يلا هايهيه هو هم كالها
علي رشم ومات
وياي وضعك يشبه اوضاع العراق
خير للغربه و علـّۓ اهله يصير نار

استحي من الله وتعال انشد عليه ..

اخر حچايه بيا دوه تهيد؟
كلتلك شلونك گلتلي شتريد؟
ملهوف اجيتك تردني مذبوح
رايد عيونك كلشي ماريد

منتظر الهادي

‏متغير وناسيني...
يمكن طرف ثالث دخل يخصمها بينك وبيني...
ويكول افكدك لو غبت بس وقتي ما يكفيني...
چَـذاب ما يحجي الصـدگ...
والله العظيم من احترك...
يستنكف يطفـيني..!

مَحد ينصحك يابَدر؟؟

حتى من كتلي احبك جنت
ماحس بأمان وجنت
ادورلي ببرودك عن حنان
شقدمتلي؟
وعشت يمك بإمتنان
تأخرت من فهمتك
فات جرحك
بعد مافات الأوان

مثل وشم العجايز جرحك بگلبي .

ومَدري شگد حِزن روحَك ولا ينعد
وهذاك أنتَ الغَريب المنسي المَفرهد
ابو دميعَه الحنين الما وگَفله احد .

شَنفضهِن ؟ شو كِلهن آلتمن
لاعطوه النِطني ولا رضَن يهِدن
شكِثر أسهام كلهن فَد وكت هدن
سَهم وداع، سَهم أوجاع
وسَهم ذاك العِزيز الصَار جوه الگاع
وسَهم عُمري وشبابي الضاع

هَلگد عادِي عندّك تگدَر بدوني
تعَال بغيبتك كلهُم يلوموني .

بعد منعاتبك وضل سوي شتريد
نعرفك ملتهي ومالك خلگنه .

بجاني الجنت يم اللّٰه أدعيلة

عَفتني ومن رحَت ضليت محتار
الله وياك هسَه مدري وياي
وباجر عُگبه خاف اتلاگة وياك
الشكر خلي أعله حچيك طيب الچاي
استغلواَ طيبتي وذبوني بل بير
وگلت يلا اخوتي تريدلي الزين
شوَ خلصَ عمرها وحاميه الناس
غير التعب شمحصلهَ الحِياطين

مَحمد فرحان

اليحبَك مِن صدگ لو سَهم يتلگاك
شيلمه الگاع تصغَر لمن تودعَه
اليصير مرايتَك يندَل حَسرتك وَين
ويعرف وَين بيك مچودرَة الوجعه
اليضفر حيرتَك بچفوفة تلگه أعذار
الحَنينَك بي يطَشر يعرف يجَمعه

علي رشم

أثاريني بعيد وحلمك انتَ بعيد
أنا العشرة الطويلة وعَشرتك فترة
يبس جذع الوفه ومات الوَرق والطير
حَد فاسك بعد ماخايف الطبره
أنا بفترة غرامَك كل شيء مَاخليت
بَعت كّل اليغثك خاطر العَشره
وعفتني انتَ ببحر مابيّ جرف ينشاف
بلعت المّوس هسه وحَاضن الجمرة
وجع روحِي أنفضح ليش أستر السّويت
ألحر ماتذله وينتگص قدره
أبرگع عيني من يُمر غيرك چَان
وكت هسَه عليه تستحَسف النظره
گبل چانت گصيبة وتسوىٰ أچلب بيك
هَسه شلون أچلب من بقت شعرهْ
أنتهت الله ومَحمد والصُور وياك
عَثره وماتصير ثنين هلعَثره

حسين ال دليهم

صدىٰ صوُتك يَدك بالراسَ وايرن
بعَقلي وگلبي مِن فرگاك
حَرب صَدام ثمن سِنين وايران
رضت وانتَ اعلىٰ زعلك ذاك بيه
ولهَسه صواب زعلكَ حار بينه
وطَبيب الطَيب السلٰ حار بينهَ
عفتنا واحنه لأجلك حاربينهَ
اهلنه ولا گلت فشله وخطَيه
اجا يطگني واخوته حاج بينا
واسَمعه يكول مالك حاجَه بينه
خزرني وصَارن سَيف حاجبينه
وصّرت مثل الّصنم من هد عليهَ

محمد ثامر

اذا ما تعلم بضيمي وداري
ترا فراگك هجَم گلبي وداري
اضل ليا وكت اتعَب و اداري
و تضل ليا وكَت گطاع بيه
الم گلبك مثل صَدعه و انا الماي
رصاصه و حصّل الشامت و انا الماي
توادعّنه و مشىٰ يضحّك و انا الماي
نزل مِنْ عَيني للرجلين بيه
عنك التهي و تعرض بلىٰ هواي
و اذا تنشدني عَن شوگي بلىٰ هواي
وحگك مو سنة و عشرة بلهواي
شهر و انساك من تخون بيه

حسين ال دليهم