*بشأن الامام الحسين عليه السلام*

🚩🚩🚩🚩🚩

*حرت وعيوني تنظر للفجيعه*
*صدگ مذبوح اخويه ويارضيعه*
*اريد تجاوبوني*
*اريد تجاوبوني*

&&&&&
حيقيقه جاي اشاهد مدري احلام
اشوف ابن امي گلبه ممتلي اسهام
گلت بلكي الأشوفه يطلع اوهام
ولا باوع حبيبي يون بالآلام

*تنزف كل جراحه ابن الوديعه*
*صدگ مذبوح اخويه ويارضيعه*
*اريد تجاوبوني*
*اريد تجاوبوني*

&&&&&
شفت الدنيا عتمه والگمر غاب
لن زلزال نازل والولي انصاب
وملاك السمه تنادي يالحباب
احسين انذبح ودمه له اخضاب

*مرمي عالثرى جثه صريعه*
*صدگ مذبوح اخويه ويارضيعه*
*اريد تجاوبوني*
*اريد تجاوبوني*

&&&&&
اتعنيته بلهفتي وگلبي حيران
واطراف العبايه كلها نيران
شاهدته يون مرمي اعله تربان
چبده موذره وشفافه ذبلان

*عنه ليش منعوها الشريعه*
*صدگ مذبوح اخويه ويارضيعه*
*اريد تجاوبوني*
*اريد تجاوبوني*

&&&&&
جرحك يالاخو ذوب دليلي
شلون اهل الظلم هدمو حيلي
من شفت الشمر زايد عويلي
بنعاله اعله صدرك ياخليلي

*والرأس اعزله بحاله شنيعه*
*صدگ مذبوح اخويه ويارضيعه*
*اريد تجاوبوني*
*اريد تجاوبوني*

&&&&&

وگفت يم جثته اعاين الصار
صدگ كسرو اضلوعه گوم الشرار
وداسوه بالحوافر ودمه طشار
لا خافو من الواحد الجبار

*بالله بياذنب هاي الفجيعه*
*صدگ مذبوح اخويه ويارضيعه*
*اريد تجاوبوني*
*اريد تجاوبوني*

&&&&&
دموعي اتفجرت والأمل گطعوه
من شفت الرضيع الرأس شالوه
بسهام الغدر ومن امه فطموه
ست اشهور ما كمل اوذبحوه

*ضاگت عيني بالدنيا الوسيعه*
*صدگ مذبوح اخويه ويارضيعه*
*اريد تجاوبوني*
*اريد تجاوبوني*

*بقلم الاخوات*
*عاشقة الولاية*
*و __ام وبذور السكيني*

*نسألكم الدعاء*

بهذا الطور👇🏻
حرت وعيوني ماتنشف دمعها
https://telegram.me/joinchat/C0L9qUBUHKWM3eHf6Vo0Kg

مسلم المطيري

حرت وعيوني تنظر للفجيعه
صدك مذبوح اخويه ويا رضيعه

كلمات /الشاعرة عاشقة الولايه
الشاعرة/ام بذور السكيني

قصائد الزهراء ع ((مواساة امير الؤمنين ع))

وآسوني وآسوني بالزهره وآسوني

آنه علـي بصبري العجيب تعـرفون
ياشــيعتـي وبهـــذا حــالي تــدرون
امصاب الفجعني ماجره بكـل الكون
كل المُــصايب يــمي يانــاس تــهون

فجعوني فجعوني ياشيعه فجعوني

زهــرة حــياتي ذبلــــت ابــاب الــدار
وانسطرت وصـوب صـدرها البسمار
ضـلت تنــادي بـويه لوتـدري شــصار
ريتــك تشـاهد بضعـــتك يالــــمختار

خلوني خلوني بالحسره خلوني

نـادت يا أصــحاب الـغدر ياضــلام
بهذا الـفعل مـنكم (بريء الاســلام)
مصايب شفت لوصبّت اعله الايام
صــارت لــيالي بـــكثر هـاي الألـم

