الخطيب و الشاعر الحسيني السيد محمد الموسوي الجابري
(اللهم عجل لوليك الفرج)
انه بجدمي لبو السجاد يديت
وعلى بابه اگعدة طلاب يديت
بين حسين والعباس يديت
المناسك والسعي صاراً سوية
https://t.me/sedmmuhamad

القاسم بن الحسن عليه السلام


دمعــــة حنينــــي ــــ نثرتــهــــا عينـــــــي
يا جاســم اتمنيت ــــ دونــك متت ياريت
دمعـــة حنينـــي ــــ نثرتــهـــــا عينــــــــي
ــــــــــــــــــــــــــــــــــــــــــــــــــــــــــــــــــــ

غصن النبت بالروح ــ طِيب وملاحه يفـــوح
لروحــــي أملهــــــــا
معقوله عنــي تروح ــ رحت وعفت لجروح
تسعــــــر عللهـــــــا
وَنّيت الك والنــوح ــ ونَّــت حمـــام الــدوح
بساعــة وجــلهـــــا
يوليدي يالمذبـــوح ــ دونــك عسن هالـروح
يگـــــرب ٲجلهــــــا

خنجـــــر دمعتـــي ــــ يحفــــر وجنتــــي
يا شمعتي البالبيت ــــ دونك متت ياريت
دمعـــــة حنينـــــي ــــ نثرتــهـــا عينــــــي
ــــــــــــــــــــــــــــــــــــــــــــــــــــــــــــــــــــ

يــا شطبــة الريحان ــ يا طيب الوجــدان
تگطـــــع وصالـــــي
گلبـي استعـر نيــران ــ عالبال ابد ماچـان
حتـــــه بخيـــالـــي
ضنوة ابو الاحسان ــ دامي وعلى التربان
طايــــــح گبالـــــي
موعد زفافك حان ــ لاچن صفــه الميدان
عرســــك يغالـــــي

الحنـــه اعلــه ايـــدك ــ مـــن دم وريــــدك
بسوح الوغى انزفيت ــ دونك متت ياريت
دمعـــــة حنينـــــي ــــ نثرتــهـــا عينــــــي
ـــــــــــــــــــــــــــــــــــــــــــــــــــــــــــــــــــ

ربيتك آنه سنيــن ــ بيـن الجفــن والعيــن
يبنـــي يجاســــم
واذخرتك لهالحين ــ يــاضنـــوة الطيبيــن
يبـــن الهـــواشــم
توفيلي هذا الدين ــ تفــدي النحـر لحسين
بســـوح الملاحــم
تعرف طريقك زين ــ درب الشهــاده منين
تگصدلـــه عــــازم

يبنـــي وذخــرتك ــــ لـهـالشــده ردتــــك
لهذا الوكت ربيت ــــ دونك متت يـاريت
دمعـــة حنينــــي ــــ نثرتــهـــا عينــــــي
ــــــــــــــــــــــــــــــــــــــــــــــــــــــــــــــــ

يبني لزمان الجور ــ عمـرك صفه مذخــور
بساعــة طفوفــــك
هسه اجـاك الـدور ــ ربيتـــك لعاشــــــــور
خلينـــي اشوفـــك
تستقبـــل المگدور ــ لهـــذا الوكــت منـذور
اشهـــر سيــوفــك
نحرك تفايض نور ــ مـــا گصـــرت مشكـور
تسلـــم چفوفــــك

بالدمعـــه عمــك ــــ يمــــــك يكلمـــــك
ماگصرت وفيـت ــــ دونك متت ياريت
دمعـــة حنينـــي ــــ نثرتــهـــا عينــــــي
ــــــــــــــــــــــــــــــــــــــــــــــــــــــــــــــــــ

طيفك يظل ايحوم ــ يبن الحسن للـدوم
كلســـا يجينـــــي
مـا مـر علَيـَّه النـوم ــ مــن غيبِتَك لليـوم
سهرانـــه عينــــي
جازاني دهر الشوم ــ من غَيَّب المسمـوم
تالـــــي يجينــــي
بمصابك المحتوم ــ نحت وبچيت دموم
واشتــــد ونينـــي

اثنيـــن افگدتـــهــم ــــ ذخــري ردتـهــــم
اتعيفوني ما ظنيت ــــ دونك متت ياريت
دمعـــــة حنينـــــي ــــ نثرتــهـــا عينــــــي
ـــــــــــــــــــــــــــــــــــــــــــــــــــــــــــــــــــ

