بصوت. مسلم المطيري

اخذني وياك وين تروح اخذني

كلمات الشاعر
عزيز المياحي

دموع الوحده
هايروحي اشحاله كلب الفاكد
هايروحي مابكالج واحد
اصبحت ضلمه الديار راح وي اهلي النهار
××××
ياروحي لتبطلين زيدي الونين ونين
عاالفاركوني
من حملولحمول ياروحي مامعقول
اهلي نسوني
جلبت باالركان وانه بكلب لهفان
بس ماخذوني
شكدراوصف الحال باالهودج الاطفال
وي ودعوني
هايروحي لوحدج ضليتي
هايروحي شوغريبه بكيتي
مدري وين الظعن صار اصبحت ظلمه الديار
××××
ماجني من هل البيت من عدهم نعزليت
مثل الغريبه
كل الظعن حسبوه بس اسمي ماعدوه
هاي المصيبه
من كالواتضلين ويانه ماترحين
حاله رهيبه
انه بحلم ضنيت لكن حقيقه الكيت
واكبرعجيبه
هايروحي حايره ومذهوله
هايروحي سافرو معقوله
الكربله ركب اهلي سار واصبحت ضلمه الديار
××××
اصفن واجذب العين ماكول ابوي حسين
يرضه بتركتي
والدي وانه ادريه لن كلبه ماينطيه
يحمل فركتي
لكن تركني وشال وانه على هذا الحال
وتصب دمعتي
اضلم عليه البيت ياللاسف ضليت
انه اوحشتي
هايروحي وحشتي تبرالي
هايروحي فاركاج الغالي
والزمان عليه جار واصبحت ضلمه الديار
×××××
كل خوفي هل الاسباب عن فركة الاحباب
مالهه تالي
صرت بفكر مرتاب مدري ابجي عاالغياب
مدري على حالي
راحو هلي الاطهار للطف ضعنهم سار
محدبكالي
الماضنتي يغيبون ضلويروحي شلون
بس بخيالي
هايروحي هل صفيتي وحيده
هايروحي والحباب بعيده
راحت اكبار وزغار واصبحت ضلمه الديار
××××
ماادري مرتاحين لومثلي حزنانين
كون ادري بيهم
ريت اوصل المضعون وبسكته اوصل كون
واسمع حجيهم
لوسولفو لحباب باالطاري هم انجاب
واصعب عليهم
كون انضرابهل العين هذا السفر لاوين
وامشي بمشيهم
يايروحي كون اقبل اجدامهم
هايروحي بيا مكان اخيامهم
خوفي لاتوصلهه نار واصبحت ضلمه الديار

سعدالعبودي

بصوت. مسلم المطيري

ها يروحي.
شحاله گلب الفاگد


كلمات الشاعر
سعد لعبودي

خذني اليك

ياللي عايش وحدك   تبچي دم إلجدك 
                  خُذني إليك
جبت دمعي ابخدي   يا حبيبي المهدي      
              خُذني اليك
يامهدي يامهدي... خُذني إليك
_

وين ما ألتفت أسمع كلهم إيلوموني
وآنه ما ٱشوفن الوادم إنته بس بعيوني
آنه بين أهلي واعيشن غربتك بِضنوني
لاهُم إيدلّوني بيك ولاهُم إيعوفوني

آنه عايش غُربه    ابهالحياة الصَعبه    
               أسأل عليك  
غيرك إنته اشعندي   يا حبيبي المهدي   
                خُذني اليك
يامهدي يامهدي... خُذني إليك
_

هل مُحرّم و إنته روحك هالشهر ماذيها
فرق نسمع عن طفوفك و إنته عايش بيها
خلص دمعك علىٰ ايتامك  رايد اتطفّيها
خاف لا عمتك رقيّه  هالجمر يچويها

خل اعيش إمصابك  خادمك يم بابك   
               ما بين اديك
ابحزني يمّك أبدي  يا حبيبي المهدي 
                 خُذني اليك
يامهدي يامهدي... خُذني إليك
_

إنته كل لحظه التمرّك چنها يوم العاشر
اتشوف بصدور اليتامه  أثر دوسَت حافر
و آنه كل يوم إليعدّي   الجيتك أنطر باچر
خلص چم باچر ابعمري وآنه اكسر خاطر

