#BREAKING!
ሃኒዬህ ለቱርክን ፕሬዝዳንት ደውሎ ከሸምጋዮቹ የቀረበውን የተኩስ አቁም ስምምነት ሃሳብ ንቅናቄው ማፅደቁን አሳወቀው።

የተኩስ አቁም ሀሳቡ #3 ደረጃዎችን ያካተተ ሲሆን እያንዳንዱ ደረጃ ለ 42 ቀናት ይቆያል!
ፕሮፖዛሉ #በመጀመሪያ ደረጃ ወራሪው ከጋዛ ሰርጥ #ሙሉበሙሉ መውጣቱን እና ተፈናቃዮች ወደቦታቸው የመመለስ ነፃነት መፍቀድን ያጠቃልላል።
ፕሮፖዛሉ #በሁለተኛው ዙር ወታደራዊ ስራዎችን #በቋሚነት ለማቆም መስማማትን ሲያካትት፣
#በሶስተኛ ደረጃ ላይ ደግሞ ያለው #ከበባ #ሙሉበሙሉ መቆም እንዳለበት የሚያፀድቅ ጽሑፍ ይዟል!
#አልጀዚራ
https://t.me/Seyfel_Islam

እስራኤል በራፋህ ላይ የጀመረችውን ጥቃት ለማስቆም እና ነዋሪዎችን ባልታወቀ ሁኔታ መፈናቀላቸውን ለመከላከል ዓለም አቀፉ ማህበረሰብ ጣልቃ እንዲገባ #ሳዑዲ_አረቢያ ጠየቀች።
የሳዑዲ አረቢያ ውጭ ጉዳይ ሚኒስቴር “የእስራኤል ወራሪ ሃይሎች” የራፋህ ከተማን ኢላማ ያደረጉት በ“ስልታዊ የደም አፋሳሽ ዘመቻ” የጋዛ ሰርጥ አካባቢዎችን በሙሉ ለመውረር እና ነዋሪዎቿን ወዳልታወቀ ቦታ ለማፈናቀል በማቀድ ሲሆን ይህም የሚያስከትለውን ከባድ አደጋ አስጠንቅቋል።
የሳዑዲ የዜና አገልግሎት እንደገለፀው የውጭ ጉዳይ ሚኒስቴር ባወጣው መግለጫ “የሳዑዲ አረቢያ መንግስት የእስራኤል ወራሪ ሃይሎች በራፋህ ከተማ ላይ እያነጣጠሩት ያለውን አደጋ በማስጠንቀቅ፣ደም አፋሳሽ እና ስልታዊ በሆነ መልኩ ሁሉንም አካባቢዎች ለመውረር የጀመረችውን ዘመቻ ገልጿል።
በጋዛ ሰርጥ ነዋሪዎቿን ወዳልታወቀ ቦታ ያፈናቅላሉ፤ ይህም ካደረሱት ከፍተኛ ውድመት በኋላ አስተማማኝ መሸሸጊያ ቦታ ባለመኖሩ ነው ብሏል በመግለጫው።
ሚኒስቴሩ በማያያዝም “ወራሪው ጦርነቱን የማቆም ሃሳቦችን ውድቅ በማድረግ፤እነዚህን እልቂቶች ለማስቆም የሚጠይቁትን ሁሉንም ዓለም አቀፍ ውሳኔዎች በግልጽ በመጣስና የዓለም አቀፍ ሕግጋትን በመጣስ ሰብዓዊ ቀውሱን የሚያባብስ እና ዓለም አቀፍ የሰላም ጥረቶችን የሚገድብ ነው"ብላ ል።
በተጨማሪም "በተወረሩት የፍልስጤም ግዛቶች” ውስጥ መከላከያ በሌላቸው ሰላማዊ ዜጎች ላይ በወረራ ኃይሎች  የሚካሄደውን የዘር ማጥፋት ዘመቻ ለማስቆም ዓለም አቀፉ ማህበረሰብ በአስቸኳይ ጣልቃ እንዲገባ የመንግሥቱ ጥሪ አድሷል።