عگب الجـره والصـار ــ ما نشفت الاعبــار
مــن الغــاضريــه
مسبيـــه عــالاكـــوار ــ لا والــــي لا نغــار
من اهل الحميــه
يعصف هوى الاخطار ــ شايــل عذاب ونار
شفـــت الاذيـــــه
ظــل الفكـر محتــار ــ مشبوحه ليك انظار
عفتــــك رميــــه

عگــبـــك ولونــي ــــ يبنـــي وسبــونــي
كل هذا واترجيت ــــ دونك متت ياريت
دمعــــة حنينــــي ــــ نثرتــهـــا عينـــــي



كلمات عمار الراشدي
https://telegram.me/joinchat/C0L9qUBUHKWM3eHf6Vo0Kg

مسلم المطيري

دمعة حنيني نثرتها عيني

كلمات الشاعر / عمار الراشدي

اويلاه يوليدي اويلاه يوليدي
======================
الف واويلاه صحت بدمعتي
ريت كبلك يبني تنحز ركبتي
اشلون اعيش خلاف عينك دنيتي
عمرك بعمر الورد
يبني ومصابك يهد
صدك رايح ماترد     اويلاه يوليدي
======================
ما اشوف خلاف عينك راحه
راح اكظيها دمـــــع و انياحه
وكلبي عكبك يبتلي باجراحه

شلون طايح عالترب
وامك ابين الغرب
ياعلي فراكَك صعب   اويلاه يوليدي
======================
للخيم جابوا يفجع حالك
راس مهشوم وكطيعه اوصالك
ريت اموتن صحت يمه ابدالك

اخلاف عينك ياعلي
راح اظل محد الي
صوت حزني يعتلي   اويلاه يوليدي
======================
شلون اشوفك يبني مخضوب بدماك
وين ذاك السهر يايمه ورباك
ريت اموت اليوم يوليدي وراك

الموت اهون يالولد
كلبي بجفاك انمرد
صدك ماشوفك بعد   اويلاه يوليدي
======================
خذيت روحي يالولد لمن مشيت
سالت اعيوني دمه بكد ما بجيت
اشلون احضنك وانته متوذر صفيت


اشلون احضن جثتك
من السيوف الوذرتك
عذبتني مصيبتك     اويلاه يوليدي
======================
حسن بشير السوداني

مسلم المطيري

أويلاه يوليدي أويلاه يوليدي

كلمات الشاعر/ حسن بشير السوداني

مــن طحـــت يــم النهـر تدري شنهي الي انكسر
ظهر الحسين يا أبو فاضل يا أبو فاضل
*
يا ابو فاضل من رحت صوب الشريعه
بقـه أمنـاطــر جيّتـك روح الـوديعــه
شحالــه لمّــن شـــاف چفينــك گطيعه
ضاگـت أبعـين الاخو هــاي الــوسيعه
ناده يا خويه الگمر بيك اشد انه الظهر
صار نصين يا أبو فاضل يا أبو فاضل

*
تــدري يا خــويه شجـره ذيـچ الظهيره
ابطيحتك ظهــره انكسر شيـخ العشيره
ومن رجع للخيمه شفت أبوجهه حيره
چنــه گلــي صرتــي يــا زينــب أسيره
من أجه وهل مدمعه بعينه شفت المشرعه
وبيهه چفين يا أبو فاضل يا أبو فاضل
*
من رجــع للخيمه يــا خــويه وسألته
گتلـــه ويــن الكافـــل وهلّــت دمعتــه
عينه گالت عـل النهر يا وسفه عفته
أبصفه جـــوده ورايته وچفينه شفته
شفت يا خويه الِأمرْ بالسهم طافي النظر
ماخذ العين يا أبو فاضل يا أبو فاضل

*

خـويه يــا فگـــد الاخــو يسعــر لهيبه
وابد مــا تشبها كــل محنــه و مصيبـه
حسين صارت روحه من بعدك غريبه
نــاده چنــه منين ابـو فاضـــل أجيبـه
يا نظر عيني وعمّت وي سهم عينك طفت
ناده الحسين يا أبو فاضل يا أبو فاضل


*
شگــد رزايـــا مـــرت بــروح الزچيه
مثــل فگـــدك ابــد مــا مــرت رزيــه
طيحتــك اكبــر مــآســي الغاضــريـه
حسين داست صدره بعدك الاعوجيه
هذا يا خــويه الجره حسين گطعوا منحره
بالميادين يا أبو فاضل يا أبو فاضل

