Демократик жамиятларда қонунлар жамоатчилик муҳокамаси асосида қабул қилинади. Бизда бу билан боғлиқ вазият қандай?

2020 йил октябридан норматив-ҳуқуқий ҳужжатлар лойиҳалари муҳокамаси портали (regulation.gov.uz) янгиланган ҳолатда ишга туширилгани ҳақида кўпчилик билмаса керак. Мазкур порталда рўйхатдан ўтган фуқаролар муҳокамадаги норматив ҳужжат лойиҳалари билан танишиб, уларга ўз муносабатини билдириши мумкин.

Айни пайтда фойдаланувчилар тегишли лойиҳа нима учун ишлаб чиқилгани, унда нима назарда тутилгани, давлат бюджетидан қанча харажат талаб қилиниши мумкинлиги ва уни қабул қилишнинг бошқа оқибатлари ҳақидаги маълумотлар билан танишиш имкониятига эга.

Ҳозиргача порталда жами 9755та ҳужжат муҳокамага қўйилган. 2020 йил апрелидан бошлаб порталга лойиҳалар давлат тилида ёки давлат тилидаги таржимаси бўлган ҳоллардагина ўтказилиши белгиланди.

Президен Шавкат Мирзиёев барча соҳаларда жамоатчилик назорати муҳимлигини таъкидлаб келади.
“Қонунларимиз қанчалар халқпарвар ва мукаммал бўлмасин, уларнинг мазмун-моҳиятини билмасак, ҳуқуқий онгимиз ва маданиятимиз етарли бўлмаса, ҳуқуқий бурч ва масъулият кундалик турмуш тарзимизга айланмаса, ислоҳотлардан кўзлаган мақсадларимизга етишимиз мавҳум бўлиб қолаверади”, дейди Шавкат Мирзиёев.

Шундай экан, конституциявий ҳуқуқингиздан фойдаланган ҳолда, ҳар бирингиз жамият ҳаётида фаол қатнашиб, давлат аҳамиятига молик ҳужжатлар муҳокамасида иштирок этинг. regulation.gov.uz ни худди севимли телеграм каналингиз ё ижтимоий тармоқларни кузатган каби кузатинг. Саволларингизни, эътирозларингизни, таклифларингизни билдиринг.

Бу - ўзингиз истаган келажакни яратиш йўлидаги жуда катта имконият.

@shahnozxon

Менинг жаҳлимни чиқаришди: бошқа аёлларни гапирмайсанлар, журналист бўлгани учун Ферузани гапирдинглар, хайп қилиб очко обердинглар, индамасанг ўтиб кетарди ва ҳоказо таъналар билан. Қуйидаги ушбу мавзудаги охирги пост.

Бу мавзуни атай аёллар, гендер масаласига буриб, сўз эркинлигидан чалғитмоқчи бўлаётганларга сўзим - ўхшамайди!

Биринчидан, бу фақат аёллар масаласи эмас, урғуни тўғри қўйишингизни сўрайман. Бу шахснинг шаъни ва қадр қимматини энг жирканч йўл билан таҳқирлаш орқали сўз эркинлигига таҳдид.

Иккинчидан, жамиятда таҳқирланган аёлларга муносабатни биз доим билдириб келамиз: масалан Мустаҳкам масаласида қанчалик тортишдик, самарқандлик сувга чўкиб кетган 17 ёшлик қиз, хоразмлик ўз жонига қасд қилган ёш келинчак мавзуларида ҳалиям сўроқларимиз тинмади (айтганча, нима бўлди шу ишлар, кимлардир назоратга олганди, мантиқий якунини кутяпмиз). Мустаҳкамнинг кейинги ҳолатини бу ерда келтирманг, у бошқа масала – эр-хотин ярашишни истабди, ярашибди, масъулият ўзларида. Лекин биз зўравонликка қарши чиқаверамиз. Миллионлаб аёлларни номма-ном санаб ҳимоя қилолмаймиз, албатта, лекин ҳар бир тилга олинган аёл тимсолида миллионларни ҳимоя қиламиз.

