#አምስተርዳምዩኒቨርሲቲ_ፖላንድ!

የአይሁድ ሰፋሪዎች በተከበረው የአልአቅሷ መስጅድ የእስራኤልን ባንድራ ሲያውለበልቡ የሚያሳይ ቪድዮ!
አዎ ትንሽን ጊዜ እንደፈለጋችሁ ዘና በሉ!
ወሏሂ እላችኋለሁ…በዚህ ጥጋባችሁ የምትቆጩበት ጊዜ ግን ሩቅ አይደለም!!

ለመስጂዱ የሚሰጠው የመሬት ስፋት የሙስሊሙን ማህበረሰብ ቁጥር ከግምት ያስገባ መሆን ነበረበት።ታዲያ እንደሀገሪቷ ዜጋ፤እንደተወላጅነቱ፤እንደነዋሪቱ፤እንደ ግብር ከፋይነቱ፤ለሀገር አንድነትና ነፃነት እንደሚከፍለው መስዋእትነቱ፤እንደ ዲሞክራሲያዊ መብቱ፤እንደሙስሊሙ ቁጥር ብዛቱ፤እንደከተማ ስፋቱ፤እንደ ሙስሊሙ አስተዋፅኦ…ስንት ካሬ ነው ሚገባው በሀቅ በእውነቱ?…

የመስጂዶች ታሪክ በአዲስ አበባ ከሚኒሊክ-ኢ.ሕ.አ.ዴ.ግ መፅሀፍን ከፃፉት ከሼህ አህመድ አሊ ጋር ያደርግነውን ቆይታ ዛሬ ምሽት 1፡00 ሰዓት በሀሩን ሚድያ ይጠብቁን

ኢና ሊላሂ ወኢና ኢላይሂ ራጂዑን

በተለያዩ ከተሞች በመዘዋወር የጎዳና ላይ ዳዕዋ ያደርግ የነበረው ኡስታዝ ፈቂ ገለቶ ወደ አኼራ ሄደ!
...
(ሀሩን ሚዲያ፦ግንቦት 06/2016)
...
በተለያዩ ከተሞች እየተዘዋወረ በተለይ በአሳሳ ፣ ሮቤ፣አዳማ ፣ አርሲ ፣ ባሌ፣ሻሸመኔ ፣ሀረር፣ድሬዳዋ፣አዲስአበባን በመሳሰሉ ከተሞች በወዘዋወር የጎዳና ላይ ዳዕዋ ያደርግ የነበረው ኡስታዝ ፈቂ ገለቶ በዛሬው ዕለት በሻሸመኔ ከተማ በድንገት ወደአኼራ መሻገሩ ተሰምቷል።
..
ኡስታዝ ፈቂ ገለቶ ምንም የማይፈራ ሙጃሂድ ከልጅነት እስከ ወጣትነትና ጎልማሳነት ምናልባት እስካዛሬዋ እስከመጨረሻዋ የዱንያ ላይ ቀኑ ድረስ ሐያቱን በሙሉ በደዕዋ አሳልፏል፡፡ኢስላምን ለማድረስ ብዙ የለፋ የጎዳና ላይ ዳዕዋ የሚያደርግበት ስፒከሩ በተዳጋጋሚ ታስሮበት በተለያዩ የሀገሪቷ ከተሞች በሚገኙ የፖሊስ ጣቢያቢያዎች በመንከራተት ብዙ መስዋዕትነት ይከፍል እንደነበረ "ኑ ወደ አላህ"እያለ በሚያደርገው ጥሪ ብዙ ድብደባ እና እስርና እንግልት ይፈፀምበት እንደነበርም ወዳጆቹ ገልፀዋል። 
...
ኡስታዝ ፈቂ ገለቶ እሁድ ዕለት ግንቦት 4/2016 ዓ.ል በሻሸመኔ ከተማ የተካሄደውን የቁርአን ውድድር ታድሞ የነበረ ሲሆን ዛሬ ሻሻመኔ ላይ ድንገት ወደአኼራ መሄዱ ተሰምቷል።
...
¤ሀሩን ሚዲያ አላህ ለእርሱ ጀነትን ለወዳጅ ዘመዶቹ ሰብርን እንድወፍቃቸው ይመኛል!
...
©ሀሩን ሚዲያ
https://t.me/Seyfel_Islam

ግንቦት 6፣ 2016 | ዙል ቃይዳ 6፣ 1445 አ.ሂ.

