#hadis

Одамларни айбламанг!

Расулуллоҳ соллаллоҳу алайҳи васаллам: "Кимки, биродарини тавба қилиб бўлган бирор гуноҳи туфайли айбласа, токи ўзи ҳам ўша гуноҳни қилмагунича вафот этмайди" дедилар (Имом Термизий ривояти).

Шайх Муҳаммад Тақий Усмоний ҳафизаҳуллоҳ айтадилар: "Агар бирор банда гуноҳ иш қилган бўлса, кейин у ўша гуноҳдан тавба қилса, уни "сен шундай гуноҳ қилган эдинг" дея уни қайта-қайта ўша гуноҳда айблашингизни Аллоҳ таоло ёқтирмайди. Аллоҳ таоло айтадики: "Мен унинг гуноҳини беркитдим ва авф қилиб юбордим. Мен унинг гуноҳини номаи аъмолидан ўчирдим. Энди, унга эътироз билдирадиган ва у гуноҳда айблайдиган сен кимсан? Агар сен айбласанг, у ҳолда Биз сени у гуноҳга мубтало қиламиз".

Шунинг учун бирор мусулмоннинг айбини фош қилиш ёки гапириш ва уни тарқатиш жуда оғир гуноҳдир.

🌐https://t.me/+ZgkOZopwJwc3ZWEy

#hadis

Расулуллоҳнинг ﷺ оилалари

Оиша онамиз розияллоҳу анҳо айтадилар: "Муҳаммад соллаллоҳу алайҳи васалламнинг оиласи бир кунда икки марта егулик емаган, еса ҳам биттаси хурмо бўлган" (Имом Бухорий ривояти).

🌐 https://t.me/+ZgkOZopwJwc3ZWEy

#hadis

Аллоҳ албатта кечиради

Расулуллоҳ соллаллоҳу алайҳи васаллам: "Кимки гуноҳ қилса яхшилаб таҳорат олиб, икки ракат намоз ўқиб, сўнгра истиғфор айтса, Аллоҳ албатта уни кечиради", деганлар (Имом Аҳмад ривояти).

🌐 https://t.me/+ZgkOZopwJwc3ZWEy

#hadis

Ҳазрати Умар розияллоҳу анҳу айтадилар: "Агар яхшиликка буришнинг бирорта йўли бўлса ҳам, мўмин биродарингдан чиққан сўз ҳақида фақат яхши гумон қил".

Чунки Пайғамбаримиз соллаллоҳу алайҳи васаллам: "Гумондан четланинглар, чунки гумон сўзларнинг энг ёлғонидир!" деганлар.

🌐 https://t.me/+ZgkOZopwJwc3ZWEy

#hadis

Расулуллоҳ ﷺ кафил бўлган 3 амал

Расулуллоҳ соллаллоҳу алайҳи васаллам айтадилар: "Ҳақ бўла туриб жанжални тарк этган кишига жаннат ёнидаги бир уйга кафилман. Ҳазилдан бўлса ҳам, ёлғонни тарк этган кишига жаннат ўртасидаги бир уйга кафилман. Чиройли хулқли кишига жаннатнинг энг юқорисидаги бир уйга кафилман" (Абу Довуд ривояти).

🌐 https://t.me/+ZgkOZopwJwc3ZWEy

#hadis

Агар ёлғиз қолсалар Аллоҳни унутадилар

Расулуллоҳ соллаллоҳу алайҳи васаллам: "(Қиёматда) Одамлар Тиҳома тоғи каби (катталикдаги) яхшиликлар билан келишади. Аллоҳ уларнинг амалларини тўзиган чангдек қилиб қўяди (яъни, уларнинг яхшиликларини пучга чиқаради)", дедилар.
Шунда Савбон розияллоҳу анҳу: "Ё, Расулуллоҳ, биз улардан бўлмаслигимиз учун уларни бизга таърифлаб беринг", деди.
Расулуллоҳ соллаллоҳу алайҳи васаллам: "Улар cизларнинг биродарларингиз, кўринишлари ҳам cизларга ўхшаган одамлардир. Улар ҳам cиз каби тунлари ибодат қилади. Лекин улар Аллоҳ ҳаром қилган нарса билан холи қолишганда чегарани бузадилар" (яъни, ёлғиз қолган вақтларида Аллоҳ қайтарган ишлардан тийилмайдилар), дедилар (Ибн Можа, Имом Табароний, Абул Фазл ривояти).

🌐 https://t.me/+ZgkOZopwJwc3ZWEy