Учинчидан, Феруза масаласида гапнинг ёлғон-ростлиги иккинчи планда, бу ҳатто рост бўлганда ҳам, уни тарқатиш шантаж дейилади, биз шантажга қарши чиқдик ва буни ёзиб ҳам қўйдик мурожаатимизда таъкидлаб, тушунчаларни чалкаштирмаслигингизни сўрайман.

Тўртинчидан, мавзу бўрттирилганми, индамасак ўтиб кетармиди ёки яна ёнармиди - ҳеч ким аниқ билмайди. Лекин ҳатто индамасак шундай ўтиб кетганда ҳам, бундай ишлар тор доираларда қолиб кетганда ҳам, биз аёл журналистлар, уларнинг турмуш ўртоқларининг фикри бузилади, кўнглига ғулгула тушади, айримлар энг жирканч усуллардан тап тортмаслигини била туриб, улар жазосиз қолишини била туриб, сўз айтиш осонми? Қанча аёл журналист янаям эҳтиёткорроқ бўлади, бу сўз эркинлигига путур етказади. Агар кимдир шу томонларини ўйламаётган калтаўй бўлса ё масалани атай бошқа томонга буришга интилаётган бети қаттиқ бўлса, бир кун шантаж ва туҳматда қолиб, атрофида ҳеч кимни тополмаслигини тилайман.

Ким ахборот уруши қилса, ҳалол майдонда жанг қилсин, тақиқланган, жирканч усуллардан фойдаланмасин. Биз усулларга қарши чиқдик.

Тамом!

@shahnozxon

Жарималар кескин камайтирилмоқда

Адлия вазирлиги янги қонун лойиҳасини жамоатчилик муҳокамасига тақдим қилибди.

Унга кўра:

☑️ муддати ўтган суғурта полиси ёки суғурта полисида назарда тутилмаган шахс автотранспорт воситасини бошқарганлиги учун жарима миқдори икки бараварга (122,5 минг сўм) камайтирилмоқда;

☑️ транспорт воситалари эгалари томонидан суғурта полисини олмаганлик учун жарима фуқаролар учун икки бараварга (122,5 минг сўм), мансабдор шахсларга эса учдан бир қисмга (490 минг сўм) камайтирилмоқда;

☑️ йўловчиларни лицензиясиз ташиш билан шуғулланганлик учун жарима миқдори (фуқаролар учун 1,715 млн. сўм, мансабдор шахслар учун 7.35 млн. сўм) уч бараварга камайтирилмоқда;

☑️ паспорт тизими қоидаларини бузганлик учун жарималар миқдори икки баравардан ҳам кўпроққа камайтирилмоқда;

☑️ транспорт воситасини бошқариш вақтида ҳайдовчиларга bluetooth, қулоқчин ва бошқа қўлни банд қилмайдиган гарнитуралар фойдаланишга рухсат берилмоқда;

☑️ транспорт воситаси салонининг олд қисмига ўзбошимчалик билан монитор (дисплей) ўрнатиш учун жавобгарлик бекор қилинмоқда;

☑️ транспорт воситалари ҳайдовчиларининг белгиланган ҳаракат тезлигини ошириб юборганда тезликни ўлчайдиган махсус ускуналар қайд этган тезликдан соатига 5 километр айириб ташлаб ҳисоблаш белгиланмоқда.

☑️ транспорт воситаларини бошқариш ҳуқуқини берувчи ҳужжатлари, суғурта полиси ва тех. паспорти ёнида бўлмаган ҳайдовчиларга, Ўзбекистон Республикасида берилган шахсини тасдиқловчи ҳужжати асосида транспорт воситаларини бошқариш ҳуқуқи берилмоқда. Бунда, ушбу ҳужжатлар мавжудлиги ДЙҲХХ ходими томонидан электрон тизим орқали транспорт воситаси тўхтатилган жойда мустақил текширилади.

Шунингдек, лойиҳада бухгалтерия ҳисоби ва ҳисоботини юритиш тартибини бузганлик, валюта бойликларини қонунга хилоф равишда олиш ёки ўтказиш учун белгиланган жарима миқдорларини ҳам камайтириш назарда тутилмоқда.

