عقيل العرد
ابشع جريمة قتل
من تسكت اعله الظلم ويذبحك احساسك
ومن شفت ناسك عدل
بيدك فتحت السجن
معتزل عن ناسك
صوتك منارة رفض
والخوف ما جاسك
وصح ناصي باب السجن
بس انت لمن فتت مادنكت راسك
معتزل عن الشعب
ناسك شفتهم جذب من وين ما تندار
شفت المناير نخل
والصوت مو جمار
والفقرة سلعة حكم
والدين للتجار
منك عرفت السجن حرية للثوار
ومنك عرفت القفل ينفتح بالدينار
وما دام جدك نبي معناها سجنك غار
مو كل صلاه تنقبل
باطل وضوء الملك
مادام ماي النهر بي دم نثايا اندار
السبحة سودة لأن
كل خرزة صارت ( عبد) بيد الخليفة الجذب
والخيط خوف ونار
ومن طال خيط الظلم
والناس صارت خرز
ما فكرت تحتار
ذاك انت (لؤلؤ رفض )
من وصل ليك اللضم طبيت للمحار
ابشع جريمة قتل
من تسكت اعله الظلم ويذبحك احساسك
ومن شفت ناسك عدل
بيدك فتحت السجن
معتزل عن ناسك
صوتك منارة رفض
والخوف ما جاسك
وصح ناصي باب السجن
بس انت لمن فتت مادنكت راسك
معتزل عن الشعب
ناسك شفتهم جذب من وين ما تندار
شفت المناير نخل
والصوت مو جمار
والفقرة سلعة حكم
والدين للتجار
منك عرفت السجن حرية للثوار
ومنك عرفت القفل ينفتح بالدينار
وما دام جدك نبي معناها سجنك غار
مو كل صلاه تنقبل
باطل وضوء الملك
مادام ماي النهر بي دم نثايا اندار
السبحة سودة لأن
كل خرزة صارت ( عبد) بيد الخليفة الجذب
والخيط خوف ونار
ومن طال خيط الظلم
والناس صارت خرز
ما فكرت تحتار
ذاك انت (لؤلؤ رفض )
من وصل ليك اللضم طبيت للمحار
زامل سعيد فتاح
شفت عيناك دنيا وفرحت روحي وهويت
وصرت عندي طوير جنه وزق ازقه
اشما ردت واشما اشتهيت
راچب الدنيا
ولعد كل عالي متعالي اعتنيت
وانت بلبل وآنه مصنت
مثل حنطة ضيم لو گلت وحچيت
وانت في الروح يافي النواشي
المادفك لگيحها وما طلعيت
وانته بهة گلب وبشلال ودك گيليت
عيني مامش فوگها لغيرك مچان
ولا لساني لغير طراوكم طريت
يا محاچيك شلذها
ويا اللثقه
شمنغم اللثقه لون اتفلميت
يا فراشه
وروحي ماتنطيني اجيسنها
واخاف تغثك ايدي اشما دنيت
حتى لو وكرت فوگ ارموش عيني
يظل الك مصلوب يبگه اشما بطيت
وخاف يتعب رمش عيني
وخاف دمعي يهل
وتتوهم بچيت
يازهاب
ويا متاع الروح
ما والمني غيرك والك بس اتولميت
بالحنين وبالمحاچي الحلوه
وبطوک الموده اتخرميت
عمري ماضگت الموده
وعشت وي شوچ الشفلّح عوسجيت
وروحي توها أمية الحنيه بيك
عروگها اتطش
وياصريمة ورطّبت چنها ورميت
خاف سوم يزود سومي
وداعتك
مازود ولسومك رضيت
شفت عيناك دنيا وفرحت روحي وهويت
وصرت عندي طوير جنه وزق ازقه
اشما ردت واشما اشتهيت
راچب الدنيا
ولعد كل عالي متعالي اعتنيت
وانت بلبل وآنه مصنت
مثل حنطة ضيم لو گلت وحچيت
وانت في الروح يافي النواشي
المادفك لگيحها وما طلعيت
وانته بهة گلب وبشلال ودك گيليت
عيني مامش فوگها لغيرك مچان
ولا لساني لغير طراوكم طريت
يا محاچيك شلذها
ويا اللثقه
شمنغم اللثقه لون اتفلميت
يا فراشه
وروحي ماتنطيني اجيسنها
واخاف تغثك ايدي اشما دنيت
حتى لو وكرت فوگ ارموش عيني
يظل الك مصلوب يبگه اشما بطيت
وخاف يتعب رمش عيني
وخاف دمعي يهل
وتتوهم بچيت
يازهاب
ويا متاع الروح
ما والمني غيرك والك بس اتولميت
بالحنين وبالمحاچي الحلوه
وبطوک الموده اتخرميت
عمري ماضگت الموده
وعشت وي شوچ الشفلّح عوسجيت
وروحي توها أمية الحنيه بيك
عروگها اتطش
وياصريمة ورطّبت چنها ورميت
خاف سوم يزود سومي
وداعتك
مازود ولسومك رضيت
#قصيدة_وشاب
احمد تركي .... (السماوة)
مرتاح نعمة وكل كسر طاب
والچذب عيب وآنه چذاب
وعيوني بين الميل والباب
شمعة ضهر وياك العتاب
ال(ها اوگف)
اني احچيهه بالعين
جناز ما ينگالك وين
معروفه بس صعبة العناوين
من يحچي عذبك يسكت الطين
الحساس التكتله القصيدة
جايك وشايل گلبه بيدة
سهمك بطة وداعيك صيدة
شنهي العذر يل ما تريده
"موش بقفص صدري بصريفة
گلبي، وغدة يموت اعلكيفة
روحك شتا وشمسك خفيفة
ياهو المخلص بيك طيفه
احمد تركي .... (السماوة)
مرتاح نعمة وكل كسر طاب
والچذب عيب وآنه چذاب
وعيوني بين الميل والباب
شمعة ضهر وياك العتاب
ال(ها اوگف)
اني احچيهه بالعين
جناز ما ينگالك وين
معروفه بس صعبة العناوين
من يحچي عذبك يسكت الطين
الحساس التكتله القصيدة
جايك وشايل گلبه بيدة
سهمك بطة وداعيك صيدة
شنهي العذر يل ما تريده
"موش بقفص صدري بصريفة
گلبي، وغدة يموت اعلكيفة
روحك شتا وشمسك خفيفة
ياهو المخلص بيك طيفه
موفق محمد
يا مطر حطني اعله صدرك
خلني ارضع من حليب الغيم عاداتك
ونجي زفة بلابل
إتغرد على التين فدوة
التين دومة التين عايل
وارد اغني الروح طير ..
