مرتضى حرب - وداعت التنشف لهاتي🍂
وداعت التنشف لهاتي
من اگول وداعته
طاحت من عيوني
وادم گد هوه الله وعازته
بيـين الصدگ بصحبته وطلع گد حچايته
وبيـين المابي محنه وكشخ بـ المومالته
وبيـين الـ من شافني اثغب ملش إعلي هامته
الدنيا منخل ناس ثاري المالحه تكض والتطيح الباهته
الماحزن وي حزن ربعه ومولحت دشداشته
هذا يستاهل الصحبه؟؟
اعليك امشي الهوسو بعمامته
اعليك أمشي الـ من تگنطر صلت إعلي رايته
اعليك امشي الضعن ذاك الفارجو حدايته
شنهي رايك بالگلتهن؟؟
صدگ لو تحسبها چلمه وفايته
المايجازي العشره باچر من يموت
محد يطر زيجه فوگ جنازته
ها ها:
الطيح دمعه بيومك ردها بلطمه وشگت زيج
وداعت التنشف لهاتي
من اگول وداعته
طاحت من عيوني
وادم گد هوه الله وعازته
بيـين الصدگ بصحبته وطلع گد حچايته
وبيـين المابي محنه وكشخ بـ المومالته
وبيـين الـ من شافني اثغب ملش إعلي هامته
الدنيا منخل ناس ثاري المالحه تكض والتطيح الباهته
الماحزن وي حزن ربعه ومولحت دشداشته
هذا يستاهل الصحبه؟؟
اعليك امشي الهوسو بعمامته
اعليك أمشي الـ من تگنطر صلت إعلي رايته
اعليك امشي الضعن ذاك الفارجو حدايته
شنهي رايك بالگلتهن؟؟
صدگ لو تحسبها چلمه وفايته
المايجازي العشره باچر من يموت
محد يطر زيجه فوگ جنازته
ها ها:
الطيح دمعه بيومك ردها بلطمه وشگت زيج
عبد الوهاب الحمداني - انجيل النده 🍃
ورة عيونك
ذابلة عيون المدينة
بلايا ناس
وذابل وياها
الورد والگاع
وشطوط السوالف والنعاس
يل خذيت وياك
رب الماي
وانجيل النده
ودين الگناطر
شلون الوحك
رب المشابگ بديك
وانته كافر
شلون اجيك
ودربي شوك
وعگلي حافي
وگلبي ماكلته الضنون
بلا ضوه عيونك
نعاس وكلشي غافي
يا تواليت ذنب قابيل
ما من عنده توبه
وياطواري سوالفك
ليل الحصار
العثر الوادم هذيج
بلايا حوبه
حيل ويه جروحي
عذبني برضاتك
حط ملح روحك عليهن
واستر ذنوبي بعباتك
انت يا اول ضريح
ذنوبي تكثر من اطوفك
لاهي حاجت عين
مفطومه عله شوفك
ولاهي رغبة عشگ
يستاهل چفوفك
ولا انتَ ابالي
واگول النيه بيضه
ولا انتَ الراكب
عنان الطيش
حتى اگدر اعوفك
مدري ياهو النزلك
يم گبري جرحي
وانته اول واحد العندك
عنب يترس طيوفك
مالي حيلك
ريح تسودن رماد جروحي
مايحمل عصفها
طشرتني وعلمتني
الشوگ مثل الريح
مانندل وصفها
الشوگ ياخذني
دوه ل اخر نزيف
وارجع حجايه
ذليله بغير دم
والگه صوتك
يستحي يكشف گذلته
وينشتل بالروح هم
وتكبر ولايات جرحي
وما عرف يمك ملامه ولاندم
وانتشيك الخوف ياخذني
واجيك بلهفة ام
وتلتف عله الروح
صفصافة حزن
والعين غرگانه هظم
وامتحن يم باب عينك
من يمر رمشك سؤال
واشتهي النسمه التغني
زلوفك بطاري شتال
ياتنين النعمه مابيه دلال
مالي حيل الشوگ ياخذني
وارد بلا حبيب
مالي حيل الناس
من تشوفني تگلي غريب
سچة العشاگ مابيها وداع
وحصة العاشگ چفن
كونك شجاع
انته ماتندل جميل
ومن تغني تنام بزلوفك بثينه
ولاعثر قيس عل سجه
وياك يم ريل المدينه
شلون مدري شلون
خاويت النده وسولفت بينه
ورة عيونك
ذابلة عيون المدينة
بلايا ناس
وذابل وياها
الورد والگاع
وشطوط السوالف والنعاس
يل خذيت وياك
رب الماي
وانجيل النده
ودين الگناطر
شلون الوحك
رب المشابگ بديك
وانته كافر
شلون اجيك
ودربي شوك
وعگلي حافي
وگلبي ماكلته الضنون
بلا ضوه عيونك
نعاس وكلشي غافي
يا تواليت ذنب قابيل
ما من عنده توبه
وياطواري سوالفك
ليل الحصار
العثر الوادم هذيج
بلايا حوبه
حيل ويه جروحي
عذبني برضاتك
حط ملح روحك عليهن
واستر ذنوبي بعباتك
انت يا اول ضريح
ذنوبي تكثر من اطوفك
لاهي حاجت عين
مفطومه عله شوفك
ولاهي رغبة عشگ
يستاهل چفوفك
ولا انتَ ابالي
واگول النيه بيضه
ولا انتَ الراكب
عنان الطيش
حتى اگدر اعوفك
مدري ياهو النزلك
يم گبري جرحي
وانته اول واحد العندك
عنب يترس طيوفك
مالي حيلك
ريح تسودن رماد جروحي
مايحمل عصفها
طشرتني وعلمتني
الشوگ مثل الريح
مانندل وصفها
الشوگ ياخذني
دوه ل اخر نزيف
وارجع حجايه
ذليله بغير دم
والگه صوتك
يستحي يكشف گذلته
وينشتل بالروح هم
وتكبر ولايات جرحي
وما عرف يمك ملامه ولاندم
وانتشيك الخوف ياخذني
واجيك بلهفة ام
وتلتف عله الروح
صفصافة حزن
والعين غرگانه هظم
وامتحن يم باب عينك
من يمر رمشك سؤال
واشتهي النسمه التغني
زلوفك بطاري شتال
ياتنين النعمه مابيه دلال
مالي حيل الشوگ ياخذني
وارد بلا حبيب
مالي حيل الناس
من تشوفني تگلي غريب
سچة العشاگ مابيها وداع
وحصة العاشگ چفن
كونك شجاع
انته ماتندل جميل
ومن تغني تنام بزلوفك بثينه
ولاعثر قيس عل سجه
وياك يم ريل المدينه
شلون مدري شلون
خاويت النده وسولفت بينه
وجدان النقيب- تهت والمستحه بروحي🍂
تهت والمستحة بروحي
أدور وين ما بيه بگايا إرماد
وأتوسد على جروحي
وأفزع چلمة التنگال
توگفلي بوجه نوحي
وأداري الآه
هلبت
من عيون الناس أداريني
وألاگيني وحيدة هم
وأختل بيني وبيني
شنو ذنبي وحرمني الضيم عشريني ؟
شنو ذنبي وحرمني المسچ والحنة وعلى جروحي يتچيني ؟
أعيش إلمن ؟
وأموت بـ ليش !
