رياضيات
بالنسبة لي من أحلى المواد و أسهلها لانه الاسئلة ثابتة و نادرًا يغيرون مرات يجيبون نفس المسائل بالارقام و الموضوعي نادرًا حيل يغيرونه
٤ وحدات سهالات بس اول وحدة فيها وايد افكار يعني لازم تفرقون بين المسائل و تعرفون كل مسألة شلون طريقة حلها و هالشي ينطبق حتى عالكورس الثاني بصراحة الي فادني و خلاني اعرف افرق بين المسائل هما شغلتين ١- التدرييييييببببب ٢- أستاذ زاهر الله يعطيه العافية كان يسوي فيديوهات يعلمنا شلون نفرق بين المسائل و الافكار الي بالدرس كنت اسمع الفيديو و اسجل الافكار و اطبقها لما اجي احل تدريبات او اختبارات
الموضوعي كنت اطبع مذكرة علا للموضوعي و لما اتابع شرح الموضوعي اكتب خطوات الحل عشان لما ارجع ادرس الدرس مرة ثانية ما اضيع وقتي و ارجع اشوف الفيديوهات مرة ثانية لا بس مجرد اقرا الخطوات الي كتبتها و اطبقها بروحي واذا توهقت وقتها اشوف الفيديو
طريقة دراستي لها باختصار : كنت شبه ادرسها اول باول و لما يجي وقت الاختبار القصير امسك مذكرة علا و احلها بروحي (بعد ما اكون شايفة الفيديوهات اصلًا) و احل الموضوعي و علا يسوون نماذج للاختبارات القصيرة اذا عندي وقت احلهم
وقت الفاينل لما اسوي جدول الفاينل اول شي ابلش فيه هو الرياضيات اخلص الجزئية الي مو دارستها "غالبًا تكون جزئية ما بعد القصيرين" و قبل الاختبار ب ١١ يوم او ١٠ ايام ارجع احل مذكرة علا مرة ثانية كل درس مع الموضوعي ماله و كراسة التمارين (عشان اكون صريحة معاكم ترا مو مهم تحلونها لانه اصلًا مذكرة علا فيها كل الافكار الي بالدرس و لكن انا احلها عشان اثبت معلوماتي و اكون تدربت و حليت وايد) بعدها احل نماذج علا الي هي اصلًا نماذج سابقة ترا و لكن شايلين الملغي و الاخطاء و حاطين اهم الاسئلة

الأحياء
مادة حلوة كيوتة تعتمد على الفهم و الحفظ ، خذوها قاعدة ما راح تقدر تحفظ معلومة بدون ما تفهمها ، انتبهوا للمعلومات الي بين الاسطر لا تاخذ بس المعلومات البارزة و الواضحة و تترك المعلومات الفرعية لانها ممكن تكون موضع سؤال بالاختبار صح و غلط او أكمل ، انا كنت ادرس من علا و مذكرة علا بس اخطط بالكتاب يعني هي نفسها الاسئلة الي بالمذكرة بس انقلها بالكتاب و صج فادتني لانه قلت لكم في اسئلة يحطونها كصح و غلط و هي تكون بين الاسطر او ببداية فقرة فما انتبه لها الا لما ادرس من المذكرة و الاقيها موجودة 😭 (تقدرون توفرون على نفسكم و تدرسون من المذكرة على طول بس انا احب التخطيط و اعجن الكتاب دوائر 😭) و مرات بعد اسجل صوت او فيديو وانا اشرح حق نفسي جزئيات
البنك جدًا مهم اي نعم طويل بس حيل مفيد و يثبت المعلومات مو بس مهم للفاينل حتى للقصير مرات الابلات يجيبون منه يعني بصراحة انا وقت القصير اقرأه قراءة ما احله بايدي بس وقت الفاينل لا احله بايدي بس الاسئلة المقالية الي فيها وايد كتابة اسمعها لنفسي مالي خلق اكتب🤭
طريقة دراستي باختصار علا و البنك و احل نماذج علا للفاينل