وشاجله اجناحه المناجل
وارد اغني المطر فلني.. يمه توه المطر نازل
ويا مطر بوس على كيفك
كلبي كلي أحساب كل ألبوس واصل
يا مطر هدني أرد أنكرك وانته بالغيمة
واطيرلك حمر
لا خالي جيكيات اطيرلك زواجل
وبالسمه نكلب فرح نكلب غرام
ديچ ينده ديچ... طيره إتفلي طيره
ويا حلاة البوس فوك البوس والدنيه مطيرة
إنبشر الطيبين يمعودين
رد إلنه مطرنه الغاب عنه
إركص إركص يامطرنه إركص وزخلنه محنه
يا مطر حطني اعله صدرك
خلني ارضع من حليب الغيم عاداتك
ونجي زفة بلابل
إتغرد على التين فدوة
التين دومة التين عايل
وارد اغني الروح طير ..
وشاجله اجناحه المناجل
وارد اغني المطر فلني.. يمه توه المطر نازل
ويا مطر بوس على كيفك
كلبي كلي أحساب كل ألبوس واصل
يا مطر هدني أرد أنكرك وانته بالغيمة
واطيرلك حمر
لا خالي جيكيات اطيرلك زواجل
وبالسمه نكلب فرح نكلب غرام
ديچ ينده ديچ... طيره إتفلي طيره
ويا حلاة البوس فوك البوس والدنيه مطيرة
إنبشر الطيبين يمعودين
رد إلنه مطرنه الغاب عنه
إركص إركص يامطرنه إركص وزخلنه محنه
رعد الفياض
جيس روحي
اتطشر بحضنك مواويل وقصايد
بوگني وضيعني بيك
الدنيا هوسة
وانت يم صوتك ينام التوه متوفيله والد
المسافة ابين شوغة گلبي وعيونك حلم
خل نغمض اثنينة
وگاودني دنيا وطشر بعيني نجم
خذني شگگ كل محطاتي الغريبة
وچز مراسيم اللجم
يا دلالك دفو لليرجف محنة
انة وانتة شعدنة باقين ابعد
بالفرگة شلنة.؟
طرز اشفافك على اذني وگلي جيت
كلي غربتهم غشيمة وانة بيت
اي بچيت
گلي من سولفو عنك دنكت شوگي وبچيت
گلي مولاگي لغربتك كل اسم
گلي مالاگ لطواريك رسم
حتى اجيك
المسافة ابين شوغة حضنك وعيني التدور بالمحطات الخذتني
غفوة وشوية حلم
جيس روحي
اتطشر بحضنك مواويل وقصايد
بوگني وضيعني بيك
الدنيا هوسة
وانت يم صوتك ينام التوه متوفيله والد
المسافة ابين شوغة گلبي وعيونك حلم
خل نغمض اثنينة
وگاودني دنيا وطشر بعيني نجم
خذني شگگ كل محطاتي الغريبة
وچز مراسيم اللجم
يا دلالك دفو لليرجف محنة
انة وانتة شعدنة باقين ابعد
بالفرگة شلنة.؟
طرز اشفافك على اذني وگلي جيت
كلي غربتهم غشيمة وانة بيت
اي بچيت
گلي من سولفو عنك دنكت شوگي وبچيت
گلي مولاگي لغربتك كل اسم
گلي مالاگ لطواريك رسم
حتى اجيك
المسافة ابين شوغة حضنك وعيني التدور بالمحطات الخذتني
غفوة وشوية حلم
#قصيدة_وشاب
منتظر سعد ... ( بغداد)
ضملي روحك
لاتخلي چفوفهم تدنه اعله خصرك
وطلگ اسنين الدموع
ولاتحسب للسنين
من احط چفي اعله خصرك يبدي عمرك
انه اجيتك
بعت كل طيش الصبه
وجيت اشتريك
ولملمت تعبي وسماري
وجيت اصوغة ابين اديك
واشتهيك
والكه روحي امدد ابابك سواجي
وانت فوگ الشرفه غيمه
گوم وامطرلي حنين
جيتك انه امتيه دروب المعابد
وانت دليني اعله دين
وانت دليني اعله باچر
لا تذكرني بأامس
كف ستاير هندسك عوف البواچي
وافتح الشباچ تلگاني شمس
وافتح ايدك من يمر چفي أعلى بالك
ومن يمر شوگي اعله روحك
سافر لديرة خيالك
واحضن سوالف عشگنه شما تنام
ومن يمر طيفي اعله عينك
بيده وديلي سلام
انت دليت الضحك يم باب شفتي
وانت وحدك صدگت چذبة دفلتي
الليله اريد ابچيلك بكامل حرگتي
الليله اگل لدموعي لتبخلين كتي
انت تستاهل يخايب
انت تستاهل الأكثر من دمعتي
فرهدتني الدنيا بيك وكسرت مراية فرحتي
وكل هزيمه تگودني لبابك دخيل
مره ياخذني حنيني
ومره تاخذني سكتي
وشرد اسولفلك حبيبي
هيه حيره
بين اگلك
ما اگلك
راح اگلك
بكد جمال عيونك متعبني وكتي
وبكثر حنيتك وشوگ اليجيسك
بيه الك ضميت خوف
لاتناغيني بسوالف بيها حسنك
انه مابيه بعد للدنيا شوف
ولا بعد بيه خلگ ذاك اليعارك
ولابعد بيه خلگ ملگه السيوف
منتظر سعد ... ( بغداد)
ضملي روحك
لاتخلي چفوفهم تدنه اعله خصرك
وطلگ اسنين الدموع
ولاتحسب للسنين
من احط چفي اعله خصرك يبدي عمرك
انه اجيتك
بعت كل طيش الصبه
وجيت اشتريك
ولملمت تعبي وسماري
وجيت اصوغة ابين اديك
واشتهيك
والكه روحي امدد ابابك سواجي
وانت فوگ الشرفه غيمه
گوم وامطرلي حنين
جيتك انه امتيه دروب المعابد
وانت دليني اعله دين
وانت دليني اعله باچر
لا تذكرني بأامس
كف ستاير هندسك عوف البواچي
وافتح الشباچ تلگاني شمس
وافتح ايدك من يمر چفي أعلى بالك
ومن يمر شوگي اعله روحك
سافر لديرة خيالك
واحضن سوالف عشگنه شما تنام
ومن يمر طيفي اعله عينك
بيده وديلي سلام
انت دليت الضحك يم باب شفتي
وانت وحدك صدگت چذبة دفلتي
الليله اريد ابچيلك بكامل حرگتي
الليله اگل لدموعي لتبخلين كتي
انت تستاهل يخايب
انت تستاهل الأكثر من دمعتي
فرهدتني الدنيا بيك وكسرت مراية فرحتي
وكل هزيمه تگودني لبابك دخيل
مره ياخذني حنيني
ومره تاخذني سكتي
وشرد اسولفلك حبيبي
هيه حيره
بين اگلك
ما اگلك
راح اگلك
بكد جمال عيونك متعبني وكتي
وبكثر حنيتك وشوگ اليجيسك
بيه الك ضميت خوف
لاتناغيني بسوالف بيها حسنك
انه مابيه بعد للدنيا شوف
ولا بعد بيه خلگ ذاك اليعارك
ولابعد بيه خلگ ملگه السيوف
عامر عاصي
گِلْت أحبَّك،
نقطة.
