علي عماد
نخلة
وشتلني علي
ويواعد ويشتل
وكال إلا برحي وكلت
شكلين ما حمّل
ما صرت مثل الشمس
الصبح تمطر ضوه.. والمغرب توشل
لا جبت وين النهر
بالوفة من ينذكر ...عطشان ويبلل
وين اليهد وحده
لو شاف منجل وكح... كال انه اخو السنبل
كالولي بيهم فرق
العباس ذكره صعد
وذكر الوياه يقل
لا كلت كلهم سوى
يكتمل معنى النفس
باليصعد وينزل
الكاع دهلة وفه ...وكلهم شتال أيدي
من جان عمري حضن
نگط أبالي علي... وضحكن مواليدي
بس فتشت بالسما
واتنوعت للكمر... كتلهم اوليدي
بي خيزران وصلب... مو كل گصب لين
حرمه أزلمتها علي... شتخلف الهين
كالولي ما بينوا ؟؟
لا كلت مثل الجرح
كلما تضمه بضحك
هم يرجع ايبين
كاع الحسين الصدك
من زغرة مثل المطر..... لو طاح يندلهم
بس كال ياابو الفضل... كالوله (ها) كلهم
بالفزعه ماكو فرق
يم الخيم دائرة.... واخرهم اولهم
كبل الولادة الوفه ...البيهم يناغيني
ياهو الاجيبة كلف
ويكلي كلفي علي... وعباس سميني
بالفزعه ماكو فرق
ياهو النگله عطش... كال أخذوا جفيني
من دكول زينب شمس ...كلهم الگاهم في
ولو عطش عدنه طفل
يطونه مُلك الري
ليش اصفن بكربله
والكه الكمر عل النهر
واهل الكمر ماهم
وانه من اكلب السمه ...بكل هندس الكاهم
أفرض جدل مو علي... العباس رباهم
شتعتقد تلكه خلل ...موجود برباهم
خوة گبل تختلف.. مو مثل هذا الوكت
خوة كبل تختلف.. مد النحر واحجي
من طاحوا بكربلا... العباس ظل يبجي
گالوا بلايه گبر ..واطيتهم شاهد
كلش جبيرة السمه
بس المهم تكتفي وتضوي بكمر واحد
نخلة
وشتلني علي
ويواعد ويشتل
وكال إلا برحي وكلت
شكلين ما حمّل
ما صرت مثل الشمس
الصبح تمطر ضوه.. والمغرب توشل
لا جبت وين النهر
بالوفة من ينذكر ...عطشان ويبلل
وين اليهد وحده
لو شاف منجل وكح... كال انه اخو السنبل
كالولي بيهم فرق
العباس ذكره صعد
وذكر الوياه يقل
لا كلت كلهم سوى
يكتمل معنى النفس
باليصعد وينزل
الكاع دهلة وفه ...وكلهم شتال أيدي
من جان عمري حضن
نگط أبالي علي... وضحكن مواليدي
بس فتشت بالسما
واتنوعت للكمر... كتلهم اوليدي
بي خيزران وصلب... مو كل گصب لين
حرمه أزلمتها علي... شتخلف الهين
كالولي ما بينوا ؟؟
لا كلت مثل الجرح
كلما تضمه بضحك
هم يرجع ايبين
كاع الحسين الصدك
من زغرة مثل المطر..... لو طاح يندلهم
بس كال ياابو الفضل... كالوله (ها) كلهم
بالفزعه ماكو فرق
يم الخيم دائرة.... واخرهم اولهم
كبل الولادة الوفه ...البيهم يناغيني
ياهو الاجيبة كلف
ويكلي كلفي علي... وعباس سميني
بالفزعه ماكو فرق
ياهو النگله عطش... كال أخذوا جفيني
من دكول زينب شمس ...كلهم الگاهم في
ولو عطش عدنه طفل
يطونه مُلك الري
ليش اصفن بكربله
والكه الكمر عل النهر
واهل الكمر ماهم
وانه من اكلب السمه ...بكل هندس الكاهم
أفرض جدل مو علي... العباس رباهم
شتعتقد تلكه خلل ...موجود برباهم
خوة گبل تختلف.. مو مثل هذا الوكت
خوة كبل تختلف.. مد النحر واحجي
من طاحوا بكربلا... العباس ظل يبجي
گالوا بلايه گبر ..واطيتهم شاهد
كلش جبيرة السمه
بس المهم تكتفي وتضوي بكمر واحد
الشاعر حسن البركي
احسّك تنظلم كل ما نبالغ بيك
(احسك تنظلم كل ما نلح بالسيف)
عرب و نميل وين القوة تتميل
مارسنا التصحر من گلب وياك
وغمضنا وخضارك نابت بمعزل
المهم رغبتنا تشبع مو شرط نرضيك
رغم حد معرفتنا وياك بس تزعل
وعشنا بمجتمع بيه كل ضعيف يطيح
ومن العجز گلنه الزلم تتحمل
جوعان الرفض رايدله خبزة "لا"
وباب السنابل تأتئ المنجل
ونقصنا انثور مثلك بس صعوبة انثور
حـچينا بموقفك حتى النقص يكمل
هالخلينه جسمك اقوى من معناك
جا يمته نحس بـ إنصافنا اتفشل
وبدم الرگاب التارس التاريخ
اجينه لـ سيرتك طفينه كم مشعل
وجعلنا السيف يطغى اعله البياض البيك
واتقبلنا من الـ كلشي يتقبـــــــــل
اكو سبعين محمل للحجاها فلان
بس للـ تنعقل ما ظل ولا محمل
و مو معناها ما لاهث بجفك سيف
بس باقي صفاتك يفترض تنسل!
و الا منطق الخافوا وما لاگوك
أبلغ من الف لو جم الف يُقتل
اذا حجّمنا دورك بالزند والسيف
معناها الزند من ينگطع تنذل
و حشا يصير انتكالك عالمصيره يطيح
يبو روح الجذب عالمحك تتبدل
الشجاع شلون يثبت مو شلون يصول
ويا محلى الثبات اعله الوفي اليندل
اكثر من جذبنا عليك بيك ايثار
انت اشكد جرح وشكثر ما نخجل
بذاك العطش وادركت الشعوب تريد
واحد يرسلمها اشلون تتغربل
ويتعير اليفزع من تجيسه النار
اذا ظل عالمصالح غيره يتنصل
بس جيب الفهم معنى الرسمته بروح
ويگول انا للعباس مستقبل
عرفنا الماي لكن ما وراء الماي
شنو النفس العظيمة الما رضت تبتل
تگدر تشرب وتاخذ الماي وياك
وفعلك ينحجي وتتخلد وتنجل
لكن ما تريد تصير اي عباس
اليغزل بالإيثار ويكسر المغزل
زَرگ عود القيم وي ما رفضت الماي
وگتلنا تره تذبلون من يذبل
وبنيت وهدمت كل البنوه بالزور
يل بهدم المبادئ ما صرت معول
صمود الواثق يدّني الهدف خطوات
ويخلي الجبيل بعزمه يتوسل
فروسيتك تعززها الفراسة البيك
يا صيهود من خنيابك اتهدل
يا مرود الما خله العيون عيون
من شاف الحقيقة تريد تتكحل
اخو نعرفك ونجهل خوتك مولاي
ضنيناها هاي البيها نتغزل
يالضحيت مو لحسين لـلـ بحسين
شفت كل اليعجبن بيهن اتمثل
ولو يتفسرن كلهن المضمومات
جا حتى النواصب تسمع المقتل
احسّك تنظلم كل ما نبالغ بيك
(احسك تنظلم كل ما نلح بالسيف)
عرب و نميل وين القوة تتميل
مارسنا التصحر من گلب وياك
وغمضنا وخضارك نابت بمعزل
المهم رغبتنا تشبع مو شرط نرضيك
رغم حد معرفتنا وياك بس تزعل
وعشنا بمجتمع بيه كل ضعيف يطيح
ومن العجز گلنه الزلم تتحمل
جوعان الرفض رايدله خبزة "لا"
وباب السنابل تأتئ المنجل
ونقصنا انثور مثلك بس صعوبة انثور
حـچينا بموقفك حتى النقص يكمل
هالخلينه جسمك اقوى من معناك
جا يمته نحس بـ إنصافنا اتفشل
وبدم الرگاب التارس التاريخ
اجينه لـ سيرتك طفينه كم مشعل
وجعلنا السيف يطغى اعله البياض البيك
واتقبلنا من الـ كلشي يتقبـــــــــل
اكو سبعين محمل للحجاها فلان
بس للـ تنعقل ما ظل ولا محمل
و مو معناها ما لاهث بجفك سيف
بس باقي صفاتك يفترض تنسل!