تدروني تدروني بياهضم تدروني

وصتني بـت الهادي بآخر أنفاس
گلتلي يابو الحسن ياراعي الباس
ياحيدر بليــل وبعد عيــن الناس
أدفني ﻻ تحضرني هاي الارجاس

بعيوني بعيوني دم دمعي بعيوني

غَسّلت بيدي الطاهره بدمع العين
لن الحسن مفجوع بمـصاب البين
بعـيني شفت قَـبَّل قدمها الحـسين
لن صوت (نَـحي ياعـلي هالحـسنين)

نادوني نادوني بالوعه نادوني

بلـيل ادفنـتها وشيعـتها بــنوحي
وتهـدمت بعد الـوديعه صـروحي
شلون أصبر وبالترب زهرة روحي
جانت تواسيني وتـضمد جـروحي

صابوني صابوني بالغدر صابوني


وزن النص (ميمر)

خادم اهل البيت ع
الشاعر زيد الكاظمي

https://telegram.me/joinchat/C0L9qUBUHKWM3eHf6Vo0Kg

مسلم المطيري

واسوني واسوني بالزهره واسوني


كلمات الشاعر/زيد الكاظمي

هَــد حيلــي الضلــع يـا فضـه هَــد حيلــي
ﮔـومـي أعلــه المشــي مــا بيـــه تـﭽيلـــي
مـا ظَــل حيــل بيــه * صيـريلــي تـﭽيـــــه
ـــــــــــــــــــــ
مـا أﮔـــدر أَصَــل للــمــاي وأتـــوضـــه
وصلينـي أعلـه هــونــﭻ بـالله يــا فضــه
أبفـرصـة عصرتـي راد النــذل يحضــه
دفـع بـابـي أعلـه ضلعـي بقوتـه ورضَّـه
سِمَـع وَّنتــي وتِلــذذ حيـل بـالــونَّـــه خلـف ألـبـاب أمـوتــن ﭽــان يتمنـــه
تمنَّــه المــوت اليـــه
صيـريلــي تـﭽيـــــه
ـــــــــــــــــــــ
أداري أمصيبتــي وأتلحــف أبصبـــري
أداوي أجـروحي فضه بدمعتي التجري
تعالي وشوفـي حالي وزرف البصدري
مــن بسمـاري نــاري بـالـﮕـلب تسـري
يـا فضـه الألـم بـﮕليبي ﭽـالجمره
مـا ينفــع ونيــن أويـا ولا حســره
ثِـﮕـَـل حملـي عليــه
صيـريلــي تـﭽيـــــه
ـــــــــــــــــــــ
يـا فضـه الـوجـع صدﮔينـي مـا يـرحــم
بـس الله أبمصـابــي ولــوعتــي يعلــــم
أنـــام أﮔـعــــد أﮔــومــن منــه أتـــألـــم
جفنــي أمنـالــوجــع للنـــوم مــا سَلـــم
يـا فضه الألـم مـا عنـده كل رحمه أﮔضي الليـل لـﭽمه وأبـأثـر لـﭽمه
وأتمنــــــه المنيــــــه
صيـريلــي تـﭽيـــــه
ـــــــــــــــــــــ
بيَّـه أجـروح يـا فضـه أشكثـر تِــدي
سـألـي أوسادتـي وتحـﭽيلـﭻ أشعـدّي
أمنـالسطره عليهـا مــا أحــط خَــدّي
يــوميــه أتمنـــه أتـــوســـد أبلحــدي
الحـﮒ والـدي أتمنيـت ﭽـم مَـره
أشكيله أعله ضلعي وكسره والسطره
وعـن هـاي الـرزيـه
صيـريلــي تـﭽيـــــه
ـــــــــــــــــــــ
عَلَــيْ صعبــه يفضـه فــرﮔــة أبنينــي
أوصيـﭻ أبعلــي وبيهـــم بعـــد عينــي
أحس وصلت منيتي ويعـرﮒ أجبينـي
راح ألحـﮓ أبــوي وألحـﮓ أجنينــي
جنيني الما غفه بحظني ولا لحظه
أريد أهناكَ ﮔلبي أيحظنه ويعوضه
وتشبــﮕـــــه أديَّـــــه
صيـريلــي تـﭽيـــــه