مَلْ،
راس السطر ..
هواي مِتْنه،
هواي شِرْبَتْ شوگنه شموس الفجر ..
گِلْت أحبَّكْ،
تِهِتْ بيك ..
تنكِسَر جامة؟
أشوفن روحي بيك ..
اعتِلِگ بُرْعُم؟
تِطِگ وردة هجر ..
أطْفه،
ليمِسني احتَرَگ،
أنطفي،
خدودك ورگ ..
أكتِب،
ألگانه انمِسحنه هواي،
والدنيا تدور ..
والعمر حفنة ظلام،
وكل ظلام البيك نور ..
گِلْت أحبَّك،
نقطة.
مَلْ،
راس السطر ..
هواي مِتْنه،
هواي شِرْبَتْ شوگنه شموس الفجر ..
گِلْت أحبَّكْ،
تِهِتْ بيك ..
تنكِسَر جامة؟
أشوفن روحي بيك ..
اعتِلِگ بُرْعُم؟
تِطِگ وردة هجر ..
أطْفه،
ليمِسني احتَرَگ،
أنطفي،
خدودك ورگ ..
أكتِب،
ألگانه انمِسحنه هواي،
والدنيا تدور ..
والعمر حفنة ظلام،
وكل ظلام البيك نور ..
#قصيدة_وشاب
حمزة آل جبور .. ( الناصرية)
” أمس ورثنه أسامينا.. “
مَلّت مشتكاتي وملّت الدنيا
مَلّت والگلوب الصلفة ما تنذم
بشوف وجوهكم شفت النهر عطشان
واجيت من الليالي اتّوهدَن بخوفي
خاف تغثكم اغنية وتتعب عيونكم حلوة
تغرّب وجوهكم والروح من تعطش ماتدري السراب اوهام
جزه بيه العمر حسبات
وسِكت آخر حچي بالروح..
وادري انه السكوت يثلم عيوني ويبوگ دموعها ويخمد
بس مارخص عتابي !
عشگ چذاب هاي الناس
امس ورثنه اسامينه
اشتعلت والارواح التحن ما تخمد
بيا سرگي اسد هالباب؟
شجاها النار ، ما چوّت ضمايركم !
زعلي يچوّي بضلوعي
وما مديتوا اصابعكم سواجي تلوحني واطفى
هذني سنينكم چذبه
سراب يّوهِم عيوني
الحلم مصلوب بعيوني
والسكتة سگُم ويلوچ بضلوعي
تشضى الغيض البصدري
والنار الـسرّت بيه طفت بيه
بردت چيلتي بگلبي
وصحه من الوهم گلبي
حمام أبيض
بعد ما اعاتب بنادم
ولا اگل للمزن ساگي التربّ برحي
كفّت والمزن نشفت
اندارت چِلة بوريدي وبرد گلبي
طالّت حيرتي وي الناس
انعدم ذاك الفطير
الماله حظ بالناس
اليطش روحه عطر بالريح ويتيِّه بـ أغانيكم
مات الطير الـ بصدري
وبرد ملگاي ذاك الحار
اليدفّي معانيكم
هذا آخر تعب ينعگد برسومي
هذا آخر سفر بي انه مو جنّاز
مَلّن مني شوغاتي وصلّني صلاة الموت
هذا آخر حمل مطروح
وهذا آخر حزن بيه
ونعشه يصير جوه الروح
حمزة آل جبور .. ( الناصرية)
” أمس ورثنه أسامينا.. “
مَلّت مشتكاتي وملّت الدنيا
مَلّت والگلوب الصلفة ما تنذم
بشوف وجوهكم شفت النهر عطشان
واجيت من الليالي اتّوهدَن بخوفي
خاف تغثكم اغنية وتتعب عيونكم حلوة
تغرّب وجوهكم والروح من تعطش ماتدري السراب اوهام
جزه بيه العمر حسبات
وسِكت آخر حچي بالروح..
وادري انه السكوت يثلم عيوني ويبوگ دموعها ويخمد
بس مارخص عتابي !
عشگ چذاب هاي الناس
امس ورثنه اسامينه
اشتعلت والارواح التحن ما تخمد
بيا سرگي اسد هالباب؟
شجاها النار ، ما چوّت ضمايركم !