የፍልስጤም ፕሬዝደንት የራፋህን ወረራ ለመከላከል ከክልላዊ እና አለም አቀፍ ፓርቲዎች በተለይም ከአሜሪካ ጋር ጥብቅ ግንኙነት እያደረገ መሆኑንም ሰኞ እለት አስታውቆ ነበር።
ምንጭ:Saudi Press Agency(SPA)
#RT
https://t.me/Seyfel_Islam

ሃማስ ከእስራኤል ጋር ያለውን ስምምነት ለመጨረስ የቀረበውን ሃሳብ ካጸደቀ በኋላ እስራኤል የመጀመሪያ ይፋዊ አስተያየት ሰጠች።
የእስራኤል ብሮድካስቲንግ ኮርፖሬሽን ምንጮችን ጠቅሶ እንደዘገበው የሐማስ ንቅናቄ በጋዛ የተኩስ አቁምን በሚመለከት በአንድ ወገን ሃሳብ ላይ መስማማቱን ገልጾ ቴል አቪቭ ጉዳዩን እያጤነች እንደሆነ ገልጿል።
የእስራኤል ብሮድካስቲንግ ኮርፖሬሽን "በሐማስ የጸደቀው የተሻሻለው የግብፅ ወረቀት እስራኤል ካጸደቀችው የተለየ ነው" ሲል አመልክቷል።
የእስራኤል መገናኛ ብዙኃን የጦርነት ምክር ቤቱን ምንጭ በመጥቀስ "የሃማስ መግለጫ እስራኤልን ከወረራ አቋሟ እንደማትለወጥ ለማሳየት ሆነ ተብሎ የተደረገ አሳሳች ሙከራ ነው"በማለት ወቅሷል።
ሮይተርስ የእስራኤልን ባለስልጣን ጠቅሶ እንዳስረዳው “በሀማስ የፀደቀው ሀሳብ እስራኤል #ያልተስማማችባቸውን ሰፊ ​​ድምዳሜዎች ያካተተ ሲሆን የተስማማችበትን ስምምነትም ያካትታል!”ብሏል።
የእስራኤል ብሮድካስቲንግ ባለስልጣን እንዳለው "ቴል አቪቭ ዛሬ ማምሻውን የሃማስን ይፋዊ ምላሽ ተቀብሎ እያጠናው ነው!”ብሏል።
የእስራኤላውያን እስረኞች ቤተሰቦች ግን ሃማስ በስምምነቱ መስማማቱን አረጋግጠዋል፣አሁን መንግስት እስረኞቹን ወደ ትውልድ ቀያቸው የሚመልስበት ትክክለኛው ጊዜ ነው በማለት “ሀገሪቱን ወደማቃጠል የሚወስዱ ግዙፍ ተቃውሞዎች”እንደሚያደርጉ አስጠንቅቀዋል!
ሃማስ በጋዛ ሰርጥ የተኩስ አቁም ስምምነት የኳታር እና የግብፅ ሸምጋዮች ያቀረቡትን ሃሳብ ማፅደቁን አስታውቋል።