*
الشاعر
موسى البديري

مسلم المطيري

من طحت يم النهر
تدري، شهي الي انكسر

كلمات الشاعر/ موسى البديري

الرادود ستار الصالحي:
دخنت نارالحرب محد كدر يطفيهه
كالو العباس طبها وعلي حاضربيهه
*
احتارت الجيمان بيهه انحصرت وماكو مفر
علي الاكبر نزل بيهه خله ضهره اعله الكمر
ياهو يوصل خدر زينب هيه قائد عالمقر
العين زينب ياعلي برواحنه نفديهه

الحومه غصت بالجثث والكاع ماضلت تشيل
مانميز الصوت بيهه زلم لو خيل الصهيل
هايه موسهله القضيه علي طبها والكفيل
اليوم نكطعهه كطيعه وترجع الماضيهه
**
عاليسار وعاليمين الزلم بالنص صارت
شافت العباس هذا وعلي الاكبر حارت
زلزله من السمه عالكاع لمن طاحت
حلف بالعباس الاكبر عمي كون افنيهه
*
حسين ياشيخ المشايخ يابخت بالديره
الكون صار بجفك انته ياحسين اتديره
قائد حسين القياده وماتلوك الغيره
هايه كلمة ياحسين الجيلنه انوصيهه

*
يله ياعمي يالاكبر نجسم الحومه جسم
انته اخذهه الغاضريه وانه عالشام انقسم
اليوم اعلمهه ال ميه والقضيه تنحسم
الشام اعلكه بطرف سيفي امن الوجود امحيهه



الشاعرالحسيني
عيسى الاسدي

مسلم المطيري

دخنت نار الحرب محد كدر يطفيها
كالو العباس طب بيها وعلي حاضر بيها

كلمات الشاعر/ عيسى الاسدي

لطمية للعباس
الشاعر قاسم الساعدي المندلاوي
*******
نبلة وراية وعين     وزنود وچفّين
نبلة وراية وعين وجود     چفّين وضربة عامود
صابن راعي الجود
**************
ملاحم كربله كثرة      نعجز من نحللهه

من شدّة معانيهه      ما ندري اشنعلّلهه

ياهو اللي يعلل ليش      طايع هالفلك ألهه

صِدرَت من اهل هالبيت    يا أسرة اللي توصلهه

من مهد الأمجاد       هالأسرة الهه ابعاد

حِفظت للمذهب لحدود      چفّين وضربة عامود
صابن راعي الجود

***********

عن عباس اذا ندرس       نلگيه معجزة العباس

كِتَب دوره ابحروف الدر     وهوه ابآخر الأنفاس

شارَك كل نبي ابمجده    من اغضب ابو النوماس

لولا التضحة ابروحه     چا دينه السماوي انداس

كل هذا القدّم         خَطّه ابفيض الدم

نُصرة هالدين المقصود     چفّين وضربة عامود
صابن راعي الجود

************

إذا ناخذ سهم عينه          نلمس بيه أمر واحد

كل الباقي عنده ايهون        لَجل الخالق الواحد

چفّين وعمود الراس          لاچن بالگب خالد

سهم اللي گصد جوده      وسكنة تتنه مي بارد

هالموقف أذّاه        ماي اسكينة ادواه

يوصلهم هوه المقصود     چفّين وضربة عامود
صابن راعي الجود

*************

أذا يتألم السكنة         والحال الضمه البيهه

اللوعتهه بعد شيگول     وخصمه ابسوطه ياذيهه

يتيمة وضامية ابغربة       ودارت دايرة اعليهه

تصرخ بس جثث يمهه           منهم من ينجّيهه

تبچي اعله الوليان        ما يَمهم دفان

باچر تتقيّد بقيود      چفّين وضربة عامود
صابن راعي الجود

*************

مدرسة الجهاد اضحن        عين وهامة والچفين

وتاريخه حِمل موقف       عن راية أبو الحسنين

سانَد عن گلب ثابت     يوم الطف اخوه حسين

شجاعة حيدرة عنده         چنّه هوه ليث احنين

مذخور الهاليوم       هز ابسيفه الگوم

عنده الهاي الساعة اعهود    چفّين وضربة عامود
صابن راعي الجودhttps://telegram.me/joinchat/C0L9qUBUHKWM3eHf6Vo0Kg