غيبتك مو سهله    كلت عمري كله
          ابحسره أجيك
اوياك حافظ عهدي  ياحبيبي المهدي    
            خذني اليك
يامهدي يامهدي.... خُذني إليك
_

ابهذا عاشور المُصايب ساعد الله اعيونك
تسمع أصوات اليتامه  إلثارك اينادونك
الناس من كثر الذنوب إلبيها ما يردونك
وآنه رغم اذنوبي اريدك عبدك ومجنونك

انته غافر ذنبي    انته نور ابگلبي
           وكل روحي بيك
منو غيرك مُهدي  ياحبيبي المهدي 
               خُذني إليك
يامهدي يامهدي... خُذني إليك
_

آنه أتعنّه المجالس بلكي اشوف آثارك
انته ابو المجلس او أشعر من اجي خطارك
خادم إقبلني يمهدي  من تگوم إلثارك
خاف ما استحق جندي خادم أكنس دارك

سيدي تانينه   ابرحمتك غطّينه   
               مستنظريك
لو أظلن وحدي   ياحبيبي المهدي
            خُذني إليك
يامهدي يامهدي... خُذني إليك


الشاعر
كريم التميمي

بصوت. مسلم المطيري

ياللي عايش وحدك


كلمات الشاعر
كريم التميمي

بصوت. مسلم المطيري

عيني اعله الظعن وايدي اعله گلبي


كلمات الشاعر
رائد الناشي

بصوت. مسلم المطيري

ابوذيه
(نسمت شوگ)

ينسمـت شـوگ والـعـاشـگ  .. شملهه
وحـنـانـك كـلـهـه خِـدّامــك  .. شملهه
يـبـو الـسـجـاد مـن تـجـمـع  .. شملهه
.
الــخَــدم ويّــاهـم اتـصـدق عـلـيــه

*-------------------------*---------------------*

✍خادم الحسين ع
الشاعر رعد الجريخي

بصوت. مسلم المطيري

ترى الناس سكارى
وماهم. بسكارى
ولكن أبا الفضل على الاعداء غارا


كلمات الشاعر
رائد الناشي

يلا علكوا الرايه .. هل محرم قادم
للطم وقرايه .. هل محرم قادم
***
هالمجالس بيها دارس  عشك شيخ الساده
عشك فطره  وعاده عدنه  ومانبطل العاده
لابو فاضل  كلبي ينبض  عشگي امير القاده
واليطلبه  بشده طايح  منه نال مراده

وللمجالس هايه .. هل محرم قادم
للطم وقرايه .. هل محرم قادم
***
حسين عدنه  الخدمة جنه  ونفتخر خدامه
بالخدامه  نشد حزمنه  ونلطم اعلى الهامه
ولمحرم  جيته نهتم  قربت النه ايامه
واليضدنه  وبينه يشكل  خل يضل بأوهامه

تضدنه ناس هوايه .. هل محرم قادم
للطم وقرايه .. هل محرم قادم
***
هالشعيره تسري بينه  تمشي وي دمانه
كلب واحد  كلنه صرنه  وخل يرف لوانه
الما يعجبه  اللطم گله  شجابك انت ويانه
احنه ناس  نحب دمعنه  ينزل لمولانه

وللدمع شرايه  .. هل محرم قادم
للطم وقرايه .. هل محرم قادم
***
بينه حسره  وبينه جمره  وياهو اليطفيها
يهل محرم  والليالي  بالدمع نحييها
هاي عيني  وعلى حسيني  اليوم اريد اعميها
ومايهمني  حجي العالم  بينه جا شعليها

وبالايام الجايه .. هل محرم قادم
للطم وقرايه .. هل محرم قادم
***
هاي نعمه من ابو اليمه  خادمه مخليني
وين الكه  العنده اخدم  وملك مسويني
ماوكفت  ابابه حاير  شماردت ينطيني
اله ترخص   كل حياتي  وما اوفي بديني