آنه أصلاً ضمير الناس موتني ميحييني
آنه بلا ظفيرة وشوگ تشعل ظلمة سنيني
آنه بلاية غير الـ هم
يوميلي ويواسيني
وتهت ما بيني وبيني
اتوچة اعله طاري الشوگ
من أتعب واسليني
وأشهگني نِفس محتام
مامش رية تشريني
وأتخايل الجنة بعين خنگت كل ضحك بيه
وأتوچه اعله آهي النوب
بلكي تعيني شوية
اتمايز عيون الناس تاخذ مني كل حيلي
اواسي بروحي أگول تهون واتجرع بخت ليلي
واغني الآه
تعثر كل محطاتي بغنه الـ ويلي
واعاتبني اعله كل ونه تغنيلي بسواديني
يمن بالروح مطبوعات
ناغَنّي وأغنيني
أنه من طين
موش حجار
متعوب وترف طيني
غَنني اريد ابچي فرح مبيوگ من عيني
تهت والمستحة بروحي
أدور وين ما بيه بگايا إرماد
وأتوسد على جروحي
وأفزع چلمة التنگال
توگفلي بوجه نوحي
وأداري الآه
هلبت
من عيون الناس أداريني
وألاگيني وحيدة هم
وأختل بيني وبيني
شنو ذنبي وحرمني الضيم عشريني ؟
شنو ذنبي وحرمني المسچ والحنة وعلى جروحي يتچيني ؟
أعيش إلمن ؟
وأموت بـ ليش !
آنه أصلاً ضمير الناس موتني ميحييني
آنه بلا ظفيرة وشوگ تشعل ظلمة سنيني
آنه بلاية غير الـ هم
يوميلي ويواسيني
وتهت ما بيني وبيني
اتوچة اعله طاري الشوگ
من أتعب واسليني
وأشهگني نِفس محتام
مامش رية تشريني
وأتخايل الجنة بعين خنگت كل ضحك بيه
وأتوچه اعله آهي النوب
بلكي تعيني شوية
اتمايز عيون الناس تاخذ مني كل حيلي
اواسي بروحي أگول تهون واتجرع بخت ليلي
واغني الآه
تعثر كل محطاتي بغنه الـ ويلي
واعاتبني اعله كل ونه تغنيلي بسواديني
يمن بالروح مطبوعات
ناغَنّي وأغنيني
أنه من طين
موش حجار
متعوب وترف طيني
غَنني اريد ابچي فرح مبيوگ من عيني
حسين الثويني-اليرشني ابماي ...🍂
اليرشني ابماي ارشه ابطگة ايد
الگطره بطراگين ارجعهه اله
اليوازيني على بيعة جدري جاي
ابوجهي يلگه ارسوم مو مالت هله
چلمتي وعرج السواحل ذني توم
سالفه اگبالي تصير المعضله
ابسرعه اعرفه المايودني وضحكه زور
مايحلي العوره شغل المكحله
المايود المسج يطعن بالغزال
المايود عليمن ابقه امجامله
مهري من اجني اچبشه بخزرتين
وما اخزره الثالثه لا اجهوله
التوه شگ طليعهه اتاني اللگاح
ما اجاملهه واكلهه امحمله
النخيته وما اجه بوكت الحصاد
زحمه اعوفه اگبالي يمدح منجله
احجاره والماعجبه افشخه المثل گال
احجاره .بس ما اصير حصوة كربله
البعض گالو يركب محدده شبي!!
حد عرفهم هذا هيه امحجله
لااتدوس الجني واتسمي اليگول
هالمثل بي اني اشوفن مشكله
امشي ادوسه .. ولا اظل اركض وراه
وماتجي على اشفافي طاري البسمله
العنب لو حامظ واذب من طيبي بي
ايصيح السوباط عنكودي حله
الصوچ بيه وشرعت گلبي الرچيج
وبيه طبت ناس ماتستاهله
الموشلب مايستحق اسگي اهواي
ليش اظل اسگي وانطر حاصله
الاسمه مو يونس شعنده لحوتي جاي
خاف مايطلع وبالذله شله
ولايجيني بيوم عسره يمد اديه
ولو.. ع المنجل درب كل سنبله
اليرشني ابماي ارشه ابطگة ايد
الگطره بطراگين ارجعهه اله
اليوازيني على بيعة جدري جاي
ابوجهي يلگه ارسوم مو مالت هله
چلمتي وعرج السواحل ذني توم
سالفه اگبالي تصير المعضله
ابسرعه اعرفه المايودني وضحكه زور
مايحلي العوره شغل المكحله
المايود المسج يطعن بالغزال
المايود عليمن ابقه امجامله
مهري من اجني اچبشه بخزرتين
وما اخزره الثالثه لا اجهوله
التوه شگ طليعهه اتاني اللگاح
ما اجاملهه واكلهه امحمله
النخيته وما اجه بوكت الحصاد
زحمه اعوفه اگبالي يمدح منجله
احجاره والماعجبه افشخه المثل گال
احجاره .بس ما اصير حصوة كربله
البعض گالو يركب محدده شبي!!
حد عرفهم هذا هيه امحجله
لااتدوس الجني واتسمي اليگول
هالمثل بي اني اشوفن مشكله
امشي ادوسه .. ولا اظل اركض وراه
وماتجي على اشفافي طاري البسمله
العنب لو حامظ واذب من طيبي بي
ايصيح السوباط عنكودي حله
الصوچ بيه وشرعت گلبي الرچيج
وبيه طبت ناس ماتستاهله
الموشلب مايستحق اسگي اهواي
ليش اظل اسگي وانطر حاصله
الاسمه مو يونس شعنده لحوتي جاي
خاف مايطلع وبالذله شله
ولايجيني بيوم عسره يمد اديه
ولو.. ع المنجل درب كل سنبله
كاظم خبط -جنت احبها 💙🍂
جنت أحبها ..
وجانت بسحر بتسامتها يتفطن كل حنيني
وجانت بليل الرموش تنيم ايامي وتفرهد كل سنيني
جنت اكَضي بعطش فركَتها نهاري
ومن يجيني الليل حسبه وهم تجيني
ياحلاة عيونها شما يوجعني
انا اصيحن حيل يعيوني أوجعيني
وياملذ طيوفها يسيرن علي ليليه ويباتن بعيني
جنت احاجي زلوفها بلمسات اديه
تعاركن على الزلف يسراي ويميني
وجانت بلمسات أديها الدافيات أتجيس صدري
تكَلي كل دكَات كَلبك تشتهيني
جانت تكَلي أخذ كَلبي ينام بحضن كَلبك
وجانت تكلي بكثر حب العطش للماي أحبك
وأبكَى احبك
حتى لو كل يوم تجتلني وترد تحييني أحبك
جنت احبها وجانت عيوني على كل الوجوه أتحط رسمها
وأحفر بروحي يــ هلبت بالجرح مكتوب أسمها
وساعه أطير بجنح شوكَي ومايذبني الشوكَـ يمها
آه لون نچيمه هيه
جنت أعد كل النجوم وهلبت يصادف نجمها
و آه لو غناوه هيه
جنت أضل كل عمري أغنيها وأذوبن وي نغمها
و آه لون اطويره هيه
جنت أصير الها سمه وكَاع وتطير تحط أشمها
صادگت كل العصافير بطرفهم وأعرفني
وگمت لو مريت يتناغن بسمها يسمعني
وحتى شارعهم
نشدني شوكت جا ترتاح شو كلساعه تمر مشيك سحلني ..