مسلم المطيري

نبله ورايه وعين وزنود وجفين


كلمات الشاعر / قاسم المندلاوي

نزله للعباس ع
يازينب شني الماي يازينب
عباس واسمي سكاي يازينب
وداعة ام الاربعه الا اجيب المشرعه
يازينب يازينب
@@@@@@@@@@
من الخيم اطلع يرف بيدي اللوه
انه والجربه ومهرتي انطب سوه
الزلمه بيهم خل يشم يمي الهوه
سيفي اسرع علركب من الضوه

يازينب تامرين يازينب
فدوه اغدي للحسين يازينب
لمن اقرا القارعه...الا اجيب المشرعه
@@@@@@@@@@@
ياهو كلج طايح بصف الفرات
هو طاح بصفي ويريد الحياه
كون زلمه الماي جا مو بيدي مات
كطره كطره بسيفي سويته شتات

هو وهاي الاحزاب يازينب
صارو جوه التراب يازينب
والسماء السابعه ...الا اجيب المشرعه .يازينب

@@@@@@@@@@@@
لا تخافين العطش مو فد عناء
رايح اذبحلج نهر دفعه بلاء
غير اغركها بجربتي كربلاء
فدوه اروح الاسم بت خير النساء

جايبلج شط اوياي يازينب
واهديلج نهر ماي يازينب
والشمس ماطالعه ... الا اجيب المشرعه .يازينب

*
الا اجيب النهر يم رجل الرباب
يكلها شربي الماي لا صيرن سراب
غير يم الخيمه اعلك جروفه باب
انه موجود الكمر بالسمه غاب

وبرجلج تدوسين يازينب
شط يمج تعطشين يازينب
انه سيد الواقعه ..الا اجيب المشرعه.. يازينب

بكصتي ماي يروي جيش الكافرين
لجن رايح للنهر كطعت ادين
مواعد امي انطيج جفين ويه عين
كالت انته لاترد ردلي الحسين

سجليني بخدمكم يازينب
وين الكه مثلكم يازينب
وهاي خواني اربعه ..الا اجيب المشرعه يازينب
**
انتي كولي اشرايده اعتبري اجاج
الماي اخزرنه ركض يركض وراج
جاي اسولف بي واشوفنه اعتناج
جروفه تتوسل تكلج فدوه هاج

شربيني دخيلج يازينب
شتدرين بكفيلج يازينب
شال بيده ورجعه ... الا اجيب المشرعه ..يازينب
*
زيد عدنان الزيدي

مسلم المطيري

يازينب شني الماي.... يازينب


كلمات الشاعر/ زيد عدنان الزيدي

[٩/‏٧ ١٦:٣٧] ام فاطمة:

قصيده نصيحه لمعزيات الزهراء


لاتنسي ان كل صاحبة عزاء تحضر عزاها
فليس من المعقول ان اخجل من جارتي حتى لاتراني ونا اضحك او حتى ابتسم ولا اخجل من الزهراء
كما احترم حضور عزاء جارتي واقاربي يجب عليه احترام
عزاء شفيعتي
التي تحضر يوم القيامه لتلتقط شيعتها ومعزيها
وتدخلهم معها الجنه ،،،

اهديهه الى مولاتي الزهراء
🖊🖊🖊🖊🖊🖊🖊🖊🖊🖊
يخيه لو اجيتي المجلس حسين
مكياج اعله وجهج لاتخلين
امه تحضر هناه
وخته اصيح وبلاه
ونتي بياوجه ليهن تطبين
مكياج اعله وجهج لاتخلين



كلمن تحضر المجلس تحسب
امه حاضره والدمع يسجب
ونتي جايه اسوين واجب
هم باجر تو افيج
اذا دار الوكت بيج
وتحضر ليج ياليها تحضرين
مكياج اعله وجهج لاتخلين

اكو بيهن يخيطن ثوب الخفيف
ويكولن نخيطه نريد على الكيف
انريده المحرم يالف حيف
يتلامع وشفاف
ومفتوح من الجتاف
لميتج كون هم هيجي تخيطين
مكياج اعله وجهج لاتخلين


من تنوين للمجلس يخيه
اذكري مو عرس هذا عزيه
لاضحكين جنج ناصبيه
تجرحين العقيله
والمدمع تسيله
وكلبهه من الحزن مفطور نصين
مكياج اعله وجهج لاتخلين

