة التاسع ليلة استشهاد علي الأكبر عليه السلام


حسينيٌ أنا      حسينيٌ أنا
أخطف أرواح الأعادي
حسينيٌ أنا      حسينيٌ أنا

——

أنه حيدر أنه حمزة أنه الأكبر وأفتخر
همتي همة أجدادي وللأبد ما تنكسر
دون أبوي وما أعوفه والولد وكته العسر
اليوم بت طه البتوله عالسقيفه تنتصر

حسينيٌ أنا   حسينيٌ أنا
والسبط يسلم مُرادي
حسينيٌ أنا   حسينيٌ أنا

——

اليوم تروي الطف دماهم فارگ السيف الغمد
اليوم أشُوف الدنيا كلها بيا عزم احمل وهد
إحنه ساعتنه الحرايب من تضيگ ومن تِشِد
ومن تصيح الگاع كافي أرتويت إبهاي أرد

حسينيٌ أنا   حسينيٌ أنا
وما تخوفني الهنادي
حسينيٌ أنا    حسينيٌ أنا

——-

لليضد إحسين أگله ما كو عطوه ولا مُهَل
إبن حماي الحميّه بلغوا الكوفه نِزَل
اليوم رايتهم أذلها و أعقر بإيدي الجمل
أصواتهم تخمد وأعلّي حيْ على خير العمل

حسينيٌ أنا    حسينيٌ أنا
وبعلي إينادي المنادي
حسينيٌ أنا    حسينيٌ أنا

———-

الجهاد إلنه ولهلنه وبالعرب من يعترض
البعض مستحب عدها وعدنه واجب هالفرض
السيف عالعاند نِحَكمه البالحچي ما يِتعض
واحد آنه ويعني هذا من غَضب هاشم بعض

حسينيٌ أنا    حسينيٌ أنا
وبسبيل الحق جهادي
حسينيٌ أنا    حسينيٌ أنا

———

اليوم جيش الكوفه هذا شما كِثر وشما يزيد
يِخْلَص أعله إيد الهواشم وإنت مدهم يا يزيد
إنريد إحنه ننصر الحگ وإنت للباطل تريد
هذا لسلافك عِجَزهم ومثل ما بادوا تبيد


حسينيٌ أنا    حسينيٌ أنا
وصيدي إرگاب وأيادي
حسينيٌ أنا    حسينيٌ أنا


الشاعر : أبو زينب علي الظالمي

بصوت. مسلم المطيري

حسيني. انا. حسيني انا


كلمات الشاعر
ابو زينب الظالمي