گتله ياشارع انا المجتول
مو حگي من أدور اعله الجتلني
أمس ودت ليه اختها
تگول اختي الساعه بيش وين اشوفه
تگول أختي وهاي اخر مره اشوفه
وردت اگلها اعله السبب
تالي اعرفت
لن السبب ما عندي سياره وقصر هاي معروفه
أوالمتها ومن شفت دمعة جفنها
ضعت بيت تراب دربي وحرت مدري منين أفوت
بلا حجايه ولا سلام
عيوني ذبت روحها وتبجي بسكوت
تگلي موتني اعله ايدك مره وحده
احسن من افراگ بي كلساع اموت .
تگلي باعوني اعله غيرك
جا بعد عمري شريده
تگلي غرگوني بذهبهم وآني اصيحن مااريده
تگلي حدوا كل خناجرهم عليك
وذكروا أسمك گلت اريده
يا حسافه العگل طخت وانحنت تحت الدنانير الجديده
ويا حسافه الشيمه اليحلفون بيها للصدگ كلش بعيده ..
سمو الما عنده تكرم مال ما عنده شرف
والشرف كل الشرف للعنده سياره جديده
ومادروا باليحب شايل روحه وكت الضيج بيده
وحتى لو گدرو يسجنون الجسم هذا بقصرهم ،،
تبگه ذيج رويحتي تعيش بصريفتكم سعيده ،،
جنت أحبها ..
وجانت بسحر بتسامتها يتفطن كل حنيني
وجانت بليل الرموش تنيم ايامي وتفرهد كل سنيني
جنت اكَضي بعطش فركَتها نهاري
ومن يجيني الليل حسبه وهم تجيني
ياحلاة عيونها شما يوجعني
انا اصيحن حيل يعيوني أوجعيني
وياملذ طيوفها يسيرن علي ليليه ويباتن بعيني
جنت احاجي زلوفها بلمسات اديه
تعاركن على الزلف يسراي ويميني
وجانت بلمسات أديها الدافيات أتجيس صدري
تكَلي كل دكَات كَلبك تشتهيني
جانت تكَلي أخذ كَلبي ينام بحضن كَلبك
وجانت تكلي بكثر حب العطش للماي أحبك
وأبكَى احبك
حتى لو كل يوم تجتلني وترد تحييني أحبك
جنت احبها وجانت عيوني على كل الوجوه أتحط رسمها
وأحفر بروحي يــ هلبت بالجرح مكتوب أسمها
وساعه أطير بجنح شوكَي ومايذبني الشوكَـ يمها
آه لون نچيمه هيه
جنت أعد كل النجوم وهلبت يصادف نجمها
و آه لو غناوه هيه
جنت أضل كل عمري أغنيها وأذوبن وي نغمها
و آه لون اطويره هيه
جنت أصير الها سمه وكَاع وتطير تحط أشمها
صادگت كل العصافير بطرفهم وأعرفني
وگمت لو مريت يتناغن بسمها يسمعني
وحتى شارعهم
نشدني شوكت جا ترتاح شو كلساعه تمر مشيك سحلني ..
گتله ياشارع انا المجتول
مو حگي من أدور اعله الجتلني
أمس ودت ليه اختها
تگول اختي الساعه بيش وين اشوفه
تگول أختي وهاي اخر مره اشوفه
وردت اگلها اعله السبب
تالي اعرفت
لن السبب ما عندي سياره وقصر هاي معروفه
أوالمتها ومن شفت دمعة جفنها
ضعت بيت تراب دربي وحرت مدري منين أفوت
بلا حجايه ولا سلام
عيوني ذبت روحها وتبجي بسكوت
تگلي موتني اعله ايدك مره وحده
احسن من افراگ بي كلساع اموت .
تگلي باعوني اعله غيرك
جا بعد عمري شريده
تگلي غرگوني بذهبهم وآني اصيحن مااريده
تگلي حدوا كل خناجرهم عليك
وذكروا أسمك گلت اريده
يا حسافه العگل طخت وانحنت تحت الدنانير الجديده
ويا حسافه الشيمه اليحلفون بيها للصدگ كلش بعيده ..
سمو الما عنده تكرم مال ما عنده شرف
والشرف كل الشرف للعنده سياره جديده
ومادروا باليحب شايل روحه وكت الضيج بيده
وحتى لو گدرو يسجنون الجسم هذا بقصرهم ،،
تبگه ذيج رويحتي تعيش بصريفتكم سعيده ،،
سمير صبيح - مره سهرنه سوه 💙🍃
مره سهرنه سوه
اني وخيالي وحطب
بليلتها جانت برد
والسنت نار الحطب تتمايل وي الهوه
البروحي نفس اللهب
والليل مدمن دمع شما اصب ينتشي
ظليت اصبله وشرب
واني ابتديت الحجي
اوصف جزيره ابحر
الصبح كلها نده وبليل كلها ذهب
الساحلها جيت ابلم مشرگ يعبر حزن
ومجذافه كلش تعب
ومتعبه روج العمر
مدتلي اديها جرف
شفت الحزيره عجب
يحيط بيها الوفه
وبين الجبال ابترف نايم شعرها گصب
ونخلة جذع يختلف
ريش الحمامه خشن
عكس النخل موكرب
ووسط الجزيره خصر
بي عين بس مو نبع
وعنها ابمسافه عنب
گلي انت توصف مره
لا گتله فاهم غلط
كتلك جزيره ابحر
الصبح كلها نده وبليل كلها ذهب
مره سهرنه سوه
اني وخيالي وحطب
بليلتها جانت برد
والسنت نار الحطب تتمايل وي الهوه
البروحي نفس اللهب
والليل مدمن دمع شما اصب ينتشي
ظليت اصبله وشرب
واني ابتديت الحجي
اوصف جزيره ابحر
الصبح كلها نده وبليل كلها ذهب
الساحلها جيت ابلم مشرگ يعبر حزن
ومجذافه كلش تعب
ومتعبه روج العمر
مدتلي اديها جرف
شفت الحزيره عجب
يحيط بيها الوفه
وبين الجبال ابترف نايم شعرها گصب
ونخلة جذع يختلف
ريش الحمامه خشن
عكس النخل موكرب
ووسط الجزيره خصر
بي عين بس مو نبع
وعنها ابمسافه عنب
گلي انت توصف مره
لا گتله فاهم غلط
كتلك جزيره ابحر
الصبح كلها نده وبليل كلها ذهب
لطيف العامري -عاركت كل صفنه بي 🍂
عاركت كل صفنه بيّ
وكل مسامه انتظرتك ..
يل مشتهاتك ..
عيب اسولفها على غيرك ياااااااااااااااااااااااا اا ..
يا ي أنت
الباب من يندگ أمشط ..
خافن انت ..
الكمر من يكمل اكولن هذا انت
انت يل كلشي بحياتي
حتى من وحدي اصلي ..
التربه انت !!
جاهله وماعرف غيرك وانتظرتك
فات يوم .. على الاجازه
ومااجيت..
وأنه نثيه ..
متانيه بكل شوكي جيتك ..