Қонун 2021 йил 1 декабрдан кучга кириши кўзда тутилган.

P/S: Ушбу ўзгаришлар қаторига ноқонуний тонировка учун белгиланган мантиқсиз катта жарима миқдорини камайтиришни ҳам киритиш ҳам мақсадга мувофиқ.

Мана бу ерда муҳокамада иштирок этиб, таклифлар бериш мумкин.

👉 @deputat_kusherbayev

Жарималар қисқартирилиши мумкин, агар муҳокамада фаол бўлсак.

Бугун Адлия вазирлиги томонидан йўл ҳаракатига оид қатор жарималарни қисқартириш ва жавобгарликларни бекор қилишга доир қонун лойиҳаси муҳокамага қўйилди.

Ушбу лойиҳани тайёрланиш жараёнида шахсан иштирок этдим. Ишчи гуруҳ охирги 6 ой давомида соҳаларни ўрганди, таҳлиллар қилди. Очиғи, келишиш жараёнлари осон кечмади, кўп тортишувлар, аргументлар, ишонтиришлар натижасида лойиҳа ушбу ҳолатга келди.

Уни янада бойитиш ё қисқартириш, таҳрирлаш, янги таклифлар қўшиш, такомиллашитриш мумкин – жамоатчилик муҳокамасида фаоллик кўрсатинг, ҳурматли фуқаролар.

Албатта, бир томондан қоидабузарликларга нисбатан жамоатчилик назоратини кучайтириш ғояси илгари сурилар экан, бошқа томондан жарима ва жавобгарлик тизими ҳам мутаносиб ва адолатли бўлиши лозим. Масалан, паспорт режимини бузиш, уни йўқотиш ва зарар етказиш, бухгалтерия ҳисоби ва ҳисоботи тартибини бузиш, йўловчиларни лицензиясиз ташиш учун тўланадиган отнинг калласидек жарималарни оқлаш қийин.

Жамоатчилик томонидан баъзи ҳуқуқбузарликлар учун тайинланган жазо чораларининг жазо тайинлашдан кўзланган мақсадга мувофиқ эмаслиги, йўл ҳаракати соҳасидаги ҳуқуқбузарликлар учун белгиланган маъмурий жавобгарликлар миқдори ҳозирги замон талаблари ва хавфлилик даражасига мос эмаслиги бежиз кўп гапирилмайди.

❓Нима учун жарималар бунчалик катта?
❓Навигаторлардан фойдаланиш ривожланган бир пайтда, автомашина салонига дисплей ўрнатишни тақиқлашдан маъно борми?
❓Қўлларини ишлатмасдан телефонда мулоқот қилиш имконини берувчи минигарнитуралар (блутус, наушник) кўпайиб кетган замонда, нега ҳайдовчига улардан фойдаланиши мумкин эмас? Ахир ёнида кетаётган йўловчи билан гаплашиш тақиқланмаган ҳолда, узоқдаги билан гаплашишни тақиқлаш мантиқлими? Қўли банд бўлмаса бўлди-да.
❓ID-карта ёнида бўлганда, бошқа ҳужжатлар (техпаспорт, талон, права)га на ҳожат?

Битта ID-карта барча ҳужжатларнинг ўрнини босиши учун эса 2021 йил 1 декабрга қадар бир қанча базалар интеграция қилиниши керак. Бу кейинчалик яна бир қатор манфаатли лойиҳалар учун қулайликлар келтириб чиқаради дегани.

Лойиҳада нималар назарда тутилаётгани ҳақида мана бу ерда ўқишингиз мумкин.
https://regulation.gov.uz/uz/d/48571

Лекин бу ҳали лойиҳа. У пишиши, такомиллашиши керак. Муҳокамада фаол бўлинг, эътироз, таклиф, таҳрир – бари кўриб чиқилади.

@shahnozxon

Кечагина қозоғистонлик спортчиларнинг формаси биздан зўр деётувдик, бугун биз 32, Қозоғистон 83-ўринда! Лекин биз барибир норозимиз. Биз норози бўлмасак, ер чаппа айланса керак!