و الا منطق الخافوا وما لاگوك
أبلغ من الف لو جم الف يُقتل
اذا حجّمنا دورك بالزند والسيف
معناها الزند من ينگطع تنذل
و حشا يصير انتكالك عالمصيره يطيح
يبو روح الجذب عالمحك تتبدل
الشجاع شلون يثبت مو شلون يصول
ويا محلى الثبات اعله الوفي اليندل
اكثر من جذبنا عليك بيك ايثار
انت اشكد جرح وشكثر ما نخجل
بذاك العطش وادركت الشعوب تريد
واحد يرسلمها اشلون تتغربل
ويتعير اليفزع من تجيسه النار
اذا ظل عالمصالح غيره يتنصل
بس جيب الفهم معنى الرسمته بروح
ويگول انا للعباس مستقبل
عرفنا الماي لكن ما وراء الماي
شنو النفس العظيمة الما رضت تبتل
تگدر تشرب وتاخذ الماي وياك
وفعلك ينحجي وتتخلد وتنجل
لكن ما تريد تصير اي عباس
اليغزل بالإيثار ويكسر المغزل
زَرگ عود القيم وي ما رفضت الماي
وگتلنا تره تذبلون من يذبل
وبنيت وهدمت كل البنوه بالزور
يل بهدم المبادئ ما صرت معول
صمود الواثق يدّني الهدف خطوات
ويخلي الجبيل بعزمه يتوسل
فروسيتك تعززها الفراسة البيك
يا صيهود من خنيابك اتهدل
يا مرود الما خله العيون عيون
من شاف الحقيقة تريد تتكحل
اخو نعرفك ونجهل خوتك مولاي
ضنيناها هاي البيها نتغزل
يالضحيت مو لحسين لـلـ بحسين
شفت كل اليعجبن بيهن اتمثل
ولو يتفسرن كلهن المضمومات
جا حتى النواصب تسمع المقتل
عقيل العرد
كبل يومك
جانت الدنيا غموس بلا ملح
وبعد يومك لبست الكاع الخضار
وطابت جروح الفلح
يوم عاشر
بدا التقويم الحسيني
والسنين الكبل يومك كلها لازم تنطرح
الم نشرح لك صدرك ؟
بالعطش ، بالسهم ، بالحر ، بالحوافر
المهم صدرك ينشرح
والصبح لمن تنفس
تنفس بنحرك كرامة
وربك تنفس شموخك بالطف الحد الذبح
يبدي يومك
من بدا العباس يكتب
( تنكطع جف اليحبك كبل لا تنمد ذليلة اعله الصلح )
ومن نزل سعر الكرامة
صعد راسك للرمح
الدنيا كلها بيوم وانت بيوم وحدك
مثل يومك ما يصح
كبل يومك
جانت الدنيا غموس بلا ملح
وبعد يومك لبست الكاع الخضار
وطابت جروح الفلح
يوم عاشر
بدا التقويم الحسيني
والسنين الكبل يومك كلها لازم تنطرح
الم نشرح لك صدرك ؟
بالعطش ، بالسهم ، بالحر ، بالحوافر
المهم صدرك ينشرح
والصبح لمن تنفس
تنفس بنحرك كرامة
وربك تنفس شموخك بالطف الحد الذبح
يبدي يومك
من بدا العباس يكتب
( تنكطع جف اليحبك كبل لا تنمد ذليلة اعله الصلح )
ومن نزل سعر الكرامة
صعد راسك للرمح
الدنيا كلها بيوم وانت بيوم وحدك
مثل يومك ما يصح
حيدر الطائي
ولا مره
اعله حيطانك
لگيت بعشر اصابع حنه لليهواك
الخنصر ينذب بعاشور
چان العطش بيك رماد
وسمه الكوفه
شحيحه ريح
ورماد العطش حد ما يبس برسومك
جو الكوفه نگط ريح
وچويت الذل ...
وبهامه ضميرك چان نبع تاج الكرامه يفور
وذا ذبحوك .. شيموته اليشم ذبحه گبل ذبحه
انته اول انسان ضلوع من يخسر يكض ربحه
چنت تدري .. نياشينك تدلي الناس بجروحك
وما هميت
رادو مايضل نيشان الك سحگوك
وسحگهم راح ع المامش
چنت واگف خيال من الشمس للماي
چنت ماواگف بروحك ..
اصابيع الشمس مفضوحه برسومك
يلي بدون راس تنام
مدري شلون من تثگل عليك الريح
كلك تفز من نومك
العطش تالي
ونته الماي من يومك ....
ولا مره
اعله حيطانك
لگيت بعشر اصابع حنه لليهواك
الخنصر ينذب بعاشور
چان العطش بيك رماد
وسمه الكوفه
شحيحه ريح
ورماد العطش حد ما يبس برسومك
جو الكوفه نگط ريح
وچويت الذل ...
وبهامه ضميرك چان نبع تاج الكرامه يفور
وذا ذبحوك .. شيموته اليشم ذبحه گبل ذبحه
انته اول انسان ضلوع من يخسر يكض ربحه
چنت تدري .. نياشينك تدلي الناس بجروحك
وما هميت
رادو مايضل نيشان الك سحگوك
وسحگهم راح ع المامش
چنت واگف خيال من الشمس للماي
چنت ماواگف بروحك ..
اصابيع الشمس مفضوحه برسومك
يلي بدون راس تنام
مدري شلون من تثگل عليك الريح
كلك تفز من نومك
العطش تالي
ونته الماي من يومك ....