الفيزياء
الكورس الاول شوي ثقيل صراحة فيبيله مخ شغال و اكثر شي بيفيدكم بالدراسة انه تجمعون المعلومات المتشابهة او تحسون تلخبطون فيها بورقة او بالمذكرة نفسها الي تدرسون منها ، و طبعًا البنك مهم و حل الاختبارات
انا صراحة معتمدة لدراسة هالمادة مذكرة علا + البنك + نماذج علا مالت الفاينل
و حتى وقت الاختبارات القصيرة حلوا البنك لانه في ابلات يجيبون منه الاسئلة
و في مذكرة التدريبات مالت علا ما حليتها الكورس الاول بس حليتها الكورس الثاني و صج حيل حيل فادتني حليتها وقت العطلة بس ساعدتني بتثبيت معلوماتي ندمت اني سحبت عليها الكورس الاول 😭 الفيزيا كثرة الحل تخليكم متمكنين من المادة اكثر خصوصًا الاسئلة الموضوعية و هم في مذكرة المراجعة النهائية مالت علا موجودة للفيزيا و الكيميا و الاحياء يجمعون فيها كل التعاريف و علل وماذا يحدث و القوانين و جداول المقارنة حيييل احب اراجعها ليلة الاختبار و الصبح قبل الاختبار خيااال

الكيميا
اذا كنتوا متعقدين من كيميا ١١ نفسي فكيميا ثاني عشر جبر خااااااطر وايد وايد سهلة و تافهة خصوصًا الكورس الاول كنت ادرس من مذكرة علا + الزبدة للمراجعة + نماذج علا للفاينل و القصير

يعني ما تحلين البنك ؟؟؟!!!! اي ما احل البنك 🥰 الكيميا بروحها ثقيلة دم اروح احل البنك بعد !! لا شكرًا 🙂‍↔️ كان اعتمادي طول الكورس على مذكرة علا لانها شاملة و فيها كل الاسئلة ++++ اهم اسئلة البنك ، أستاذ معاذ الله يعطيه العافية حاط كل شي بالمذكرة بحيث ما يشتتنا بكثرة المصادر فأحل اهم اسئلة البنك الي تكون نهاية كل درس و اعتبر خلاص حليته و الزبدة هم احبها صراحة وقت اجي ادرس للفاينل او ليلة الاختبار يعني حلوة للمراجعة و نماذج علا للفاينل عاد خيال خيال خيال بالنسبة لي اقوى نماذج هي اصلًا النماذج السابقة ترا يعني مو الاستاذ مخترعها بس معدل عليها شايل الملغي و الاخطاء المطبعية و استبدلها بأهم الاسئلة من البنك و المتكرر بشكل عام الدروس سهلة ما كان في درس صراحة يستاهل اني اقعد اسولف عنه يعني سهالات لا تحاتون انا الفاشلة بالكيميا عديته