زعلي يچوّي بضلوعي
وما مديتوا اصابعكم سواجي تلوحني واطفى
هذني سنينكم چذبه
سراب يّوهِم عيوني
الحلم مصلوب بعيوني
والسكتة سگُم ويلوچ بضلوعي
تشضى الغيض البصدري
والنار الـسرّت بيه طفت بيه
بردت چيلتي بگلبي
وصحه من الوهم گلبي
حمام أبيض
بعد ما اعاتب بنادم
ولا اگل للمزن ساگي التربّ برحي
كفّت والمزن نشفت
اندارت چِلة بوريدي وبرد گلبي
طالّت حيرتي وي الناس
انعدم ذاك الفطير
الماله حظ بالناس
اليطش روحه عطر بالريح ويتيِّه بـ أغانيكم
مات الطير الـ بصدري
وبرد ملگاي ذاك الحار
اليدفّي معانيكم
هذا آخر تعب ينعگد برسومي
هذا آخر سفر بي انه مو جنّاز
مَلّن مني شوغاتي وصلّني صلاة الموت
هذا آخر حمل مطروح
وهذا آخر حزن بيه
ونعشه يصير جوه الروح
#قصيدة_وشاب
مريم القيسي ( ديالى)
مااجاني ولا رحتله
اتفقنه نموت سكته
واتفقنه نشيع احلام السنين بليله ظلمه
واتفقنه نعيش ذكرئ
واتفقنه واتفقنه ......
چم شمس سيرت علينه وماتلاگينه بضوه
والمايشوف وليفه تلگه بريته مكطوع الهوه
و انه. وانت اسمائنه انذاعت هوامش
بلجريدة ومامش ابنادم قرانه
اااخ ياسلوت هوانه وفرهدونه..
اهلي واهلك مايعرفون بهوانه وفرهدونه
چم قصيده انكتبت بشوغت عشك
وجنت اضمهن مستحه
عدنه يم اهلي العشگ گلش كلف...
وبشريعتهم (ذبح) لازم يموت الترف
واحنه حبنه شكد ترف
وجان محراب العشك
ليش هسه بيابخت صاير ذنب
وليش يكبر بينه بس طاري العتب
وانسينه بخور فوك اكبور ماطلعنه صوت
ومن مشينه بلاوعي احنه
ومدري ياساعة نموت
شني ضلته الشاف حلمه انباك من عيونه وايدة
وشنهو ذنبه العاشك يحرمونه من ولفه اليريده.
مريم القيسي ( ديالى)
مااجاني ولا رحتله
اتفقنه نموت سكته
واتفقنه نشيع احلام السنين بليله ظلمه
واتفقنه نعيش ذكرئ
واتفقنه واتفقنه ......
چم شمس سيرت علينه وماتلاگينه بضوه
والمايشوف وليفه تلگه بريته مكطوع الهوه
و انه. وانت اسمائنه انذاعت هوامش
بلجريدة ومامش ابنادم قرانه
اااخ ياسلوت هوانه وفرهدونه..
اهلي واهلك مايعرفون بهوانه وفرهدونه
چم قصيده انكتبت بشوغت عشك
وجنت اضمهن مستحه
عدنه يم اهلي العشگ گلش كلف...
وبشريعتهم (ذبح) لازم يموت الترف
واحنه حبنه شكد ترف
وجان محراب العشك
ليش هسه بيابخت صاير ذنب
وليش يكبر بينه بس طاري العتب
وانسينه بخور فوك اكبور ماطلعنه صوت
ومن مشينه بلاوعي احنه
ومدري ياساعة نموت
شني ضلته الشاف حلمه انباك من عيونه وايدة
وشنهو ذنبه العاشك يحرمونه من ولفه اليريده.
عريان آل سيد خلف
ادنانه
هذاك آنه.... الكطعتي الماي عنه ..
وعاش باحزانه
هذاك آنه ..الشراع الماكسر نوماس سفانه
وهذاك آنه ....الربط بالمستحه لسانه
اعت روحي .. ويعتها الشوك ..
واشتلها على بيبانه
ابصبر .. بلجن يمرها الطيف ..
ياخذها على جنحانه
يوديها لولف مامون ..
تغفه ابطيب ريحانه
وهذيج انت .. شمجلب بيج ...
لنج طالعه ادنانه
اشرخص بيع الرخيص ايصير ..
لو ما ثكل ميزانه
يسري الجزع كتمانه
هذاك آنه ....الونينه ايدلي المتيهين ..
لو ضيعو عنوانه
وعذابه ولا عذاب ايوب ..
مر مره على بيبانه
وعتابه ويا عتب جندوب ..
متعلك على اردانه
ايعمت بيك..ايتسلى وياك ..
واترده على ديدانه
وجد ... وملاوح الدمعات ..
مل عيون ندمانه
وهذيج انت...الخطيه ..
الما رضت تغفر خطايانه
ورمتنه ..وحملتنا اهموم ...
فوك اهموم دنيانه
وجفت ... لا بخت الملهوب ..
ولا وجت بكايانه
وهذاك آنه...هرش لو شح عليه الماي ..
كوه ايعيش باحزانه
ادنانه
هذاك آنه.... الكطعتي الماي عنه ..
وعاش باحزانه
هذاك آنه ..الشراع الماكسر نوماس سفانه
وهذاك آنه ....الربط بالمستحه لسانه
اعت روحي .. ويعتها الشوك ..
واشتلها على بيبانه
ابصبر .. بلجن يمرها الطيف ..
ياخذها على جنحانه
يوديها لولف مامون ..
تغفه ابطيب ريحانه
وهذيج انت .. شمجلب بيج ...
لنج طالعه ادنانه
اشرخص بيع الرخيص ايصير ..
لو ما ثكل ميزانه
يسري الجزع كتمانه
هذاك آنه ....الونينه ايدلي المتيهين ..
لو ضيعو عنوانه
وعذابه ولا عذاب ايوب ..
مر مره على بيبانه
وعتابه ويا عتب جندوب ..
متعلك على اردانه
ايعمت بيك..ايتسلى وياك ..
واترده على ديدانه
وجد ... وملاوح الدمعات ..
مل عيون ندمانه
وهذيج انت...الخطيه ..
الما رضت تغفر خطايانه
ورمتنه ..وحملتنا اهموم ...
فوك اهموم دنيانه
وجفت ... لا بخت الملهوب ..
ولا وجت بكايانه
وهذاك آنه...هرش لو شح عليه الماي ..
