الثأر يا كل نشمي موت والا حياه
والزول زايل وعار المرتزق ما يزول

يا نعنبا من رضي بالعيب يا نعنباه
واعراضنا ما يدنسها قليل الأصول

عار اليمن والله إنا ما نخلي نقاه
لو ما بقي من يخبّر بعد سود الفعول

ذي ما يلبي ندا الواجب لدحر الغزاه
يصبح مطيه لهم مثله ومثل الذلول

والعز في ساحة الميدان يا من يباه
بين النشامى على الاعدا يصول ويجول

والمعتدي ف اليمن تحرم عليه النجاه
لو بايطول السما ناتيه لو بايطول

وراه يا كل فارس بالمنايا وراه
حرام ما عاد يسلم من نقا الشعب زول

الموت موت الضماير يا ذيول الطغاه
ما يرفع الراس خاين والذيول الذيول


#بقلم_الشاعر_محمد_أحمد_مفلح
#امريكا_تقتل_الشعب_اليمني
#اليمن_مقبرة_الغزاه
#وإن_جندنا_لهم_الغالبون
#اغتصاب_فتاه_في_الخوخه
#انتصارات_وصمود_3سنوات
لمتابعتنا على التيلجرام اضغط على الرابط التالي
https://t.me/shaerm

ثارت رجاجيل القبائل ثارت
من كل حدب وصوب تطلب دمها

نار الغضب في كل نشمي فارت
للثأر في وجه العدا يضرمها

وابن اليمن لا قال دوري دارت
وإذا دخل في معركة يحسمها

ما دام وملوك الضلال اختارت
عدوانها وامريك تتقدمها

فإحنا لها من وين ما هي سارت
نهدم عروش الصهينه نهدمها

كل الجرايم في الوطن ذي صارت
لا بد ما نقتص من مجرمها

سوق الخيانة والعمالة بارت
لا استجلبت الأعراب من يخدمها

خابت وفي شعب الصمود احتارت
رابع سنه والعجز يستلزمها

كل الجيوش العالمية خارت
وبقوة الله شعبنا يهزمها

قواتهم لا واجهتنا انهارت
كم يا اسلحه من بعدهم نغنمها

والطايره لو في سمانا طارت
لا بد ما تسقط مع طاقمها

ما ننثني لظروفنا لو جارت
لو باتصل للموت نتقاسمها


#بقلم_الشاعر_محمد_أحمد_مفلح
#امريكا_تقتل_الشعب_اليمني #اليمن_مقبرة_الغزاة
#اغتصاب_فتاه_في_الخوخه
#وإن_جندنا_لهم_الغالبون
لمتابعتنا على التيلجرام اضغط على الرابط التالي
https://t.me/shaerm

زحوف الغزو في صحراء ميدي
لغربان الخلا صارت موايد

هلاك المرتزق والجنجويدي
كتبنا زامله لحن وقصايد

لصحن القارعه هل من مزيدي
من أذناب السعودي وإبن زايد

على العدوان ميدي واستميدي
بلادي يا يمن حسب العوايد

هواها شافعي والفكر زيدي
يوحدنا رخاها والشدايد

على المبدأ ولا يمكن نحيدي
قضية شعب ما فيها محايد

رجال العزم والباس الشديدي
وللغازين جهزنا المصايد

شعور الفخر يتلحف قصيدي
واعلقها على صدري قلايد

ونغمة بندقي تعزف نشيدي
وصرخاتي على الغازي نكايد

سلاحي ما يفارق قبضة إيدي
وعند الله عوني والسدايد

معك يا صاحب القول السديدي
لكل الشعب ابو جبريل قايد

#بقلم_الشاعر_محمد_أحمد_مفلح #امريكا_تقتل_الشعب_اليمني
#اليمن_مقبرة_الغزاه
#اغتصاب_فتاه_في_الخوخه
______________________
لمتابعتنا على التيلجرام اضغط على الرابط التالي
https://t.me/shaerm