ምንጭ፡ RT + የእስራኤል ሚዲያ
https://t.me/Seyfel_Islam

አውሮፓዊቷ ሃገር #ቤልጂየም እስራኤል በራፋህ የምታደርገውን ወታደራዊ ዘመቻ አደገኛ ውጤት #አስጠነቀቀች።
የቤልጂየም ውጭ ጉዳይ ሚኒስትር #ሃጃህ_ላህቢብ የእስራኤል ወታደራዊ እርምጃ በራፋህ ላይ ከፍተኛ ጉዳት እንደሚያደርስ አረጋግጠው የአውሮፓ ህብረት ሀገራት በዚህ ጉዳይ ላይ እርምጃ እንዲወስዱ ጠይቀዋል።
የቤልጂየም ውጭ ጉዳይ ሚኒስትር “በራፋህ ላይ የሚደርሰው ወታደራዊ ጥቃት በመቶ ሺዎች የሚቆጠሩ ሴቶችን፣ ሕፃናትን እና ማምለጫ የሌላቸውን ወንዶች ይገድላል” ሲሉ አብራርተዋል።
የእስራኤል ጦር በበኩሉ ከምስራቃዊ ራፋህ የማፈናቀሉ ዘመቻ ወደ 100,000 የሚጠጉ ሰዎችን ያካትታል ብሏል።
አክለውም “ይህ እርምጃ በጋዛ ፍልስጤማውያን ላይ አስከፊ ተጽእኖ ይኖረዋል እና በተያዘው ዌስት ባንክ እና አካባቢው ላይ ከባድ መዘዞችን ያስከትላል። 27ቱ የአውሮፓ ህብረት አባል ሀገራት በእስራኤል ላይ ወታደራዊ ጥቃት እንድፈፀም ያቀረቡትን ጥሪ ደግሜ መናገር እችላለሁ።
የቤልጂየም ውጭ ጉዳይ ሚኒስትር የሁከት መባባስ ጥልቅ ስጋት እንዳላቸው ገልጸው፣ ሰብዓዊ መብቶችን እና ዓለም አቀፍ ህግጋትን ማክበር እንደሚያስፈልግ አሳስበዋል!
በፍልስጤም ጉዳይ ዘላቂ ፖለቲካዊ መፍትሄ ለማምጣት በጋራ ዓለም አቀፍ እርምጃ እንደሚያስፈልግም አሳስበዋል።
በተባበሩት መንግስታት ውሳኔ መሰረት የመንግስት መፍትሄ:
የቤልጂየም ምክትል ጠቅላይ ሚንስትር ፔትራ ደ ሱተር በበኩሏ ዛሬ ሰኞ አረጋግጠዋል "በደቡባዊ ጋዛ ሰርጥ ከራፋህ ከተማ ኗሪወችን እና የተፈናቀሉ ዜጎችን ለቀው እንዲወጡ የእስራኤል ጦር እና ወረራ ማወጁ እልቂትን ያስከትላል።
"ፔትራ ደ ሱተር ብራስልስ "በእስራኤል ላይ ተቤልጂየም እስራኤልን በራፋህ የምታደርገውን ወታደራዊ ዘመቻ አደገኛ ውጤት አስጠንቅቃለች።
የቤልጂየም ውጭ ጉዳይ ሚኒስትር ሃጃህ ላህቢብ የእስራኤል ወታደራዊ እርምጃ በራፋህ ላይ ከፍተኛ ጉዳት እንደሚያደርስ አረጋግጠው የአውሮፓ ህብረት ሀገራት በዚህ ጉዳይ ላይ እርምጃ እንዲወስዱ ጠይቀዋል።
የቤልጂየም ውጭ ጉዳይ ሚኒስትር “በራፋህ ላይ የሚደርሰው ወታደራዊ ጥቃት በመቶ ሺዎች የሚቆጠሩ ሴቶችን፣ ሕፃናትን እና ማምለጫ የሌላቸውን ወንዶች ይገድላል” ሲሉ አብራርተዋል።
አክላም “ይህ እርምጃ በጋዛ ፍልስጤማውያን ላይ አስከፊ ተጽእኖ ይኖረዋል እና በተያዘው ዌስት ባንክ እና አካባቢው ላይ ከባድ መዘዞችን ያስከትላል። 27ቱ የአውሮፓ ህብረት አባል ሀገራት በእስራኤል ላይ ወታደራዊ ጥቃት እንዳትፈፅም ያቀረቡትን ጥሪ ደግሜ መናገር እችላለሁ!”ብለዋል።
የቤልጂየም ውጭ ጉዳይ ሚኒስትር የሁከት መባባስ ጥልቅ ስጋት እንዳላቸው ገልጸው፣ ሰብዓዊ መብቶችን እና ዓለም አቀፍ ህግጋትን ማክበር እንደሚያስፈልግ ገልጸው፣ ለፍልስጤም ጉዳይ ዘላቂ ፖለቲካዊ መፍትሄ ለማምጣት በጋራ ዓለም አቀፍ እርምጃ እንደሚያስፈልግ አሳስበዋል። በተባበሩት መንግስታት ውሳኔ መሰረት የሁለት መንግስት መፍትሄ ላይ ማውራት አለብን!”
የቤልጂየም ምክትል ጠቅላይ ሚንስትር ፔትራ ደ ሱተር በበኩሏ ዛሬ ሰኞ በሰጡት ቃል "በደቡባዊ ጋዛ ሰርጥ ከራፋህ ከተማ ኗሪዎችን እና የተፈናቀሉ ዜጎችን ለቀው እንዲወጡ የእስራኤል ትዕዛዝ እና ወረራ ማወጁ እልቂትን ያስከትላል። "
ፔትራ ደ ሱተር ብራስልስ "በእስራኤል ላይ ተጨማሪ ማዕቀቦችን ለመጣል እየሰራች ነውም"ብሏል!
በደቡባዊ ጋዛ ሰርጥ ከራፋህ ከተማ ነዋሪዎችን እና ተፈናቃዮችን የማፈናቀል ሂደት መጀመሩን የእስራኤል ባለስልጣናት ለግብፅ ማሳወቃቸውን የእስራኤል ጦር ሬድዮ ሰኞ ዘግቧል።

