🌙عام هجري جديد يبدأ غدًا الأحد وبداية شهر الله المحرم لعام 1446 هـ ..

وبهذا فالإثنين القادم ٩ محرم (صوم تاسوعاء) والثلاثاء ١٠ محرم (صوم عاشوراء)

قال النبي صلى الله عليه وسلم: ”صِيَامُ يَوْمِ عَاشُورَاءَ أَحْتَسِبُ عَلَى اللَّهِ أَنْ يُكَفِّرَ السَّنَةَ الَّتِي قَبْلَهُ" رواه مسلم .

و ورد الترغيبُ في صيامِ شهرِ اللهِ المحرمِ ، وأنهُ من أفضلِ الشهورِ للصومِ بعد رمضانَ .

‏ عَنْ ‌‏أَبِي هُرَيْرَةَ ‌‏رَضِيَ اللَّهُ عَنْهُ ‌‏قَالَ : ‏قَالَ رَسُولُ اللَّهِ ‌‏صَلَّى اللَّهُ عَلَيْهِ وَسَلَّمَ ‏: " ‏أَفْضَلُ الصِّيَامِ بَعْدَ رَمَضَانَ شَهْرُ اللَّهِ الْمُحَرَّمُ ، وَأَفْضَلُ الصَّلَاةِ بَعْدَ الْفَرِيضَةِ صَلَاةُ اللَّيْلِ " .

أخرجهُ مسلمٌ (1163) .

‏عَنْ ‏عَلِيٍّ ‌‏قَالَ : ‏سَأَلَهُ رَجُلٌ فَقَالَ : " أَيُّ شَهْرٍ تَأْمُرُنِي أَنْ أَصُومَ بَعْدَ شَهْرِ رَمَضَانَ " ، قَالَ لَهُ : " مَا سَمِعْتُ أَحَدًا يَسْأَلُ عَنْ هَذَا إِلَّا رَجُلًا سَمِعْتُهُ يَسْأَلُ رَسُولَ اللَّهِ ‏ ‏صَلَّى اللَّهُ عَلَيْهِ وَسَلَّمَ ،‏ ‏وَأَنَا قَاعِدٌ عِنْدَهُ فَقَالَ : " يَا رَسُولَ اللَّهِ ؛ أَيُّ شَهْرٍ تَأْمُرُنِي أَنْ أَصُومَ بَعْدَ شَهْرِ رَمَضَانَ ؟ " قَالَ : "‏ ‏إِنْ كُنْتَ صَائِمًا بَعْدَ شَهْرِ رَمَضَانَ فَصُمْ الْمُحَرَّمَ فَإِنَّهُ شَهْرُ اللَّهِ فِيهِ يَوْمٌ تَابَ فِيهِ عَلَى قَوْمٍ وَيَتُوبُ فِيهِ عَلَى قَوْمٍ آخَرِينَ " .

أخرجهُ الترمذي (741)

بارك الله لكم فى عامكم هذا وجعله عام نصر للاسلام وعز للمسلمين😍

#رسايل_الهجرة1446هـ

مع كل سنة هجرية نفتكر إن فيه ناس ضحت بكل غالي ونفيس ..
من أجل أن يقوم هذا الدين ☝️

والسؤال هنا ❓
يا ترى انت هاجرت ولا لأ ؟!🤔

🔹 في هجرة واجبة على كل مسلم ..
الهجرة دي لو ماهجرتهاش ، يبقى انت متأخر في طريقك إلى الله عزوجل ..
الهجري دي اللي النبي صلى الله عليه وسلم قال عنها
" وَالْمُهَاجِرُ مَنْ هَجَرَ مَا نَهَى اللهُ عَنْهُ "

والسؤال تاني ❓
انت هاجرت ولا لسه ؟!
هي دي الهجرة الواجبة على كل مسلم ..
انك تثبت لله عزوجل صدق انتمائك لهذا الدين وحبك له

- انك تهاجر بقلبك من المعصية للطاعة ..
- انك تهاجر من الإباحية للطاعة ..
- إنك تهاجري من التبرج للحجاب ..
- إنك تهاجر من حياة الغفلة الماضية إلى كل ما يرضي رب العالمين ..

الهجرة دي واجبة على كل مسلم ..
وفي كل وقت لحد ما تقبل رب العالمين مطلوب منك تهاجر ..

🔸قرار الهجرة ده لما تاخده ..

- هتلاقيه أهم محطة في حياتك !
- هتلاقيه نقلة جديدة في حياتك زي ما كانت الهجرة نقلة جديدة في حياة المسلمين
- هتلاقيه بعديه يتمكن هذا الدين في قلبك كما تمكن الإسلام بعد هجرة النبي

خطوات كتير واقفة على قرارك انت ..
يا ترى انت هتهاجر ولا لأ ؟!