عام الصواريخ والباس اليماني
يفرض على الحلف الأمريكي حضوره

قولوا لسلمان عاد الليل داني
وبقوة الله بانكسر غروره

حكم العدالة يلاحق كل جاني
ثورة على الظلم يا الاحرار ثورة

ما باقي الا الشرف والعمر فاني
والذل ما هو من أحكام الضرورة

دعاني الله للجبهة دعاني
قال انفروا جاهدوا الباطل وجوره

لله لبيت يا دنيا كفاني
ما عاد به عذر للصمت وقصوره

يا بندقي رتّل السبع المثاني
بسم الله آية وبسم الله سوره

والله أكبر ثقة تملأ كياني
من هو مع الله يجتاز الخطورة

سلّط على الكفر قوة عنفواني
وانا عذابه على الظلم وفجوره

عشرين دولة وانا ثابت مكاني
خابوا وخابت من إبليس المشورة

وقت النقا حان وأشهد يا زماني
نفنا ولا يوم نرضى بالمعوره

من يقبل العار يبشر بالهواني
لو هادن الخصم ما يسلم شروره

يا بدر واحد وبعدك بدر ثاني
زلزل كيان العدو واقلع جذوره

من قد كتبناه في كشف البياني
من نار بركان باياتيه دوره

تدشين عام الصواريخ اليماني
نفذ قرار النقا لحظة صدوره
#بقلم_الشاعر_محمد_أحمد_مفلح #اليمن_مقبرة_الغزاة #اليمن #امريكا_تقتل_الشعب_اليمني
#اغتصاب_فتاه_في_الخوخه
#وإن_جندنا_لهم_الغالبون
لمتابعتنا على التيلجرام اضغط على الرابط التالي https://t.me/shaerm

للهاويه يا قوى العدوان للهاويه
(كذلك الأرض ننقصها من أطرافها)

هبت على الغزو(ريحاً صرصراً عاتيه)
طافت عليهم وعزرائيل طوّافها

عام الصواريخ دشّن حربه العاتية
يدفن مماليك قرن ابليس وارجافها

بالضربة القاضية بالضربة القاضية
بركان والبدر تتسابق على اهدافها

والحرب من كل جانب حاميه حاميه
والمرتزق من دمه يتحمل اكلافها

من خان شعبه ودينه راح في داهيه
سلطة كباش الفدا ما اتعدت اصوافها

حكم الله اقوى وتبقى كلمته عاليه
اورث جنوده لحكم الارض واكنافها

مسيرة ال النبي بامر الهدى ماضيه
لو ضدها الكون ما يقدر على إيقافها

تسقط طواغيت الأمه طاغية طاغية
حتى تجازى ملوك العهر بإسرافها

روس الضلال اينعت وقطوفها دانيه
بذنوبها سيف ابوجبريل قطّافها

وبقوة الله ف الأولى وف الثانية
نجزي لها السيئات بعشرة أضعافها

تصبح عروش الضلاله باهلها خاوية
عبره يسبح بحمد الله من شافها

حسرات الأعمال تظهر ساعة الغاشيه
يوم الشياطين تتبرأ من احلافها

#بقلم_الشاعر_محمد_أحمد_مفلح #امريكا_تقتل_الشعب_اليمني #اليمن_مقبرة_الغزاة
#اغتصاب_فتاه_في_الخوخه
#وإن_جندنا_لهم_الغالبون
لمتابعتنا على التيلجرام اضغط على الرابط التالي
https://t.me/shaerm

