#Live

Қардошлар жамоаси ғалаба қозонди
•••••••••••••••
Ливия ҳамда Қозоғистон жамоалари ўртасидаги учрашув якунлади. Ўйинда қардошларимиз терма жамоаси 4:1 ҳисобидаги йирик устунлик билан ғалаба қозонди.

Саҳифа: @sh_abdurahmonov

#Live

Испания ва Янги Зеландия ўйини бошланди. Муросасиз баҳсда зеландияликлар ҳисобни очди.

Жамоа сардори ўз дриблинги билан қарийб бутун майдонни кесиб ўтди ва амалга оширган узатмаси жамоадошини дарвозабон билан бирга-бир вазиятга чиқарди.

Ўйинда устунликка эга бўлишни истаган испанлар тезкор гол билан вазиятни ўнглашга барча имкониятларни сафарбар этди ва натижада ҳисоб тенглашди.

Андижондаги ўйиннинг 1-бўлими якунланиш арафасида. Ҳисоб 1:1.

Саҳифа: @sh_abdurahmonov

#Live

Испания - Янги Зеландия 7:1

“D” гуруҳининг 2-тур ўйинлари голларга бой ўтмоқда. Айни дақиқаларда испанлар жамоаси зеландияликларни йирик ҳисобда мағлубиятга учратмоқда.

Ўйиндаги 2-бўлимнинг сўнгги дақиқалари ўтиб бормоқда.

Саҳифа: @sh_abdurahmonov

#Live

Испания - Янги Зеландия баҳси якунланди. Ҳисоб 7:1, гуруҳда 2-тур ўйинлари ҳам якунланди.

Андижонда ёрқин ўйинлар кутилмоқда. “D” гуруҳидаги 3-тур ўйинлари юқори интрига билан ўтади. Испания, Қозоғистон ва Янги Зеландия жамоалари гуруҳдан чиқиш учун навбатдаги ўзаро ўйинларда ғалаба қозонишлари шарт.

Ливия эса плей-офф босқичига чиқиш имкониятини бугунги 2-тур ўйинида бой берди.

Саҳифа: @sh_abdurahmonov

#Live

Айни дақиқаларла футзал бўйича Украина терма жамоаси Андижонга етиб келди.

“С” гуруҳидан жой олган ушбу жамоа 3-тур ўйинида Афғонистон терма жамоаси билан беллашади. Ўйин 21 сентябрь куни соат 20:00 да “Универсал” спорт саройида бўлиб ўтади.

Саҳифа: @sh_abdurahmonov

#Live

Айни дақиқаларда Шуҳратбек Абдураҳмонов Италиядан ташриф буюрган инвестор билан учрашув ўтказмоқда.

Италиядаги “Полимода” халқаро мода дизайни ва маркетинги университети бош директори Массимилиано Джорнетти, шунингдек, Ўзбекистоннинг Италиядаги фавқулодда ва мухтор элчиси Абат Файзуллаев иштирокида Андижонда амалга ошириш таклиф этилаётган лойиҳалар муҳокама этилмоқда.

Маълумот учун, “Полимода” университети 1986 йилда ташкил топган ва ҳозиргача Италиянинг Флоренция шаҳрида фаолият юритади. Талабаларнинг 90% қисмига олийгоҳни битиришларидан олдин иш таклифи билдирилади. Бу кўрсаткич бутунжаҳон миқёсида энг яхши натижалардан саналади.

Саҳифа: @sh_abdurahmonov

#Live

Андижонда 50 дан ортиқ мамлакат вакиллари миллий қадриятларимиз ичра сайр қилмоқда
•••••••••••••••
Айни дақиқаларда вилоятимиз марказидаги “Алишер Навоий” истироҳат боғида халқаро меҳмонлар учун тадбир ташкил этилди.

Вилоят ҳокими ташаббуси билан амалга оширилаётган тадбирда юртимизнинг миллий қадриятлари, урф-одатлари, санъат ва маданияти акс этган кўргазмалар ҳамда 1 тоннали палов тайёрланмоқда.

Саҳифа: @sh_abdurahmonov

#Live

1 тонналик палов меҳмонларга тортиқ этилмоқда. 50 дан ортиқ мамлакатдан ташриф буюрган меҳмонлар ва юртдошларимиз иштирокида миллий кўргазмалар тадбири давом этмоқда.

Саҳифа: @sh_abdurahmonov

#Live

Андижонда футзал бўйича жаҳон чемпионатининг нимчорак финал ўйини бўлиб ўтмоқда.

Испания жамоаси Венесуэла жамоаси билан куч синашмоқда.

Биринчи бўлим 1:0 ҳисобида жанубий америкаликларнинг кичик устунлиги билан якунланди. 2-бўлим бошида жавоб тўпи киритилиб, учрашувда ҳисоб тенглашди, 1:1.

Ўйин муросасиз тарзда, ҳар икки жамоанинг тезкор ҳужумлари остида давом этмоқда.

Саҳифа: @sh_abdurahmonov

#Live

Венесуэла Испанияни чемпионатдан чиқариб ташлади. Ўйиннинг сўнгги дақиқаларда киритилган баҳсли гол “VAR” текширувидан ўтказилди ва ҳакамлар томонидан тасдиқланди.

Бу зарба билан жанубий америкаликлар кейинги ўйинга, испанияликлар эса уйга чиптани қўлга киритди.

Саҳифа: @sh_abdurahmonov