ምንጭ፡ RT + የቤልጂየም ሚዲያ
https://t.me/Seyfel_Islam

بِسْمِ ٱللَّهِ ٱلرَّحْمَٰنِ ٱلرَّحِيمِ
ማስታወቂያ
የኢትዮጵያ እስልምና ጉዳዮች ጠቅላይ ምክር ቤት ባስገነባው ስቱዲዮ የሚያስተላልፋቸውን ወቅታዊ እና ፈጣን መረጃዎችን እንዲደርሰዎ የዩቲብ ቻናሉን ከታች የተቀመጠውን ማስፈንጠሪያ በመንካት ይቀላቀሉ። ሰብስክራይብ ያድርጉ ለወዳጅ ዘመድዎ ያጋሩ፤ እናመሰግናለን
ኢ/ እ/ጉ/ጠ/ም/ ቤት የሕዝብ ግንኙነት ክፍል

https://youtube.com/@EIASCTV?si=p9pLe2q9kxeqLoUr

“በአል-ያሲን 105 ሚሳኤል የጽዮናዊት መርካቫ ታንክ ላይ ኢላማ አድርገን አቃጠልነው!”
አልቃሳም ብርጌድ!

የሃይማኖት ጉዳይን አስመልክቶ በተዘጋጀው ረቂቅ አዋጅ ላይ የም/ቤታችንን አቋም ስለማሳወቅ፤
🔴🔴🔴🔴🔴🔴🔴🔴 🔴🔴🔴🔴🔴

ሀገራችን ኢትዮጵያ የብዝሀ ሃይማኖት መገኛ ሆና ሳለ ለዘመናት የሃይማኖቶች እኩልነትና የሐገር ባለቤትነት ጉዳይ ከሙስሊሙ አንፃር ሳይረጋገጥ በመኖሩ እስልምና እንደ ሃይማኖት ሙስሊሙ ማህበረሰብም እንደ ዜጋ ከፍ ያለ ዋጋ ሲከፍሉ ኖረዋል፡፡ በዚህም ምክንያት ህዝበ ሙስሊሙ  ከንጉሳዊው የአስተዳደር ዘመን ጀምሮ መንግሰትና ሃይማኖት የተለያዩ እንዲሆኑና የሃይማኖት እኩልነትና ነፃነት እንዲከበር መራር ትግል ሲያደርግ ቆይቷል።