شب النكف يا قوم والموقف خطير
ومن تخاذل فيه فالله يخذله

عرض اليمن واحد كبيره والصغير
والعيب من هو ذاك بايستحمله

نفير يا الأبطال للجبهة نفير
بسم الوطن والدين وإلا قبيّله

ما عاد حد معذور لاجله يستخير
خير النقا من حلف الإجرام اعجله

حقير من يسكت على فعل الحقير
والصمت عمره ما يحل المشكلة

لا بد تصبح معركة الأعراض غير
وتكون وحدتنا بداية مرحلة

نشعل عليهم الأرض نار وزمهرير
والمعتدي بأخشامها نستقبله

حيا الله الغازين لا سوء المصير
من هو يواجهنا كتبنا زامله

وبقوة الله نلحق اولهم الاخير
داخل جهنم كل غازي نرسله

من ينتظر من حلف الأمريكان خير
يختار له صاروخ والا قنبلة

بالنار من رمضا الصحاري يستجير
غافل ومن حق العدو يستغفله

والكفو في وقت الحظا ما يستدير
عز الرجاجيل الصفوف الأوله

يوم البنادق باللظى تشعل سعير
كلن يبيّن موقعه ف المرجله

بالله نتوكل ويا نعم النصير
يفرغ علينا الصبر عند الزلزلة

يا الله تثبتنا بعونك يا قدير
و لا نكون من الذي تستبدله

شعب اليمن للحرية قاد المسير
بعد العلم مشوارنا نستكمله

يا سيدي عبدالملك مهما يصير
حرام ما نرجع ورا قيد انمله

جندك معك جنبك لهبها مستطير
واللي تريده من رجالك توصله

عالم بقتل أطفالنا ميت ضمير
ما حركه قتل النساء في مسألة

حرام يا من هو مع أمريكا أجير
لا بد يتجازى على ما يعمله

هذا قرار الشعب لإعلان النفير
والمعركة متواصلة متواصلة
#بقلم_الشاعر_محمد_أحمد_مفلح #امريكا_تقتل_الشعب_اليمني #اليمن_مقبرة_الغزاة
#اغتصاب_فتاه_في_الخوخه
#وإن_جندنا_لهم_الغالبون #الذكرى_السنوية_للشهيد_القائد
لمتابعتنا على التيلجرام اضغط على الرابط التالي
https://t.me/shaerm

(البــــــدر اليـمـــــانــــي)
➖ ➖ ➖ ➖ ➖ ➖ ➖ ➖ ➖ ➖
أذّن النــــــــــصر بالبــــــــــدر اليماني وطــــــــــاف
في زيــــــــــاراتــــــــــه الأولــــــــــى طــــــــــواف القــــــــــدوم

بعــــــــــد ثــــــــــالـــث سنــــــــــه ودّع سنيــــــــــن العجــــــــــاف
وأصبــــــــــحت سيــــــــــر رحــــــــــلات النقــــــــــا كــــــــــل يــــــــــوم

الغـضــــــــــب فـي عيــــــــــونه والعــــــــــدو ف المشــــــــــاف
لاجتيــــــــــاح العــــــــــدا ما يعــــــــــرف إلا الكمــــــــــوم

من دمــــــــــوع الثكــــــــــالى وانتقــــــــــام العفــــــــــاف
ينــــــــــبعث من ركــــــــــام القصــــــــــف رد القــــــــــروم

لا ســــــــــرى البــــــــــدر واطلقــــــــــنا وراه الهتــــــــــاف
صاحــــــــــت الغــــــــــرب عــــــــــاده في سمــــــــــا أبــــــــــها يحــــــــــوم

من ذهــــــــــول الاعــــــــــادي ينــــــــــتزع الاعتــــــــــراف
كــــــــــف حيــــــــــدر لهــــــــــا فــــــــــي كــــــــــل عاصــــــــــي وســــــــــوم

جــــــــــاوز الرصــــــــــد والــــــــــرادار والاكتــــــــــشاف
لا نــــــــــوى البــــــــــدر للمــــــــــسرى تغــــــــــيب النــــــــــجوم

والســــــــــلاح المــــــــــسيّــــــــــر للمــــــــــعارك يضــــــــــاف
قاصــــــــــف المــــــــــوت حلــــــــــّق فـــــــــــوق روس الخــــــــــصوم

وعــــــــــد ربــــــــــي بنــــــــــصره ما علــــــــــيه اختــــــــــلاف
مالــــــــــك المــــــــــلك ما غيــــــــــره بملــــــــــكه يــــــــــدوم

حلــــــــــف واشنــــــــــطن اســــــــــرف فــــــــــي دمــــــــــانا جــــــــــزاف
ما درى ان ثــــــــــارنا لو ما القيــــــــــامة تقــــــــــوم

انفــــــــــروا فــــــــــي سبــــــــــيل اللــــــــــه ثقــــــــــال وخــــــــــِفاف
يا قبــــــــــايل مواقــــــــــفها تزيــــــــــل الهمــــــــــوم

عــــــــــرض الأحــــــــــرار واحــــــــــد من عــــــــــدن لا كــــــــــتاف
جلــــــــــسة الــــــــــذل عــــــــــار وكــــــــــل خــــــــــذلان لــــــــــوم

حــــــــــان وقــــــــــت الحــــــــــساب اليــــــــــوم حــــــــــان القــــــــــطاف
من غــــــــــزا أرض اليــــــــــمن يبــــــــــشر بــــــــــدق الخــــــــــشوم

نعنــــــــــبـا من تراجــــــــــع من مكــــــــــانه وخــــــــــاف
لو زحــــــــــف من زحــــــــــف خــــــــــابت زحــــــــــوف الرخــــــــــوم

كلــــــــــما حــــــــــاولوا بالزحــــــــــف والالتــــــــــفاف
نار الأبطــــــــــال بالمرصــــــــــاد حســــــــــب اللــــــــــزوم