خيه بالعزه حضري حزينه
وكلبج مشتعل ناره ونينه
نوحي عالذي ذبحو جنينه
امه تريد تنعاه
جي ماحضرت وياه
مهمومه وحزينه وتهمل العين
مكياج اعله وجهج لاتخلين

وني ولطمي للي يشفعون
ولو ننعالهم هليهه العيون
اهل زينب تره الركاب يسوون
اهل البيت همه
للمظلوم رحمه
ونتي جايه ليهم تواسين
مكياج اعله وجهج لاتخلين

سجلي اسمج وحطيه هاليوم
ويه العازن الزينب وجلثوم
تره روح الزجيه بالعزه تحوم
مثل طيره بلا جناح
وكلبهه موجر وناح
حني الحالهه وعليها تبجين
مكياج اعله وجهج لاتخلين

خلي تحطج الزهره بسجلهه
معزيه جايه بحسين الهه
تره بيوم القيامه احنه بملهه
نكلهه بحزنج احنه
شاركنه ونحبنه
ونريد بشدايدنه تشركين
مكياج اعله وجهج لاتخلين


ناعيه الحسين ام فاطمة الزهراء

مسلم المطيري

يخيه لو اجيتي المجلس حسين
مكياج اعله وجهج لا تخلين


كلمات الشاعرة/ فاطمة الزهراء

قصيدة لطمه ثلاثية ليلة 7 محرم

أنـت الجبتنـي آويـاك للغاضـريـة
تاليهـا ياعبـاس رحـت مـن أديـة

1
زينب واجيت آوياك حرة وأميـرة
وأنـت إلـي كفــال ليــث العشيـرة
تالي وكعت بنـاس ماعدها غيـرة

للساعــة ياعبــاس متشمتــه بيـــــه

2
مــن غــادرت للمــاي يبن الصميدة
كتــلك يخويـــة المـــاي لا ما اريدة
جني أعلم من أتروح أصبح وحيدة

تالــي حجــر وسيــاط اشكـــف بديـــه


3
الخوه خويه تريـد غيـرة ومحنه
وأنت يماي العيـن خيمـة وتلمنه
أعلـم لــون تـروح ماترجـع ألنه

عالشاطــي ياعبــاس جثتـــك رميـــة

4
أنــت الجبتني شلـون تتركني وحدي
هــو آنـه جـم عباس ياخويــة عندي
مرة الطم أعله العين مرة أعله خدي

قبـلك يبــو النومــــاس ردت المنيــــــة




5
المــن أدير العيــن المـــن أحاجي
ظهري أنكسر نصين من البواجي
من طفلتك عبــاس سلبـوا تراجي

كــونك تــرد وتشـــوف حالــة رقيـــة
6
دنيانــه ياعبـــاس مـــابيهــا راحـــة
من عمري سبع أسنين مامستراحـة
كلها غصـص وهمـوم كلهــا مناحـة

وبكــل وكــت عبــاس زينــب ضحيــة

شطره
امجد صاحب الشطري

مسلم المطيري

انته الجبتني اوياك للغاظريه
تاليها ياعباس رحت من اديه


كلمات الشاعر( امجد صاحب الشطري

وحدي بالشام
لا اخوتي ولا هلي تحظر مماتي
وحدي بالشام
ضاعت ابهذا المسه كل امنياتي
والنعش رايد هله
للگبر من تحمله......وحدي بالشام

انكشـفت اگـبالي صور وگت المنية
كل مراحل عمري شفت ابهالمسية
جبـال ماتحـمل جزء بالصـار بية
وكـل مصـيبـه هونـته الغاضـرية

تدمع العين
وتترس اجفوفي الم ساعت رحيلي
تدمع العين
وتنظر الدرب السبي يحظر كفيلي
جفي من دمعي امتله
للگبر من تحمله.....وحدي بالشام
ــــــــــــــــــــــــــــــــــــــ
تحظر اهله كلـمن ايـودع حـياتة
عـاده معـروفـه اذا حانـت وفـاتة
تنـقراله الفاتحة ابساعة صلاتة
ونعشي بين الناس ضاعت امنياتة

وين الاخوان
كون يمي حاظرين اشـتم عطـرهم
وين الاخوان
اتشاهد اعيوني بقت ذكره صورهم
بهالوضع متئمله
للگبر من تحمله.....وحدي بالشام
ــــــــــــــــــــــــــــــــــــــ
شفت بعـيوني عظم ذيـج النـوايب
تالي بارض الشـام ودتـني المصايب
حگـي وكـت امـنازعي لمـن اعـاتب
آه اصـرخ من جرح فـگد الحـبـايب