والخدم وفايه .. هل محرم قادم
للطم وقرايه .. هل محرم قادم
***
نذر عمري  سنيني كلها  فدوه لابن الزهره
الماله دمعه  بالمٱتم  بعد شله بعمره
هذا عشكي  وي المجالس  وياها صارت عشره
عشك عذري  من الولاده  وهذا عشك الفطره

حسين نمشي برايه .. هل محرم قادم
للطم وقرايه .. هل محرم قادم
***
تمت
احمد الخفاجي

بصوت. مسلم المطيري

يلا علگوا الرايه. هل محرم قادم


كلمات الشاعر
احمد الخفاجي

حسينا واحسينا حسينا واحسيناه

----------------------

حياتي بلا خدمتك خير ما بيـــــــــهه
دمعتي بلا ضريحك وين اوديـــــــهه
مذنب والخجل يمنعني حتى انخاك
بعدها بگلبي وانته الحاجه تگضيهه

---------------------------

اريد اشبع عطر من چف ابو الغيـــره
يم راعي الحميه الما خلص خيــــــره
يم باب الحوائج روحي كون اليـــــوم
لا هم اليظل بگلبي لا حيــــــــــــــــره

-----------------------

انا بدونك اعيش بــــــــــــدون المروه
لا خير اليجيني وبلوتـــــــــــــــي بلوه
أنا بلا خدمتك يحسين اروحن ويــــن
لا قيمة لحياتي وكلشي مــــــــــا أسوه

------------------------

اذا بيه مرض اوگف على اعتابـــــــك
واحلفك بالعقيله وداعت مصـــــــابك
انا ادري الحلفك بالزهره تبقى ويــــاه
عجز دكتوري مني وگاصد لبابــــــــك

،،،،،،،،،،،،،،،،،،،،،،،،،،،،،،


اريد احظن هواك من ادخل الحضره
يريحانة محمد وامك الزهـــــــــــــره
اوصل يم ضريحك والزم الشبـــــــاج
واسولفلك همومي وعيشتي المـــــره

،،،،،،،،،،،،،،،،،،،،،،،،،،،،،،،،،

اذا خلصت حياتي ولو گرب مــوتي
اريدك بالمنازع لو سكت صـــــــوتي
اخاف من الذنوب ولو حضرت هناك
يصير الگبر جنه وزفه تابـــــــــــوتي


لخادم الحسين / رعـــد الفريــــــجي

بصوت. مسلم المطيري

حسينا واحسينا. حسينا واحسيناه


كلمات الشاعر
رعد الفريجي

بصوت. مسلم المطيري

#ابوذيه

محملين وضعنــه شـــال عنك
يگلبــي المنِيِّ گـــــوه شالعينك
عمت عيني يخويه شال عينك
السهــم جا بيمن تعاين عليــــه

رائد الناشي

يسالوفة الخــوة وذيـــچ الايـــام
صفت اختك غريـبه بديرة الشام
الـــك حنيت
تجي اتمنيت

صفت اختك غريبه بديرة الشام
........
 
مشتــاگتلك بگــد ماحزن بيه
ابگد ماباليسر صاحو يمسبيه
العــلويه اذا ماتـت يبو فاضل
وجوبا ســيد اليــدفن العلويه
 
يالمتروس غيره وكلك احساس
بـــيدك كـــــون تدفنــي يعباس
شكثر ناديت
تجي اتمنيت

صفت اختك غريبه بديرة الشام
...........
 
اشمك رايده واستنــشق احساسك
وگبل ماموت اترس ريتي بنفاسك
البگه براسـك بــعد مــوتي يگلولك
ولو مهـــشوم خـويه بكربله راسك
 
منو ايوصل الكبرك يالاخــو الصوت
الاخــــت تفرح بخوها حتى بالموت
بغرب حسيت
تجي اتمنــيت

صفت اختك غريبه بديرة الشام
.........
 