لا جهــــــــــنم نوردهــــــــــم بحفــــــــــلة زفــــــــــاف
كلــــــــــما اتخلــــــــــصت مــــــــــن كــــــــــوم جيــــــــــنا بكــــــــــوم

#بقلم_الشاعر_محمد_أحمد_مفلح #امريكا_تقتل_الشعب_اليمني #اليمن_مقبرة_الغزاة
#اغتصاب_فتاه_في_الخوخه
#الذكرى_السنوية_للشهيد_القائد
لمتابعتنا على التيلجرام اضغط على الرابط التالي
https://t.me/shaerm

الجنب جنب الجنب نتجاوب لواجبنا وجب
والجيد ما اتجنب على جنبه وخلا واجبه

الغزو يستجلب ويجلب بالجحافل من جلب
لجنهم اتجاوب مجاميع الوجيه العايبه

قدامنا جرّب من اجناس الاعاجم والعرب
زنجي ونيجيري جيبوتي جنجويدي خايبه

لو جاب من جاب الجعب تكرم جنابه لا اقترب
من كل جانب والرجال لثارها متجاوبه

للمجرم العايب نجهز واجبه جمر ولهب
يرجع ولو جنبه جيوش الكون كله قاطبه

في كل جبهه شعب جاهز ما تراجع وانسحب
صاغ العجب والمعجزه بجهوده المتناسبه

#بقلم_الشاعر_محمد_أحمد_مفلح #امريكا_تقتل_الشعب_اليمني #اليمن_مقبرة_الغزاة
#اغتصاب_فتاه_في_الخوخه
#وإن_جندنا_لهم_الغالبون
لمتابعتنا على التيلجرام اضغط على الرابط التالي
https://t.me/shaerm

(إلى روح الشهيد اللواء أبو صلاح القوبري سلام الله عليه )

ما متّ يا ناصر حسين القوبري
غيرك هو اللي يا شهيد الحق مات

يوقف مع عدوان وحشي بربري
باع العهود العسكرية بالفتات

والا انت ف الخط الأمامي تنبري
في ثارنا تقتص من ظلم الطغاة

يا أول من اوفى باليمين العسكري
واعظم من اتحدا الألم والمغريات

نكّلت بجيوش العدو المفتري
والمستحيل يرافقك والمعجزات

مؤمن مجاهد ف المعارك حيدري
شخصيتك فاقت على كل الصفات

في بندقيتك صرخة الطفل البري
تقذف حمم بركان من كل الجهات

زلزلت حشد الظالم المستكبري
بأروع بطولة صغتها عزم وثبات

والعهد لك من شعب شامخ حميري
يا ابو صلاح ارتاح إن النصر آت

والله أكبر يا شوامخ كبرّي
عصر المذله والخزا ولّى وفات

لو موقف العدوان بإجرامه جريء
لا بد ما يندم ورب الصافات

#بقلم_الشاعر_محمد_أحمد_مفلح
#امريكا_تقتل_الشعب_اليمني #اليمن_مقبرة_الغزاة
#اغتصاب_فتاه_في_الخوخه
#وإن_جندنا_لهم_الغالبون
لمتابعتنا على التيلجرام اضغط على الرابط التالي
https://t.me/shaerm

اسحب فلولك يا عميل أمريكا
فالموت الأحمر قبلهم ف الساحل

ورصاصنا بدماءهم تتزكى
من جا اليمن صار الفقيد الراحل

كلا إذا دكت عليكم دكا
واتلاطمت والعالي أصبح سافل

باجعل جماجمكم لرأسي مدكى
من فوقها اغرد واشل الزامل

وتصبحوا عبره قصصها تحكى
بأسوأ نهاية للسقوط العاجل

تجرفكم النكسه إلى أسفل دركا
للهاويه والانهيار الكامل

يا زمرة الحلف الشقي والافكا
عودوا وراكم واكتفوا بالحاصل

هذا اليمن من دونه الموت أبكى
من هو نوى بالاحتلال الفاشل

ون ما اعتبرتوا من محارق تشكا
يا بدر واصل محرقتهم واصل

عودوا وراكم يا كلاب أمريكا
فرزة جهنم قبلكم ف الساحل

#بقلم_الشاعر_محمد_أحمد_مفلح
#امريكا_تقتل_الشعب_اليمني
#اليمن_مقبرة_الغزاه
#اغتصاب_فتاه_في_الخوخه
#وإن_جندنا_لهم_الغالبون
لمتابعتنا على التيلجرام اضغط على الرابط التالي
https://t.me/shaerm