افزعولي _ انه حسين _ افزعولي
___
غير انه العزيز انتم تسموني
علي هدو زلم كلهم يكرهوني
ضد سبعين الف شيسوي وحده حسين
من كد العطش ماشوف بعيوني

كومولي _ عليكم انه _ كومولي
افزعولي _ انه حسين _ افزعولي
____
محتار احمي روحي احمي نسواني
مدري ابجي عليكم لو على اخواني
بيكم عيروني الوحده ظل حسين
لا خوان عندي ولا اكو صحباني

يصيحولي _ شو وحدك _ يصيحولي
افزعولي _ انه حسين _ افزعولي
_____
ظهري انكسر ياهو المنكم ايعدله
اريد ابجي عليكم لجن مو سهله
توصل دمعتي واسمع الهيبه اتصيح
فشله حسين تبجي اكبالهم فشله
تعالولي _ وصل موتي _ تعالولي
افزعولي _ انه حسين _ افزعولي
__
يا عباس كوم بداعت الصاحن
يبعد عيون اخوك المن رحت راحن
الشماته الما حجوهن من جنت وياي
بس شافوك طايح كلهن انكالت

يكلولي _ شو عافك _ يكلولي
افزعولي _ انه حسين _ افزعولي
__
جلمت راح اخوك هواي تهضمني
ماظل بيه حيل اكعد و عاوني
الاخو من ينهضم غير اعله اخوه يصيح
عليمن خويه اصيحن وانت عايفني

بعد طولي _ كوم اكعد _ بعد طولي
افزعولي _ انه حسين _ افزعولي
____
عليه التمو يضحكون عدواني
من شافوني وحدي وذبحو اخواني
شما اوكف وابين روحي ما مكسور
ارجع انكسر لو شوف نسواني

سوولي _ حل الهايه _ سوولي
افزعولي _ انه حسين _ افزعولي
____
الخادم موسى البطلي

محتاجلك خويه عباس اشكثر محتاجلك
محتاجلك بين اعليه الكسر محتاجلك

خويه عكبك شرد اوصف حالي
شلون حاله الفكد مثلك غالي
شما اشد حيلي واصبر روحي بيك
ينكسر كلبي من اصد لعيالي

كلهه اجتني اتصيح ماي
وين ماروحن وراي
كلهه تنشدني عليك.. شحجي خويه انطيني راي

تكلي عمي اشعطلاه
وينه شو مامش لواه
َالمشكله اليفكد حنين... يمشي بس محني كفاه

ياعباس ياخويه. ياعباس يا خويه
.....................

يالكافل... حسين اخوك بلا ظهر.. يالكافل
يالكافل.. يمشي كل خطوه وعثر.. يالكافل

الغربه مو غربة وطن غربة اخو
تلتفت مالك ظهر بين العدو
هنا تبين عازت اخوانك عليك
وياك ضد سبعين ألف يفزع منو

تدري شوفي وحيلي راح
يل جنت بيك استراح
هنانه حسيت بضياع... من شفت بيرغنه طاح

بين اعليه انكسار
ظلمه بعيوني النهار
لو صحت حيهم يخوي... بعد ياهو ايگلي صار

ياعباس ياخويه. ياعباس يا خويه
...........................

عفتوني.. اعداي ضدي استفحلو.. عفتوني
عفتوني.. هواي بيه اتشمتو.. عفتوني

صعبه يبقى بلا اخو حسين الكلف
يمنه يسره يباوع ومامش عرف
كوه يمشي من العطش ومن التراب
شلون راح يحارب السبعين الف

التفت وافرك بدي
وكلهه تتباوع علي
حسين يمشي بدون راي.. وحده ظل بلا أخي

كومو خل نهجم عليه
راح عباس من اديه
ظهره مابي زلمه حوك... اخوان ماعنده وتجيه

ياعباس ياخويه. ياعباس يا خويه
................