ከዚህም በመነሳት ሙስሊሙ በታላቁ የኢትዮጲያ ህዝባዊ አብዮት ዋነኛ ተሳታፊ ነበር። አብዮቱ ካስገኛቸው ድሎች አንዱ ለመጀመሪያ ጊዜ መንግስትና የሃይማኖት የተለያዩ መሆናቸው የተደነገገበት የደርግ ዘመን 1979 ህገ መንግሰት ተጠቃሽ ነው። ይሁን እንጂ መብቱ በህገመንግሰት ይካተት እንጂ በተግባር ስራ ላይ ሳይውል ጭቆናው ቀጥሎ ቆይቷል። በአንፃራዊነት በ1983 የነበረውን የመንግስት ለውጥ ተከትሎ የመንግስትና የሃይማኖት መለያየት በ1987 ፀድቆ እስከ አሁንም በስራ ላይ የሚገኘው የኢፊዴሪ ህገ-መንግስት በግልፅ በመቀመጡ ከቀድሞ የተሻለ ጊዜ ነበር ማለት ይቻላል፡፡
ነገር ግን ህገ-መንግስቱ ውስጥ በመርህ ደረጃ የተቀመጡትን የመንግሰትና ሐይማኖት መለያየት እንዲሁም የሃይማኖት እኩልነትና ነፃነት መብቶችና መሰረታዊ መርሆዎችና ድንጋጌዎች ለማስፈፀም የሚውሉ ዝርዝር ህጎች ሳይወጡ በመቆየቱ ምክንያት መብቶቹን በምሉዕነት መጠቀም አልተቻለም። ይባስ ብሎም አንዳንድ ተቋማት ህገመንግሰታዊ የሆነውን የመንግሰትና ሃይማኖት መለያየት መርህ ያልተገባ ትርጉም በመስጠት ለአድሏዊ አሰራር ሲያዉሉት ተስተውለዋል። አንዳንድ ተቋማትም የህገ-መንግስቱን ግልፅ ድንጋጌዎች የሚቃረኑ፤እንዲሁም በቀጥታም ሆነ በተዘዋዋሪ የሙስሊሙን ማህበረሰብ ኢላማ ያደረጉ ደንቦች፤መመሪያዎችንና አሰራሮችን በመዘርጋት ህዝባችን ላይ ጥቃቶችና በደሎች ሲያደርሱበት በስፋት ተስተውለዋል ፡፡

የኢትዮጵያ ሙስሊም ማህበረሰብም በተለያዩ ጊዜያት እነዚህ በደሎችና ጥቃቶች በዘላቂነት ሊያስቆሙለት የሚያስችሉና ህገ መንግስተዊ መብቱን በምሉዕነት እንዲገለገልባቸው የሚያስችሉ ዝርዝር ህጎች በአግባቡ እንዲወጡና ስርዓት ያለው ወጥ አሰራር እንዲኖር ሲወተውቱ ቆይተዋል፡፡

ከዚህም በመነሳት የኢትዮጲያ እስልምና ጉዳዮች ጠቅላይ ም/ቤት ህገመንግስታዊውን የመንግስትና ሃይማኖት መለያየት መርህን እንዲሁም የሃይማኖት እኩልነትና ነፃነትን በዝርዝር ለማስፈፀም አዋጅ መውጣቱን በመርህ ደረጃ ይደግፈዋል። ይሁን እንጂ ከአዋጁ ረቂቅ ዝግጅት ጀምሮ ህጉን ለማውጣት እየተኬደበት ያለው ሂደትና ፤የረቂቅ አዋጁ ይዘትን አስመልክቶ ከሰሞኑ እየተስተዋለ ያለውን የህዝበ ሙስሊሙን ፍላጎትና ስጋት በእጅጉ ይጋራል።

ምክር ቤታችን መንግስት ሊያወጣው ያሰበው ረቂቅ አዋጅ እንደ ሙስሊም ማህበረሰብ ወኪልነቱ እንደዚ ያሉ መመሪያዎች ባለመኖራቸው የተነሳ በሙስሊሙ ላይ ይደርሱ የነበሩትን ያልተማከሉ ነገር ግን የተቀናጁ የሚመስሉ ጥቃቶችን በወጥነት ያስቆማል ብሎ ስለሚያምን ለአዋጁ ያለውን ድጋፍ ከወዲሁ መግለፅ ይፈልጋል። በአዋጁ ላይ ያሉንን አስተያየቶችና ስጋቶች የምንገልፀውም የመንግስትን ፍላጎት ወይም አላማ በመጥፎ በመረዳት ሳይሆን በሀገራችን የህግና የአዋጆች መውጣት ታሪክ የሙስሊሙ ማህበረሰብ ጥያቄዎችና ጥቅሞች የማይገናዘቡበት የቆየ አሰራር በመኖሩ አንዳንድ ለኛ ወሳኝ የሆኑ ነገሮችን አንድም ባለማወቅ ወይን ደግሞ በግለሰቦች የተለየ ፍላጎት የተነሳ ቸል ሲባሉ እና ሙስሊሙን ተጎጂ ሲያደርጉ በመኖራችን ስጋት ስላለን መሆኑን ማስገንዘብ እንፈልጋለን።