كوه ايعيش باحزانه
علي رشم
اربع مواسم
ظل خريفچ يجي
طاحت ملامح وجهي مثل الشجر
كل خطوة ريه الگاع تاخذ نفس
وانه اختنگ لو مني جدمچ عبر
بشباچ وجهي شگد رسايل بقت؟
محد قراني وچنت الوم القدر
اتخيط عليّ الليل وجه وگفه
ويعثر ابنيته الگدر وما گدر
وديلي كلشي الچان من ريحتچ
مشتاگلچ مرسى وشراع وبحر
ما غسل وجهه من الضوه البي تعب
شگد انعكس بالماي وجه الگمر
عيني بگفه اليمشون صارت وشم
خطواتهم ظلمه وضواهم گصر
ذكروچ يمي ودمعتي استعجلت
هزوا صفنتي وطاح وجهچ ثمر
يعجبني ذوقچ مثل ذوق البلم
متعافي ياخذ راحته بأي نهر
نتشابع آنه وياچ من نفترگ
ويختلف وجهي وروحتچ بالصور
اربع مواسم
ظل خريفچ يجي
طاحت ملامح وجهي مثل الشجر
كل خطوة ريه الگاع تاخذ نفس
وانه اختنگ لو مني جدمچ عبر
بشباچ وجهي شگد رسايل بقت؟
محد قراني وچنت الوم القدر
اتخيط عليّ الليل وجه وگفه
ويعثر ابنيته الگدر وما گدر
وديلي كلشي الچان من ريحتچ
مشتاگلچ مرسى وشراع وبحر
ما غسل وجهه من الضوه البي تعب
شگد انعكس بالماي وجه الگمر
عيني بگفه اليمشون صارت وشم
خطواتهم ظلمه وضواهم گصر
ذكروچ يمي ودمعتي استعجلت
هزوا صفنتي وطاح وجهچ ثمر
يعجبني ذوقچ مثل ذوق البلم
متعافي ياخذ راحته بأي نهر
نتشابع آنه وياچ من نفترگ
ويختلف وجهي وروحتچ بالصور
سعد شميل
دخيل الله وبعد ماعدنه غيره دخيل
انعاتبمن الروس أللابسات ستيل
ألمواطن جوع واسكت هاي روس كبار
أدين طوال عدهم... واحنه ادينه كصار
ألينزل والصعد شعليك بالدولار
ينزل دمنه اذا طالبنه بالتنزيل
انعاتبمن الروس أللا بسات ستيل
تتضاهر يجرب بيك قناصه
تسكت مايفك بيبان القفاصه
يفرغ بطون شعبه ويترس القاصه
الوطن چن كاع ابوه.. إلما يعجبه يشيل
انعاتبمن الروس أللابسات ستيل
بعدها أمي اعله خوي المات تجوه
ومثل السمج بره الماي تتلوه
إذا خريجنه يشتغل بالكهوه
باجر بالتقاطع خوش يطلع جيل
انعاتبمن الروس أللابسات ستيل ؟!
دخيل الله وبعد ماعدنه غيره دخيل
انعاتبمن الروس أللابسات ستيل
ألمواطن جوع واسكت هاي روس كبار
أدين طوال عدهم... واحنه ادينه كصار
ألينزل والصعد شعليك بالدولار
ينزل دمنه اذا طالبنه بالتنزيل
انعاتبمن الروس أللا بسات ستيل
تتضاهر يجرب بيك قناصه
تسكت مايفك بيبان القفاصه
يفرغ بطون شعبه ويترس القاصه
الوطن چن كاع ابوه.. إلما يعجبه يشيل
انعاتبمن الروس أللابسات ستيل
بعدها أمي اعله خوي المات تجوه
ومثل السمج بره الماي تتلوه
إذا خريجنه يشتغل بالكهوه
باجر بالتقاطع خوش يطلع جيل
انعاتبمن الروس أللابسات ستيل ؟!
مصطفى الخزاعي
مر صوتك من الماضي
وحنينه اشتعل عالشباج
عبرت المستحه وعاتبتك بسكته
كل دمعه تبات الليل برموشي وراها انته
كل لجمه تفززني من اريد اغفى وجعهه انتَ
يروحي العشگ مثل الموت هم ماينعرف وكته
وتتزاحم أفكاري طيور عطشانه
وتغرگ غرفتي بأحلام ماتنگال
واشب بين الظلام وتعب عمري هلال
واسافر والحزن ماينتهي بموال
اكابر لو طفت روحي وافز من الظلام أخيال
واضيع وعطرك يلمني ندى عالياس
بلا وجهك حزين الكأس
تبجي واشتري الدمعات
عينك بالتعب تنباس
واكلك ياوجع روحي
ضوه ولايه بعيده الفرح ماينجاس
يالعينك نبع وفياي
اجيتك خايف من الناس
اجيتك والشته برمشي عمر ذبلان
آنه اشتعل من ابجي
الحزن دون الدمع دخان
تبعد والنفس يبعد حلم شاطي بوجه غرگان
اسافر بالدمع واطوي المسافات
وتمر صورِتَك تدفه بعيني وتبات
ألم حزني واهيم بوكت الغروب
أدور عالفرح مثل الحمامات
تاخذني الدروب التشرب الضويات
ويصفيني الحزن والتم واشوفك جاي
ورذاذ التعب يحرگني وتمر نسمة برد بفياي
ولك ياضحكه عذريه توديني لبياض صباي
واطش كل الألوان وارجع بلا لون مثل الماي
دامك عايش بروحي
ادورك وين وانتَ وياي
مر صوتك من الماضي
وحنينه اشتعل عالشباج
عبرت المستحه وعاتبتك بسكته
كل دمعه تبات الليل برموشي وراها انته
كل لجمه تفززني من اريد اغفى وجعهه انتَ
يروحي العشگ مثل الموت هم ماينعرف وكته
وتتزاحم أفكاري طيور عطشانه
وتغرگ غرفتي بأحلام ماتنگال
واشب بين الظلام وتعب عمري هلال
واسافر والحزن ماينتهي بموال
اكابر لو طفت روحي وافز من الظلام أخيال
واضيع وعطرك يلمني ندى عالياس
بلا وجهك حزين الكأس
تبجي واشتري الدمعات
عينك بالتعب تنباس
واكلك ياوجع روحي
ضوه ولايه بعيده الفرح ماينجاس
يالعينك نبع وفياي
اجيتك خايف من الناس
اجيتك والشته برمشي عمر ذبلان
آنه اشتعل من ابجي
الحزن دون الدمع دخان
تبعد والنفس يبعد حلم شاطي بوجه غرگان
اسافر بالدمع واطوي المسافات
وتمر صورِتَك تدفه بعيني وتبات
ألم حزني واهيم بوكت الغروب
أدور عالفرح مثل الحمامات
تاخذني الدروب التشرب الضويات
ويصفيني الحزن والتم واشوفك جاي
ورذاذ التعب يحرگني وتمر نسمة برد بفياي
ولك ياضحكه عذريه توديني لبياض صباي
واطش كل الألوان وارجع بلا لون مثل الماي
دامك عايش بروحي
ادورك وين وانتَ وياي
نبيل الخفاجي
گدر لحزنك قميص
يستر جروحك ولَو حسبة مسافه
بسچه مابيهه مضيف
دير بالك لاتخضر
لاتمد چفك ربيع
لناس نيتهم خريف
توكل اعله البيك واغبش غتره سمره
وادفن بذاك النهر شوغة حليم
نباگت عيونه امن امس
شيع جروحك فخاتي
وطوف بيهن عالبساتين الفجر هلهوله تبچي
گبل لاتصحه الشمس
تيمم بصف النهر لا تنحنيله
وصلي بجروحك جماعه
قربتاً لعيون گلبك
ليش ماتحقد مثلهم (انت وَحَد؟ )
من تصيرلهم نبي تحتاج غار
ومن يندهك؟ لاتنام
الدنيه موعد والفرح مطلوب ثار
اكفر بدين الرسايل
مالهن حوبه إشيعَثرَن؟؟ ياهَدايه !
