#hadis

Энг афзал садақа

Расулуллоҳ соллаллоҳу алайҳи васаллам: "Садақаларнинг энг яхшиси Рамазон ойида қилинган садақадир", деганлар.
Расулимиз алайҳиссалом инсонларнинг энг сахийси эдилар. Аммо у зот соллаллоҳу алайҳи васаллам Рамазонда эсган шамолдан ҳам саховатли бўлиб кетардилар.

🌐 https://t.me/+ZgkOZopwJwc3ZWEy

#hadis

Умматим яхшиликда бардавом бўладилар...

Аллоҳ азза ва жалла айтади: "Мен учун бандаларимнинг энг маҳбуби ифторни тезроқ қиладиганидир" (Имом Термизий ва Имом Аҳмад).

Расулуллоҳ соллаллоҳу алайҳи васаллам: "Умматим модомики, ифторни тезлатар эканлар, яхшиликда бардавом бўладилар", деганлар (Имом Аҳмад ривояти).

Ифторни тезлатиш дейилганда ифтор вақти киргандан сўнг бир неча дона хурмо ва сув билан бўлса ҳам оғиз очиб олиш тушунилади.

🌐 https://t.me/+ZgkOZopwJwc3ZWEy

#hadis

Ким бир дарахт экса...

Абу Айюб Ансорий розияллоҳу анҳудан ривоят қилинади. Расулуллоҳ соллаллоҳу алайҳи ва ъалаа олиҳи васаллам: "Ким бир дарахт экса ва у мева берса, Аллоҳ таоло унинг меваси ададича (савоб) беради", дедилар (Имом Аҳмад ривояти).

🌐 https://t.me/+ZgkOZopwJwc3ZWEy

#hadis

Рўзадорнинг одоби

Расулуллоҳ соллаллоҳу алайҳи васаллам: "Ким ёлғон гапиришни ва унга кўра амал қилишни қўймаса, унинг таом ва ичимлигини тарк этишига Аллоҳнинг эҳтиёжи йўқ", деганлар (Имом Бухорий ривояти).

🌐 https://t.me/+ZgkOZopwJwc3ZWEy

#hadis

"Мен рўзадорман"

Абу Ҳурайра розияллоҳу анҳудан ривоят қилинади. Расулуллоҳ соллаллоҳу алайҳи васаллам айтадилар: "Рўза (дўзах ўтидан асровчи) қалқондир. Рўза тутган киши ёмон сўзларни сўзламасин, қўполлик қилмасин. Агар бирор киши уни уришса ёки ҳақорат қилса, икки марта "мен рўзадорман", десин".

🌐 https://t.me/+ZgkOZopwJwc3ZWEy

#hadis

Жаннатнинг қайси эшигидан хоҳласанг, киравер

Расулуллоҳ соллаллоҳу алайҳи васаллам айтадилар: "Аёл киши беш вақт намозини ўқиса, бир ой рамазон рўзасини тутса, фаржини сақласа ва эрга итоат қилса, унга "Жаннатнинг қайси эшигидан хоҳласанг, киравер", дейилади" (Имом Аҳмад ривояти).

🌐 https://t.me/+ZgkOZopwJwc3ZWEy

#hadis

Аллоҳ таоло мадҳ этган шаҳар

Расулуллоҳ соллаллоҳу алайҳи васаллам: "Албатта, Аллоҳ таоло Мадинани Тоба деб номлаган", деганлар.
"Тоба – "покиза", "озода", "хушрўй" каби маъноларни англатади.

🌐 https://t.me/+ZgkOZopwJwc3ZWEy

#hadis

Расулуллоҳ соллаллоҳу алайҳи васаллам ёмғир ёғишни бошлаганда бундай дуо қилардилар:

"Аллоҳумма, инний асалука хойроҳаа ва хойро маа фийҳаа ва хойро маа урсилат биҳ ва аъуузу бика мин шарриҳаа ва шарри маа фийҳаа ва шарри маа урсилат биҳ".

Маъноси: "Аллоҳим, Сендан бунинг (шамолнинг) яхшисини, ундаги яхшиликни ва у билан юборилган нарсанинг (ёмғирнинг) яхшисини сўрайман. Сендан унинг ёмонидан, ундаги ёмонликдан ва у билан юборилган нарсанинг ёмонидан паноҳ сўрайман".