حضرتهن ..
اصبع اصبع ..
شفه شفه
آآآآآآآآآآآآآآآآآآآآآآآخ لو مااستحي ..
چا هلهليت الجيتك بلسان نثيه ..
متانيه تدك بابها ..
بجف مشتهيها
حيل ...........
مثل شفافها الرجفن عليك
ريحة البسطال ..
عنبر للنثايا
وشوفة البيريه ..
بوسه
ومشطيت ..
وباب تندك ..
وانه وهدومي الخفيفه ..
فرفحينه ..
ها اجيت ؟؟
وردت احضنك
چانن نجوم العلم ..
والناس والتابوت ..
وال .. انت شهيد ..
وطاحت من نهودي دمعه ..
بللت حتى ..
الخجل ..
بهدوم نومي
وعاندتني الشفه ذيج
الجانت ..
متانيتك .. تبلل عطشها وعاتبيتك ..
وصارت ..
البوسه نعاوي
عاركت كل صفنه بيّ
وكل مسامه انتظرتك ..
يل مشتهاتك ..
عيب اسولفها على غيرك ياااااااااااااااااااااااا اا ..
يا ي أنت
الباب من يندگ أمشط ..
خافن انت ..
الكمر من يكمل اكولن هذا انت
انت يل كلشي بحياتي
حتى من وحدي اصلي ..
التربه انت !!
جاهله وماعرف غيرك وانتظرتك
فات يوم .. على الاجازه
ومااجيت..
وأنه نثيه ..
متانيه بكل شوكي جيتك ..
حضرتهن ..
اصبع اصبع ..
شفه شفه
آآآآآآآآآآآآآآآآآآآآآآآخ لو مااستحي ..
چا هلهليت الجيتك بلسان نثيه ..
متانيه تدك بابها ..
بجف مشتهيها
حيل ...........
مثل شفافها الرجفن عليك
ريحة البسطال ..
عنبر للنثايا
وشوفة البيريه ..
بوسه
ومشطيت ..
وباب تندك ..
وانه وهدومي الخفيفه ..
فرفحينه ..
ها اجيت ؟؟
وردت احضنك
چانن نجوم العلم ..
والناس والتابوت ..
وال .. انت شهيد ..
وطاحت من نهودي دمعه ..
بللت حتى ..
الخجل ..
بهدوم نومي
وعاندتني الشفه ذيج
الجانت ..
متانيتك .. تبلل عطشها وعاتبيتك ..
وصارت ..
البوسه نعاوي
مهند حمود - ما زقزق بعد 💚🍂
مازقـــزق بعــــــد والدنيــا دنيـــة بــوم
لبس صيت الحمامــة النزع صيتــه أغراب !!
الضجيــج يطالب بحرية التعبيــــر
ومحكــوم الكناري أربع سنين أرهااب
تضخـّـم بالبلابل وأزمه بالتغريــد
وحمــد عالريل عافه مظفر النـوّاب
القفص نفسه القفص والطير نفس الطير
ملك أبن الشــغب ..وأبن الشعــب بوّاب
نمرود ( الزحااااف ) تماده عالموزون
وتسلط عالشعر سياف مو سياب
ولا نكهــة صلاة تسد شهية أبليس
وترد الدم لوجه القبله والمحــراب
ولا مصــرف خشب يترس جيوب النار ؟ّ!
ويحط رجل اعله رجل الحطب والحطّــاب !!
ولا طلقة نــده تسقّــط حكومه گيــض ؟!
ولهسـه الصدگ محبــس بصبع الچــذاب !!
ولهسه البير دمعة بوجنة الصحــراء
ولهسه بين غيمه وهيمه حرب أعصــاب
ولهســه المو شمع تملي استمارة خيط !!
ولهسه الشوك فارض نفسه عاالبلاب
هوية گراب عـنده البي كفاءة سيف !!
وهوية سيف عنــده اتوه صار گراب !!
أمر تعييــن خبير صدر .. بس لليوم
ما صــادر أمر تعيين داحي الباب
الثلج أصبح ثلج چي أيده وحده المـاي
(وجبــل ظل الجبل چي ما نسه أصله تراب)
مازقـــزق بعــــــد والدنيــا دنيـــة بــوم
لبس صيت الحمامــة النزع صيتــه أغراب !!
الضجيــج يطالب بحرية التعبيــــر
ومحكــوم الكناري أربع سنين أرهااب
تضخـّـم بالبلابل وأزمه بالتغريــد
وحمــد عالريل عافه مظفر النـوّاب
القفص نفسه القفص والطير نفس الطير
ملك أبن الشــغب ..وأبن الشعــب بوّاب
نمرود ( الزحااااف ) تماده عالموزون
وتسلط عالشعر سياف مو سياب
ولا نكهــة صلاة تسد شهية أبليس
وترد الدم لوجه القبله والمحــراب
ولا مصــرف خشب يترس جيوب النار ؟ّ!
ويحط رجل اعله رجل الحطب والحطّــاب !!
ولا طلقة نــده تسقّــط حكومه گيــض ؟!
ولهسـه الصدگ محبــس بصبع الچــذاب !!
ولهسه البير دمعة بوجنة الصحــراء
ولهسه بين غيمه وهيمه حرب أعصــاب
ولهســه المو شمع تملي استمارة خيط !!
ولهسه الشوك فارض نفسه عاالبلاب
هوية گراب عـنده البي كفاءة سيف !!
وهوية سيف عنــده اتوه صار گراب !!