فك عينك ... يابعد عيني العمت.. فك عينك
فك عينك.. جلمه مو زينه انحجت.. فك عينك

كوم يحزام الظهر وافزع لاخوك
تكوم لو احلفك يخوي بروح ابوك
خويه كلهه اتشمتت بيه وتصيح
لا تحشم اخوانك ايس مايجوك

والله حيره اتحيرت
تاه فكري وتيهت
من رحت راح الأمان.. كمت كل ساع التفت

عين تربي اعله الخيم
وعين تربي اعله العلم
وين أظل أوين اروح ... حيلي والبيت انهدم

ياعباس ياخويه. ياعباس يا خويه
...............
الخادم موسى البطلي

نزال المولاي الحسن عليه السلام

ارد اسولف ع الشجاعه البالحسن موجوده
حيله من جده محمد والعزم من عوده
من كثر ماشال سيفه انطبع فوك زنوده والحرب لمن يطبها تصير ظلمه وسوده

مدد مدد يالحسن مولانه
..............
حتى وكت الحرب سيفه ايعزب بنوماسه
شكو زلمه اكباله ينزل يلبد بوهواسه
اليعتني مايرد فارغ هيج علم ناسه
يرجع الجيشه ولاجن بيده شايل راسه

مدد مدد يالحسن مولانه
............
كون وي حسين حاضر بويه يوم اطفوفه
يوم ظل حسين وحده وماكو زلمه يشوفه
جان خله جيوش اميه من الرعب مجتوفه
اطراد ياخذ كل زلمهم ركض حد الكوفه
مدد مدد يالحسن مولانه
.............
ويوكف اكبال المخيم غيض رافع حاجبه
شلون بنت الزهره يمهه يوصل ابن الخايبه
وحك شيلة زينب اختي الا ازين شاربه
كبل حشر الله وحسابه هنانه سيفي يحاسبه

مدد مدد يالحسن مولانه
.................
الخادم موسى البطلي

٠٧٧٠٧٣٠٥٧٨٨

لسان حال مولاتي زينب عليها السلام ليلة العاشر مع اخوتهه تقول _

تعالو احجولي باجر وين منواي_
من ترحون ياهو اليبقه وياي_
خليكم عليه افياي يحسين _
بعد فيكم يخويه منيلي افياي _
خير من الله ماي هنا بالخيام _
إذا ع الماي ما عطشانه للماي_
شنهي الماي غير بكيفنه يطيح _
راح اعطش عليكم باجر اهواي _

باجر خيمكم تحترك _ وتطشر اسوالف عشك
باجر ركض خيل وزلم _ وام عون باجر تنلحگ
___
موش اثنينكم باجر تروحون _
خيظل عون منكم يحرس ام عون _
ما عرف الركض لا طالعه بليل _
اروحن وين لو ظلو يحركون _
تنهاب الأخت لو عدهه خوان _
واحد خل يظل خاطر يهابون _
الجلمت طلعو زينب حيل ينراد _
سبعين الف خل تطلع يصيحون _

سبعين الف وتهد علي _ لا عندي ابن لا عندي اخي
من كثر ما طفي الخيم _ مابيه حيل اشكف بدي
____
طلعت وياكم بهيبه وكفاله
وناكه امگبعه بعزه وجلاله
وصلنه الكربله وحسيت بالخوف
تراوالي الضعن يفگد دلاله
كلشي أبالي لو عفتوني ايصير
ضعني يسوگه كافل موش ماله
برد شرك يباجر عسن لاجيت
الله يعين حالي شلون حاله

تطلع شمس يطلع خدر _ تمشي الزلم نمشي بيسر
هيه المصيبه اخلاف اخوي _ يحدي بضعن زينب شمر
___
اكعدو كبال عيني ولا تكومون
اريدن منكم اترس شوف العيون
باجر حسره شوفتكم يالاعزار
اريدن يمكم اوصل مايقبلون
باجر نعبر عليكم مجاتيف
عين وعمده من يمكم يمرون
بصفكم نوكف وملتمه شمات
ذوله اخوانج وفنهم يكومون

وياكم يخويه اخذوني _ خلي العده يذبحوني _
ارتاح صدكوني من اموت _ ولا بيكم ايعيروني
_
الخادم موسى البطلي

ياول بشر الله يحب سمع صوته
ياول كبر يمه تأمن الموته

علي حتى العدل يتمنه هسه يموت
حتى بصحنك يفرون تابوته

يواحد والله واحد والشكل معذور
الذم ياقوته يتعب هيه ياقوته

يقرآن الحجي يستلذ ربك بيك
علي الناس التحبك بيك مبخوته

علي انت علي شيحجون خل يحجون
خطيه المايحبك حبك يفوته

بيمن غاثهم خاطر يكرهونك
هيه المشكله كلهم يعرفونك

يماي بيوم سابع صرت للعطشان
شكد حبيت وادم مايحبونك

جبت عمرك شمع تحترك ويشوفون
وتاليهه بحقد كامو يجازونك

جبت عمرك نخل تمرك على البيبان
وللصفصاف يرحون وبعوفونك

جبت عمرك صلح قابيل حب هابيل
نفسهم همه التصافو يخونونك

جبت عمرك ضوه للماله عين يشوف
ويندلون كامو بس يضيعونك

من يرحون فدوه الدورت عيونك

ما محتاجهم بس انت طبعك هيج
ماتكره علي حتى اليكرهونك

تاريخك كطن من سجدتك للموت
شني تاريخهم حكهم يبغضونك

الخادم موسى البطلي

للمشاية المقدسة

لا حر لا برد يمنعني لا غايه
بس الموت يمنعني امشي مشايه

لبيك لبيك أبا عبدالله
..........
لا حر لا برد
يمنعني و رد
لا ام لا ابو لا أهل لا ابني