بِسْمِ ٱللَّهِ ٱلرَّحْمَٰنِ ٱلرَّحِيمِ
•••••••••••••••••••••••••••••••••••••••••••• የሳዑዲ ኤምባሲ ለጠቅላይ ምክር ቤቱ የመጻሕፍት ሥጦታ አበረከተ።
••••••••••••••••••••••••••••••••••••••••••••
በኢትዮጵያ የሳዑዲ አረቢያ ኤምባሲ ለኢትዮጵያ እስልምና ጉዳዮች ጠቅላይ ምክር ቤት በተለያዩ ርዕሰ-ጉዳዮች ላይ ያተኮሩ ሁለት አይሱዙ የጭነት መኪና ሙሉ መጻሕፍትን በሥጦታ አበረከተ።

በኢትዮጵያ እስልምና ጉዳዮች ጠቅላይ ምክር ቤት ተገኝተው የመጽሐፉን ሥጦታ ያበረከቱት በኢትዮጵያ የሳዑዲ አረቢያ ምክትል አምባሳደር ጧሪቅ አብዱልዓዚዝ ኢድሪስ ናቸው።

ሥጦታውን የጠቅላይ ምክር ቤቱ ተቀዳሚ ምክትል ፕሬዚደንት ሸይኽ አብዱልከሪም ሸይኽ በድረዲን እና ዋና ጸሐፊው ሸይኽ ሃሚድ ሙሳ በጋራ በመሆን ተቀብለዋል።

በዚሁ ጊዜም የጠቅላይ ምክር ቤቱ የዑለማ ጉባዔ የፈትዋና ምርምር ተጠሪ ሸይኽ አድሪስ ዓሊ ተገኝተዋል።

በኢትዮጵያ የሳዑዲ ምክትል አምባሳደር ጧሪቅ አብዱልአዚዝ ኢድሪስ ሥጦታውን ካስረከቡ በኋላ ከተቀዳሚ ምክትል ፕሬዚደንትና ከዋና ጸሐፊው ሸይኽ ሀሚድ ሙሳ ጋር ተወያይተዋል።

ሸይኽ ሐሚድ ሙሳ በዚሁ ጊዜ የሳዑዲ መንግሥት በኤምባሲው አማካኝነት ብዛቱ ሁለት መካከለኛ ቤተ-መጻሕፍት ሊሞላ የሚችል የመጻሕፍት ሥጦታ ስላበረከተ በጠቅላይ ምክር ቤቱ ስም አመሥግነዋል።

አምባሳደር ጧሪቅ በበኩላቸው ሀገራቸው ሳዑዲ ዐረቢያ ከኢትዮጵያ ጋር የዳበረ ዲፕሎማሲያዊ ግንኝነት እንዳላት ጠቅሰው፣ ወቅቱ የሐጅ ጊዜ በመኾኑ የሳዑዲ ኤምባሲ ጉዞው የተሳካና የተቀላጠፈ እንዲሆን እየሠራ እንደሚገኝ ተናግረዋል።

የዑለማ ጉባኤ የፈትዋና ምርምር ተጠሪ የኾኑት ሸይኽ አድሪስ ዓሊ በበኩላቸው፣ ለጠቅላይ ምክር ቤቱ የተበረከተው የመጻሕፍት ሥጦታ ጠቅላይ ምክር ቤቱ በማስፋፋት ላይ ላለው ቤተ-መጻሕፍት ትልቅ አቅም ይሆናል ብለዋል።

•••••••••••••••••
የኢ.እ.ጉ.ጠ. ም/ቤት ሕዝብ ግንኙነት
ይከታተሉን | Follow us፡
ፌስቡክ | Ethiopian Islamic Affairs Supreme Council
ቴሌግራም | t.me/eiasc1
ትዊተር | twitter.com/eiasc