ይህ የአማኞች ሀገር በምትባለው ሀገራችን ሊወጣ እየተዘጋጀ የሚገኘው አዋጅም የሃይማኖትን እኩልነት፣ የመንግስትና የሃይማኖትን መለያየት በተለያዩ ጊዜያት  በሙስሊሙ ማህበረሰብ በተለይም ደግሞ በትምህርት ቤቶችና በተለያዩ የመንግስት ተቋማት የሚገኙ ሙስሊም ሰራተኞችና ባለስልጣናት ላይ ይደርስ የነበረውን ግልጽ የሆነ ተቋማዊና ግለሰባዊ የሆነ የበደልና የጥቃት  ተግባራትን ላንዴና ለመጨረሻ ጊዜ የሚቀርፍ መሆን እንዳለበት ም/ቤታችን ያምናል፡፡

ከዚህ አንፃር በረቂቅ አዋጁ  ዙሪያ እየተነሱ ካሉ የህዝባችን ሃሳቦች በመነሳት ምክር ቤታችን  በተወሰነ መልኩ ለማጣራት ባደረገው ጥረት ረቂቅ አዋጁ እነዚህን ነባር ችግሮች ከመቅረፍ ይልቅ የሚያባብሱና ተጨማሪ ችግሮችን የሚያስከትሉ አንዳንድ ድንጋጌዎች እንዳሉበት ለመገንዘብ ችሏል።

  በመሆኑም በዚህ ጉዳይ ላይ ከሚመለከታቸው የመንግስት አካላት ጋር በተደረገው ውይይት መሠረት ሰፋ ያለ የሙስሊሙን መብት የሚመለከቱ ጉዳዮችን በዝርዝር የሚያቀርብ መሆኑ እንደተጠበቀ ሆኖ ጠቅላይ ምክር ቤታችን ከዚህ በታች የተዘረዘሩ ጉዳዮች ላይ  ያለውን ጥብቅ  አቋምና ስጋት ለማቅረብ ይወዳል፡-

1. ምንም እንኳን ህግ መውጣቱ የምንፈልገውና የቆየ የህዝባችን ጥያቄ ቢሆንም የእምነታችንን የተለዩ የአምልኮ ባህሪያት ግምት ውስጥ ሳያስገባ በስመ እኩልነት ብቻ ከሌሎች ሃይማኖቶች የአምልኮ ስርዓት ጋር በማነፃፀር እዚህም እዚያም ከልክለናል በሚል የተሳሳተ መነሻ የተቀረፀው እንዲሁም በእምነታችን የአምልኮ ስርዓት  ውስጥ በመግባት አንድ ሙስሊም በእምነቱ የታዘዘውን የአምልኮ ተግባር እንዴት ማከናወን እንዳለበት እሰከመምረጥ ድረስ ገደብ ለመጣል በሚሞክሩ አናቅፅ የተሞላ ረቂቅ አዋጅ መሆኑ ተገቢ ስላልሆነ ፣

2. የሃይማኖትና የአማኞች ሃገር ናት የምትባለውን ሃገራችንን ሃይማኖታዊ እሴቶች ከማጎልበትና ሃይማኖቶችን ለሃገራዊ አንድነትና እድገት በአዎንታዊነት ከመጠቀም ይልቅ የሀገራችንን ተጨባጭ ባለማገናዘብና ወደጐን በመተው እምነቶችን በበማዳከም ለሃገር ከሚያበረክቱት ገንቢ አስተዋፅኦ የማግለል ባህሪ ያለው በመሆኑ ፣

3. ሃገራችን ህብረ ብሄራዊ የፌዴራል ስርዓት የምትከተል እንደመሆንዋ በተለያዩ ክልሎች በመሬት ላይ ያለውን እውነታ በፍፁም ከግምት ውስጥ ያልከተተና ተፈፃሚነት የሌለው ህግ እንዳይሆን የሚያሰጋ በመሆኑ፣