شكل الفاطمه
وعلي حامي الحمه
إذا ماواسي زينب هل سنه بحزني

امشي بلا تعب
و عالرايه انكتب
يا اول تعب بالدنيا ريحني

من كلب البحر
الحد كطع النحر
يستاهل حسين امشيله متعني

يستاهل ..  نمشيله..   من آخر شبر
خل تحتر ..  خل تبرد ... خل تمطر جمر
مانرجع ..  وترفرف .. رايات الخضر
مشايه ..  و ع الموعد ..  نمشيلك عمر

لبيك لبيك أبا عبدالله
................

كل موكب نصب
خط قطعه وكتب
خدام الجدم كل زاير امترب

الفاو اتحزمت
وزاخو اتحضرت
من اول شبر لآخر شبر رحب

هله وميت هلا
بزاير كربله
عراق وكله ظل ايرحب و عزب

ماظل شي بعد
وتجدد عهد
جم يوم وتطب من اليسر زينب

شد حيلك ..  يالزاير ..  جم خطوه وتطب
زينبكم  ..  هل وصلت .. من ديرة غرب
ختشوفك ..  متغير  .. لونك منكلب
كللهه ..  بدمعاتك ..  ماهمنه الدرب

لبيك لبيك أبا عبدالله
.................

ابو الموكب هتف
بيرغ بيده رف
بيتي بخدمت الزوار وينادي

بيوتي امفتحه
عيالي امفرفحه
خدمتكم شرف يل بيكم امرادي

لو مامش اكل
اذبح جم طفل
للمشاية فدوه تروح انه أولادي

هنياله الحضه
كظ زاير رضه
بخيت البات زاير يمه والبادي

ا نخدمك ..  يالزاير  ..  مو قصة أجر
اترابك ..  نشتمه ...  بي حضره وعطر
من تكعد ..  بالموكب ..  تنومسنه اشكثر
فل تحيى  .. المشايه ... واليخسى الشمر

لبيك لبيك أبا عبدالله
...................

لذت كل عشگ
من تتعب صدگ
محبوبك يشوفك تمشي ماتهتم

حسينك يفتخر
يم ربه اشكثر
سولف بيكم وعرش الله يتبسم

صوت من العرش
فرحه الكم يطش
شكو واحد مشه لحسين مايندم

باجر بالحشر
يصدر بي امر
يشفع لليريده ودوم لا يهتم

هنيالك ..  يالتمشي  ...  الله انطاك أمر
بالمحشر ..  بس انت  ..   توكف منتصر
والزهره ..  تصيحلكم ..  جبريتو الكسر
فزعتكم .. لوليدي ..  اطلبوني اشكثر

لبيك لبيك أبا عبدالله
................
الخادم موسى البطلي

تعبني السبي يخواني تعبني
عذبني الدرب مايگضي عذبني
شكد صيحت حيهم ماكو واحد كام
ما معقوله محد منكم يحبني

جفوف اديه تصب دمه _ كل ساع اختكم طايحه
فوك التعب فوك الركض _ مانايمه من البارحه
هيه الهضيمه ام الشرف _ تمشي ويه ناس بلا شرف
حرموني مو بس البجي _ حرموني اسوي الفاتحه

مهضومه _ حكي من اعتب على العافوني
مهضومه _ مولحت من البواجي عيوني
مهضومه _ غربه ما عدهم شرف يسبوني

خويه حسين شافوني _ خويه حسين شافوني
_____
عطشانه اعله اخوتي هواي عطشانه
شيخلصه الدرب والذابح ويانه
يهضمني وادير العين ماكو اخوان
كل ساعه عليه مسرفن اردانه

هيه الاخت لو عدهه اخو _ يا زلمه اليحاجيهه
غير الاخو محد يجي _ ويكول أخيتي شبيهه
التتمرض بديرة غرب _ اي دوه ما يصلح بعد
بس لو كعد يمهه الاخو _ بسوالفه ايداويهه