مصطفى الاشتراني
تركض اتدور اعله عمرك
تدور بفانوسك اعله ارذاذ عينك
انت يالغيضك
جزه
رسوم الميانه وعايفينك
تشوف روحك مو عزيز تلوم روحك
انت والدنيا اعله روحك
تكري اليام بتجاعيد نتضارك ونت كاس
وتدري الجنازه الغريبه ستاحشت لهواي ناس
وتدري يتشضه الحنين المغربيه ويترس فراشه النعاس
لملم الباجي اعله
قمصانك قصيده
وحني بيبان النشد باچر يجون
وصلب عيونك مسيح الراهبات الصلن بخصر الضنون
كلشي البچفك عذر للـموش الك والتدري بيها
وكلشي بحسابك نذر حت ال رساله الشگگو دمعك عليها
وتيبس اردانك
بچي
اگلبها الگفاها وعاذرينك
تبچي وادم بايعينك
انت
يالوجهك چتل نيشان دم
وانت يولاية حدي ودكان هم
شرعن بيك الضفاير ونعوج ميل الثواني ومن عليك
وحت كاسك ماركد طاح امن اديك
وحت شباچك غلگ روحه اعله اديك
ولا وعيت؟
وحيل چفك
چف الاخر
مايلوحه
ودين الولايه
اليموت اگبالها
تغني اعله روحه
شيل حيلك گبل المناده وعزيز الشال حيله
وغني حلمك والنخل حزنه اعله گد موتت فسيله
تركض اتدور اعله عمرك
تدور بفانوسك اعله ارذاذ عينك
انت يالغيضك
جزه
رسوم الميانه وعايفينك
تشوف روحك مو عزيز تلوم روحك
انت والدنيا اعله روحك
تكري اليام بتجاعيد نتضارك ونت كاس
وتدري الجنازه الغريبه ستاحشت لهواي ناس
وتدري يتشضه الحنين المغربيه ويترس فراشه النعاس
لملم الباجي اعله
قمصانك قصيده
وحني بيبان النشد باچر يجون
وصلب عيونك مسيح الراهبات الصلن بخصر الضنون
كلشي البچفك عذر للـموش الك والتدري بيها
وكلشي بحسابك نذر حت ال رساله الشگگو دمعك عليها
وتيبس اردانك
بچي
اگلبها الگفاها وعاذرينك
تبچي وادم بايعينك
انت
يالوجهك چتل نيشان دم
وانت يولاية حدي ودكان هم
شرعن بيك الضفاير ونعوج ميل الثواني ومن عليك
وحت كاسك ماركد طاح امن اديك
وحت شباچك غلگ روحه اعله اديك
ولا وعيت؟
وحيل چفك
چف الاخر
مايلوحه
ودين الولايه
اليموت اگبالها
تغني اعله روحه
شيل حيلك گبل المناده وعزيز الشال حيله
وغني حلمك والنخل حزنه اعله گد موتت فسيله
احمد المشرفاوي
اكتبك (ماي) وارد الگه العكس مكتوب
يقرونك (عطش) يانبع كل گطرة
من گد ما ابيض گلبك ..عدى زلوفك
يحظن الشيب
يهلهولة عرس كل شاب
بس زفتك كلهه ثغيب
ينعمة الضيعت حوبة شكو نعمة
يال بس بالبواچي عليك احس بعازة عيوني
يديرة (هاك) طحت بديرة ( اطوني )
يا اول شمس تنطي فياي لليحتر
يأول نعمة ماتنباس.. تتطشر
موش مطشر ومامش نعش لماك
ي أكبر من حزن زينب
اعلگدك مالگو تابوت
يكاسر واهس اليحچون
سكتك اعلى من كل صوت
يحسين اليحب يغار عاليهواه
مدري شلون احبن كل بشر يهواك
ال (احبنك ) و ( اموت عليك )
ال ( هلا ) وال (فدوة اروحنلك)
لغيرك چذب كلهن بس
كلهن صدگ وياك
تكره كلشي بي منة ..لذلك ماتدور فياي
يچنك شمس وكت غروب
شما تبعد اشوفك جاي
يشاده فطنة السبعين
بين المشرعة وبينك
احتاروا ياهو منكم ماي
عريان وفضحت اللابسين هدوم
من عدهه وعرفت الماتستره انت يضل عريان
لو لا بس هدوم الكون
من شفتك بلا جناز .. عرفت النعش ربعه متون
ومن شفتك لبست الدم
عرفتك تكشخ بأي لون
ومن شفتك كلت ل الله اريد ارضيك
عرفت الماتوا يحبون
ومن شفتك مشيت براحتك للموت
عرفت الثگلوا بممشاهم يلحگون
ومن شفتك صحت اسرجيها ام عون
عرفتك ماتدور عون
اكتبك (ماي) وارد الگه العكس مكتوب
يقرونك (عطش) يانبع كل گطرة
من گد ما ابيض گلبك ..عدى زلوفك
يحظن الشيب
يهلهولة عرس كل شاب
بس زفتك كلهه ثغيب
ينعمة الضيعت حوبة شكو نعمة
يال بس بالبواچي عليك احس بعازة عيوني
يديرة (هاك) طحت بديرة ( اطوني )
يا اول شمس تنطي فياي لليحتر
يأول نعمة ماتنباس.. تتطشر
موش مطشر ومامش نعش لماك
ي أكبر من حزن زينب
اعلگدك مالگو تابوت
يكاسر واهس اليحچون
سكتك اعلى من كل صوت
يحسين اليحب يغار عاليهواه
مدري شلون احبن كل بشر يهواك
ال (احبنك ) و ( اموت عليك )
ال ( هلا ) وال (فدوة اروحنلك)
لغيرك چذب كلهن بس
كلهن صدگ وياك
تكره كلشي بي منة ..لذلك ماتدور فياي
يچنك شمس وكت غروب
شما تبعد اشوفك جاي
يشاده فطنة السبعين
بين المشرعة وبينك
احتاروا ياهو منكم ماي
عريان وفضحت اللابسين هدوم
من عدهه وعرفت الماتستره انت يضل عريان
لو لا بس هدوم الكون
من شفتك بلا جناز .. عرفت النعش ربعه متون
ومن شفتك لبست الدم
عرفتك تكشخ بأي لون
ومن شفتك كلت ل الله اريد ارضيك
عرفت الماتوا يحبون
ومن شفتك مشيت براحتك للموت
عرفت الثگلوا بممشاهم يلحگون
ومن شفتك صحت اسرجيها ام عون
عرفتك ماتدور عون
لطيف العامري
صوت الدم
شارع ..
وشاعر ..
وليل ..
وهندس أيتيه اليشوف
وحزن كل الدنيه ثكلى ..
والمطر دم الطفوف
والزمن مجهول وبنادم غريب
تايه بلا كعبه
من خوفه يطوف
وباچر ويا باچر الواعد گمر
يغرگ بظلمة خسوف
وأنت وابنك ..
تنطبگ اول سمه بسابع سمه..
وبين اول سمه وسابع سمه ..
حطولك خريطه
أو گالو الكالك وطن .. !!
مدت اچفوفك أصابعها بظلام
أول أوراقك قضيه ..
وثاني أوراقك قضيه ..
وعاشر أوراقك قضيه ..
وآخر أوراقك .. قضية إنسان
يمشي على الخرايط كل نهاره ..
ومن يصير الليل يغفه بلا وطن !!
شارع ..