أمر تعييــن خبير صدر .. بس لليوم
ما صــادر أمر تعيين داحي الباب
الثلج أصبح ثلج چي أيده وحده المـاي
(وجبــل ظل الجبل چي ما نسه أصله تراب)
علي رشم - زعلانه 💚🍂
زعلانه كالو لاتمرها بحلم
كلولي دمعج عل جفن ماعثر
اشتمو فراكج بيه من سولفت
مريتي سيف وصار خلكي نحر
يضفرون وجهي وتنثر عزتي
بعيوني تطفى وجوه كل البشر
شخليتي بيه وصدري فارغ طلع
شعاف الندى من اثار فوك الصخر
دبريلي ملكه بروحي وحشه حضن
شكد ناس زغرت من فراغج كبر
شجريتي مني ومانجر النفس
ضل الحلم بعيوني يطبع اثر
رحتي وخيالج لاغفى ولامشى
لاعاف روحي ولابعيني استقر
اربع مواسم ضل خريفج يجي
طاحت ملامح وجهي مثل الشجر
كل خطوه ريت الكاع تاخذ نفس
وانا اختنك لو مني جدمج عبر
شباج وجهي شكد رسايل بقت
محد قراهن جنت الوم القدر
خيط عليه الليل وجه وكفه
يعثر بنيته الكدر وماكدر
وديلي كلشي الجان من ريحتج
مشتاكلج مرسه وشراع وبحر
ماغسل وجها من الضوه البي تعب
شكد انعكس بل ماي وجه الكمر
عيني بكفه اليمشون صارت وشم
خطواتهم ضلمه وضواهم كصر
ذكروج يمي ودمعتي استعجلت
هزو صفنتي وطاح وجهج تمر
ترسو عيوني ملاكه مابينو
ما ادري من عفتيني بيه شزغر
تانيت جيتي وين ماينشمي
وشلت جدمي اعلى الدرب والنضر
جمره بخور الذكرى لمن تمر
تورث حسرتي وبيه تمشي بحذر
يعرفون جرحي الحبو وفاركو
ويدرون جفني شجم حلم بي خسر
الصبخه جنت ارويها من كصتي
يتشابه بعين العطش والمطر
ذيج انتي وانا بغيبتج موصدك
تعبتي جدمي وساعتي من السفر
بي حيل هجرج وانا وشله خلك
ذبلن وجهي مناطرج والسهر
يعجبني ذوقج مثل ذوق البلم
متعافي ياخذ راحته باي نهر
نتشابه انا وياج من نفترك
ويختلف وجهي وروحتج بل صور
زعلانه كالو لاتمرها بحلم
كلولي دمعج عل جفن ماعثر
اشتمو فراكج بيه من سولفت
مريتي سيف وصار خلكي نحر
يضفرون وجهي وتنثر عزتي
بعيوني تطفى وجوه كل البشر
شخليتي بيه وصدري فارغ طلع
شعاف الندى من اثار فوك الصخر
دبريلي ملكه بروحي وحشه حضن
شكد ناس زغرت من فراغج كبر
شجريتي مني ومانجر النفس
ضل الحلم بعيوني يطبع اثر
رحتي وخيالج لاغفى ولامشى
لاعاف روحي ولابعيني استقر
اربع مواسم ضل خريفج يجي
طاحت ملامح وجهي مثل الشجر
كل خطوه ريت الكاع تاخذ نفس
وانا اختنك لو مني جدمج عبر
شباج وجهي شكد رسايل بقت
محد قراهن جنت الوم القدر
خيط عليه الليل وجه وكفه
يعثر بنيته الكدر وماكدر
وديلي كلشي الجان من ريحتج
مشتاكلج مرسه وشراع وبحر
ماغسل وجها من الضوه البي تعب
شكد انعكس بل ماي وجه الكمر
عيني بكفه اليمشون صارت وشم
خطواتهم ضلمه وضواهم كصر
ذكروج يمي ودمعتي استعجلت
هزو صفنتي وطاح وجهج تمر
ترسو عيوني ملاكه مابينو
ما ادري من عفتيني بيه شزغر
تانيت جيتي وين ماينشمي
وشلت جدمي اعلى الدرب والنضر
جمره بخور الذكرى لمن تمر
تورث حسرتي وبيه تمشي بحذر
يعرفون جرحي الحبو وفاركو
ويدرون جفني شجم حلم بي خسر
الصبخه جنت ارويها من كصتي
يتشابه بعين العطش والمطر
ذيج انتي وانا بغيبتج موصدك
تعبتي جدمي وساعتي من السفر
بي حيل هجرج وانا وشله خلك
ذبلن وجهي مناطرج والسهر
يعجبني ذوقج مثل ذوق البلم
متعافي ياخذ راحته باي نهر
نتشابه انا وياج من نفترك
ويختلف وجهي وروحتج بل صور
كاظم اسماعيل الگاطع - ما مرتاح 🍂
ما مرتـــاح
ما مرتاح .. ما مرتاح .. مامرتاح
عيوني تستحي بس الدموع إوكاح
ما مرتـــــــــاح
منٌك.. منٌي .. من الجاي من الراح
ما مرتــــــــاح
عركه وي الزمن ورجعنه مكسورين !!
وبعيده المسافه وينٌسي اللٌي طاح ..
ما مرتـــــــــــــاح
لأن شفت الشمس نزلت تبوس الكًاع
وبكف الطفل تنلاح
ولأن قاضي البلابل مدٌد التوقيف
ومفتوحه السِما
والفيل عنده جناح
ما مرتـــــــــــــــاح
لأن قفل المحبه إنباكً
وِترهٌم عليه مفتاح
ما مرتــاح
متروك بجزيره وتيٌهت بالليل
وإجو ربعي عليٌه بقافلة أشباح
وإنته إشبيك ؟؟؟؟؟
لمٌن دافعت عن نفسي صابك غيض
مو حتى الكًنافذ من تحس بالخوف
تستخدم جلدها سلاح !!
ولا جن الفجر مثل الفجر محبوب
لون الفجر صاير يقبض الارواح
ما مرتـــاح
ما مرتاح .. ما مرتاح .. مامرتاح
عيوني تستحي بس الدموع إوكاح
ما مرتـــــــــاح
منٌك.. منٌي .. من الجاي من الراح
ما مرتــــــــاح
عركه وي الزمن ورجعنه مكسورين !!
وبعيده المسافه وينٌسي اللٌي طاح ..
ما مرتـــــــــــــاح
لأن شفت الشمس نزلت تبوس الكًاع
وبكف الطفل تنلاح
ولأن قاضي البلابل مدٌد التوقيف
ومفتوحه السِما
والفيل عنده جناح
ما مرتـــــــــــــــاح
لأن قفل المحبه إنباكً
وِترهٌم عليه مفتاح
ما مرتــاح
متروك بجزيره وتيٌهت بالليل
وإجو ربعي عليٌه بقافلة أشباح
وإنته إشبيك ؟؟؟؟؟
لمٌن دافعت عن نفسي صابك غيض
مو حتى الكًنافذ من تحس بالخوف
تستخدم جلدها سلاح !!
ولا جن الفجر مثل الفجر محبوب
لون الفجر صاير يقبض الارواح
فاضل الزيدي - حفنة ماي 💚🍃
شلك بالروح..
يل ما تود تتعب
ولاتسهر ربع ليلك
شلك بالشوكَـ..
وانت الشوكَـ ماهزك
ولامنه انهدم حيلك
يشمس الماتشكَـ الغيم
بدمعي تريد...اشكَـ ليلك
انا اسنيني
كَــضن دريات
وانت تفر مغازيلك
انت اعله العمد للروح
تجابلني وتطكَـ جيلك
اشلون تريدني اشكيلك؟
بعد ما يرجفن كَـليبي
لورنت جناجيلك
ولا افز بتوالي الليل
واشكيلك
انه ضلوعي غدت تربان
وانت الغاير بخيلك
شتلت سنين عمري
والنطارة اعليك...
وعليَ بلا بخت..هدت مناجيلك
جم مرة المك..... وانت حفنة ماى
لاجف الحوه...ولا كَـــاع التشيلك
تعدت كل عذر ينكَــال... ولا بيها..بعد آهات ...تبجيلك
صفيت ادنان...
ياشراي يقبل بيك
ويا ميزان اليجيلك
شلك بالروح..
يل ما تود تتعب
ولاتسهر ربع ليلك
شلك بالشوكَـ..
وانت الشوكَـ ماهزك
ولامنه انهدم حيلك
يشمس الماتشكَـ الغيم
بدمعي تريد...اشكَـ ليلك
انا اسنيني
كَــضن دريات
وانت تفر مغازيلك
انت اعله العمد للروح
تجابلني وتطكَـ جيلك
اشلون تريدني اشكيلك؟
بعد ما يرجفن كَـليبي
لورنت جناجيلك
ولا افز بتوالي الليل
واشكيلك
انه ضلوعي غدت تربان
وانت الغاير بخيلك
شتلت سنين عمري
والنطارة اعليك...