كومولي _ يل عميتو عيوني من فركاكم
كومولي _ يا اعزازي كون ميته وياكم
كومولي _ طاك كلبي اعليكم وملكاكم

خويه حسين شافوني _ خويه حسين شافوني
____
هنه اهواي صارن بالسبي وكثرن
ياهي المنهن احجي وياهي ينضمن
راح احجيلكم بس وحده تهضم حيل
خواتك يبو الغيره بسوكهم طبن

يحسين مرونه بدرب _ الله واكبر مو درب
عيون متروس وزلم _ والباوعو كلهم غرب
الاعمه ظل يضحك جذب _ والاطرش يسولف ضحك
هيه المصيبه الباوعو _ اتصفحو من كل كلب

ما صايره _ ستر _ الله اليكره الله يشوفه
ما صايره _ الشام غربه والمصيبه الكوفه
ما صايره _ الكوفه تعرفني وأطب مجتوفه

خويه حسين شافوني _ خويه حسين شافوني
___
المثلي بهل عمر يخواني ما تكدر
شني ٦٠ عام وتركض بنص بر
المفروض البعمري المغربيه تنام
مو كل ساع اطيح الناكه من تعثر

الهزله مو مالت زلم _ شلون تصعدهه مره
النوك من كد ماطحت _ يبجن علي لزمن سره
ظل يبجي حتى المو عرف _ جا بأختك شسوه الوكت
شمسويه حتى اكضي العمر ليل ونهار امرمره

ياموتي _ ردتك اتسير علي كل ليله
ياموتي _ ليش ضيمي وياي شد كل حيله
ياموتي _ فدوه عجل راح اشد الشيله

خويه حسين شافوني _ خويه حسين شافوني
__
الخادم موسى البطلي

ام البنين بدمعة تنحب
تلگت ضعن بتهه التسلب
ساعه اعله زينب صافنه تگول
يمه انتي زينب موش زينب

اه ياضيم السبي. اه يا ضيم السبي
............

عمت عيني اعليج زينب يمه شو ذبلانه
بطولج مبينه المصايب منحني وكصرانه
مبينه من شدت عباتج ياتعب تعبانه
يمه بالكوه عرفتج كلت مو منانه

شكد شايفه هموم ومصايب
مبينه من شيب الحواجب
جا شنهي شفتي بطبت السوگ
وشصار بيجن بالخرايب

اه يا ضيم السبي. اه يا ضيم السبي
..........

بيهه لذه من النعاوي يانعاوي الفاكده
شلون لو ينعن سويه  الاخت وي الوالده
ما الومن كلب زينب عمي الله يساعده
حركو الخيمه وسبوهه وبصحاري شارده

مو حگهه زينب تشكي وتگول
علويه شنهي تبات بالجول
الماعدهه اخو لا توصل الشام
عيونهم جن خيل وتجول

اه يا ضيم السبي. اه يا ضيم السبي
........

تكلهه يمه اخلاف اخوتي العيشه صارت باهته
ثاري من ايفارك اخته الاخو تبين عازته
حيل مهضومه الهضمني الشمر مشه حجايته
ياوكت هو اليسولف وانه زينب ساكته

حگه الشمر لو طول السان
شافاني حرمه ومالي خوان
غم الوكت من عكب الحسين
مجتوفه اطب ديوان ديوان

اه يا ضيم السبي. اه يا ضيم السبي
.........

ارد اريح كلبي يمه خل اطب ديوانهم
وخل  امر ابيوت اخوتي وارد ادك بيبانهم
بلكت الله وحلم يطلع واصحه من نسيانهم
نذر لو  ردو   عليه  الا  احني   امجانهم

هيج وعَلَي كلهم يردون
وترجع الكواج الله يأم عون
ويرجعلي شوفي واصبغ الشيب
هذا الحلم يتحقق اشلون

اه يا ضيم السبي. اه يا ضيم السبي
...........
 