Энди бизга охирги кун ютган Баҳодирни сал кўпроқ олқишлангани ёқмаяпти. Ахир унинг янгигина ғалабасини нишонлашга бир кунгина қўйиб беринглар. Акбарни шахсан Президент селекторда қутлади. Бу яна кимга насиб этди?

Тэйквондодан олган олтинимиз, биринчи олтинимизни қандай шукуҳ билан нишонлагандик, унутдингларми?

Чусовитина ўтган гал олимпиадада бирон соврин олмаган бўлса ҳам, Малибу берилганди. Бу сафар ҳам нималардир берилса керак. Кеча Бош вазир Абдулла Арипов айтди-ку: “Президентимиз ҳеч бир спортчи беэътибор қолмайди дедилар” деб. Сабр қилайлик, бирам бесабрмизей)))

Умуман, бизда олимпиада ғолиблари фақат бир кун, бир марта тақдирланмайди, улар ҳали яна кўп соврину эътирофларга лойиқ кўрилса керак. Одатда, шундай бўлиб келган.

Сизлар ҳам мазза қилиб байрам қилсанглар-чи! Қўшнилар бизга ҳавасда, МДҲ ҳавасда, туркий давлатлар ҳавасда, биз эса уни бунга солиштириб, йўқ жойдан хафа бўлиб ўтирибмиз. Қўйингларе!

@shahnozxon

​​⚡️⚡️⚡️Яшасин! Биз сифат сертификати олдик!!!

Адлия вазирлиги нафақат республикамизда, балки Марказий Осиё давлатларидаги вазирликлар орасида биринчилардан бўлиб “ISO 9001 сифат менежменти тизими” халқаро стандарти сертификатини қўлга киритди.

Кўпчилик “нима қипти?” ёки “у нима ўзи” деётгани тайин. Тушунтираман.

Сифат сертификати – бу ташкилот фаолияти нақадар тўғри ва самарали олиб бораётганини тасдиқловчи ҳужжат. Уни ўзимизникилар эмас, халқаро обрўли ташкилот беради.

У ташкилот сертификат беришдан аввал сертификат олмоқчи бўлган тизимни обдан ўрганади, унда кўрсатилаётган хизматлар кам куч сарфлаб кўп натижа олишга нақадар йўналтирилганлигини баҳолайди. Шунингдек, хизмат мижозларни рози қилишга қаратилганлиги, унинг сифатига катта эътибор беради.

Давлат ташкилотининг мижозлари – бу солиқ тўловчилар, фуқаролар, халқ. Шундай экан, давлат ташкилотлари фаолиятини баҳолашда унинг ресурслардан оқилона фойдаланиши ва хизмат сифати баҳоланади.

Бу бизга нима беради, бир қоғоз-да дейишга шошилманг.

Қоғозлиги рост. Аммо бу каби сертификатларнинг кириб келиши давлат ташкилотлари олдига бошқача, замонавий шартларни қўя бошлайди. Сертификатни олишга интилиш учун тизим ўз ҳаракат ва харажатларини мувофиқлаштириб, сифатни оширишга интилади, шунга олиб борувчи механизмларни яратади. Натижада, албатта давлат ташкилотлари ишни халққа, унинг манфаатларига мос тарзда ташкиллаштиришга ва олиб боришга мажбур бўлади.

Адлия вазирлиги вазирликлар орасида биринчи бўлиб ушбу сертификатни қўлга киритди.

Мен ҳамкасбларимни ушбу ютуқ билан чин дилдан қутлайман. Шундай жамоага мансублигимдан фахрланаман! 👏👏👏

@shahnozxon

​​Минг афсуски, фарзанди билан кўчада қолган, ишлаш учун хорижга кетиб, “ёмонотлиқ”қа чиққан, йиллар давомида зўравонликка чидаб яшаб келаётган аёлларимиз жуда кўп. Кимдир уларга ачинади, кимдир “экканига ярашасини ўрибди” деб, ўзича қоралаган бўлади, лекин бу муҳокамалар билан муаммо ечилмайди. Фақатгина амалий чора кўриш, керак бўлса, одамлар онгида қотиб қолган азалий стереотиплардан қутулиш орқалигина бирор нарсага эришиш мумкин.