"የፍርድ ቤት ትዕዛዝና የፖሊስ መጥሪያ በሌለበት ፖሊሶች መጥተው ያስሩናል የመስጂዳችንን መግቢያና መውጫ ዘግተው አጥረውብን ቸርች ነው እያሉ ያዋክቡናል" የሀዋሳ ሀምዛ መስጂድ ጀማዓዎች።
..
(ሀሩን ሚዲያ ደቡብ ስቱዲዮ፦ግንቦት 6/2016)
.......
የሀዋሳ ሀምዛ መስጂድ ጀማዓዎች ከሳሻችን ማነው ስንል ቸርች ነው ይሉናል ምንም ቸርች በሌለበት።የመስጂዳችን መግቢያና መውጫ ዘግተው አጥረውብን ቸርች ነው እያሉ ያዋክቡና በማላት ቅሬታቸውን ለሀሩን ሚዲያ ደቡብ ስቱዲዮ የገለጹ ሲሆን በ2003 ዓል ህጋዊ ፍቃድ ተስጥቶን ገንብተን እየሰገደን  ቢሆንም ከመስኪዱ 20 ሜትር ርቀት ላይ በሸራ ጀምረው በአንድ ምሽት ህገወጥ ግንባታ ገንብተው ቸርች አድርገው በሞንታርቦ መዝሙር እየከፈቱብን በተደጋጋሚ ሶላታችንን በአግባቡ እንዳንሰግድ እያደረጉ የጁማዓ ሰላት ሰዓት ጠብቀው ሞታርቦ እየከፈቱ አምልኮዋችንን በአግባቡ እንዳንፈጽም እያደረጉን ሲሆን እሄንንም ለሚመለከተው የመንግስት አካላት በተደጋጋሚ አቤት ያልን ቢሆንም ምንም አይነት ምላሽ አላገኘንም ብለዋል።
..
በአሁን ሰዓት ጉዳዩ ወደ ፍርድ ቤትም ወስደን ክስ መስረተን እየተከታተልን ነው በማለት ያነጋገርናቸው የሀዋሳ ሙስሊም ነዋሪዎች ገልጸውልናል።በአሁን ሰዓት አጥሩ በከተማው ማዘጋጃና ሰላምና ጸጥታ የፈረሰ ቢሆንም በዘላቂነት ችግሩን ለመፍታት የተኬደበት ርቀት ብዙም አይደለም በማለት ሙስሊም ነዋሪዎቹ  የተናገሩ ሲሆን በዚህ ጉዳይ ባለፈው የሀዋሳ ከተማ ኮንስትራክሽን ጽ/ቤት ምክትል ኃላፊን በስልክ ማናገራችን የሚታወስ ሲሆን ኃላፊውም በቅርብ ርቀት ላይ ለተለያዩ የእምነት ተቋማት የግንባታ ፍቃድ እንደማይሰጥ መመሪያው ይከልክላል ማለታቸው ይታወቃል።

እሄንንም ለማጣራት ለሰኞ መቀጣጣጠራቸውን ነግረውን የነበረ ሲሆን በዛሬው ዕለት የማዘጋጃ ባለሞያዎች ቦታውን ሜትር ይዘው ሲለኩ መመልከት ብንችልም ጉዳዩ ከምን እንደደረሰ ለማጣራት ወደ አቶ ገዛሀኝ የእጅ ስልክ በተደጋጋሚ ስልክ ብንደውልም ስልካቸው አልተነሳም።
...
በዚህ ያህል ቅርብ ርቀት ላይ ለተለያዩ እምነት ተቋማት ይቅርና ለተመሳሳይ እምነት ተቋማትም የግንባታ ፍቃድ አይስጥም በማለት የገለጹልን  ደግሞ የሲዳማ ክልል እስልምና ጉዳዮች ፕሬዝዳንት ሀጂ አ/ሹኩር  ሀጂ አ/ቃድር ሲሆኑ ጉዳዩንም ኮሚቴ አዋቅረው እየተከታተሉ እንደሆነና  ከሚመለከታቸው የመንግስት ተቋማት ጋር እየተነጋገሩ እንደሆነ ተናግረዋል።
...
¤ሀሩን ሚዲያ ደቡብ ስቱዲዮ ስፍራው ተገኝቶ ያጠናቀረው ሙሉ ዘገባ እንደደረሰን የምናቀርብላችሁ ይሆናል።
...
©ሀሩን ሚዲያ
https://t.me/Seyfel_Islam

ሲያለቅሱ የሚያስደስቱ ጨካኝ ፍጡሮች!
ሀዘንና ለቅሶ አይለያችሁ!

የሚሽነሪዉ አካል ሙሀመድ ሱሩር ማን ነዉ ?!!

ቢስሚላህ !
ክፍል 1 እና 2👇
ከ 25 አመት በሗላ የጠፋኝን ሰዉ ወንድሜ የህያ ኢብኑ ኑህ ማህበራዊ ሚዲያ ላይ ለጥፎት ባይ ገረመኝ !!