اللغة العربية
مادتي المفضلة و احلى مادة بالثانوي احبها احبها احبها اموت عليها و متى حبيتها لما عرفت كل جزئية بالمادة شلون ادرسها صح ما ودي حيل اطول لانه انا اصلًا مفصلة المادة بملفات سابقة ارسلتها و برسلها لكم بس بقولكم على ابرز الاشياء الي ساعدتني اني اقفل المادة
١- الفهم و الاستيعاب : بالاسئلة المقالية لا تصيرون بخيلين ولا تشطحون بالاجابة وايد ، يعني اقروا السؤال و اكتبوا الاجابة الي فاهمينها و زيدوا بس اهم شي لا تكتبون اشياء مالها علاقة بالسؤال
٢- النحو : اذا ما حليتوا اسئلة و تدريبات على النحو فلا تروحون عالاختبار اقعدوا بالبيت ☺️ اهم شي التدريب انا خلال الكورس كنت احل تدريبات مذكرة علا و وقت عطلة الفاينل كنت اشوف فيديو انقاذ النحو فالأستاذ حل اختبارات سابقة كنت احلهم بروحي بعدها اشغل الفيديو اتأكد من الحل و كنت احل نماذج علا ليلة الاختبار ، كل ما حليتوا اكثر كل ما تمكنتوا من الدرس اكثر بس بليز لا تجيبون اسئلة من مذكرة ما ادري شنو مصدرها ولا اختبارات غريبة و توترون نفسكم ، حلوا اختبارات سابقة او اذا تدرسون من مذكرة ثقة حلوا التدريبات الي فيها
و من الاشياء الي حيل ساعدتني صراحة بالنحو اني انا كنت اسوي ملخصاتي بايدي وانا اتابع الشرح معاي ورق a4 اكتب عليهم و اذا قال الاستاذ ملاحظة ولا مثال مهم اكتبه بلون معين ، اي تاخذ وقت لدرجة وقت القصير يأذن الفجر وانا لسا قاعدة اختار الوان اكتب فيهم 😭 بس وناسة احب ملخصاتي لانه بالامتحان اتذكر اني كاتبة هالمعلومة باللون الفلاني او بمربع بالصفحة
٣- البلاغة : حفظ حفظ حفظ و فهم ، هم كنت اسوي ملخصات للبلاغة كنت اكتب كل الامثلة الي يقول عنها الاستاذ و في امثلة تكون مكتوبة بالبور مال المدرسة مهمة حق القصير اكثر من الفاينل ، و هم لازم تحلون تدريبات بس الحلو بتدريبات البلاغة انه الامثلة ثابتة فراح تحلونها بسهولة و بسرعة انا كنت احل مذكرة علا و اختبارات علا واذا في وقت اشوف ملف مجمعينه حق اختبارات سابقة نحو و بلاغة احلهم بعد
٤- التلخيص و التعبير : والله ما ادرسهم يعني بس اعرف الاساسيات و بالاختبار اهم اهم اهم شي والي صج ساعدتني انه تلخيصي او تعبيري يكون شكلهم مرتب وما انقص فيه اني مستحيل مستحيل مستحيل احل على طول و اكتب التعبير على طول بورقة الاجابة زين شنو اسوي؟؟؟ بأي صفحة بيضا بورقة الاختبار (بس ما تكون الصفحة البيضا المقابلة لورقة سؤال التلخيص او التعبير)
التلخيص : اقرأ الفقرة و اطلع الافكار الي موجودة بكل فقرة بعدها عاد انتوا و شطارتكم شلون تنسقون التلخيص طبعًا مع الالتزام بأسس التلخيص و ترا عادي مو من اول مرة التلخيص يكون زين او ضابط انا اكتب اجابتين ثلاثة لين احس انه خلاص هذا التلخيص المناسب اقوم عاد انقله بورقة الاجابة
التعبير : نفس الشي تقريبًا اعصر مخي و اطلع كل الافكار الي مناسب اني اكتبها بالتعبير بعدها عاد ابلش فقرة فقرة مثلًا فقرة المقدمة اكتبها بالصفحة البيضا ممكن اشطب ممكن اغير فيها لين خلاص اتأكد انه الفقرة هذي تمام و انقلها عاد بصفحة الاجابة و اسوي چذي مع كل الفقرات
بهالطريقة التلخيص و التعبير يكون شكلهم مرتب و منظم و مافي شخابيط و اخطاء حتى المصحح بيعرف انكم خوش طلاب و ان شاء الله درجة كاملة
شنو مصدري للدراسة ؟ عُلا أستاذ محمد سلامة ، ثلاث سنين ادرس منه و صج توب توب توب شرحه خيالي الأستاذ حيل مبدع بكل شي ! حتى لو الدرس طويل هو يخلي سهل و بسيط
لما تجون تراجعون ليلة الاختبار او وقت عطلة الفاينل انا هاي كانت طريقتي
الفهم و الاستيعاب من مذكرة علا الاساسية
الثروة اللغوية من تجميعة الثروة مالت عُلا
التذوق الفني و العلاقات و الدلالات من التجميعات مالت علا
النحو و البلاغة من ملخصاتي (و النحو شفت فيديوهات انقاذ النحو خيال)

اللغة الانجليزية
بصراحة انا مستواي باللغة زين و متأسسة فيها عدل فممكن طريقة دراستي ما تناسب الكل
الكلمات : احفظ معنى كل كلمة و احل البنك كتثبيت لحفظي