وشاعر ..
وليل ..
گاع تصعد للسمه اول گبر
وسمه تطيح .. ترفرف بأول چفن
سكته كلها تخورست
واوذان واحد.. صاح حيّ على الذبح
موت كل احنه وكفنه ..
وما يفوت المايشيل ابّين چفينه جرح
وما يمر ا لماينگط دم هويته على الصراط
الكعبة الله الرادها..
بس راد وياهه الذبح !!
وأنت يل رايد وطن
گوم اذبح ابنك..
اذبح ولا تنتظر كبش الفداء
وحنّي بدم ابنك أركان الصرح
ولا تدور بالظلام على الخرايط
ولا تبات بلا وطن
ارسم بدمك خريطه .. واكتب بدمك وطن
كربلا مو كربلا.. لوما الدم
والحسين بلايه دم جا ما وصلنه اسمه الحسين
ولا الطف ظل وسمه ..
بأيام الزمن
صوت الدم
شارع ..
وشاعر ..
وليل ..
وهندس أيتيه اليشوف
وحزن كل الدنيه ثكلى ..
والمطر دم الطفوف
والزمن مجهول وبنادم غريب
تايه بلا كعبه
من خوفه يطوف
وباچر ويا باچر الواعد گمر
يغرگ بظلمة خسوف
وأنت وابنك ..
تنطبگ اول سمه بسابع سمه..
وبين اول سمه وسابع سمه ..
حطولك خريطه
أو گالو الكالك وطن .. !!
مدت اچفوفك أصابعها بظلام
أول أوراقك قضيه ..
وثاني أوراقك قضيه ..
وعاشر أوراقك قضيه ..
وآخر أوراقك .. قضية إنسان
يمشي على الخرايط كل نهاره ..
ومن يصير الليل يغفه بلا وطن !!
شارع ..
وشاعر ..
وليل ..
گاع تصعد للسمه اول گبر
وسمه تطيح .. ترفرف بأول چفن
سكته كلها تخورست
واوذان واحد.. صاح حيّ على الذبح
موت كل احنه وكفنه ..
وما يفوت المايشيل ابّين چفينه جرح
وما يمر ا لماينگط دم هويته على الصراط
الكعبة الله الرادها..
بس راد وياهه الذبح !!
وأنت يل رايد وطن
گوم اذبح ابنك..
اذبح ولا تنتظر كبش الفداء
وحنّي بدم ابنك أركان الصرح
ولا تدور بالظلام على الخرايط
ولا تبات بلا وطن
ارسم بدمك خريطه .. واكتب بدمك وطن
كربلا مو كربلا.. لوما الدم
والحسين بلايه دم جا ما وصلنه اسمه الحسين
ولا الطف ظل وسمه ..
بأيام الزمن
عدنان البركي
استغرب من ال.يكتبك بالاهواء
وتجي فكرة اويسطر مايُريده
أصوم من الشعر حولين وكسور
بلكي وياك أفطرلي بقصيده
القصيدة الماتشبهك عيب تنگال.
الشاعر لا يسجلها برصيده
يأول( لا )سمعها وصدگ الله
أوحآلك خل يوقعها بوريده
قريت وچان ربك واضح وياك
ما يقبل عبيد تظل عبيده
وأجيت اعصار لهل گلوب الاحجار
ونسيم اعلى اهل الگلوب المُريده
وكوابيس بمساحة حلم الاشرار
وخير اعلى اهل الاحلام السعيدة
يشاچخ فوگ راس (النعم)هيهات
ومو هيهاتنا ...هيهات اكيده
رفضك چان ضلك چلبت بي
صگر اومخالبه بظهر الطريده
يالمغيم اسرار وتمطرانوار
بظلام اصحاب الافكارالبليده
جبت بيدك الدين النزل بالغار
بعد ريش الملاك اعلى العقيده
ولكن سلطة الدينار والنار
لعبت بالرؤوس المو مجيده
قسوا وبعين ابو سفيان شافوك
نبي وجايب رسالة الهم جديده
خطر واهل الكراسي انتابها الخوف
رعب صاب اهل الاملاك العديده
رأت اهل القصور قصورها گبور
إذا ميزان عدلك دگ حديده
اصرفوا للوقعولك راتب اسناد
وسيف (كلولك)للشيخ الوليده
ثيران العشائر دارت اعليك
الچانت امس تحلف بالصميده
هُنا انصارك نخل سبعين. سبعين
الف ماحركت منهم جِريده
گضوا دونك وفر وگبالهم صيف
عن لا يوصلك حَرْ المكيده
هنُادگيت رجلك وانت الحسين
الشُجاع البيهم بعينك تصيده
هُنا هسا بدت مأساة العيال
العطش موخوش زلمة الولية عِيده
شأوصف بالاخيام گلوب الاطفال.
(أفطرّْ )وجود ابو فاضل رعيده
مشى للماي ماي بوجه للماي
اشطوط اتفيض من گصته العنيده
(ضاگ) الشط بچفه ومنه (ماضاگ)
رغم ماگلبه (بِيدَه) وماي بِيده
هذا ابن الشريچه الينحلف بي
غطى وفراش وحزام العضيده
رجع… ماقرا اباله الجيش . يا جيش
اعلى باله اشفاف عبدالله وحميده
من حافر مهرته الطف ثگب نار
مواعد والشهم يوفي بوعيده
ولكن شاء ربك/ ودنا ماشاء
ويصير امناهل الاعمار المديده
ولكن هذا حال عمار الأحرار
الحر عمره زايد مايريده
يشمره بأي حرب. للوطن. للثار
مثل شمرة الحاجة المو مُفيده
هُنا شفتك وحيد وكلك انصار
هُنا شفت الحيا بيدك وَليِده
صلب شفتك رغم ماچنت طشار
وبدى صوت النحر ينزف نشيده
سما جسمك توذر سيدي وطار
سما فوگ السماوات البعيده
غابت شمس راسك عن الاقمار
وزينب ظلت النجمة الوحيده .
استغرب من ال.يكتبك بالاهواء
وتجي فكرة اويسطر مايُريده
أصوم من الشعر حولين وكسور
بلكي وياك أفطرلي بقصيده
القصيدة الماتشبهك عيب تنگال.
الشاعر لا يسجلها برصيده
يأول( لا )سمعها وصدگ الله
أوحآلك خل يوقعها بوريده
قريت وچان ربك واضح وياك
ما يقبل عبيد تظل عبيده
وأجيت اعصار لهل گلوب الاحجار
ونسيم اعلى اهل الگلوب المُريده
وكوابيس بمساحة حلم الاشرار
وخير اعلى اهل الاحلام السعيدة
يشاچخ فوگ راس (النعم)هيهات
ومو هيهاتنا ...هيهات اكيده
رفضك چان ضلك چلبت بي
صگر اومخالبه بظهر الطريده
يالمغيم اسرار وتمطرانوار
بظلام اصحاب الافكارالبليده
جبت بيدك الدين النزل بالغار
بعد ريش الملاك اعلى العقيده
ولكن سلطة الدينار والنار
لعبت بالرؤوس المو مجيده
قسوا وبعين ابو سفيان شافوك
نبي وجايب رسالة الهم جديده
خطر واهل الكراسي انتابها الخوف
رعب صاب اهل الاملاك العديده
رأت اهل القصور قصورها گبور
إذا ميزان عدلك دگ حديده
اصرفوا للوقعولك راتب اسناد
وسيف (كلولك)للشيخ الوليده
ثيران العشائر دارت اعليك
الچانت امس تحلف بالصميده
هُنا انصارك نخل سبعين. سبعين
الف ماحركت منهم جِريده
گضوا دونك وفر وگبالهم صيف
عن لا يوصلك حَرْ المكيده
هنُادگيت رجلك وانت الحسين
الشُجاع البيهم بعينك تصيده
هُنا هسا بدت مأساة العيال
العطش موخوش زلمة الولية عِيده
شأوصف بالاخيام گلوب الاطفال.