Кўпчилик гендер тенглик деганда аёлнинг эркакдан устун бўлиши, оилаларни нотинч қилувчи жанжаллар, ҳақ талашувлар ва ҳатто ажримларни кўз олдига келтиради - хато қилади! Гендер тенглиги бу жамиятда аёл ва эркакларга тенг имкониятлар берилиши, яъни АДОЛАТ дегани. Уни фақат эр-хотинлик муносабатларига татбиқан кўриш – ниҳоятда тор қарашдир. Оилада ўзаро тушуниш, муҳаббат ва ҳурмат бўлса, эр-хотин ижобий анъаналарга мос муроса нуқтасини албатта топа оладилар.

Сўнгги йилларда жамиятимизда аёлларнинг мавқеи ошгани, уларнинг сўзларига қулоқ солувчилар кўпайганини пайқаш қийин эмас. 2019 йилнинг 2 сентябрида “Хотин-қизлар ҳамда эркаклар учун тенг ҳуқуқ ва имкониятлар кафолатлари тўғрисида”ги Қонун қабул қилинишининг ўзи қанчалар катта ютуқ. Олий Мажлис Қонунчилик палатаси аъзоларининг – 32 фоизини, сенат аъзоларининг эса 25 фоизни аёллар ташкил этади. Бу йилги президент сайловида қатнашадиган 5 нафар номзоддан бири аёл киши эканлиги ҳам қувонишга арзирли ҳолат.

Қуйидаги инфографикада мамлакатимизда гендер тенглиги бўйича амалга оширилган ишлар батафсил кўрсатилган.

Эришилган натижалар билан кифояланиб қолмаймиз ва келгусида олий маълумотли, мустаҳкам ҳаётий позицияга эга ҳамда оилада фарзанд тарбиялаш билан бир қаторда давлат ва жамият равнақига ҳисса қўшадиган аёлларимиз сафи кенгаяди, деган умиддаман.

@shahnozxon

Мана бу ерда оиланинг барча аъзолари учун кийим-бошлар ва уй-рўзғор буюмлари сотиляпти.

Нархлар арзон, Туркиянинг сифатли бренд ва фирмаларидан тўғридан-тўғри буюртма беришар экан. Биринчи қўл дейиш мумкин савдо тилида. Инсоф билан нархлаймиз дейишмоқда.

Серия йиғилишини кутмайсиз, бренд маҳсулотлар донага сотилади.

“Мижоз манфаатини биринчи ўринга қўйиб, натижага эришиш мумкинлигини англаб, амалда тадбиқ қиляпмиз. Ўзимизга нимани раво кўрсак, Сизга ҳам шуни тавсия қиламиз” деди гуруҳ админи (дугонам бўлади)

Қисқаси, гуруҳга киринг, кўринг ва харид қилинг🌺

https://t.me/waikiki_sale

Вакцина ҳақида кўп берилаётган саволларни ўргандик ва муҳим 12 тасига жавоб изладик. Натижада ушбу кўрсатув пайдо бўлди.

❓Вакцина зарар етказадими, бепушт қиладими, ўлдирадими?
❓Нега вакцина олгач ҳам касал бўлишяпти?
❓Агар ҳамма вакцина олмаса, оммавий иммунитет пайдо бўлмаса, нима бўлади?
❓Вакцинага мажбурлаш нима: оёқ-қўлини боғлаб олиб бориб қилдиришадими ё танлов эрки инсоннинг ўзида қоладими?
❓Вакцина олмаганларни ишдан четлатиш қанча муддатгача давом этади?
❓Вакцианага мажбурлаш халқаро ҳуқуқ нормаларига зидми?

Шу каби муҳим саволларга ушбу видеодан жавоб топасиз. 20 дақиқа вақтингизни аяманг, вакцина ҳақидаги саволларингизга жавобни билиб оласиз.

https://youtu.be/kRWnDxFWZ5E

Китоб чиқариш бир ташвиш бўлса, уни сотиш ва харидорга етказиш - ўн ташвиш. Буни фақат ноширлар ва шу соҳага дахлдор мутахассислар яхши билишади.