የዛን ዘመን አፍላ የቁርአንና የዳዕዋ ንቅናቄን ከየት እንደመጣ ሳናዉቅ ነበር የተቀላቀለን ።

ፂሙ ያደገ የፓኪስታን ልብስ የለበሰ በቀኝ እጁ ሲዋክ በግራ እጁ ሙስበሃ ይዞ የፈጅርን ሰላት ለመስገድ የሂፍዝ ተማሪዎች ዉዱእ ማድረጊያ ላይ በዛ ብርድ ወቅት እንጣደፋለን ። ከመሀላችን ሞቅ ባለ ከፍ ባለ ድምፅ “ እናንተ ወጣቶች በናንተ ጊዜ ዲን ሲደፈር ነብያችን ሰ.ዐ.ወ ክብራቸዉ ሲነካ እናንተ እያላችሁ እንዴት ይሆን ለጅሀድ ተነስ እኔ አሰለጥንሀለሁ !” የሚል የወጣቱን ስሜት በሚቀሰቅስ መልኩ በቁጣ ንግግር አደረገ ። ብዙዎቻችን ሙሀመድ ሱሩር በሚል የቀረበንን ሰዉ ያኔ ተዋወቅነዉ ከፈጅር ሰላት በሓላ የቁርአን ሀለቃ ላይ አብሮን ተቀመጠ ። መስጅድ ላይ በተበላሸ ምላስ የቁርአን አያቶችን እየሰባበረ ዳዕዋ ማድረግ ጀመረ የዋሁ ማህበረሰባችን እና ወጣቱ ተከተለዉ ። በጣም የሚገርሙ ሊታመኑ የማይችሉ ለሀገር ሲል ከኤርትራ ጋር በተደረገ ጦርነት መሳተፉንና ለኢስላም ሲል አፍጋኒስታን ድረስ ዘልቆ የተዋጋበትን ባዶ ታሪክ ለወጣቱ ይግተዉ ጀመር አንዳንዱ በየት ብለን ጅሀድ በወጣን እስኪል ድረስ ፣

የማልረሳዉ ሁሌ ግን ጥያቄ የሚሆንብኝ የነበረዉ ጠዋት ከሀለቃ በሗላ ከቁርስ በፊት ወደ ዉጭ እንዳንወጣ እንከለከል ነበር ። ለምን አትሉም ?
ሙሀመድ ሱሩር ካራቴ እየሰራ ጩሀቱን እንጅ ስራዉን ማየት እንዳንችል ምክኒያቱም በጩሀቱ ብቻ ካራቲስት እንደሆነ እንድንመሰክር ።

ማህበረሰባችን በዚህ ብቻ አልቆመም በዲኗ ጠንካራ የሆነች ልጅ ተፈልጋ ተዳረ ። ከዛን ጊዜ ጀምሮ የሙሀመድ ሱሩር ማንነት ይጋለጥ ጀመረ ።
ከላይ እንደተገለፀው ሙሀመድ ሱሩር ቤተሰቦቹ የጁ ዉስጥ እንደ ሆኑ ያወራል ( በርግጥ አንዳቸዉም ቤተሰቡ ነኝ ብሎ የመጣ አላዉቅም ) ሰዉየዉ በአንድ ወቅት መርሳ ከተማ ላይ ለትልቅ እስላማዊ ዝግጅት ስንጓዝ ከፊት ወንበር ጋቢና ላይ ተቀምጧል ታላላቅ ዓሊሞችና ጎደኞቼ ከሓላ ተቀምጠን ከካራቲስትነት ከፍ ብሎ በሆነ ጦርነት ( ስሙን ረሳሁት ሀገር ዉስጥ በተደረገ ) ላይ ከሄሊኮብተር ሲወርድ እንደተጎዳ አገግሞ እንደ ዳነ ያወራል ።

ይህ ሰዉ በማበረሰብ ዘንድ ተቀባይነት አገኘ የቁርአን ሂፍዝ ማእከሉ አድራጊ ፈጣሪ ሆነ ሚስትም አገባ ትንሽ ቆይቶ ሀኪም ነኝ የህክምና ት/ት መማር አለባችሁ ብሎ ከመርከዝ ልጆች አምስት ሰዉ መርጦ በጊዜዉ እኔ አብዱራህማን ሱልጧን ዶ/ር አህመድ ኑርየ ኢንጂነር ሙሀመድ ጀዉሀር ( አሏህ ይማረዉ ሁላችሁም ዱዓ አድርጉለት ) ሌሎች ሁለት ወንድሞቼ ረሳሃቸዉ ሁነን ለአንድ ሳምንት መርፌ እንዴት እንሚሰጥ አስተማረን እኔም በሳምንት የመርከዙ ሀኪም ሆኜ እርፍ !።