الــ محتفظ بيهن مثل سلعة عيوز
كافي حزنك
شنهي فايدته حنينك؟
اصبع بنص حِنّه طوز
صير حر
ولاتخلي الصوره تستعبد ضحكتك..
ارحم شويه غربتك..!!
المن مقدس صورهم؟؟
همه ماميتين يم (بس نسوك )
استعملوا گلبك مثل قصه بطريج
شما مصخ وياك وكتك
ملح گصتك مايخلص لاتمد چف لصديج
هِين گلبك!!
ربي اضافيرك مخالب
وإبرد سنونك إو وَذر لحم اخوك!!
الدنيه غِيبه
واعتذر من شيب گلبك
شيبه شيبه..
وطفي اصابيعك العَشره
وابچي لأمك والوطن لا تبچي لأحد
لاتصير لكل صدر مضنوك معبد
ياخذ مراده ويرد يسب ضريحك (الله يشهد)
انزع چفوفك البيض
وشيل بيهن رايه صفره
وشگ مواثيق السلام
ولاتحن اعله الضفيره وتعتنق دين الحمام..
هواي وادم
تحترمهه وهي مو مال احترام
گدر لحزنك قميص
يستر جروحك ولَو حسبة مسافه
بسچه مابيهه مضيف
دير بالك لاتخضر
لاتمد چفك ربيع
لناس نيتهم خريف
توكل اعله البيك واغبش غتره سمره
وادفن بذاك النهر شوغة حليم
نباگت عيونه امن امس
شيع جروحك فخاتي
وطوف بيهن عالبساتين الفجر هلهوله تبچي
گبل لاتصحه الشمس
تيمم بصف النهر لا تنحنيله
وصلي بجروحك جماعه
قربتاً لعيون گلبك
ليش ماتحقد مثلهم (انت وَحَد؟ )
من تصيرلهم نبي تحتاج غار
ومن يندهك؟ لاتنام
الدنيه موعد والفرح مطلوب ثار
اكفر بدين الرسايل
مالهن حوبه إشيعَثرَن؟؟ ياهَدايه !
الــ محتفظ بيهن مثل سلعة عيوز
كافي حزنك
شنهي فايدته حنينك؟
اصبع بنص حِنّه طوز
صير حر
ولاتخلي الصوره تستعبد ضحكتك..
ارحم شويه غربتك..!!
المن مقدس صورهم؟؟
همه ماميتين يم (بس نسوك )
استعملوا گلبك مثل قصه بطريج
شما مصخ وياك وكتك
ملح گصتك مايخلص لاتمد چف لصديج
هِين گلبك!!
ربي اضافيرك مخالب
وإبرد سنونك إو وَذر لحم اخوك!!
الدنيه غِيبه
واعتذر من شيب گلبك
شيبه شيبه..
وطفي اصابيعك العَشره
وابچي لأمك والوطن لا تبچي لأحد
لاتصير لكل صدر مضنوك معبد
ياخذ مراده ويرد يسب ضريحك (الله يشهد)
انزع چفوفك البيض
وشيل بيهن رايه صفره
وشگ مواثيق السلام
ولاتحن اعله الضفيره وتعتنق دين الحمام..
هواي وادم
تحترمهه وهي مو مال احترام
كمال الصيفي
تحزمنا وكطعنا الماي بلكي اتموت
وحفرنا وبگنا جذر الجانت مخضره
وترسنا الحب رمل والماي بديناه
المصيبة الطوس چانت تكتب وتقره
وكتبن للنهر ممنوع تطي الماي
ووكفنا اعله الجرف من هسه للعشره
وخفنا من المحابس خاف بيهن بوگ
وعفنا شگد اصابع تبچي عالشذره
وسحبنا اعله الحمامه اقسام والطابوگ
وگلبنا اخدودنا من البوسه للسطره
وحرگنا العش عليها وگنا سبع أرواح
لحد ماتفلت اعله اوجوهنا الشجره
صعدنا اعله الطفو ودخان غطة الرأس
ورجعنا أطراف شارب صفره والصفره
وتنادسنا وعزمنا الراعي عالموجود
وزفينا الغنم والذيب للسفره
وشردنا السنابل من اجه الحاصود
وزعلنا اعله المگص چي ماثلم شعره
واطينا الفتگ والخيط للخياط
وگلنا الكاتبه الله ايصير عالابره
الزين البينا گام ايبوگ كحل العين
ودكينا ورگصنا ابوجهه وبضهره
دحطونا ابحرب وانشوف ياهو الزير
وعلي انذب الدرع والسيف عالمهره
هذولة احنه الصدگ والعدكم ايجذبون
انسولف عالفقر بس احنه مو فقره
لا بينا اليبيع اهدومة وكت العوز
ولابينا الحكيم الوصل الفكره
ولابينا اليگوم ابغير كظة گاع
ولابينا الجبير ابعقله وبعمره
وبعد لاتطي زين الزين مامريود
وجلد كون الضمير ايصير مو ستره
.