.كريم الحاج فليح

https://telegram.me/joinchat/C0L9qUBUHKWM3eHf6Vo0Kg

مسلم المطيري

هد حيلي الضلع يافضه هد حيلي
كومي اعله المشي مابيه تجيلي


كلمات الشاعر/كريم الحاج فليح

✍#اعكيلي


يلزهره ادخيلج نادينه


خدامج ونظل خدامج
كل ايام العمر ايامج
بلكي الله انخفف الامج
من ننعه ونلطم بيدينه
٠
من ننعه ونلطم يلزهره
واحدنه ايصيح اه ابحسره
رايد بيدي يخسف صدره
نار الحركت بابج بينه
٠
ونار الحركت باب الدار
حركتنه احنه ازغار اكبار
يمته المهدي ايصيح الثار
يلكانه اجنوده انكر عينه
٠
يلغايب وينك يلغايب
شوف شصارت بينه مصايب
الكاسر ظلع امك ماتايب
يوميه ابمحنه امخلينه
٠
نطلب من الغايب طلبه
نظره الهذا البلد وشعبه
بهذلنه الما خايف ربه
لوما المرجع يرحم بينه
٠
الله ايطول عمر السيد
كل جمعه امن الحظره ايردد
سلميه وكل احنه انئيد
من جور الظالم ملينه
٠
#الشكرلله خادم الزهراء ع ملا علي
٠ https://telegram.me/joinchat/C0L9qUBUHKWM3eHf6Vo0Kg

مسلم المطيري

يالزهره ادخيلج نادينه

كلمات الشاعر/خادم الزهراء، ع
ملا علي

ابوذيات نعي على الرسول محمد
صلى الله عليه واله وسلم
وماجرى على الزهراء عليها السلام بعده

اباب الزهره من بعدك وجرهه
النار وضيعو حكَهه وجرهه
دفعهه الباب بجفوفه وجرهه
وعشر مرات يعصر بالزجيه
.............
اشهدي يانجوم اسماي يجرام
بيه العاذل ابلا دين يجرام
دفعني وجرني هم يدري يجر أُم
الحسن وحسين والمحسن سويه
.............


أنيني الساكن البيده وأن هَم
وهمه وين من بجيي وأين هم
دفعت الزهره كَالوله وَإن هم
جاوبهم وشب نيران بيه
..............
يبو القاسم تره البضعه يمرهه
شاجر والبجي اخلافك يمرهه
العدو اتعوف البجي بعدك يأمرهه
شلون تعوفه وانت الغاب فيه


ياسر العارضي

https://telegram.me/joinchat/C0L9qUBUHKWM3eHf6Vo0Kg

مسلم المطيري ابوذيات

للشاعر/ياسر العارضي

تقول السیده زینب :

غريبه و ليل ويه الغرب بته
و گلبی من المصایب گطع بته
الهضیمه من شفت یا ناس بته
علی راس السبط ماتت رقیه

سید عبد الرضا القارونی
https://telegram.me/joinchat/C0L9qUBUHKWM3eHf6Vo0Kg

مسلم المطيري ابوذيه

غريبه وليل وي الغرب بته
وكلبي من المصايب كطع بته
الهظيمه من شفت ياناس بته
على راس السبط ماتت رقيه

للشاعر/السيد عبدالرضا القاروني

في حق الزهراء. ع

ذكريات. ثنينه عشناها
ذكريات. ابد ماانساها
بينه. نتقاسم انفاس الهوه
عشت احله ايام وياهه سوه
ذكريات