الله سبحانه وتعالى يقول :
"وَمَنْ يُهَاجِرْ فِي سَبِيلِ اللَّهِ يَجِدْ فِي الأَرْضِ مُرَاغَمًا كَثِيرًا وَسَعَةً .."

آن الأوان أن نعيش نفسية المهاجر إلى رب العالمين ..
اللهم هجرة إليك 💜

- د.رامي النحراوي

#رسايل_الهجرة1446هـ

انت عارف اننا دلوقتي في شهر الله المحرم
(شهر...الله...المحرم)
شايف التشريف والتكريم للشهر ده انه يتقال شهر الله
وهو طبعا من الأشهر الحرم وأول السنة الهجرية اهو
يلا بقى نبدأ فيه بداية جديدة بداية كلها عزيمه وهمة عاليه في الخير
عاوزين نعظمه في قلوبنا لأنه من شعائر الله "وَمَنْ يُعَظِّمْ شَعَائِرَ اللَّهِ فَإِنَّهَا مِنْ تَقْوَى الْقُلُوبِ"

1️⃣ خد قرار إنك تبعد عن أي حاجة تغضب ربنا وتقطع علاقتك بأي حد يشجعك عليها

2️⃣ كمان الشهر ده وارد فيه تخصيص لعبادة ده افضل وقت ليها طول السنة هي الصيام
لحديث النبي : "أَفْضَلُ الصِّيَامِ بَعْدَ رَمَضَانَ شَهْرُ اللَّهِ الْمُحَرَّمُ " رواه مسلم
فمهم نكثر جدا من الصيام الشهر ده ومانستسلمش للحر
صوم اثنين وخميس والأيام القمرية أو يوم ويوم
وأقل حاجة خالص تصوم تاسوعاء وعاشوراء

3️⃣ كمان الشهر ده فيه يوم نجى الله تعالى فيه موسى عليه السلام من فرعون وهو يوم عاشوراء واليوم ده بنصومه شكر لله تعالى على نجاة نبيه موسى عليه السلام

#رسايل_الهجرة1446هـ

عاوزك تتخيل معايا...
مشاعر حبيبكﷺ وهو بيودع مَكَّةَ وهي أحب بلد لقلبه
ومش عارف هيرجع لها تاني ولا لا
مشاعر الوجع والشوق الرهيبة دي مش لأنها بس بلده لا..
لأنها مكة ..اللي فعلا القلوب بتنخلع في فراقها
لكن ومع كل مشاعر الألم والوجع ده
تنزل آية وبشارة تبرد كل الوجع ده فربنا يقول للنبي:
"إِنَّ ٱلَّذِی فَرَضَ عَلَیۡكَ ٱلۡقُرۡءَانَ لَرَاۤدُّكَ إِلَىٰ مَعَادࣲۚ"
يعني ربنا اللي افترض عليك إنك تبلغ دينه هيرجعك تاني لمكة ده وعده وهو لا يخلف الميعاد
الآية دي نزلت على قلب النبي فجبرت قلبه وطمنته في الرحلة دي وفعلا بعد.كام سنة رجع مكة في فتح مكة
- خليك فاكر إن وجع النبي ده عشان إنت تطلع مسلم متمسك بدينك وبسنة نبيك
- فاوعى تبعد عن الطريق أصل النبي مستنيك على الحوض عشان يسقيك شربة لا تظمأ بعدها أبدا
- حافظ على صلاتك وحافظي على حجابك
- ابعدوا عن أي معصية حتى لو في السر وماحدش شايفك
- اشتغل صح عشان تقابل حبيبك على الحوض وتقوله انك كنت ع العهد🤝

#رسايل_الهجرة1446هـ

مش عاوزه تهاجري ؟؟!!
بجد والله ..ايه رايك تهاجري بس مش لأمريكا وكندا
تهاجري لربنا.. تسيبي الحاجة اللي ماترضيش ربنا وتاخدي أجر المهاجر ؟؟!!
ايه رأيك تتحجبي وتكوني زي المهاجرين
ايه رأيك تسيبي اللبس الضيق أو القصير وتلاقي في ميزانك أجر الهجرة
النبي بيقولنا:
"والمُهَاجِرُ مَن هَجَرَ ما نَهَى اللَّهُ عنْه"
يعني كل ماتسيبي حاجة ماترضيش ربنا ...تبقي إنتي كده مهاجرة
حتى لو هتبقي وحيدة في وسط اصحابك لما تعملي كده
خدي الخطوة وخدي مش بس أجر المهاجر
لا ..كمان خدي أجر 50شهيد من الصحابة بثباتك وصبرك
زي ماالنبي بشرك وقالنا
"إنّ مِنْ ورائِكُم زمانُ صبرٍ ، لِلْمُتَمَسِّكِ فيه أجرُ خمسينَ شهيدًا منكم"

#رسايل_الهجرة1446هـ
#كاريكاتير_رسايل