Китоб бозорида ўз ўрнига эга бўлган креатив Asaxiy Uz интернет-дўкони июль ойида ажойиб акция эълон қилганди. Учта ёки ундан ортиқ китоб харид қилсангиз, Ўзбекистон бўйлаб етказиб бериш хизмати текин.

Қувонарлиси, акция 31 августгача узайтирилибди. www.asaxiy.uz сайтга кириб китобларни танлайсиз ва буюртма қолдирасиз. Китоблар уйингизгача 3 иш кунида етиб боради. Агар сайтдан фойдаланишда қийналсангиз, унда телеграмдан @asaxiybook аккаунтига ёзиш етарли.


Китоб энг яхши совғадир. У саёҳату сафарларда, учоқлару поездда, бегона шаҳарларда меҳмонхоналарда, бемор бўлиб уйда ётгандаю, соғлом бўлиб ишга кетаётганда жамоат транспортида "пробкалар"да қолиб кетганда... - хуллас, ҳамма жойда вақтни фойдали ва мароқли ўтказиш воситасидир.

Китоб сотиб олинг - пулингиз ўзингиз билан кетади ва яна катта фойда ҳам келтиради.

@shahnozxon

Гўёки китобни нусхалаб тарқатиш савобмиш, бу билан нусхаловчи яхши ниятни кўзлаганмиш.
Китоб ўғирлаш, тарқатиш ёмон, аммо ундан ҳам ёмони буни “савоб”, “зиё таратиш” деб оқлаб беришдир.
_____________
“Китоб ўғриси ўғри эмас” – бу мақол бизнинг кунларимизда бемаъни, ҳатто зараралидир. Бир пайтлар китоблар фақат давлат (яъни, халқ) пулига чиқарилган даврларда балки бу гап ўзини оз-моз оқлар. Қолаверса, у пайтлар нусха кўчириш ва тарқатиш технологик жиҳатдан осон бўлмаган, ўғирланган китоб фақат битта одамнинг қўлида қолган. Ҳозир эса гап китобни яширинча нусхалаб кўплаб инсонларга тарқатиш ҳақида кетяпти. Бу китоб халқнинг мулки эмас, муаллиф ва ноширнинг мулки. Унга белгиланган нархни бермагунча, ҳеч ким эгалик қила олмайди. Чунки у сизу бизга ўхшаган бир солиқ тўловчи фуқаронинг шахсий маблағлари эвазига чиқарилган.

Кейин сиз битта нусхани сотиб олганингиз, бу ундан нусха кўчириб тарқатишингиз мумкин дегани эмас. Сиз тўлаган 20-30 минг сўмга китобни чексиз нусхада кўпайтириш ҳуқуқи берилмайди (бу ҳуқуқ қиммат туради, ноширлар уни фалон пулга сотиб олишади). Сиз шу биргина нусхани тасарруф эта оласиз, ундан нусха кўчириб тарқатиш – жиноят! Буни ҳеч қандай “зиё тарқатиш” истагингиз билан оқлай олмайсиз.
Бунақа чала “Робин Гудлар” билан узоққа бормаймиз.
________________
Тошкентнинг биқинида “Қуёшли” китоб бозори бор. Ўша ерда қанчалаб контрофакт китоблар сотилади, биласизми? Шу китоблар орқали қароқчилар уч қаватли участкалари қуряпти, Гоа ва Балида дам оляпти... бу ёқда кутган маблағини ололмаган ноширларнинг қанчадан-қанча фойдали лойиҳалари тўхтаб турибди. Шу маърифат улашишми?