يبـعد اعيون اختـــك يابو المروه
خدي امن البواچي يالاخو اتچوه
من يـوم الرحت للـــماي ياعـباس
الزمان اخلاف عينك سوه ماسوه
 
ادري الســـالفه اتـاذي يكـــفال
عگب عيناك شدو ايدي بحبال
صحت وبچيت
تجــي تمـــنيت

صفت اختك غريبه بديرة الشام

 .........
اجروحي اهواي عگبك من يداويها
وهــالوادم ملـــح عبـــاس تـــدريها
الشمــر لمن رحــت موتنـــي ياكفال
متت من صاح زينــب راح نســبيها
 
تدري شلون صعبه صـــعدت النوگ
شلون اصعد وچفي خويه محروگ
بدموعي انخيت
تجــــي اتمـنيـت

صفت اختك غريبه بديرة الشام
...........
 
زينـــب واختـــك الوادم يسموني
ردت تدفني بيدك ياضوة اعيوني
اذا الله قســملي وجـيت ياعباس
مـن تدفنـــي بالـــك تلزم امتوني
 
وحق يمــــناك يابو الغـــــيره والجود
امتوني امن الظـرب يابو الفضل سود
اذا ونـيــــت
تجي اتمنيت

صفت اختك غريبه بديرة الشام

 .........
ابالي يابو فاضـل ضلــت احچايه
تجيني وكون فوگك تخفگ الرايه
ماجرحك واسئلك يالاخو عالجود
ثـــق العلــگمي ماســولف ابــمايه
 
اذا مابيك جيه خـويه معذور
هواي الصوبنك يــوم عاشور
اذا اتــوفيت
تجي تمنيت

صفت اختك غريبه بديرة الشام
…… ..
حيدر تركي الكربلائي

بصوت. مسلم المطيري

يسالوفة الخوة وذيچ الايام


كلمات الشاعر
حيدر تركي الكربلائي

بصوت. مسلم المطيري

#ابوذيات

المهر من ردلي خالي باد ..چم حيل
اركضتله امن اعثر يصيحون. چم حيل
اشلگيته اشچم فتگ بالصدر . چم حل
   شلم من البقه وما بي بقيه


لاهي بذيچ حسباتي.. لهــي بهاي
الحرگ كلما گضت خيمه.. لهه بهاي
اطفّــي بذيج يلسعني.. لهب هــاي
     خَفت ورماد مصبوغات اديه


ثاير الربيعي.

حل الظلام والخوة كلها اتجمعت
حل الظلام زينب تودعهم اجت
تودعهم بدموع العين
عباس الكافل وحسين
ا........................

ليلة العاشر سكون
ساكنه كل العيون
وكلشي ساكن في خيمهم
تركز وتسمع كلام
بالسجود وبالقيام
تلگا ترتيل بهمسهم

بهالظلام وهالحضور
خيمة طالع منها نور
كل ضوة الكون بوجهم


وسط الخيام.. جن الصبح بيها طلع
وسط الخيام. منهم ظلام الطف رجع

بالخيمة طلعت شمسين
عباس الكافل وحسين

.............

من الخيم ننطي دروس
باجر الحرب الضروس
هذي ليلتنه الاخيرة

باجر ايحل الذهول
عالجثث تسحگ خيول
تسحگ بشيخ العشيرة

ينخطف لون الربيع
من يذبحون الرضيع
ويفتح عيونه المصيرة

بحضنه وينام. عبد الله وابدمه فرش
بحضنه وينام. نايم رضيع أمن العطش
من دم احمر تبجي العين
عباس الكافل وحسين
.............
سولفت زينب دموع
تنطفي باجر شموع
الخيم باجر شمعنه

تحترگ وكت الظلام
أخوتي كلهم نيام
بس جثث يمهم گعدنه

أوصل شلون الحسين
وهو مگطوع الوتين
شگد وصل مگطوعه منه

شگد حرام. أخوية جثة مگطعة
شگد حرام. فوگ التراب موزعة
همه الهدو حيلي اثنين
عباس الكافل وحسين
..............
باجر شعظم المصاب..
حسين المه أمن التراب
من الطفوف اجمع عظامه

باجر تشوفة البتول
تسحگ بصدره خيول
وهو عينه اعلا اليتامه

باجر الاكبر يغيب
وما يضل شبه الحبيب
دمه ينزف من سهامة

بس السهام. تشوف اعلا جثته نابته
بس السهام. ما تلمحة بكل هيئته
كل واحد سالبني سنين
عباس الكافل وحسين
..............
باجر الكافل يروح
بالخيام تضل جروح
واليتامى اتضل حيارة

يحترگ غيره الكفيل
تضما زينب مستحيل
عالضما مشتعلة نارة

يشتعل بالغيره نار
وعينه بس تهل شرار
امن الشريعة يجيبه ثارة

حد الخيام.. من النهر واصل ضما
حد الخيام.. واصل ونين الفاطمة
يمهم شط وعطشانين
عباس الكافل وحسين
............