تحزمنا وكطعنا الماي بلكي اتموت
وحفرنا وبگنا جذر الجانت مخضره
وترسنا الحب رمل والماي بديناه
المصيبة الطوس چانت تكتب وتقره
وكتبن للنهر ممنوع تطي الماي
ووكفنا اعله الجرف من هسه للعشره
وخفنا من المحابس خاف بيهن بوگ
وعفنا شگد اصابع تبچي عالشذره
وسحبنا اعله الحمامه اقسام والطابوگ
وگلبنا اخدودنا من البوسه للسطره
وحرگنا العش عليها وگنا سبع أرواح
لحد ماتفلت اعله اوجوهنا الشجره
صعدنا اعله الطفو ودخان غطة الرأس
ورجعنا أطراف شارب صفره والصفره
وتنادسنا وعزمنا الراعي عالموجود
وزفينا الغنم والذيب للسفره
وشردنا السنابل من اجه الحاصود
وزعلنا اعله المگص چي ماثلم شعره
واطينا الفتگ والخيط للخياط
وگلنا الكاتبه الله ايصير عالابره
الزين البينا گام ايبوگ كحل العين
ودكينا ورگصنا ابوجهه وبضهره
دحطونا ابحرب وانشوف ياهو الزير
وعلي انذب الدرع والسيف عالمهره
هذولة احنه الصدگ والعدكم ايجذبون
انسولف عالفقر بس احنه مو فقره
لا بينا اليبيع اهدومة وكت العوز
ولابينا الحكيم الوصل الفكره
ولابينا اليگوم ابغير كظة گاع
ولابينا الجبير ابعقله وبعمره
وبعد لاتطي زين الزين مامريود
وجلد كون الضمير ايصير مو ستره
.
محسن الخياط
حلم كلّك حلم بالليل
نص الليل شوباشه
وعشگ عمري وگف ﭼـالي
اعلى حيله وضاع مگياشه ..
العمر من فارگتني انباگ!
وانمصخت حلاة البيه واتلاشه
العمر نصّه نوايّا .. وكل طعم ما بيه
وعالي يريدله احيّاشه ..
الوكت عزّك عليّه ولا فرشلي وياك
وانا ابگيت مثل الماي
طينه يصيرله افراشه ..
نشدني الدم نشد معدان
گلي شبيك .. گتله وصبري يتلاشه
بيه جروح ﭼـن اوصافها ..
ادشاديش سود اعليّه مطبوگات
دشداشة اعلى دشداشة اعلى دشداشة اعلى دشداشة ..
حلم كلّك حلم بالليل
نص الليل شوباشه
وعشگ عمري وگف ﭼـالي
اعلى حيله وضاع مگياشه ..
العمر من فارگتني انباگ!
وانمصخت حلاة البيه واتلاشه
العمر نصّه نوايّا .. وكل طعم ما بيه
وعالي يريدله احيّاشه ..
الوكت عزّك عليّه ولا فرشلي وياك
وانا ابگيت مثل الماي
طينه يصيرله افراشه ..
نشدني الدم نشد معدان
گلي شبيك .. گتله وصبري يتلاشه
بيه جروح ﭼـن اوصافها ..
ادشاديش سود اعليّه مطبوگات
دشداشة اعلى دشداشة اعلى دشداشة اعلى دشداشة ..
بهاء سوادي
منين ما تندار..
اشـب روحي ضوه لدربك واحبّك،
ومرة اطيحن لَك ،
نِـدة،
وچفّـك ظَـلام،
ومـرة اطيحن
بَسمه ،
وحچـايه،
وضـوه،
ونَسمه ،
وسَـلام ،
وسالفه،
ومَلگه ،
وهَــلا،
وشَـبگه ،
وغـرام،
ولـَيـل ،
ومـناغه ..
وجَرح بالــرِيش
وسـوالف حَمام ،
ومـرّة اطيحن لّك..
اهـلال ،
وگلَبي عِيد ،
ومـرة اريـد ،
وما اريد ،
وارد اگلـك يا حبيبي..
اتعودت ،
اتعودت بهداي احبّـك من بِعيـد ،
منين ما تندار..
اشـب روحي ضوه لدربك واحبّك،
ومرة اطيحن لَك ،
نِـدة،
وچفّـك ظَـلام،
ومـرة اطيحن
بَسمه ،
وحچـايه،
وضـوه،
ونَسمه ،
وسَـلام ،
وسالفه،
ومَلگه ،
وهَــلا،
وشَـبگه ،
وغـرام،
ولـَيـل ،
ومـناغه ..
وجَرح بالــرِيش
وسـوالف حَمام ،
ومـرّة اطيحن لّك..
اهـلال ،
وگلَبي عِيد ،
ومـرة اريـد ،
وما اريد ،
وارد اگلـك يا حبيبي..
اتعودت ،
اتعودت بهداي احبّـك من بِعيـد ،
Forwarded from قصيدة وشاعر 💙 📜 " (منســــي ..!)
كون گبرك يالحسن بالناصرية *
الناصرية العظيمة و الكبير محسن الدخيلي ...
افا .. يحيف الله ..
لا مزار ولا صحن وبلا بِنية
كون گبرك يالحسن بالناصرية
والله تبجي الناصرية ..تبجي الناصرية
عيونها التنزف مرارة
اترابها الينزف حضارة
انت شايف كربلا بيوم الزيارة؟
انت ابن حيدر علي ..!!!! حيدر علي!!!
ومالك مزار؟؟؟
وعدنه سيد جابر بگبة ومنارة!!
كون گبرك يالحسن بالناصرية
خاف گالولك خبيثة!
والله بيضه اگلوب اهلنه
اسأل الحبوبي عنّه ..
شيعة كلنه ..
واكبر جامع بـ ذي قار
گبة جامع الســنة ..
لأن بيضه گلوب اهلنه
خاف گالولك خبيثة ..
نعم ..عسرة الناصرية وما تمض بيها السنون
اولاية صعبة الناصرية اتغذت بحلگ السجون
اولاية توجع..!
خشم سمرة الناصرية ..!!