------------
ماتفارك بالي مرسومه بخيالي
جرح بيه تلجمه ياناس اليالي
انه حتئ الصخر بجيته عله حالي
لاتلومونه الرحل من عنده. غالي

والجروح. البيه شيداويه
والجروح. تلجم. ادريه
ينزف ابروحي يظل جرح الحبيب
سافر وعافاني ياوسفه. الطبيب
ذكريات

---------------
جان بيت ام الحسن يطوي بظواها
الموت ياوسفه اجه مني. خذاها
كون اموتن وندفن انه. وراها
غابت الزهره وطفه النور بسمها

والهموم. فرهدتلي اسنيني
والهموم. كل. وكت تلفيني
عايش ابدنيه. غريب بلا. وطن
ابالي حسبات ويصب دمع الجفن
ذكريات

---------------
جنه احله ثنين تجمعنه السعاده
ونظره من ام الحسن حب وراده
جانت تخلص الوكت كله عباده
راظيه بحكم الدهر تعرف مراده

امنيات. جنه نتمناها
امنيات. بالحلم شفناها
والدهر مايرحم وطبعه الغدر
منين اجيبه بعد ياناس الصبر
ذكريات

---------------
الباب اخذ مني اعيوني ومهجتي
وذبح بين اشفافي غفله ظحكتي
بعد ألمن اشكي همي وحسرتي
راح محبوبي وتركني بغربتي

والمصاب. يجرح ابدلالي
والمصاب. راح مني الغالي
كون وياهه اموت. وندفن
يكطع ابدلالي ياناس الحزن
ذكريات

----------------
بيدي احفرت الحد لم الحسن
وبلليت الترب من دمع الجفن
الدنيه صارت من مشت عني سجن
كمت اشم. اترابه وبجي. واون

والحنين. بسيفه يذبح بيه
والحنين. ليه احن. يوميه
كل ظلع من راحت بصدري انهشم
بقت بس حسره بدليلي وندم
ذكريات

-------------------

للشاعر. رحيم. الصالحي
https://telegram.me/joinchat/C0L9qUBUHKWM3eHf6Vo0Kg

مسلم المطيري

ذكريات ثنينه عشناها

كلمات الشاعر/رحيم الصالحي

((ميمر للخدمة))

للخدمة احن..وابجي ابحزن..وافتح عزة بزينب تون
وبصرختي اللهابة
ايا يحسين ومصابة
#######################
للخدمة والمنبر هلي نذروني
وتهدل ابنص العزة ايحثوني
الحد ما تعلمت العشك لجنوني
اعرفت العشك..يوم الطبك.. وجرح الخيم من تحترك
العاشك يحط اوسامة
بالعاشر اعلة الهامة
#######################
لن الخدمهم من جهنم ميمون
ومن حمزة متعلم التوضع ميمون
جابر يجابر يقرة وية الميمون
جنة حضر..شاف النحر..والخيل تسحك عالصدر
جن شاف ذبح ايمامة
وسامعهة طكت عضامة
#######################
حب الحسين المجلسة دلانة
ونبجي ونون لشفايفة الذبلانة
ولعيون زينب من بقت سهرانة
يوم البجت..لمن بقت..وحدهة والعين انعمت
والوحشة مليانة جورح
منهة اشعجب ضلت روح
#######################
ابجي المصابة مو اجر ويجرني
عبد الزجية ابمقتلة ويجرني
اتمنيت بجفوفي الحبل ويجرني
بيدة الشمر..وشبع سطر..ولاتنجتف ام الخدر
وروحي بحطب حركوهة
ولازينب يطلعوهة
#######################
الله اعلة دمع مصيبتة فاطرنة
شماصحنة يحسين انكسر خاطرنة
وعاشر حزنهم منحسب عاشرنة
ابذكرة البلة..بطف كربلة..واحدنة جن ماتو هلة
ولمن يهل دمع العين
ايحس بيتم بعد حسين
#######################
صبار لوصار الدهر معشوكة
اكلوب الحسينية تضل معشوكة
يبقة الحسين الخادمة معشوكة
يضل مجلسة..وحب عابسة..ولحرارة تبقة المدرسة
ومن العزة اتعلمنة
دم السبط حررنة
#######################
الخادم ذوالفقار الزيدي
https://telegram.me/joinchat/C0L9qUBUHKWM3eHf6Vo0Kg