وعليَ بلا بخت..هدت مناجيلك
جم مرة المك..... وانت حفنة ماى
لاجف الحوه...ولا كَـــاع التشيلك
تعدت كل عذر ينكَــال... ولا بيها..بعد آهات ...تبجيلك
صفيت ادنان...
ياشراي يقبل بيك
ويا ميزان اليجيلك
علي المقداد - تانيتكم 💚🍂
تانيتكم
حد ما خلص شوف العگل
واتسودنت
طگن سواديني (وأهذري) شلونكم
.
تانيتكم
مخنوگ بالعبره صدگ
والوحشه ماگلكم شنو ؟
باب ومغربيه وشته ..
.
تانيتكم
جلمة عشگ بشفايف اخرس مختنگ
ماترضه تطلع وينكم
تانيتكم
.
تانيتكم صبخه وأنز من كل كتر
هلبت تشل فطور گلبي علومكم
.
تانيتكم !!
ريجي النشف گد ما اون
.
مشتاگ اروّي من نبع ضحكاتكم
وسنوونكم آآآخ إكتلتني سنونكم
گيشة فحل طليعه رطبه اسنونكم
.
وعيونكم قصة عشگ
فاقت(الف ليله )بقرن
شگد مشتهي وعطشان اناغي عيونكم.
.
.
تانيتكم ......
الحد ما گمت احس ضهري انوكل گدما اتاني ومنتجي
هنااااااك إعله حايط بيتكم ..
.
بس عندي أمل تجمعنه ذيچ دروبكم ..
وما گاطع الياس واتاني ظعونكم ..
.
والهالسبب ..امرشرش عتبتي بـ(ياهلـه)
خاطر اذا جيتو بحلم ..
اتهلي وتمرحب عتبتي واتنطرت
ومشرعه الباب اعله طاري طيوفكم
تانيتكم.
تانيتكم
حد ما خلص شوف العگل
واتسودنت
طگن سواديني (وأهذري) شلونكم
.
تانيتكم
مخنوگ بالعبره صدگ
والوحشه ماگلكم شنو ؟
باب ومغربيه وشته ..
.
تانيتكم
جلمة عشگ بشفايف اخرس مختنگ
ماترضه تطلع وينكم
تانيتكم
.
تانيتكم صبخه وأنز من كل كتر
هلبت تشل فطور گلبي علومكم
.
تانيتكم !!
ريجي النشف گد ما اون
.
مشتاگ اروّي من نبع ضحكاتكم
وسنوونكم آآآخ إكتلتني سنونكم
گيشة فحل طليعه رطبه اسنونكم
.
وعيونكم قصة عشگ
فاقت(الف ليله )بقرن
شگد مشتهي وعطشان اناغي عيونكم.
.
.
تانيتكم ......
الحد ما گمت احس ضهري انوكل گدما اتاني ومنتجي
هنااااااك إعله حايط بيتكم ..
.
بس عندي أمل تجمعنه ذيچ دروبكم ..
وما گاطع الياس واتاني ظعونكم ..
.
والهالسبب ..امرشرش عتبتي بـ(ياهلـه)
خاطر اذا جيتو بحلم ..
اتهلي وتمرحب عتبتي واتنطرت
ومشرعه الباب اعله طاري طيوفكم
تانيتكم.
صفاء الصمت - تجاعيد النخل 💛🍂
گبل لا موت
كاسرلي بسمارگ طيف
حلم ما بي ملوحة عيوني متصدگة
وخــل خــرجية مــن سوالفــك لليــل
النجم،، والگمرة،، هــذن شغلات محترگة
خــم چفي
كَلت من حصته الحيطان
واگف لچن بيه اچم سمه مدنگة
لتغرگ وگفته النخل گله هموم
تجاعيده اعله وطــولـه موگفته الحرگة
كِشخت بغيرك
گبــال النهر مجبور
النخــل ينبــــاگ لمــــن يكشــخ بعثــگة
مرات الچتاف اعله اليموت ثگال
اليفــــارگ تِغــمــَج علــته الــــرفــچــة
مو كل نسمة تندل ريّة التابوت
وديــلــي هــــــواگ متــــاع للــفــرگــة
اچم عين
اعله طوله ومايشوف الناي
تــدلــي عــالنــفس بصمــات اليــشگبة
عفتني وشيبي ظل يستصغره الفجان
يهــزنــي الشــوگ واترس روحي للملگة
الگاتله اخو
ما عرگ من شافوه
بس راوي مــلامــح فشــلتــي تعــرگــة
بشر صحراء يا اسم اعله حالي يلوگ
ليش خلاف وجهــك تشتهيني النوگ
مو بس ايدي شديت الــدروب اعلوگ
يــمــته بظــهر چــفــك بــابــنا اتدگــــة
السمه
تتبده نجمات اعله گد الماي
تِــذكر عشــرة الغــيم وتجــي تلحگة
بخيالي هــواي جبتك مارهملك دور
خضارك وين احطه وكِلي عگبك بور
حطني بحضنگ اشتاگيت اناغي الهور
واسير عــالطيــور العــاشــگة بصفگة
عازلك عمر
بي للهوة مرايات
كــل امنيتي اشــوفه بجيدك معــلگة
حرام انطيه لوادم ماتعرف اتعيش
المــايقدر الــبرحي بمشيته يسحــگة
گبل لا موت
كاسرلي بسمارگ طيف
حلم ما بي ملوحة عيوني متصدگة
وخــل خــرجية مــن سوالفــك لليــل
النجم،، والگمرة،، هــذن شغلات محترگة
خــم چفي
كَلت من حصته الحيطان
واگف لچن بيه اچم سمه مدنگة
لتغرگ وگفته النخل گله هموم
تجاعيده اعله وطــولـه موگفته الحرگة
كِشخت بغيرك
گبــال النهر مجبور
النخــل ينبــــاگ لمــــن يكشــخ بعثــگة
مرات الچتاف اعله اليموت ثگال
اليفــــارگ تِغــمــَج علــته الــــرفــچــة
مو كل نسمة تندل ريّة التابوت
وديــلــي هــــــواگ متــــاع للــفــرگــة
اچم عين
اعله طوله ومايشوف الناي
تــدلــي عــالنــفس بصمــات اليــشگبة
عفتني وشيبي ظل يستصغره الفجان
يهــزنــي الشــوگ واترس روحي للملگة
الگاتله اخو
ما عرگ من شافوه
بس راوي مــلامــح فشــلتــي تعــرگــة
بشر صحراء يا اسم اعله حالي يلوگ
ليش خلاف وجهــك تشتهيني النوگ
مو بس ايدي شديت الــدروب اعلوگ
يــمــته بظــهر چــفــك بــابــنا اتدگــــة
السمه
تتبده نجمات اعله گد الماي
تِــذكر عشــرة الغــيم وتجــي تلحگة
بخيالي هــواي جبتك مارهملك دور
خضارك وين احطه وكِلي عگبك بور
حطني بحضنگ اشتاگيت اناغي الهور
واسير عــالطيــور العــاشــگة بصفگة
عازلك عمر
بي للهوة مرايات
كــل امنيتي اشــوفه بجيدك معــلگة
حرام انطيه لوادم ماتعرف اتعيش
المــايقدر الــبرحي بمشيته يسحــگة
عبدالخالق المحنه - تعال و لا تجي 💚🍃
تعال ولاتجي وثنينهن صعبات ...