Расулуллоҳ соллаллоҳу алайҳи васаллам: "...ёмғир пайтидаги дуо рад қилинмайди", дедилар.

Аллоҳ таоло ёғаётган ёмғирни хайрли ва баракали қилсин!

🌐 https://t.me/+ZgkOZopwJwc3ZWEy

#hadis

Гуноҳ қолмайди

Расулуллоҳ соллаллоҳу алайҳи васаллам айтадилар: "Ким Рамазон рўзасини тутиб, ортидан Шаввол ойида олти кун рўза тутса, ҳудди онадан туғилгандек гуноҳлардан фориғ бўлади" (Имом Табароний ривояти).

🌐 https://t.me/+ZgkOZopwJwc3ZWEy

#hadis

Юртни обод, умрни узун қиладиган 3 амал

Расулуллоҳ соллаллоҳу алайҳи васаллам: "Силаи раҳм қилиш, хушхулқлик ва яхши қўшничилик – юртни обод ва умрни зиёда этади" дедилар (Имом Аҳмад ривояти).‎

🌐 https://t.me/+ZgkOZopwJwc3ZWEy

#hadis

Ота-оналарга хушхабар

Расулуллоҳ соллаллоҳу алайҳи васаллам: "Мўмин киши ва мўмина аёлга нафси, фарзанди ва молига мусибат етиб туради. Ҳаттоки, уларнинг гуноҳлари қолмасдан Аллоҳ таолога йўлиқишади", дедилар (Имом Термизий ривояти).

🌐 https://t.me/+ZgkOZopwJwc3ZWEy

#hadis

Қарзнинг савоби садақадан афзал

Расулуллоҳ соллаллоҳу алайҳи васаллам айтадилар: "Жаннатга кирдим ва унинг эшигида садақа ўн (баробар савоб), қарз эса ўн саккиз (баробар савоб) билан (мукофотланади) деган ёзувни кўрдим. Шунда "Эй Жаброил, қандай қилиб садақа ўн, қарз ўн саккиз баробар бўлади?" дедим. Жаброил алайҳиссалом: "Чунки садақа бойнинг ҳам, фақирнинг ҳам қўлига тушаверади. Қарз эса, фақат муҳтожнинг қўлига тушади", деди.

🌐 https://t.me/+ZgkOZopwJwc3ZWEy

#hadis

Кавсар нима эканини биласизми?

Анас ибн Молик розияллоҳу анҳудан ривоят қилинади: "Бир куни Расулуллоҳ соллаллоҳу алайҳи васаллам билан бирга эдик, шунда бироз жим туриб қолдилар-да, сўнг табассум ила бошларини кўтардилар. Биз: "Сизни нима кулдирди, ё Аллоҳнинг Расули?", дедик. "Менга ҳозиргина бир сура туширилди", деб: "Бисмиллаҳир роҳманир роҳийм. Иннаа аътойнакал Кавсар" сурасини қироат қилдилар. Сўнгра: "Кавсар нималигини биласизларми?" дедилар. "Аллоҳ ва Унинг Расули билувчироқдир", дедик. "У Роббим азза ва жалла менга ваъда қилган дарёдир. Унда кўп яхшилик бордир. У қиёмат куни умматим келиб ҳузуримда сув ичадиган ҳовуздир. Унинг идишлари юлдузлар ададича".

🌐 https://t.me/+ZgkOZopwJwc3ZWEy

#hadis

Ризқни кенг, умрни узун қилувчи амал

Расулуллоҳ соллаллоҳу алайҳи васаллам:
"Кимни ризқи кенг, умри узоқ бўлиш хурсанд этса, силаи раҳм қилсин", дедилар (Имом Бухорий ривояти).

🌐 https://t.me/+ZgkOZopwJwc3ZWEy

#hadis

Аллоҳни рози қилади

Оиша розияллоҳу анҳодан ривоят қилинади. Расулуллоҳ соллаллоҳу алайҳи васаллам: "Мисвок оғизни покловчи ва Роббни рози қилувчидир", дедилар (Имом Насоий, Ибн Хузайма ва Ибн Ҳиббон ривояти).

🌐 https://t.me/+ZgkOZopwJwc3ZWEy