(أفطرّْ )وجود ابو فاضل رعيده
مشى للماي ماي بوجه للماي
اشطوط اتفيض من گصته العنيده
(ضاگ) الشط بچفه ومنه (ماضاگ)
رغم ماگلبه (بِيدَه) وماي بِيده
هذا ابن الشريچه الينحلف بي
غطى وفراش وحزام العضيده
رجع… ماقرا اباله الجيش . يا جيش
اعلى باله اشفاف عبدالله وحميده
من حافر مهرته الطف ثگب نار
مواعد والشهم يوفي بوعيده
ولكن شاء ربك/ ودنا ماشاء
ويصير امناهل الاعمار المديده
ولكن هذا حال عمار الأحرار
الحر عمره زايد مايريده
يشمره بأي حرب. للوطن. للثار
مثل شمرة الحاجة المو مُفيده
هُنا شفتك وحيد وكلك انصار
هُنا شفت الحيا بيدك وَليِده
صلب شفتك رغم ماچنت طشار
وبدى صوت النحر ينزف نشيده
سما جسمك توذر سيدي وطار
سما فوگ السماوات البعيده
غابت شمس راسك عن الاقمار
وزينب ظلت النجمة الوحيده .
سمير صبيح
صفي نيتك والعبر بخته يطيح
هاي من تالي لضنونك خيبِت
حلفوني بعيني ماكلت الصحيح
وحلفوني بعينك وماجذبت
راح احطهن بيدك سوالف جفاك
ولا تكول صويحبي يدور وراي
وحدة منهن ليل وتشح بضواك
او وحدة تسكيني عطش وتكلي ماي
وانه درعك مارضه حجاية بكفاك
وصار منخل من حجي لسانك كفاي
كون اعرف الغيب قللت المديح
احتاج دمك هاي ابد ماحسبت
اني لا اعمه ولا انته المسيح
هواي طكن يم اذاني وشيبت
انه صوفك غازلة بهاي الجفوف
ذاك طبعك تحسب الطيب غشيم
هسه زود وضايعه عيوب الجروف
شنهو عذرك بالجذر خلك حكيم
ماتهزة اليعلم بموتة زلوف
ولايهزة الطول والصوت الرخيم
ولايغشك ظاهرة الوجه الفليح
دور الباطن اذا مادورت
ولا تطش الكاع يل مايك شحيح
اسئل مجرب اذا ماجربت
مدري ياهو الحاطها ابالك يجيك
يريد حنطة وهوة باذرها شعير
بليل طلعلي الشمس وانه اعتنيك
الماي روّبة وعود البالك يصير
ليش تحرك دمك وتفرك بديك
شهالتكبر علكيفك يالحرير
الماي يصعد للسما وتالي يطيح
الصوج بيه واعترف اي قصرت
حلفوني بعيني ماكلت الصحيح
وحلفوني بعينك ..وماچذبت
صفي نيتك والعبر بخته يطيح
هاي من تالي لضنونك خيبِت
حلفوني بعيني ماكلت الصحيح
وحلفوني بعينك وماجذبت
راح احطهن بيدك سوالف جفاك
ولا تكول صويحبي يدور وراي
وحدة منهن ليل وتشح بضواك
او وحدة تسكيني عطش وتكلي ماي
وانه درعك مارضه حجاية بكفاك
وصار منخل من حجي لسانك كفاي
كون اعرف الغيب قللت المديح
احتاج دمك هاي ابد ماحسبت
اني لا اعمه ولا انته المسيح
هواي طكن يم اذاني وشيبت
انه صوفك غازلة بهاي الجفوف
ذاك طبعك تحسب الطيب غشيم
هسه زود وضايعه عيوب الجروف
شنهو عذرك بالجذر خلك حكيم
ماتهزة اليعلم بموتة زلوف
ولايهزة الطول والصوت الرخيم
ولايغشك ظاهرة الوجه الفليح
دور الباطن اذا مادورت
ولا تطش الكاع يل مايك شحيح
اسئل مجرب اذا ماجربت
مدري ياهو الحاطها ابالك يجيك
يريد حنطة وهوة باذرها شعير
بليل طلعلي الشمس وانه اعتنيك
الماي روّبة وعود البالك يصير
ليش تحرك دمك وتفرك بديك
شهالتكبر علكيفك يالحرير
الماي يصعد للسما وتالي يطيح
الصوج بيه واعترف اي قصرت
حلفوني بعيني ماكلت الصحيح
وحلفوني بعينك ..وماچذبت
صباح الهلالي
ماگالولي صفگ..
وحدي اتعنيت.
خذت شاعرالبيه والبقه من الكاس.
توقعت الجفوف
الصفگت تنباس.
تعبت ايدنه وماگلنه تعبانين..
وصل بينه السكر
صفگنه راس براس.
وصحيت وجربة يمي
وأثر چف عباس.
وندم عظني اعله ايدي وعلم راسي انداس.
چفوفه اتگطعت مو لأن جاب الماي!!
متأكد لأن ماصفگ العباس ..
ماگالولي صفگ..
وحدي اتعنيت.
خذت شاعرالبيه والبقه من الكاس.
توقعت الجفوف
الصفگت تنباس.
تعبت ايدنه وماگلنه تعبانين..
وصل بينه السكر
صفگنه راس براس.
وصحيت وجربة يمي
وأثر چف عباس.
وندم عظني اعله ايدي وعلم راسي انداس.
چفوفه اتگطعت مو لأن جاب الماي!!
متأكد لأن ماصفگ العباس ..