Китоб нашр қилиш осон иш эмас: нашрлар ичида энг меҳнатталаби ва қиммати шу. Чунки китоб тайёрлашнинг катта қисми автоматлаштириб бўлмайдиган, инсон меҳнати талаб қиладиган, меҳнат бўлганда ҳам, интеллектуал (яъни қиммат) меҳнат талаб қиладиган жараён. Яхши китоб чиқараман деган ношир бирпасда бойиб кетмайди, бойиб кетса ҳам, ҳеч қачон ресторан, дорихона ёки супермаркет тармоғи соҳибларидек миллиардер бўлмайди. Чунки у узоқ йиллар давомида кўп-кўп маблағ сарфлаб, анча йиллар ўтгач оз-оздан фойда кўра бошлайди. Китоб нашр қилиб фойда кўраман деган тадбиркорда қуруқ ҳисоб-китоблардан ташқари оз-моз “жиннилик” ҳам бўлади, яъни китоб жиннилиги. Бўлмаса шунча ресурсни бошқа соҳага сарфласи, тез орада итининг товоғи тилладан бўлиб кетишини англамайди дейсизми? Биз бундай “китоб жиннилари”ни асрашимиз керак, “зиқна”, “худбин” ва яна алланималар деб бошидан мағзава тўкмай.
__________________
Китобнинг “пдф версияси борми?” дегувчиларни ёқтирмайман, менинг назаримда улар текинхўрлар. Айнан улар туфайли қароқчилик ривожланади, чунки талаб бор жойга таклиф етиб келади. Китоб ўқиб илм оламан деган инсонлар бу илмни эзгу йўл билан олишни ҳам ўйлаши керак эмасми? Чўчқа гўшти емаймиз – луқмамизнинг ҳалоллиги ҳақида ўйлаймиз, нега маънавий озуқани ҳаром йўл билан олмоқчи бўламиз?

Энди савобталаблик масаласи. Одамлар, муаллифлик ҳуқуқига риоя қилмай, савобга китоб тарқатаверсак, қайси пулга ноширлик ривожланади, янги асарлар таржима қилинади? Қани шу савобталаблар 5 минг доллар йиғиб беринглар, масалан. Янги асар таржимаси учун)))

Ўғриликни китоб ўқиш иштиёқи билан оқлашга уринманглар, арзимас пулга электрон версияси турибди. Шунчаки, текинга ўчмиз, у китоб бўладими, лавашми – фарқи йўқ. Бировнинг ҳуқуқи дейсизми? У нима билан қўшиб ейилади? Бизни фақат ўз ҳуқуқимиз, манфаатимиз қизиқтиради.

Ўғирлаб ўқийдиган бўлсангиз, ўқимай қўяқолинглар. Чунки сиз ноширлик ривожига зарба беряпсиз, эртага яхши китоблар чоп этилиши йўлига тўғаноқ бўляпсиз, ўзингизнинг маърифатингизни ўйлаб кўпларнинг маърифатига зарар етказяпсиз.

Маърифат ўғирлаб олинмайди, шунинг ўзи маърифатсизликдир.

@shahnozxon

“Халқ юраги” ҳужжатли фильмлар туркумининг ёпиқ тақдимоти бўлиб ўтди.

Кеча Ўзбекистон Кинематография агентлиги томонидан бир гуруҳ зиёлилар, ижодкорлар, адиблар ва олимлар учун ташкиллаштирилган премьерада бўлдим. Ўзбек адабиётининг Алишер Навоийдан тортиб Муҳаммад Юсуфгача бўлган 25 нафар адаби тўғрисидаги ҳужжатли фильмлар туркумининг тизерларини намойиш этилди ва ижодкорлари билан таништирилди. Шунингдек, ушбу туркумдан Бобурга бағишланган “Йўлбарснинг туғилиши” фильмини тўлиқ кўрсатишди.

Хабарингиз бўлса, бундан роппа-роса бир йил аввал Миллий боғда Алишер Навоий ҳайкали тагида Адиблар хиёбони ҳақида “Халқ юраги” номли ҳужжатли-публицистик фильм премьераси ўтказилганди, 1 октябрда эса фильмнинг теленамойиши бўлган. У менда жуда яхши таассурот қолдирган, ҳали-ҳануз такрор кўриб тураман – таъсирли, ширали, янгича ёндашувли, зериктирмайдиган ҳужжатли-публицистика.

Шу фильм кеча тақдимоти ўтган сериянинг очқичи – калити бўлганди. Ўшанда “Халқ юраги” номли туркум яратилиши ҳақида баёнот берилганди.