واحسن شي اكلك اني ماكلك ...
خايف من تجيني ولك مثلي تصير ...
لذالك لاتجيني هواي احسنلك ...
انه وياك متنه بيوم مابيه موت ...
ليش الموت تيه كلشي واندلك ..
واشتاكيت الك شوك الجرح للاه ...
واشتاكيت اشبكك كلي وي كلك ...
تعال شكد صحتلك والمسافه كبور...
كفر بيه الصبر واجفوفي يدعلك ...
شتلبس ياقميص وكل حلو منفوس
صدكني التراب هواي اجملك
تعال ولاتجي المن يصاحب جاي ...
دنيا مخلبصه اولوطحت شيفيلك ...
تعال اشلون اشوفك ماتكفي العين ...
تعال اشلون شلون اشبكك حيل ابهيده ...
تعال ومن تجيني انه اروح وياك ...
ادورلي وطن هلوطن ماريده ...
الوطن تحت التراب الفوك اشكن بيه ...
الوطن لومايلم عيله ما ريده
..... وطن كد الحد يجمعنا انه وياك ...
وتاريخ الكرامه انذكره ونعيده ...
تذكر ماي شطنه صافي مثلك جان ...
يلوك لعنبره وهوسة حواصيدها ...
وتذكر جارنه لمن يدخن جان ...
اومن شافه ابوه طفه الجمر بيده ...
خجل جان الخجل مرسوم عل البيبان ....
.... شكثر غايب حمد بس مالمس غيده ...
تعال ولاتجي وثنينهن صعبات ...
واحسن شي اكلك اني ماكلك ...
خايف من تجيني ولك مثلي تصير ...
لذالك لاتجيني هواي احسنلك ...
انه وياك متنه بيوم مابيه موت ...
ليش الموت تيه كلشي واندلك ..
واشتاكيت الك شوك الجرح للاه ...
واشتاكيت اشبكك كلي وي كلك ...
تعال شكد صحتلك والمسافه كبور...
كفر بيه الصبر واجفوفي يدعلك ...
شتلبس ياقميص وكل حلو منفوس
صدكني التراب هواي اجملك
تعال ولاتجي المن يصاحب جاي ...
دنيا مخلبصه اولوطحت شيفيلك ...
تعال اشلون اشوفك ماتكفي العين ...
تعال اشلون شلون اشبكك حيل ابهيده ...
تعال ومن تجيني انه اروح وياك ...
ادورلي وطن هلوطن ماريده ...
الوطن تحت التراب الفوك اشكن بيه ...
الوطن لومايلم عيله ما ريده
..... وطن كد الحد يجمعنا انه وياك ...
وتاريخ الكرامه انذكره ونعيده ...
تذكر ماي شطنه صافي مثلك جان ...
يلوك لعنبره وهوسة حواصيدها ...
وتذكر جارنه لمن يدخن جان ...
اومن شافه ابوه طفه الجمر بيده ...
خجل جان الخجل مرسوم عل البيبان ....
.... شكثر غايب حمد بس مالمس غيده ...
عريان سيد خلف -تلولحي 🌴
تلولحي بروحي كصيبة تلولحي
تمرجحي بكلبي قصيدة تمرجحي
احنه خلانه وكتنا تراب بحلوك الرحي
شما يطول الجرح بينا يطيب بس ما يمنحي
تلولحي تلولحي
تلولحي وتمرجحي
تلولحي صوتي جزاني وعافت عيوني الحلم
تايه ومامش علامة وملت السجة الجدم
وطشت سنين المحبة ومن بكاياهن شألم
ومرة تغفه جروحي بيه ومرة احن وتلجم
تلولحي تلولحي
اليا كتر يا شوك روحي تريد بيه الياكتر
لعبت بحالي الليالي وما لكه ولاية العمر
سولة الناس الملامة واحنا سولتنا الصبر
وشيمة الكاع يصبرها تشوغ لهفة وتنتظر
تلولحي تلولحي
تلولحي وتمرجحي
تلولحي بروحي كصيبة تلولحي
تمرجحي بكلبي قصيدة تمرجحي
احنه خلانه وكتنا تراب بحلوك الرحي
شما يطول الجرح بينا يطيب بس ما يمنحي
تلولحي تلولحي
تلولحي وتمرجحي
تلولحي صوتي جزاني وعافت عيوني الحلم
تايه ومامش علامة وملت السجة الجدم
وطشت سنين المحبة ومن بكاياهن شألم
ومرة تغفه جروحي بيه ومرة احن وتلجم
تلولحي تلولحي
اليا كتر يا شوك روحي تريد بيه الياكتر
لعبت بحالي الليالي وما لكه ولاية العمر
سولة الناس الملامة واحنا سولتنا الصبر
وشيمة الكاع يصبرها تشوغ لهفة وتنتظر
تلولحي تلولحي
تلولحي وتمرجحي
صاحب الزمان عج :
حزن كل گنطرة بروحي جرف منكم
ابچي عليكم و انتم و لا چنكم
ضيعتو العرف بيه
الاحشمه يگول شعليه ؟
چي عماتي مو عماتكم ركضن
مثل ما تنچوي الدلة وعلي اتچون
مرات البچي ايريحك
بس يبقه الجرح جرحك
يهضمني اليطب للمجلس و يضحك
چي گلبي مثل شيبي متعود اظل وحدي
ولا واحد سمعته يگول الله يساعد المهدي
شبشركم ! گضت روحي اكبر و الحلم يصغر
ظهر ما عندي حتى اظهر
ما تدعيلي تدعي الوادم عليه وحگ ضحكت علي الاكبر
ابچي و تضحك الوادم
هاي اسنين ما نايم
شوكت عافيتي تحچيلي
شوكت واحد يتچيلي
لميت الضوة من عيوني و اتبده
انكسر ظهري مثل كسرت ظهر وردة
اگبال عيونكم چا ليش سميتوني يالغايب !
يمته اطلع صرت شايب
ريتي اتصلي للدخان و احسد كلمن اعله الگاع يتنفس
مدري شبيهه هاي الناس من تلچمني تتونس
مرات الضعن انساه هيَ ذنوبكم تهضم
اليتفرج لعمتي بطبت الديوان نفس ذنب الوگف يتفرج بمجلسنه ما يلطم
اليحبني يموت بالعاشر
كلمن ما يدگ صدره باچر ينحسب حافر
الوكت چا هاي تاليته !
يمن اعليه الانطيته
ما محتاج كل رادود
ما محتاج كل شاعر
ما محتاج كل ناعي
يمن عليه كلمن ما إله داعي
يبوگ بشمسي فيّكم بوگ
وعلي وليه التعب و الليل و الغربة ..
و غدر هل مره من مگفاي طگني الشوگ
ايهاب عيال الظالمي - السماوه
حزن كل گنطرة بروحي جرف منكم
ابچي عليكم و انتم و لا چنكم
ضيعتو العرف بيه
الاحشمه يگول شعليه ؟
چي عماتي مو عماتكم ركضن
مثل ما تنچوي الدلة وعلي اتچون
مرات البچي ايريحك
بس يبقه الجرح جرحك
يهضمني اليطب للمجلس و يضحك
چي گلبي مثل شيبي متعود اظل وحدي
ولا واحد سمعته يگول الله يساعد المهدي
شبشركم ! گضت روحي اكبر و الحلم يصغر
ظهر ما عندي حتى اظهر
ما تدعيلي تدعي الوادم عليه وحگ ضحكت علي الاكبر
ابچي و تضحك الوادم
هاي اسنين ما نايم
شوكت عافيتي تحچيلي
شوكت واحد يتچيلي
لميت الضوة من عيوني و اتبده
انكسر ظهري مثل كسرت ظهر وردة
اگبال عيونكم چا ليش سميتوني يالغايب !