علي الركابي
الموت من تشرب اصابيعك الوينك
الچفن مرجوحة جماجم نزلت بأول دمع يكبر بعينك
وليلي منجل والاحلام اليانعة تركص حصاد
وانه كواك واعيش
شوايه الله اعله الرماد
شُح ضمير الوادم وطشيت لوني
وعاد يشمرني أعلة عاد
ملوحتي وجهي وسماري
اتقاسمن كل الفصول
وصيفك الجاي يتوچة
أعله الشمس شوه اعذاري
والخريف المات بالحيطان صورة
مكسرة صلّآ بسماري
والشتا اليرجف بروحي
غنا واستاحش خضاري
والربيع الشابك هدومك
اخذني لديرة من أرسوم وجهك
باس ناري
الفرح طفلة وضايعةبسوك العبي
اللهفه لعابة
وفوانيس المدينة طافيه
ومامش ضوة
الشوك مشنوق وحبل ثائر عالهوة
وانه وأنتة وروحك وروحي
سفينه ونوح مايهوة الغريب
بكثر ماميت عليك
اسوالفي تحس بيهه شيب
انتة اول وآخر وأول حبيب
الموت من تشرب اصابيعك الوينك
الچفن مرجوحة جماجم نزلت بأول دمع يكبر بعينك
وليلي منجل والاحلام اليانعة تركص حصاد
وانه كواك واعيش
شوايه الله اعله الرماد
شُح ضمير الوادم وطشيت لوني
وعاد يشمرني أعلة عاد
ملوحتي وجهي وسماري
اتقاسمن كل الفصول
وصيفك الجاي يتوچة
أعله الشمس شوه اعذاري
والخريف المات بالحيطان صورة
مكسرة صلّآ بسماري
والشتا اليرجف بروحي
غنا واستاحش خضاري
والربيع الشابك هدومك
اخذني لديرة من أرسوم وجهك
باس ناري
الفرح طفلة وضايعةبسوك العبي
اللهفه لعابة
وفوانيس المدينة طافيه
ومامش ضوة
الشوك مشنوق وحبل ثائر عالهوة
وانه وأنتة وروحك وروحي
سفينه ونوح مايهوة الغريب
بكثر ماميت عليك
اسوالفي تحس بيهه شيب
انتة اول وآخر وأول حبيب
عبد الكريم القصاب
........... خساير .............
يل جنت لك زمزم الله .....
وحنه وشموع وستاير .
ويل جنت واهس اِلي وموعة نعاس ...
وخمر جنه لصفْنتي .....
وكل صفنه داير .
يا خضار آشيبّسك .....
يل مايع بجفي ضفاير ؟
يا دفو آشثلّج عيونك ،
وصك على ضلوعي الثلج داير مداير ؟
يا معيبر حطّك بذيج الشريعه ؟
وآنت تدري الموج كل موجه بخساير .
يا مفرّط سبحة آسوالف حراير ،
وين ذيج حرورتك ؟ ليش آنطفيت ؟
بارد ودمك ثلج .....
مابيك موعه ، ودمي فاير .
ما تعاين لي آعلى كَد خوفي عليك ...
وكَد مرارة حيرتي ،...
وكل وكتي حاير .
مدري من ياطينه كَلبك !!
تلجم جروحي بوكاحه .....
وعيب تسمعني آمن آشوغ ....
وتسمع آوذان المناير !
دوم تتوضه بدمعتي ، آتصلّي لله ،
وكَلبي عالقبله آيتكَلّه .
هذا يا رب التعبده ؟ آووين صاير ؟
عود شتكَول بصلاتك ....
وآنت كاسرلك طويرة روح خضره .
روح جانت اِلك حضره .
وين صح لك رب غشيم ....
وموش عالم بالسراير ؟
آنا يجري بدمي رب كلّش نظيف .
ربي محرابه نظيف .
ربي يعلم بالسراير .
ما تفك بيبانه سجدة عابر ......
آشطوط الهوى بلثكَة ضماير .
........... خساير .............
يل جنت لك زمزم الله .....
وحنه وشموع وستاير .
ويل جنت واهس اِلي وموعة نعاس ...
وخمر جنه لصفْنتي .....
وكل صفنه داير .
يا خضار آشيبّسك .....
يل مايع بجفي ضفاير ؟
يا دفو آشثلّج عيونك ،
وصك على ضلوعي الثلج داير مداير ؟
يا معيبر حطّك بذيج الشريعه ؟
وآنت تدري الموج كل موجه بخساير .
يا مفرّط سبحة آسوالف حراير ،
وين ذيج حرورتك ؟ ليش آنطفيت ؟
بارد ودمك ثلج .....
مابيك موعه ، ودمي فاير .
ما تعاين لي آعلى كَد خوفي عليك ...
وكَد مرارة حيرتي ،...
وكل وكتي حاير .
مدري من ياطينه كَلبك !!
تلجم جروحي بوكاحه .....
وعيب تسمعني آمن آشوغ ....
وتسمع آوذان المناير !
دوم تتوضه بدمعتي ، آتصلّي لله ،
وكَلبي عالقبله آيتكَلّه .
هذا يا رب التعبده ؟ آووين صاير ؟
عود شتكَول بصلاتك ....
وآنت كاسرلك طويرة روح خضره .
روح جانت اِلك حضره .
وين صح لك رب غشيم ....
وموش عالم بالسراير ؟
آنا يجري بدمي رب كلّش نظيف .
ربي محرابه نظيف .
ربي يعلم بالسراير .
ما تفك بيبانه سجدة عابر ......
آشطوط الهوى بلثكَة ضماير .
9/16
ذكرى رحيل الشاعرة وجدان النقيب
...
ادري بكل مسافة تيه
مريت بدفو العشاگ ضحكة طيش
وادريك انت رحلة طير
عاف بكل محطاته
العتب والـ ليش
واتوازيت
اخليك بمدينة شوگ
مرسى وليل
واعتبلك بروحي هواي بالياويل
واصوغلك ضحك من عيني صح چذاب
أروض بيه كل ما ينحمل والحيل
وحيل اغتاض
اشوفك من غنه الهجران
ماخذ لون
ما عاتب واكول شلون
اغنيك بمسافة تيه
اظل بغناي
بس بغناي
اذكرك عيد
ذكرى رحيل الشاعرة وجدان النقيب
...
ادري بكل مسافة تيه
مريت بدفو العشاگ ضحكة طيش
وادريك انت رحلة طير
عاف بكل محطاته
العتب والـ ليش
واتوازيت
اخليك بمدينة شوگ
مرسى وليل
واعتبلك بروحي هواي بالياويل
واصوغلك ضحك من عيني صح چذاب
أروض بيه كل ما ينحمل والحيل
وحيل اغتاض
اشوفك من غنه الهجران
ماخذ لون
ما عاتب واكول شلون
اغنيك بمسافة تيه
اظل بغناي
بس بغناي
اذكرك عيد
عامر عاصي
چم ليل سيَّر
وانه اعد
بيبان تنطر عالبعد
وعيون تنطر صبحه
وانته الترافه البالسواجي تفيض
معذور احترگ
خاف اشتهيك وتصحه
خاف انسه عمري وياك
يا صرَّة حزن بالروح
تنطر فرحه
خاف انسه عينك
وانته دمعك سِبحه
واقراك ناي
وتنطفي شموعك ملامة بعيني
يالتشتهي
السنبل جمر بالروح
شيطفيني؟
خليني
لو حفنة جمر
لو ماي
لو بيدر دِخِن
يم حزنك تخليني
واغفه
وتصحّيني
وارد اغفه
وترد زلوفك تصحّيني
بهدااي
ما بيّاش المّ محمداوي بعينك يناغيني
چم ليل سيَّر
وانه اعد
بيبان تنطر عالبعد
وعيون تنطر صبحه
وانته الترافه البالسواجي تفيض
معذور احترگ
خاف اشتهيك وتصحه
خاف انسه عمري وياك
يا صرَّة حزن بالروح
تنطر فرحه
خاف انسه عينك
وانته دمعك سِبحه
واقراك ناي
وتنطفي شموعك ملامة بعيني
يالتشتهي
السنبل جمر بالروح
شيطفيني؟
خليني
لو حفنة جمر
لو ماي
لو بيدر دِخِن
يم حزنك تخليني
واغفه
وتصحّيني
وارد اغفه
وترد زلوفك تصحّيني
بهدااي
ما بيّاش المّ محمداوي بعينك يناغيني
حسين الصالح
الأسم .. زينب..