عباس هلال

بصوت. مسلم المطيري

حل الظلام
والخوة كلها اتجمعت


كلمات الشاعر
عباس هلال

يحسين وياك وياك..ثابــت عهدنه يحسين
يحسين وياك وياك..نصنع مجدنه يحسين
سر يقيـــــــــــن المعبود
يحسين بشخصك موجود
يحسين وياك وياك..ثابت عهدنه
......................................................
صوت أمن الضماير ردده الوجدان
يا سر الوجود وحكمة الرحمن
يا كوكب عرش يا مركـــز الأكوان
ألك فدوه العمر يابو علي وقربان
وتوسط ميدان أنصاره
وبيمينه هلهل فقاره
هوس واستبشر لحسين
وسمعت زينب كل أخباره
عهد الله عــاهدناك..يرخص دمانه
يحسين وياك وياك..أنصون الأمانه
بالدم نوفـــــــــي العهود
يحسين بشخصك موجود
يحسين وياك وياك..ثابت عهدنه
.......................................................
بــــــــــسم أخيام زينب بسمل البتار
وبــــــــــشيبة حبيب وغيرة الأنصار
نزل شيخ العشيرة ودك صدى الأنذار
وكف وكفة جبـــل والجيش بيه أحتار
هلهل سيفه وشد الراية
هوس لحسين ودك ثاية
يا رحمة ألله ويا خير
أنته المقصد وانته الغاية
عالفطرة حبينــاك..وبسمك هتفنه
يحسين وياك وياك..عزنه وشرفنه
بسمك خطينه أحـــــدود
يحسين بشخصك موجود
يحسين وياك وياك..ثابت عهدنه
.......................................................
ركض شيخ العشيرة ركضة الهادود
وكوطر عالزلــم وكفة كطه وصايود
صاح بصوت وينه الزلمه والبيه زود
شحده اليوصل حسين او أنــه موجود
كل عمري شراي طلابه
للموت أتعنــــه وما هابه
اليوصل حد راعي البيت
يتشاهد يله ايــــــدك بابه
يا محلى الموت وياك..ومحلى الشهادة
يحسيــــن وياك وياك..عـــزم او أرادة
راسي وجفينـــي أشهود
يحسين بشخصك موجود
يحسين وياك وياك..ثابت عهدنه
...................................................
عابس من شهد شيـــخ العشرة طاح
وسهام وعساكـــر حاوطت وارماح
نزل هــــد فرقاها بسيفه والكل زاح
وكف شك ثوبه كلهم وبجنونه صاح
الكل تسمع واتشوفوني
هذا أنــه وبالدم حنوني
الما شايفني وما يعرفني
مجنون حسين أيسموني
يحسين أهواك أهواك..وبانفاسي اشمك
يحسين أوياك أوياك..وبروحي اضمك
الموت بحبــــــك مريود
يحسين بشخصك موجود
يحسين وياك وياك..ثابنت عهدنه
.......................................................
وهب شد عزمه من عجت زلم والخيل
زهيــر بضهره دك ضهره ويشد الحيل
جون اعله الخيم يفتر نهار وليــــــــــل
وجان الموت خطوة جـــــدم مثل السيل
واحدهم طاح أعله الثاني
وعباس يكلهم يخواني
بدرب حسين أيضل الشاهد
دم المسلم والنصراني
بحماك أنضل بحماك..يحسين صحنه
يحسيـــن وياك وياك..متنه وربحنـــه
انصارك والطف معهود
يحسين بشخصك موجود
يحسين وياك وياك..ثابت عهدنه
.................................................
خادم خدمة الحسين
الشاعر
محمد الموالي