يمته اطلع صرت شايب
ريتي اتصلي للدخان و احسد كلمن اعله الگاع يتنفس
مدري شبيهه هاي الناس من تلچمني تتونس
مرات الضعن انساه هيَ ذنوبكم تهضم
اليتفرج لعمتي بطبت الديوان نفس ذنب الوگف يتفرج بمجلسنه ما يلطم
اليحبني يموت بالعاشر
كلمن ما يدگ صدره باچر ينحسب حافر
الوكت چا هاي تاليته !
يمن اعليه الانطيته
ما محتاج كل رادود
ما محتاج كل شاعر
ما محتاج كل ناعي
يمن عليه كلمن ما إله داعي
يبوگ بشمسي فيّكم بوگ
وعلي وليه التعب و الليل و الغربة ..
و غدر هل مره من مگفاي طگني الشوگ
ايهاب عيال الظالمي - السماوه
زينـب خـويه تارسـني حچـي العـيب
احط گلبي اعلى راسي و ينحسب شيب
ضعن عافيتي يمچ ناخ
يالـمالچ عـرِف بالـ آخ
طولچ هذا لو گاع !
الحافر خـويه صاير صـاحبي .. دافي
مو بس راسي شيَّب شاربي .. كافي !
ما گتلچ بدرب السبي .. شفت الجرح ينزف عبي
وأدنـت النـاس و إجه .. بخـاچيته غـطاچ الـنبي
شرد اگلچ .. اهنا يخيتي العين فوگ الحاجب
شرد اگلچ .. اگمـاط عـبدالله يـزينب شـايـب
سألتچ گبل الأوداع .. طولچ هذا لو گاع !
طـولچ مـا يعـرفه الشايـفه .. ايكابر
أنـشـدچ گاعـده لو واگـفه ؟ .. حاير
من جرچن اگبالي سره .. نشفت لهات الگنطره
و روحي گضت سکتة مثل .. عود البخور بمگبره
خويه ردي .. لو أگوم السيف يخزر جرحي
خويه ردي .. الشوچ حط گوره وي گور البرحي
أنشدچ و العثگ ضاع .. طولچ هذا لو گاع !
مامش حيل روحچ بـاهته .. ع الحَگ
امبـينـه الـبصـحاري بايـته .. و تشهگ
بعينچ عتب تالي صفه .. فانوس عشرتنه انطفه
والگضه عمره اوي السهر .. فوگ الرمح يختي غفه
حسين اخيَّچ .. إبين ركضة ورمح أعمه وحافر
حسين اخيِّچ .. شوغة شوغة اتطشر اعلى العاشر
حسينچ ينشد ابساع .. طولچ هذا لو گاع !
اشما اذكر ضحكتي العافية .. تعرِض
أول تالي زينب حافية ! .. و تركض
وياچ گضيت العمر .. عفتني ع الگاع الظهر
الما عابره الباب بحلم .. تاليهه تمشي وي الشمر
هزني وكتي .. هـزت الثـكلة بمـهد صادفـهه
هزني وكتي .. هـيَ دنـيا و الأقـلام بچـفهه
كتبت چلمه بشراع .. طولچ هذا لو گاع !
خـويه الليـلة كلـش باردة .. اشموعي
مو مكسورة يمكن ساجدة .. ضلوعي
يالرحتي و بنحري يحز .. و بلذت الطيف وأفز
زينب تخاف بيا وكت ؟ .. هوه الحرز شالچ حرز
يا هضيمة .. من اشوف الوردة تبچي وتشهگ
يا هضيمة .. و انا ميـّت مـن تعثرين اعـرگ
و سؤال إبينهم شاع .. طولچ هذا لو گاع !
ايهاب عيال الظالمي - السماوة
احط گلبي اعلى راسي و ينحسب شيب
ضعن عافيتي يمچ ناخ
يالـمالچ عـرِف بالـ آخ
طولچ هذا لو گاع !
الحافر خـويه صاير صـاحبي .. دافي
مو بس راسي شيَّب شاربي .. كافي !
ما گتلچ بدرب السبي .. شفت الجرح ينزف عبي
وأدنـت النـاس و إجه .. بخـاچيته غـطاچ الـنبي
شرد اگلچ .. اهنا يخيتي العين فوگ الحاجب
شرد اگلچ .. اگمـاط عـبدالله يـزينب شـايـب
سألتچ گبل الأوداع .. طولچ هذا لو گاع !
طـولچ مـا يعـرفه الشايـفه .. ايكابر
أنـشـدچ گاعـده لو واگـفه ؟ .. حاير
من جرچن اگبالي سره .. نشفت لهات الگنطره
و روحي گضت سکتة مثل .. عود البخور بمگبره
خويه ردي .. لو أگوم السيف يخزر جرحي
خويه ردي .. الشوچ حط گوره وي گور البرحي
أنشدچ و العثگ ضاع .. طولچ هذا لو گاع !
مامش حيل روحچ بـاهته .. ع الحَگ
امبـينـه الـبصـحاري بايـته .. و تشهگ
بعينچ عتب تالي صفه .. فانوس عشرتنه انطفه
والگضه عمره اوي السهر .. فوگ الرمح يختي غفه
حسين اخيَّچ .. إبين ركضة ورمح أعمه وحافر
حسين اخيِّچ .. شوغة شوغة اتطشر اعلى العاشر
حسينچ ينشد ابساع .. طولچ هذا لو گاع !
اشما اذكر ضحكتي العافية .. تعرِض
أول تالي زينب حافية ! .. و تركض
وياچ گضيت العمر .. عفتني ع الگاع الظهر
الما عابره الباب بحلم .. تاليهه تمشي وي الشمر
هزني وكتي .. هـزت الثـكلة بمـهد صادفـهه
هزني وكتي .. هـيَ دنـيا و الأقـلام بچـفهه
كتبت چلمه بشراع .. طولچ هذا لو گاع !
خـويه الليـلة كلـش باردة .. اشموعي
مو مكسورة يمكن ساجدة .. ضلوعي
يالرحتي و بنحري يحز .. و بلذت الطيف وأفز
زينب تخاف بيا وكت ؟ .. هوه الحرز شالچ حرز
يا هضيمة .. من اشوف الوردة تبچي وتشهگ
يا هضيمة .. و انا ميـّت مـن تعثرين اعـرگ
و سؤال إبينهم شاع .. طولچ هذا لو گاع !
ايهاب عيال الظالمي - السماوة
القلبه يشتاك - الملا مسلم الكعبي - ليلة 1 محرم 14 - 128K MP3
<unknown>
بس الگلبه يشتاگ ...
يعرف طعم الفراگ..
مسلم الكعبي ..
الله الله ع هذا الصوت ..
يعرف طعم الفراگ..
مسلم الكعبي ..
الله الله ع هذا الصوت ..