قضيه وسالفه وعنوان
الجِنس ..حره
.اللقب جورية البستان
الولاده والوطن والدم عراقيه
الهويه انسان
العمل ..نسمة هوا اعذيبي
تدور ابرية البستان
بس خنگوهه الأمريكان
بالبارود والدخان
والسكتوا اهوايه اطراف !؟
ماندري طرف ثالث
طرف رابع
طرف مايستحي ءمن الله
طرف متوضي بدمانه
وفرشنه اعله الثره مصلى
وزينب آاا يزينب نار
هظيمه وبالگلب حرگه
جوريه عراقيه
عمرها . اخمصطعش..ورگه !!
الد اعداءهه التفگه
راحت لچن ماندري
العطر شيعود للفشگه !!
زينب عاقله ءمن الزغر حبابه
تسمع صوت ابوها يصيح
الصدى يرجع اب .. هايابه ..
تشد احزام ابوهه اسنين
يتعب ينتچي اعليهه
تضيع اشكثر بالبستان
وعله العطر يندلهه ويحاچيهه
وسمعته يحلف الدفان
احلفك بالورد والياس غطيهه
زينب رية البستان
بس خنگوهه الامريكان
بالبارود والدخان
الأسم .. زينب..
قضيه وسالفه وعنوان
الجِنس ..حره
.اللقب جورية البستان
الولاده والوطن والدم عراقيه
الهويه انسان
العمل ..نسمة هوا اعذيبي
تدور ابرية البستان
بس خنگوهه الأمريكان
بالبارود والدخان
والسكتوا اهوايه اطراف !؟
ماندري طرف ثالث
طرف رابع
طرف مايستحي ءمن الله
طرف متوضي بدمانه
وفرشنه اعله الثره مصلى
وزينب آاا يزينب نار
هظيمه وبالگلب حرگه
جوريه عراقيه
عمرها . اخمصطعش..ورگه !!
الد اعداءهه التفگه
راحت لچن ماندري
العطر شيعود للفشگه !!
زينب عاقله ءمن الزغر حبابه
تسمع صوت ابوها يصيح
الصدى يرجع اب .. هايابه ..
تشد احزام ابوهه اسنين
يتعب ينتچي اعليهه
تضيع اشكثر بالبستان
وعله العطر يندلهه ويحاچيهه
وسمعته يحلف الدفان
احلفك بالورد والياس غطيهه
زينب رية البستان
بس خنگوهه الامريكان
بالبارود والدخان
مجتبى المعن
راجت أحلامي بغفوتي
وأنتشى نومي لدلالك
كل حلال الناس يمي
وغوشت رايد حلالك
من عشگتك. . .
فاهيه الوادم چذب
وگلوب صبخه
لملمت نيتي و وگع
بيدر محبتك..
عنبرت شوفي
هله ملاگه ونظرتك..
من تلاگينه بحلم كلش گصير
الشوگ فززني لهواك
ومووتني الـ(ما عرفتك)
وأنت حگك
شلون تعرفني
وملامح وجهي ضاعت
مامش الريه هوه منك ندهها
حتى ذيج مرايتي
الصافن عليها
شكد تجاعيد بوجهها ..!
وأنت ما غيرت لونك
صايم أبليس بسكتي
ويفطر بمغرب "شلونك"
هي ذيج السالفه
أبالي بعدها. . .
سيّرت رغبة مشاوف.. مشتهانه
بحضن تسيورة سكر
الگمر ديرم عشگنه
أتمكيج بمسچه وتوضه
يريد يتمايل خصر
وهيست ريتي عطر.. بعروگها
روحي متعوبه المحنه ريوگها
النجم عاشرته كله
والسهر جربته كله
والحزن لوليته كله
بشفتي سكرانه السوالف
والهلال يضوگها
بليل گطرات المطر
جاسن نظرته
وروحي متروسه ورد
من تمر زفه بخيالي
أتسرفن لچادر ضحكتي
بهيده وأتبده "برد"
شوفني مسامر رفيج
وديرني بحضنك شمس
كاسر ملوحة سمارك.. ويه نيتي
بكل هداوه. . . بكل هداوه
شگد لذيذه السالفه التگضي همس
وأرد أگلك... ناري تچوي
يمي لا تخجل
صلافه بعيني فوت
تنجوي الشمعه وتعدي
تستحي وتالي تموت
كافي يتلولح عشگنه
بحلگ تنور الشماته
الـ حصتي من عده الرماد
وأني وأنت نعيش دنيا
ونكره الـ كلشي سواد
أشبگني حيل. . .
اليكتل السجان شبگه
نبحر بصافي النوايا
وخل يسولف سندباد
نترس النسمه حنين
أتهندم بماي أرد أوچدك
وأعثر تراب وحضن ونطيح طين
يا ذهب طبعك..
حلاته بچف صديج
كل عمر لونه أيتجدد
أعتگ بچفي معاضد
والمعاضد...
يغله من عدها العتيج
راجت أحلامي بغفوتي
وأنتشى نومي لدلالك
كل حلال الناس يمي
وغوشت رايد حلالك
من عشگتك. . .
فاهيه الوادم چذب
وگلوب صبخه
لملمت نيتي و وگع
بيدر محبتك..
عنبرت شوفي
هله ملاگه ونظرتك..
من تلاگينه بحلم كلش گصير
الشوگ فززني لهواك
ومووتني الـ(ما عرفتك)
وأنت حگك
شلون تعرفني
وملامح وجهي ضاعت
مامش الريه هوه منك ندهها
حتى ذيج مرايتي
الصافن عليها
شكد تجاعيد بوجهها ..!
وأنت ما غيرت لونك
صايم أبليس بسكتي
ويفطر بمغرب "شلونك"
هي ذيج السالفه
أبالي بعدها. . .
سيّرت رغبة مشاوف.. مشتهانه
بحضن تسيورة سكر
الگمر ديرم عشگنه
أتمكيج بمسچه وتوضه
يريد يتمايل خصر
وهيست ريتي عطر.. بعروگها
روحي متعوبه المحنه ريوگها
النجم عاشرته كله
والسهر جربته كله
والحزن لوليته كله
بشفتي سكرانه السوالف
والهلال يضوگها
بليل گطرات المطر
جاسن نظرته
وروحي متروسه ورد
من تمر زفه بخيالي
أتسرفن لچادر ضحكتي
بهيده وأتبده "برد"
شوفني مسامر رفيج
وديرني بحضنك شمس
كاسر ملوحة سمارك.. ويه نيتي
بكل هداوه. . . بكل هداوه
شگد لذيذه السالفه التگضي همس
وأرد أگلك... ناري تچوي
يمي لا تخجل
صلافه بعيني فوت
تنجوي الشمعه وتعدي
تستحي وتالي تموت
كافي يتلولح عشگنه
بحلگ تنور الشماته
الـ حصتي من عده الرماد
وأني وأنت نعيش دنيا
ونكره الـ كلشي سواد
أشبگني حيل. . .