مسلم المطيري ميمر

للخدمه احن وابجي بحزن
وافتح عزه بزينب تون


كلمات الشاعر/ذوالفقار الزيدي

عن جسمک یبوالیمه متونی
نخیت اهلی وهلی صرعه متونی
من اسیاط العده عابن متونی
ولزگ فوگ الجلد ثوب العلیه

خوات حسین بالطف ماتملهن
اخو الیحدی ظعنهن ماتملهن
اعله ظهر النوگ نصبن ماتملهن
لهلهن ولطم بسیاط امیه.

للشاعر الادیب حکیم القیمhttps://telegram.me/joinchat/C0L9qUBUHKWM3eHf6Vo0Kg

مسلم المطيري ابوذيات

للشاعر/الاديب
حكيم القيم

ودينه دعوه الكل الاقلام//انريد لوحه آمن ارقه رسام
يرسملنه الباب ابدمع وبسمار بي دم الظلع
=====================
بالزياره نقره فاطم الراظيه المرضيه
فاطمه اكثر ظلامه عالكره الارضيه
نلعن ابليس السقيفه الأسود ابماظيه
بياذنب كاسر ظلعهه وخفه النور وظيه
ليش ابجفنهه انخبطت اللوان// وراحتهه كلها ابيت الاحزان
خلصت مثل خيط الشمع وبسمار بي دم الظلع
=====================
فاطمه عاشت يعالم مظطهده ومقهوره
وبيد ارذل خلق الله عالجفن مسطوره
بدقه واحد كون لازم يرسملنه الصوره
هيج تتجازه اليتيمه عالارض مشموره
تكول القهرني ظل يسبني // وأمر على عبده وظربني
مجتف بقه ذاك السبع وبسمار بي دم الظلع
=====================
نامت الزهره بكبرهه مستشهده الصديقه
تكول ياليل المدينه من الألم ماطيقه
مشهد الباب العصرهه شهدو ابتوثيقه
والنكر هاي الجريمه يطير كل توفيقه
مشهد رهيب توثقه الايام// من الكسر ماتكدر اتنام
الباب بحقد ظل يندفع وبسمار بي دم الظلع
=====================
فاطمه الماخوذ حكهه المظلومه والمغصوبه
تبجي والدمعه اعله خدها بكل وكت مصلوبه
ليش هيج يصير بيهه بياذنب مطلوبه
ظلت اتعاني العليمه من السهر متعوبه
بعتبته توكف تبجي وتكول//المحسن ييمه مو دليلول
محسن بجه مقدر الوظع وبسمار بي دم الظلع
=====================
تالي ماتالي حزينه الفاظله نوصفهه
ابابهه شكد حطب جابو ونار حركت جفهه
من وره الدخان كامت ماتشوف ابصفهه
ويلي ظل ينغمي عليهه والدهر ماانصفهه
اوجوه الاجتهه اوجوه شيطان// ظاع الهوه وبابيت دخان
صوت الهه ظل ماينسمع وبسمار بي دم الظلع
=====================
علي مغسلهه بديته شاف الظلوع الزركه
عرف روحه شلون ماتت كتلت الزهره الحركه
البيت ظل ابلايه واهس من راحت ام الملكه
من دفنهه وياهه ماتت جلمت حبيبي بحلكه
ظل ساعه صافن صفنت اعتاب//بظلع الطهر شمسوي ياباب
تدري بعد ماننجمع وبسمار بي دم الظلع
=====================
تمت علاء الزيدي
https://telegram.me/joinchat/C0L9qUBUHKWM3eHf6Vo0Kg