Орадан бир йил ўтиб, ваъда бажарилибди - туркум тайёр бўлибди. Бирон иш натижага етгани ўзи катта гап бизнинг замонда. Олқишлайман!

Навоий, Бобур, Огаҳий, Фурқат, Муқимий, Беҳбудий, Чўлпон, Қодирий, Бердақ, Ҳамид Олимжон, Зулфия, Ғафур Ғулом, Ойбек, Мақсуд Шайхзода, Саид Аҳмад, Саида Зуннунова, Эркин Воҳидов, Абдулла Орипов, Ибройим Юсупов, Тўлепберген Қайпбергенов, Озод Шарафиддинов, Абдулла Қаҳҳор, Муҳаммад Юсуф ижодига бағишланган ҳар бири ярим соатдан давом этувчи ҳужжатли фильмлар серияси – бу ҳодиса. Ҳали фильмларни кўрмадик, уларнинг даража ва сифатини билмаймиз, аммо мавзу ва ғоя учун муаллифларга ҳозирданоқ ташаккур.

Кечаги тақдимотдан хулосам: булар ҳужжатли фильм элементи бор, бироқ кўпроқ бадиий-публицистикага тортади, янаям серия намойиш этилса кўрамиз.

Тизерларда Иброҳим Ғафуров, Наим Каримов, Эркин Аъзам, Шуҳрат Сирожиддинов каби давримизнинг буюк зиёлиларини кўриб кўнглим кўтарилди, улар ҳам тирик тарих, уларга кўпроқ микрофон тутиш керак. Гарвард, Жаварҳарлаъл Неру университети профессорлари, дунёнинг етук олимларини жалб қила олибмиз, демак эртага улардан яхши маълумотларни ҳам сўраб оламиз деган умид уйғонди. Шодмонқул Саломни Абдулла Орипов образида кўриб “воо, топилма!” дедик – ҳайратлар ҳам бор.

24 та фильмни турли ижодий жамоаларга бўлиб беришган экан – турлича қараш, дастхат, ёндашув ва даража бўлишини ҳам тахмин қилиш мумкин.

Асосийси, сўнгги йилларда зиёлиларга, адабиётга бағишланган киномизнинг баланд сўзи бўлди бу. Юксак интеллектуал мавзуларни ва ҳужжатли фильм жанрини бутунлай игнор қилган даврларимиз тугагани рост бўлсин.

Энди жараённи тўхтатамасдан, оловни сўндирмасдан, турли соҳа олимлари, давлат арбоблари, саркардалар, жамоатчилик фаоллари ҳақида тарихий-ҳужжатли фильмлар олинса, бизнинг илдизларимиз, чўққиларимиз, қояларимиз эсланса ва кўрсатилса, балки шу бўлар бирлаштирувчи ғоя, мафкура – тараққиёт ғоясига замин.

Яхши, фойдали, тарихий бир лойиҳанинг амалга ошгани билан барчани қутлайман!

Бу юқорида тилга олинган "Халқ юраги" туркумидан Мақсуд Шайхзодага бағишланган фильмнинг тизери. Сир бўлса ҳам айтаман, шу сериясини тўлиқ кўришга муваффақ бўлдим. Қизиқ, тарихий ва эксклюзив маълумотларга бой, шахс ва характер яхши очилган фильм. Шайхзодани тушунтирадиган, унинг истеъдоди кўламини очиб бера олган, ҳам бадиий, ҳам ҳужжатли томони пишиқ фильм бўлган.

@shahnozxon

#Биласизми

Йўл-транспорт ҳодисаси содир бўлганда ҳайдовчилар нималарни билиши керак?

🔰 Бундай вазиятда:

❓Ҳайдовчи қандай ҳаракатларни амалга ошириши керак?

❓Ҳайдовчилик гувоҳномаси олиб қўйиладими?

❓Қандай жазо чоралари қўлланилади?

Батафсил 👉 https://bit.ly/2Uhu1Sd

Каналга уланиш👇👇👇
https://t.me/huquqiyaxborot