4. ረቂቅ አዋጁ በመሠረቱ አንድ ህግ ለሀገርና ለህዝብ ጥቅም ሲባል የሚወጣበትን መርህ በመጣስ  በህገ መንግስቱ የተረጋገጠውን የእምነት መብትና ነፃነትን ከማስፈፀም ይልቅ መገደብ ላይ በማተኮር የአለም አቀፍ ህጐችንና ህገ መንግስታችንን የሚቃንኑ ሀሳቦች ያሉበት በመሆኑ ፣

5. የመንግሰትና ሃይማኖት መለያየት መርህ ዋና አስኳል የሆነውን የመንግስትን በሃይማኖት ውስጥ ጣልቃ የመግባት ሁኔታ ከመገደብ ይልቅ፤ያለአግባብ መንግሰት በሃይማኖት ጉዳዮች ጣልቃ መግባትን የሚያበረታታና መንግስት የሀይማኖቶች ተቆጣጠሪ የማድረግ ባህሪ ያለው በመሆኑ ፣

6. ሕገመንግስታዊውን የሃይማኖት ነፃነትን ከማስከበር አንፃር የእምነታችንን ልዩ የአምልኮ ባህሪያት በመረዳት ለዚያ የሚመች ሁኔታዎችን ከማመቻቸት ይልቅ አምልኮዎችን መከልከል ላይ  ማተኮሩ፣

ለምሳሌ፡- በት/ት ቤቶች እና በመንግስት ተቋማት አካባቢ ሙስሊሙ ግዴታ የሆነበትን ሰላትና የሴቶች አለባበስ ሁኔታ የመከልከልን ባህሪያት የተሞላ መሆኑ  ፣

7. የመንግስትና የሃይማኖትን መለያየት አስመልክቶ ለረቂቅ አዋጁ ግብዓት ተደርገው የነበሩ ጥናቶችን  ውጤትና ምክረ ሃሳቦች ወደጐን በመተው ህግ አርቃቂዎቹ አካላት በተቃራኒው ለመሄድ የመረጡበት አግባብ ትክክል አለመሆኑ ፣

ባለፉት 29  ዓመታት የህገ-መንግስቱን ግልጽ ድንጋጌዎች ሆንብሎ ያለአግባብ በመተርጐም ሙስሊሙ ማህበረሰብ በልዩነት ሲጠቃባቸው የነበሩና ማህበረሰቡም ከፍተኛ ተቃውሞ ሲያቀርብባቸው የነበሩ መመሪያዎችና አሰራሮች መወገድ ሲገባቸው በዚህ ረቂቅ አዋጅ ውስጥ በድጋሚ ተካተው መገኘታቸው በህዝብ ዘንድ ከወዲሁ እየፈጠረ ያለው ከፍተኛ የስጋት ስሜት ለወደፊቱም ከሀገር ደህንነትና ሰላም አንፃር የሚያመጣውን ውጥረት ከግምት ውስጥ በማስገባት፣

አዋጁ በብስለትና  በስክነት ታይቶ ተጨባጭ የሆኑ የጥናት ውጤቶች ተንፀባርቀውበት፣ ከገዳቢነት ይልቅ መብት ማስከበርን መርሁ ያደረገ አዋጅ እንዲሆን እንደገና እንዲከለስና  ተጨማሪ ሰፊ ጊዜ ተወስዶበት እንዲወጣ ያለንን አቋምና ስጋት እየገለፅን ም/ቤታችን ከዚህ አንፃር የሙስሊሙን ማህበረሰብ ፍላጎትና መብት እንዲሁም በረቂቅ አዋጁ ላይ ቢካተቱ የሚላቸውን ገንቢ ሀሳቦች በዝርዝር በአጭር ጊዜ ውስጥ ለሚመለከታቸው አካላት ሁሉ የሚያቀርብ መሆኑን እያሳወቀ ለዚህም ይረዳ ዘንድ ረቂቅ አዋጁ እንደ ተቋም በፅሁፍ እንዲደርሰን ለመጠየቅ እንወዳለን፡፡ 
“ከሰላምታ ጋር”