اليكتل السجان شبگه
نبحر بصافي النوايا
وخل يسولف سندباد
نترس النسمه حنين
أتهندم بماي أرد أوچدك
وأعثر تراب وحضن ونطيح طين
يا ذهب طبعك..
حلاته بچف صديج
كل عمر لونه أيتجدد
أعتگ بچفي معاضد
والمعاضد...
يغله من عدها العتيج
يوسف علي
روحي
فختاية اشتهت تنزع تعبهه
اعله المناير
وكلبي نسمة اتوضت ابفي الضفاير
فاض بعيوني حلم برحية غسلت
روحهه بشمس الظهاري
وفاحت بكلبي سواليف الگرنفل
من تطرز ريحته اثياب العصاري
انه من ذيج البيوت
الماتبات بليلهم نجمة دغش
وانه ابن ذيج البساتين النخلهه
ايشاور الغيمة لون جاسه عطش
عندي حب الناس والطيبة صلاة
هذا انه
احچايه سمرة
احچايه من ريف الفرات...
روحي
فختاية اشتهت تنزع تعبهه
اعله المناير
وكلبي نسمة اتوضت ابفي الضفاير
فاض بعيوني حلم برحية غسلت
روحهه بشمس الظهاري
وفاحت بكلبي سواليف الگرنفل
من تطرز ريحته اثياب العصاري
انه من ذيج البيوت
الماتبات بليلهم نجمة دغش
وانه ابن ذيج البساتين النخلهه
ايشاور الغيمة لون جاسه عطش
عندي حب الناس والطيبة صلاة
هذا انه
احچايه سمرة
احچايه من ريف الفرات...
قاسم بخيت
اخ من تزهگ قصيدة بخاطرك ..
وانت موش انت وتموت بخاطرك
اخ من تشتاگ موعد والجفوف تضيع مدري
والسمه برازونة تلتم وتصغر الـ حد ما تموت
انت ضايع بين دخان الجگارة وقلق وهواس التريده
وخوف ياكل كل دفو براسك يشب
وليل يتشلبه على عيونك ذنب
ويا هلي ..
يا هلي اتفرفح بصدرك شوگ والوادم جذب
وانت ذاك انت الغريب ..
شما كبر اسمك غريب
شما عتگ حزنك غريب
اتلجمك النسمة التجي وما تشتهيك
ويبدي موتك بين باب وباب تصغر
وبين صوت وصوت تعثر
هلبت اويه الريح صوغة تترس اثيابك نشد
ويبدي موتك ..
وتجمد اگبال المرّي وتعرگ برد
هذا انه ..
ورگة ثگلها التعب والدنيا ريح
ومن طحت حنة اشتهوني ومامش اسم الله تصيح ..
وحدي وحدي
لا عيون التشتهيني
ولا ﭼـفوف التشتريني ..
ولا اشفاف الغَنّت اسمي ..
ولا سمة تلوليلي نام ..
ولا دفو اليشبگني طيف
ولا ﭼـفافي التشرب اعيوني اعله كيف
وحدي وحدي
بابي سكتة ..وعيني عالحيطان سكتة
و وحشة الحيطان تكتل ..
و ليل المتانين يتناكث فشل
وما جِزت لسه اشتهيهم ..
ارسم الموعد بـ اصابيعي جمر
وملگة حار .. واطفى عالمامش رماد
واركض شما بيه سنبل والگه موسمهم حصاد
و اخم روحي والتفت واتلمس اسمي
ولني ماكو .. بركضة الدخان شيلم النفس
وشيلمني .. وانا شوغة آخ بشفاف الخرس
وهاي هي ..الما لگوا اسمه يموت
الما خذوا ثاره يموت ..
جا بعد المن اموت ...
اخ من تزهگ قصيدة بخاطرك ..
وانت موش انت وتموت بخاطرك
اخ من تشتاگ موعد والجفوف تضيع مدري
والسمه برازونة تلتم وتصغر الـ حد ما تموت
انت ضايع بين دخان الجگارة وقلق وهواس التريده
وخوف ياكل كل دفو براسك يشب
وليل يتشلبه على عيونك ذنب
ويا هلي ..
يا هلي اتفرفح بصدرك شوگ والوادم جذب
وانت ذاك انت الغريب ..
شما كبر اسمك غريب
شما عتگ حزنك غريب
اتلجمك النسمة التجي وما تشتهيك
ويبدي موتك بين باب وباب تصغر
وبين صوت وصوت تعثر
هلبت اويه الريح صوغة تترس اثيابك نشد
ويبدي موتك ..
وتجمد اگبال المرّي وتعرگ برد
هذا انه ..
ورگة ثگلها التعب والدنيا ريح
ومن طحت حنة اشتهوني ومامش اسم الله تصيح ..
وحدي وحدي
لا عيون التشتهيني
ولا ﭼـفوف التشتريني ..
ولا اشفاف الغَنّت اسمي ..
ولا سمة تلوليلي نام ..
ولا دفو اليشبگني طيف
ولا ﭼـفافي التشرب اعيوني اعله كيف
وحدي وحدي
بابي سكتة ..وعيني عالحيطان سكتة
و وحشة الحيطان تكتل ..
و ليل المتانين يتناكث فشل
وما جِزت لسه اشتهيهم ..
ارسم الموعد بـ اصابيعي جمر
وملگة حار .. واطفى عالمامش رماد
واركض شما بيه سنبل والگه موسمهم حصاد
و اخم روحي والتفت واتلمس اسمي
ولني ماكو .. بركضة الدخان شيلم النفس
وشيلمني .. وانا شوغة آخ بشفاف الخرس
وهاي هي ..الما لگوا اسمه يموت
الما خذوا ثاره يموت ..
جا بعد المن اموت ...
عبد الكريم القصاب
مدري شسمك ،
مدري من ياناس
من يا حاره ،...
يا شارع ...
تجيني بموعتك ...
وبسحر دمك .
مدري من يا حوَا حسنك .
مدري من يا ماي روحك ،
كَلبك ...
ولبلاب جسمك .
فرهدت روحي ...
آنعم الله آعليك من تاخذني مني ...
بغير ما أدري ...
وآشوفن روحي يمّك ،
وآشتهيك
ومن بعد خطوات آشمك .
أنت يل ما أدري
شسمك ،
كون تعثر مرّه يمّي ،
حتى آمد آيدي اِلك ...
وآسم الله آكَلك .
حتى آكّلك فدوة
شسمك .
مدري شسمك ،
مدري من ياناس
من يا حاره ،...
يا شارع ...
تجيني بموعتك ...
وبسحر دمك .
مدري من يا حوَا حسنك .
مدري من يا ماي روحك ،
كَلبك ...
ولبلاب جسمك .
فرهدت روحي ...
آنعم الله آعليك من تاخذني مني ...
بغير ما أدري ...
وآشوفن روحي يمّك ،
وآشتهيك
ومن بعد خطوات آشمك .
أنت يل ما أدري
شسمك ،
كون تعثر مرّه يمّي ،
حتى آمد آيدي اِلك ...
وآسم الله آكَلك .
حتى آكّلك فدوة
شسمك .