مسلم المطيري

ودينه دعوه الكل الاقلام
انريد لوحة من ارقه رسام


كلمات الشاعر/علاء، الزيدي

يم اللبنين // لا تتانين // ايسي ما يرجع بعد
صار الغروب // وضلمه الدروب // وانتي عينج عالولد
*
ضهرج اشبي منحني الشيب البراسج شني
لا تظنين الحبيب ايرد عالدار
الغالي غافي اعله النهر لا تندهين الكمر
خاف جرح ينلجم وتفكده الزغار
زين اعكدي شيلتج وهله هله بدمعتج
الدنيه من عندج خذت ادري اربع اقمار
يا الاه العالمين عله كلب ام البنين
اجعلها بردا وسلاما تصبح النار

مر الفراك // والنفس ضاك // حزنج وياج انولد
صار الغروب // وضلمه الدروب // وانتي عينج عالولد
*
انتي فاركتي الحبيب وماظن اجروحج تطيب
راح رفعه راسج اليسوه الف شاب
جان لو مر من البعد يصفن بوجها الورد
ومن كثر حسنه الفراشه اتشبكه بالباب
طوله ابد ما ينوصف ذهب واحساسه ترف
ايغار من عنده صبح حته الهوه الهاب
كمر واحله من الكمر امبين بعينه السهر
يستحق كلمه حبيبي واغله الاحباب

كلبه حساس // واسمه عباس // مثله ما اظن انوجد
صار الغروب // وضلمه الدروب // وانتي عينج عالولد
*
جان كل همج يجي وتشبع عيونج بجي
امنيتج الكافل يغمض بيده عينج
حيل ابو فاضل حنين وجان كل ذيج السنين
لو دخل للدار يصرخ يمه وينج
لجن راح وكلشي غاب وصارت احلامج سراب
وماظن العباس يتحمل ونينج
الدنيه حست بالضياع والزمن صاح الوداع
وردتي تحضر هالمسيه كل بنينج

عكب الولاد // كلشي ما فاد // يا وسف راح الضمد
صار الغروب // وضلمه الدروب // وانتي عينج عالولد

جرح زينب لو صحه ياهو يقره الفاتحه
يعني زينب بعد مثلج وين تلكه
بعالم الرؤيه اجت وصاحت بحركه وبجت
اشلون اشم يمه الهوه والدنيه خنكه
يمه تردين الصدك راح دلالي يطك
بعد عكب حسين ما بياش فركه
انه زينب بت علي وحيلي موش الاولي
يعني زينب بس اسم وامتون زركه

شنسه الخيام // لو سبي الشام // كلبي ما يرتاح ابد
صار الغروب // وضلمه الدروب // وانتي عينج عالولد
*



هلبت الكافل يرد لان اذاج البعد
بلكت الله ايجيبلج من كبره تربه
لو مشو بجنازتج حسين يحضر دفنتج
احر من النار والله عليج كلبه
حسين دنياج وهواج صحتي والمدمع خذاج
اشكد تمنيتي يدفنونج بكربه
دوم عينج هامله وسبب موتج كربله
وفركه الغياب جنها عليج صعبه

الجرحه ما راح // بموته يرتاح // اشحال البولده انظهد
صار الغروب // وضلمه الدروب // وانتي عينج عالولد
****
انتي مدرس الضمير وبالوفه مالج نضير
تعجز اقلام الوصف والله بصفاتج
انتي قران الصبر وانتي تسبيح الفجر
وحته جبريل الامين ايحب صلاتج
كالوا لام عاطفه وانتي اهل هاي الصفه
وجانت الايتام تتغطه بعباتج
الدنيه بدموعج تسوم امن اسمج اتخليتي دوم
خاف تبجي زينب وهيه حياتج

صرتي عنوان // الكل الاحزان // لحضه جمرج ما برد
صار الغروب // وضلمه الدروب // وانتي عينج عالولد
**
تمت
تحسين الخفاجي

https://telegram.me/joinchat/C0L9qUBUHKWM3eHf6Vo0Kg