بعد مولاتي زينب ع تسولف

زين اجيتج يمه عدله وباقي بعيوني دمع
العلي صارن لو بغيري تموت لو تسمع سمع
ابجي مرات اعله روحي ليش بس انه انفجع
وليش بس انه ويه اخوتي موادع وما ننجمع

ليش اليحبه الكلب والروح
لازم تشوفه عيوني مذبوح
شمسويه ما مرني الفرح يوم
فتحت عيني مكابله النوح

اه يا ضيم السبي. اه يا ضيم السبي
...........
 الخادم موسى البطلي

زاد الحنان _ وطول غيابك
من الزمان _ تشتكي احبابك

يالمهدي وينك _ ادورك _ بالدروب
كل جمعه اتاني _ واناطر _ للغروب
_
يالمهدي مشتاك وعلي _ طك كلبي اريدن شوفتك
كلب اليحبك مبتلي _ بين اشتياقه وغربتك
ايام عاشورك كضت _ الله يعظم مصيبتك
تحضر شكو مجلس عزه _ تبجي اعله زينب عمتك

ليلك عذاب _ تلطم وتنحب
اعظم مصاب _ عمتك زينب

معذوره عينك _ تهل دم _ دمعهه
ويهدم الحيل _ يزينب _ وضعهه
_

هيج انه وتلاكه بدرب _ وياك صدفه بلا وعد
واكعد واسولفلك عشك _ فرحة العاجر بالولد
وانشد عليك بياوضع _ والطلعتك واشظل بعد
بس انه اعرفك منهضم _ طف كربله بكلبك كعد

لازم اكول _ دمعك شلونه
حزنك يطول _ ع اليسلبونه

نحجي المصيبه _ ونسولف _ ع الماي
ذابل وردكم _ عطاشه _ يمولاي
__

يومك يخلص بس دمع _ و الليل تكضي بالقهر
شما تلتفت يمك خيم _ مشتعله واطفال بخطر
ايام عمرك خلصن _ بين المخيم والنهر
وترد للحسين بحزن _ وتسوي مجلس ع النحر

يم الرضيع _ ينعصر كلبك
بحزنك تضيع _ وتيهت دربك

كل هل مصايب _ ولاكن _ الادهه
تبجي اعله زينب _ دمعتك _ بعدهه
...............
كل المصايب مرتك _ واعظم حزنهن ينحمل
وتكول هينات وعلي _ الطف حزن كلش سهل
بس موقف اليكسر ظهر _ وتكول ابد ماينحمل
زينب عقيلة حيدرا _ صعدت يوادم ع الهزل

ام الخدر _ وسفه مجتوفه
فرهه الشمر _ شام و الكوفه

فوك الهزيله _ وتنادي _ يخوتي
جاوينه عباس _ نساني _ ابلوتي
___

الخادم موسى البطلي

للامام الحسن العسكري
عليه السلام

يادمعتي.  من دمه صبي اعله خدي
يادمعتي.  بالبجي نواسي المهدي

عظم الله اجرك يغايب
يعين كلبك ع مصايب

يابو صالح.   يابو صالح
.......

يعين كلبك يابو صالح من دمه دموعك تصب
ولو من ليلة العاشر سيدي شظل بالكلب
تشوف ابوك كبال عينك موقفك كلش صعب
تبجي وانه اعرف عليمن راح اسولفهن واطب

تبجي لحسين ..... محد ينوح  اعله جثته
مرمي ع الكاع .. تنطك شما ناحت اخته

ابالك الشام ونوايب
يعين كلبك ع مصايب

***

فاتحه ابيتك واشوفك بيك لوعه  الكربله
شماتجي تعازيك وادم تذكر حسين وهله
شلون ظل اعله الترايب دامي محد غسله
ولا رضو زينب تنوحه ولا تنوحه العايله

انت سويت  ....  فاتحه ودمعه ومصيبه
وتبجي للشيخ  .. الجثته ظلت سليبه

وفوكه مالطمن حبايب
يعين كلبك ع مصايب

***

والدك غسلته بيدك وانت لفيت الچفن
كبل لا تعگد أزاره صحت  وعيونك بچن
حسين ليش اعله الوطيه ماتغسل وندفن
وليش تغسيله الحوافر سحگته وصدره انطحن

والدك مات .... بس الحسين اعله بالك
كربله وياك ...  سيدي حتى ابخيالك

لن شفت بيهه العجايب
يعين كلبك ع مصايب

**

والدك شيعته بيدك وانت نزلته بگبر
واللحد بيدك حفرته وجبت كافور وسدر
كمت بس من البواجي صارت عيونك حمر
تبجي لحسين وذكرته النايم بحر الظهر

من دمه تنوح ... للبقه بحر الظهاري
بلا گبر نام  ...  بلا فياي حسين عاري

ولا شريف الظل يطالب
يعين كلبك ع مصايب

***

الخادم موسى البطلي

دعم لخدمة سيد الشهداء عليه السلام

ارجو الاشتراك فضلا وليس امراً بقناة الشاعر الحسيني المخلص حسن جاسب الفريجي

ارجو الاشتراك فضلاً وليس امراً