خشم سمرة الناصرية وشتموها
الشتموها افضالة الما يستحون ..
الناصرية ولايتك كتبت شعارك
انت ..انت ..لا ولاية ولا خلافه ولا امارة...
غيرك وغير الحسين ..
ولا حمل من غير حملك حملته
ﭼـم يزيد الصار وگفت سبته
وﭼـم عظم ريس ..صعب بس بلعته
وﭼـم عزيز الراح مارد ..بالحلم سب الحكومة ..
وراح من تقرير مرته الكتبته ..
كون گبرك يالحسن بالناصرية...
ولو ما يرجع بعد ذاك الزمن
بس هيه منوه ..
هيج ويسويها الله وبخت ابوك
وصايم برمضان وافطر بالصحن
ومن ارد لـ اهلي اگلهم
والله بابا اليوم شو مالي خلگ
وبراسي حسبة ورحت ازور
والا اگل لـ اهلي جنت يم الحسن
لا مزار ولا گبر و لا بِنية ...
يمن فدوة يروحلك ذاك الوطن ..
الناصرية العظيمة و الكبير محسن الدخيلي ...
افا .. يحيف الله ..
لا مزار ولا صحن وبلا بِنية
كون گبرك يالحسن بالناصرية
والله تبجي الناصرية ..تبجي الناصرية
عيونها التنزف مرارة
اترابها الينزف حضارة
انت شايف كربلا بيوم الزيارة؟
انت ابن حيدر علي ..!!!! حيدر علي!!!
ومالك مزار؟؟؟
وعدنه سيد جابر بگبة ومنارة!!
كون گبرك يالحسن بالناصرية
خاف گالولك خبيثة!
والله بيضه اگلوب اهلنه
اسأل الحبوبي عنّه ..
شيعة كلنه ..
واكبر جامع بـ ذي قار
گبة جامع الســنة ..
لأن بيضه گلوب اهلنه
خاف گالولك خبيثة ..
نعم ..عسرة الناصرية وما تمض بيها السنون
اولاية صعبة الناصرية اتغذت بحلگ السجون
اولاية توجع..!
خشم سمرة الناصرية ..!!
خشم سمرة الناصرية وشتموها
الشتموها افضالة الما يستحون ..
الناصرية ولايتك كتبت شعارك
انت ..انت ..لا ولاية ولا خلافه ولا امارة...
غيرك وغير الحسين ..
ولا حمل من غير حملك حملته
ﭼـم يزيد الصار وگفت سبته
وﭼـم عظم ريس ..صعب بس بلعته
وﭼـم عزيز الراح مارد ..بالحلم سب الحكومة ..
وراح من تقرير مرته الكتبته ..
كون گبرك يالحسن بالناصرية...
ولو ما يرجع بعد ذاك الزمن
بس هيه منوه ..
هيج ويسويها الله وبخت ابوك
وصايم برمضان وافطر بالصحن
ومن ارد لـ اهلي اگلهم
والله بابا اليوم شو مالي خلگ
وبراسي حسبة ورحت ازور
والا اگل لـ اهلي جنت يم الحسن
لا مزار ولا گبر و لا بِنية ...
يمن فدوة يروحلك ذاك الوطن ..
قاسم الربيعي
اخذني من الدفو احجاية لبرد اشتى
اخذني اتدثر بروحي يروحي انته
يبارد هاك اخذني الكلمة
ال اشاه
على شفافك اريد
اريد اطفى
ي بردان الهوه يگرصلك خدودك
تعال و قرب ازنودك
و يمي اكرص
تعال و خل نحيرها الموازين
ونضل بالنص
ثلجة و نار مندمجين جمره وفص
ي بردان على بختك
من تطگطگ هيج
شفتك يمي دنيها
على شفافي غجر ترگص
وانته احلى ترى بهواي
من احلى شكو بعمري
يبعد الليل و أهل الليل
واللمضة التمر بية
من اذكرك واني بالضلمة
يريح الجنة والتوليب
انته انسان
عند انسان
ما حب كبلك الا امه
يا بردان حطني اردان
احسن مني كلي ابيش
هيج امدلل اردانك
وَبواهس غنى السكران انا انسان سكرانك
اخذني و خلني أسير بيك
تسيورة غنى ام كلثوم
سيرة الحب بذن عاشگ
اخذني احسبني چن سنسال
يم رگبتك أو معضد
اخذني لصدرك اتوسد
ترى الدخان والله يعيش
يم الغيم من يصعد
يمثلج احساسك نار
انا ادريك بحساسي
تعال وياي خلي انطيح
انا وياك مثل طيحة
هوى عطرك
لمن ايطيح يم خصرك
اعوف الناس لجلك
و اترك اني الكاس
و انسم بيك يا كاسي
و انت التصعد براسي
اخذني من الدفو احجاية لبرد اشتى
اخذني اتدثر بروحي يروحي انته
يبارد هاك اخذني الكلمة
ال اشاه
على شفافك اريد
اريد اطفى
ي بردان الهوه يگرصلك خدودك
تعال و قرب ازنودك
و يمي اكرص
تعال و خل نحيرها الموازين
ونضل بالنص
ثلجة و نار مندمجين جمره وفص
ي بردان على بختك
من تطگطگ هيج
شفتك يمي دنيها
على شفافي غجر ترگص
وانته احلى ترى بهواي
من احلى شكو بعمري
يبعد الليل و أهل الليل
واللمضة التمر بية
من اذكرك واني بالضلمة
يريح الجنة والتوليب
انته انسان
عند انسان
ما حب كبلك الا امه
يا بردان حطني اردان
احسن مني كلي ابيش
هيج امدلل اردانك
وَبواهس غنى السكران انا انسان سكرانك
اخذني و خلني أسير بيك
تسيورة غنى ام كلثوم
سيرة الحب بذن عاشگ
اخذني احسبني چن سنسال
يم رگبتك أو معضد
اخذني لصدرك اتوسد
ترى الدخان والله يعيش
يم الغيم من يصعد
يمثلج احساسك نار
انا ادريك بحساسي
تعال وياي خلي انطيح
انا وياك مثل طيحة
هوى عطرك
لمن ايطيح يم خصرك
اعوف الناس لجلك
و اترك اني الكاس
و انسم بيك يا كاسي
و انت التصعد براسي