ابعيده الاحباب
سكنـو اگبـور ولحـود الغـاضـرية
ابعيده الاحباب
وحدي خلوني غريبة ابهالمسية
ابموتي ما متخيله
للگبر من تحمله.....وحدي بالشام
ــــــــــــــــــــــــــــــــــــــ
كل اخت مهيوبه تبقه ابجاه اخوها
وبزلـمـه الـحـره تـتبـاها وابـوها
ماتحس ميته ابغرب من يعتـنوها
هيـبه وي النعـش من ايشيـعـوها

اشگد تمنيت
انظر اخـواني يجفـنوني بديـهم
اشگد تمنيت
عالجنازة ردت اسـمع كل بجـيهم
يوم اصبح راحله
للگبر من تحمله.....وحدي بالشام
ــــــــــــــــــــــــــــــــــــــ
اليموت واهـله يمه ايـمـوت مـرتاح
لا يحس ابغربـته ولا يحسب اجراح
من يشاهد هيج منظر دمـعه ماطاح
ايشوف يم روحه تحن وتنوح الارواح

هذا ماصار
ماشفت اهلي اجوني ابساعت الموت
هذا ماصار
ماحـظر واحد الـية وشـال تـابـوت
هذا حال الثاكله
للگبر من تحمله.....وحدي بالشام
ــــــــــــــــــــــــــــــــــــــ
الروح من تطلع تظل تنظر جسدها
اتشوف منجمعه اهلها وتبجي عدها
وخـلت الاحـباب ما واحـد يـسـدها
ليـش بس اجنازتي وحـيده اصدها

ليش الاغراب
ايجهزون اجنازتي من بعد الاحباب
ليش الاغراب
تحفر ابگبري وتهـيل اعليه التراب
صوت اهاتي اعتله
للگبر من تحمله.....وحدي بالشام
ــــــــــــــــــــــــــــــــــــــ
فؤاد الموالي. 📝

مسلم المطيري

وحدي بالشام


كلمات الشام / فؤاد الموالي

مقطوعه جفيني
والسهم في عيني
فدوة الى الدين
بس يسلم حسين**
طالب الرخصه يا خويه اجلب الماي الخيم
من العطش ذايب حشاهم تصرخ اطفال وحرم
انتا للخيمه عمدها وقربة مليانه شيم
شايل ابيدك لوانا اه يا شيال العلم
كل طفل يناديني
صوته يأذيني
القربه في وين
بس يسلم حسين

شال جوده وسل حسامه و قصد ذيج المعمعه
فرق القوم بعزيمه وكل شملهم وزعه
وبشجاعه حيدريه ملك ماي المشرعه
يذكر حسين ورضيعه و بيده مايه ورجعه
اوصاله مذبوحه
ومايشرب بروحه
خل القضى يحين
بس يسلم حسين

حاطته جيوش الاعادي وابتدت ساعه نزال
قطعو ايمينه على غفله واقطعو منه الشمال
والسهم صابه في عينه وانخسف بدر الجمال
والعمد فاضخ جبينه ونادى يا حسيني تعال
ظهرك اظن محني
يا خويه سامحني
فدوة لك العين
بس يسلم حسين

واعتنى حسين لعضيده شافه في جنب النهر شافه مرمي على الترايب ظهره عليه انكسر
شال راسه وحطه في حجره وتناغى وي القمر
راسي في حجرك وراسك ساعه ويحزه الشمر
على التربة خليني
اعالج اونيني
لو فرق البين
بس يسلم حسين

قال اشيلك للمخيم وانتا في هاذي الظروف
قله خليني يا خويه عيني ما تقدر تشوف
عين سكنه وعين زينب والقلب منهم لهوف
ما اقدر اضمهم يا خويه وانا ما عندي جفوف
الماي في وينه
لو تسال سكينه
ما اقدر الحين
بس يسلم حسين **

هذ عباس البطل كافل لزينب بالزمان
الشهامه والشجاعه احساسه وغيره وحنان
زور قبره بالشريعه وتلقى عنده كل امان
حلفه بخدر العقيله وحاجتك تحصل ضمان
نزلها دمعاتك
مقضيه حاجاتك
نزلها بالعين
بس يسلم حسين

مجيد جمعة البحراني