❗️Борбордук шайлоо комиссиясы 16-апрелдеги отурумунда Бишкектеги №21 округдан бошогон мандатты Мирлан Жээнчороевге берди.

🚔 "Акжол Махмудов экен". Ошто түнү мушташкан жарандардын видеосу боюнча уруп-сабоого шектүү кармалды

Кечээ, 16-апрелде Ош шаарындагы май куючу станциялардын алдында мушташып жаткан жарандар боюнча кыска видео Инстаграм социалдык түйүнүндө тараган. Иш боюнча аты-жөнү аныкталбай жаткан атуул Т.Э. экендиги аныкталып, кармалды.

Айрым интернет булактарында кармалган жаранды “Акжол Махмудов экен” дешип туура эмес маалымат таратышкан. Бул чындыкка туура келбейт.

➡️ SEREP MEDIA

▪️Кара-Сууда болгон коркунучтуу жол кырсыгында үч айыл башчысы жана дагы бир аткаминер каза болду. Унаа жардан кулап кеткен.

Кырсык кечээ, 20-апрелде Кызыл-Суу айылына барчу жолдо болгон. ИИМдин Жол кыймылынын коопсуздугун камсыздоо башкы башкармалыгынан маалымдагандай, 66 жаштагы А.А. айдап бара жаткан Hyundai Accent унаасы жолдон чыгып кетип, каналга кулаган.

Кырсыктын кесепетинен айдоочу А.А. жана анын үч жүргүнчүсү окуя болгон жерде каза болгон.

Президенттин Ош облусундагы ыйгарым укуктуу өкүл бул кырсыктан Жаңы-Арык айылынын башчысы 64 жаштагы Асамидин Ураимов, Таш-Арык айылынын башчысы 50 жаштагы Абдулазиз Маматалиев, Ак-Терек айылынын башчысы 68 жаштагы Абдисатар Алиев, ошондой эле 49 жаштагы муниципалдык кызматкер Бахтияр Асанов каза болгонун ырастады. Алар жаназага бара жатышкан.

Аманкан Кенжебаев тергөөнүн жыйынтыгы боюнча каза болгондордун үй-бүлөлөрүнө материалдык компенсация берүү маселеси чечилерин белгиледи.

❗️ИИМ: Коррупцияга каршы күрөш системалуу жана ведомстволор аралык мүнөзгө ээ

Акыркы убакта маалымат каражаттарында укук коргоо органдарынын ишин координацияланбаган жана карама-каршы көрүнүш катары чагылдырууга аракет жасаган маалыматтар көбөйүүдө. Бул тууралуу ИИМден маалымдашты.

Ички иштер министрлиги мындай түшүндүрмөлөр иштин чыныгы абалын чагылдырбайт деп белгилейт.

➡️ SEREP MEDIA

❗️УКМКнын төрагасы «Укук коргоо органдарын абийирсиз кызматкерлерден тазалоо боюнча биргелешкен системалуу иши тууралуу» комментарий берди

Бүгүнкү күндө УКМК, ИИМ жана прокуратура органдарынын ортосунда эч кандай тирешүү жок жана болушу да мүмкүн эмес. Бардык укук коргоо органдары мыйзамдын алкагында жана Жогорку Башкы командачы тарабынан коюлган милдеттердин негизинде бирдиктүү байланышта иш алып барышат. Бул жерде мекемелер аралык күрөш жөнүндө эмес, укук коргоо тутумун абийирсиз кызматкерлерден тазалоо боюнча биргелешкен иш тууралуу сөз болуп жатат.

Мыйзам бузгандарга карата эч кандай мекеме тарабынан калкалоо болбойт. Мыйзам баарына бирдей.

➡️ SEREP MEDIA

❗️УКМКнын мурдагы төрагасы Камчыбек Ташиевдин кайрылуусу жарыяланды

“Сиздерге мага карата козголгон кылмыш иши боюнча кайрылууга туура келип жатат. Себеби бүгүн эртең менен маалымат чыккандан бери көптөгөн адамдар тынчсызданып жатканын билдиришүүдө.

Бул кылмыш иши боюнча менин юридикалык жактан толук коргонууга мүмкүнчүлүгүм бар жана Аллахым буюрса, менин эч бир күнөөм жок, акталып чыгам. Кимдин күнөөсү болсо, ал жазасын тартат, ал эми таза болсо акталат. Себеби мамлекетибизде акыйкат сот системасын түзүүгө мамлекет башчыбыздын аракеттери көрүлгөн. Мисалы, 25 адамдан турган «Кемпир-Абадчылар» да акталышты. Ошондуктан баарыңыздарды мыйзамдын чегинде гана болууңуздарды суранамын. Эч кандай коомдук же башка адамдардын кыймыл аракеттеринин зарылдыгы жок деп эсептейм.

Мен үчүн кыжаалат да, кабатыр да болбоңуздар. Ар бириңиздерге чоң рахматымды айтамын, ыраазычылык билдирем. Буюрса, баары жакшы болот”.

☔️ Синоптиктер 10-12-май күндөр аралыгында сел жүрүшү мүмкүн экендигин эскертишти

10-майдан 12-майга чейин өлкөбүздүн тоолуу жана этектериндеги аймактарында аба ырайынын кескин өзгөрүшү күтүлүүдө. Нөшөрлөп жааган жаан-чачынга байланыштуу дарыяларда суунун деңгээли көтөрүлүп, сел жүрүү коркунучу бар.

Калкка эскертүү:
Майрам күндөрү жана эс алуу учурунда коопсуздукту биринчи орунга коюңуз;
Мүмкүн болсо, тоолуу жана этектериндеги аймактарга баруудан баш тартыңыз;
Дарыялардын жээктеринде жана капчыгайларда эс алууну убактылуу токтотуңуз;
Нөшөрлөгөн жаан жааган учурда, тоолуу жолдор менен жүрүүдөн алыс болуңуз.

🕌 26-май арапа күнү, 27-май (шаршемби күнү) Курман айт майрамы деп белгиленди. Бул тууралуу Муфтияттан кабарлашты.

📍Аксыда сел көпүрөнү агызып, жол убактылуу жабылды

➡️ SEREP MEDIA

🚫 Айдоочуларга эскертүү: Таш-Көмүр – Кербен унаа жолунун 14-чакырымында нөшөрлөп жааган жамгырдын кесепетинен сел жүрүп, көпүрө жарактан чыкты. Учурда Таш-Көмүр – Кербен унаа жолу убактылуу жабылды. Жеринде калыбына келтирүү жана оңдоо иштери жүргүзүлүүдө.

⚡️Манас шаарына өзгөчө кырдаал режими киргизилди

24-май күнү саат 23:40 чамасында жааган нөшөрлүү жаандын кесепетинен Манас шаарындагы турак үйлөрдүн жана чарбалык курулмалардын короолорун сел суулары каптаган. Алдын ала маалымат боюнча, 27 турак үйдүн короосун суу каптап, 4 үйдүн ичине жана 1 үйдүн жер төлөөсүнө суу кирген. Ошондой эле 7 көп кабаттуу турак үйдүн короолоруна жана жер төлөлөрүнө сел суулары кирген.

Жеринде таңкы саат 04:00 штаб уюштурулуп, Манас шаарына "өзгөчө кырдаал" режими киргизилди.