በጊዜዉ ለህክምና ብዙ ትልልቅ ሰዎች ይመጡ ነበር ቪ B2 ወግቶ በጊዜዉ የማይታመን ብር ነበር የሚጠይቀዉ ለምን የሚለዉም አልነበረም ።

ሚስት የሓላ ሓላ ስቃዪ በዛ ከአንድ የዲን መምህር ነኝ ከሚል ሰዉ የማይጠበቁ ነገሮችን ስታይ ለማን ትናገር ማንስ ያምናታል ።

የመርከዝ ልጆችም ለሁለት መከፈል ጀመሩ የተለያዩ ወንጀሎችን ሲፈፅም ያዮትንና የጠረጠሩትን ልጆች የኢማን ድክመት አለባቸዉ ፡ ጅሀድ ይጠላሉ የተለያዮ ስም እየለጠፈ የመርከዙ ልጆችን ከፋፈላቸዉ በመሀባ እንባ ይራጩ የነበሩ ወንድማማቾች ተኮራረፉ ።

ባጭሩ የወልዲያ ሰዉ ዳዒ አለመሆኑን እየተረዳ ይመስላል ስለዚህ ክትትል ጀምሯል ።

የሚገርሙ ታሪኮች ይቀጥላሉ ወልዲያ የጀመዓዉና የሚስቱ ታሪክ ከቆቦ እስከ ኮምቦልቻ …..።

© Abdurahman Sultan

#ተገድለዋል!!

ሀገራዊ ምክክሩ ሙስሊሙን ያገለለ የተሳታፊ ልየታ እንደተደረገበት ተገለፀ!
…
(ሀሩን ሚድያ፦ግንቦት8/2016፤ አዲስ አበባ )
…
በኢትዮጲያ በመጪው ለሚካሄደው ሀገራዊ ምክክር የሙስሊሙ ቁጥር አነሳ በመሆኑ የተሳታፊዎች ልየታ  በድጋሚ እንዲካሄድ እና በሙስሊሙ በኩል የቀረቡ አጀንዳዎች በሀገራዊ ምክክሩ እንዲካተቱ  የኢትዮጲያ እስልምና ጉዳዮች ጠቅላይ ምክር ቤት ጥሪ አቀረበ።
…
ጠቅላይ ምክር ቤቱ ባቀረበው ጥያቄ የሙስሊሞች ተሳትፎ በሕዝባችን ቁጥር ልክ መሆን ያለበት በመሆኑ የተሳታፊዎችና የአወያዮች ቁጥር በዚሁ መሠረት በኮሚሽኑ "የአካታችነት መርህ መሠረት ጠ/ም/ቤቱ ያቀረበውን የሕዝበ ሙስሊሙ የምክክር እጀንዳዎች ለጉባኤው ለማሰማት፤ ለማብራራት የሚችሉ ተገቢ ቁጥር ያላቸው ሙስሊም ተወካዮች እንዲካተቱ ይቻል ዘንድ የህዝብ ጥያቄዎች ከፍተኛ እየሆነብን በመምጣቱ ሥብጥሩ በፍትሃዊነት እንደገና እንዲቃኝ ለሀገራዊ ምክክር ኮሚሽኑ የበላይ ጠባቂ ለሆኑት  ለፕሮፌሰር መስፍን አርአያ በፃፈው ደብዳቤ ጠይቋል።
…
በኢትዮጵያ የተለያዩ አገራዊ ጉዳዮች ላይ መግባባት ለመፍጠር ይችላል የተባለው የሀገራዊ ምክክር ኮሚሽን በአዋጅ ተቋቁሞ የተለያዩ ተግባራትን ሲያከናውን መቆየቱ የሚታወስ ሲሆን  ኮሚሽኑ ከትግራይ ክልል ውጪ እና ግጭት ባለባቸው የአማራ እና የኦሮሚያ ክልልች አንዳንድ አካባቢዎችን ሳያካትት በ10 ክልሎችን እና የከተማ አስተዳደሮች ለምክክሩ የሚሳተፉ አካላትን ልየታ ቢያካሂድም የሙስሊሙ ቁጥር አነስተኛ መሆኑ ተገልጿል፡፡
…
የኢትዮጵያ እስልምና ጉዳዮች ጠቅላይ ም/ቤት ተወካዮች ከሀገራዊ ምክክሩ "3"ኮሚሽነሮች ጋር  ውይይት ማድረጋቸው የተገለፀ ሲሆን በባለሙያ በተሰጠ መግለጫ ላይም  በተሳታፊና በአወያይ ደረጃ የሙስሊሞችን ተሳትፎ እንዲነገረን ብንጠይቅም ከምክክር ኮሚሽኑ ምላሽ እንዳልተሰጠ በሰጠው መግለጫ ላይ አስታውቋል፡፡
…
ሀገራዊ ምክክር ኮሚሽኑ ውሳኔውን በድጋሚ እንዲያጤነው እና
በኢትዮጲያ እስልምና ጉዳዮች ጠቅላይ ምክር ቤት አማካኝነት የቀረቡ የመስሊሙ አጃንዳዋች እንዲካተቱ እና ህዝበ ሙስሊሙም በቁጥሩ ልክ ተሳታፊ እንዲሆን ጥሪ ቀርቧል።
…
©ሀሩን ሚድያ
https://t.me/Seyfel_Islam

በከተማዎች አብዛኛው ቤቱ እየፈረሰበት ያለው ሙስሊሙ ነው። አላህ ይድረስላቸው ወገኖቻችንን።
አይዟችሁ! ተስፋ አትቁረጡ። አላህ በጀነት ቤት ይተካችሁ። ዱንያ ብትደላም ያው ዱንያ ናት። ሶብር አድርጉ። ነገሮች ነገ ይቀየሩ ይሆናል። ዱንያ እንደሆነች ተለዋዋጭ ናት። ከችግር በኋላ መልካም ነገር አለ። ስንት አያልፍም የተባለ ነገር አልፏል። ይህም ያልፋል ኢንሻአላህ።
=
ቴሌግራም፡
https://t.me/IbnuMunewor

የሀገራዊ ምክክር ኮሚሽን በጎንደር ከተማ እየሰጠ ባለው ስልጠና ላይ ሙስሊሞች እንዳይሳተፉ መከልከሉ ተገለፀ!
...
(ሀሩን ሚዲያ፦ግንቦት 9/2016)
…
የኢትዮጵያ ሀገራዊ ምክክር ኮሚሽን በጎንደር ክላስተር በአጀንዳ ማሰባሰብና ምክክር ላይ የሚሳተፉ የማህበረሰብ አባላትን ለመመልመል የሚያግዙ ተባባሪ አካላት ስልጠና እየሰጠ ሲሆን በጉባኤው ላይ ለመሳተፍ የመጡ ሙስሊሞችን እንዳይገቡ መከልከሉን የሀሩን ሚድያ ምንጮች ገልፀውልናል፡፡
…
የሀገራዊ ምክክር ኮሚሽን በጎንደር ከተማ እየሰጠ ባለው ስልጠና አስመልክቶ "ሀሩን ሚድያ" ጉዳዩን አስመልክቶ ስልክ ደውልን ባጣራነው መረጃ መሠረት የደቡብ ጎንደር ደብረታቦር ከተማ መጅሊስ አመራሮች ስልጠናው ላይ ለመሳተፍ ወደቦታው ቢያቀኑም ከበር እንዳይገቡ እንደተከለከሉ አንስተዋል።
...
ስልጠናውን እየሰጡ ያሉት የሀገራዊ ምክክር ኮሚሽን አመራሮች ምልመላ ያደረጉት ከክልሉ የሀይማኖት ተቋማት ጉባኤ እንደሆነ በመግለፅ የክልሉ መጅሊስ ወክሏቸው ለመሳተፍ የመጡ ሙስሊሞችን አናስገባም ማለታቸውን ለሀሩን ሚድያ ተናግረዋል።
…
በጎንደር ከተማ እየተሰጠ በሚገኘው የጎንደር ክላስተር ተባባሪ አካላት ስልጠና ከ75 ወረዳዎች የተውጣጡ ከ500 በላይ ሰልጣኞች እየተሳተፉ መሆኑ የተገለፀ ሲሆን ነገር ግን የሙስሊሙ ቁጥር አነሳ መሆኑን እና የክልሉ መጅሊስ ባላወቀው መልኩ እንደተደረገ ተገልጿል፡፡
…
ሀሩን ሚድያ ያነጋገራቸው አካላት እንደገለፁት ሙስሊሙን ያላሳተፈ ምክክር ውጤታማ አይሆንም በማለት ሀገራዊ ምክክር ኮሚሽኑ እየሄደበት ያለው መንገድ አግባብ ባለመሆኑ ሙስሊሙን እንዲያካትት ጥሪ አቅርበዋል።
…
©ሀሩን ሚድያ
https://t.me/Seyfel_Islam