القواعد : ادرسهم من علا و اسوي لي بعد ملخصات و احل البنك بعد عشان اتأكد اني فاهمة القواعد و وقت الفاينل في ملف فيه اسئلة مسويته أبلة لها قناة اسمها madleen nabil لها ملف فيه اسئلة عالقواعد احلها ليلة الاختبار حلوة بعد
الترجمة : من البنك بعد اترجم بروحي بدون ما اشوف نموذج الاجابة و اكتب ترجمتي ل chat gpt يصحح لي اخطائي
السيت بوك : في ملف بعلا اسمه UULA’s Setbook Bank احفظه و افهمه عدلللل لانه بيساعدني بسؤال السيت بوك و التعبير و الترجمة بعد
معتمدته كمصدري لدراسة السيت بوك لانه السؤال مكتوب بأكثر من طريقة عشان اذا جتني اي صيغة بالاختبار انا اكون عارفة و مترجمين الاسئلة و الاجابات فاحفظ وانا فاهمة شنو المكتوب و بعد طريقة الاجابة محطوطة على شكل نقاط بحيث اذا جا هالسؤال كتعبير يكون بعد عندي افكار للتعبير
التعبير : ما دام حفظت السيت بوك فأموري تمام بالتعبير و اقعد بعد اقرا تعابير من اي ملف الاقيه قدامي عشان بس اثبت المعلومات
المواقف : صراحة ما ادرسها اروح اتفلسف بالامتحان 🥰 بس اهم شي تكونون عارفين الاساسيات و الاخطاء الي لازم تتجنبونها
لما اكتب التعبير و التلخيص اسوي نفس طريقة العربي اكتب باي صفحة بيضا التلخيص و التعبير و لما اتأكد انه خلاص اموري تمام و هاي الاجابة الصح انقلها بورقة الاجابة

التربية الإسلامية
حفظ و فهم كنت ادرسها من الكتاب اخطط و اكتب اسئلة و كنت استعين بمذكرة عُلا عشان اتأكد اني كاتبة كل الاسئلة و مخططة الدرس عدل ، جداول المقارنة جدًا مهم تسوونها اذا كان في معلومات متشابهة عشان ترتبون افكاركم و تفرقون بين المعلومات وما تتلخبطون
بالاسئلة المقالية بالاختبار عادي اكتبوا كل الي تعرفونه اذا توهقتوا تصحيح الاسلامية حيل كيوت

وايد قرقرت لدرجة التلقرام نفسه ارسل الكلام على رسالتين مو رسالة وحدة😭
بس صج حاولت قد ما اقدر اكتب كل شي ان شاء الله تستفيدون
واذا عندكم اي سؤال حياكم الله بأي وقت❣️❣️

ملف المقبولين بجامعة عبدالله السالم .. بشرووني؟

جهزتوا رغبات جامعة الكويت 👀؟

السستم مبطل تقدرون تدشون من الحين بس ممكن يعلق معاكم عشان عليه ضغط ..

‏استعمل هذا الرابط للانضمام إلى مجموعتي في واتساب: https://chat.whatsapp.com/DlpqvzW9CoEEF5MqGcMeU9

*السلام عليكم ورحمة الله وبركاته*


*القــروب لـطـلاب صـف 12🎓*
SENIOR 2027🎓.

قروب خاص للطـلاب 12
✅️ مذكرات وملاخصات
✅️ اخبار لطـلاب 12 للتـخرج
✅️ تــوقعــات للفاينل
✅️ خطة متكاملة لكل مادة ودراستها
✅️ اعطيك خطة شاملة لنسـبة 97%
✅️ أعطيكم أفضل نخبـة مـدرسين
✅️أفضل مـصدر دراسـي
✅️ أفـضل ترنـدات للتخرج
✅️ أفـضل فعاليات للتخرج
✅️أفـضل جـدول دراسـي للتفوق


* *نكون معك من البداية لنهاية تخـرجك🎓🌼*

*قـروب للمنقاشات والدرشـة
بين الطلاب والمعلمين*
https://chat.whatsapp.com/FSMKBZc5hmK964lvl
IPAtZ?s=cl&p=a&ilr=4


جمعت لكم جميع ملفات المواد الكورس الاول بقروب واحد:
• مذكرات
• أوراق عمل
• ملفات المواد
• اختبارات ومراجعات
• مراجعات الفاينل
📌 وكل جديد راح ينزل أول بأول.
القـناة :
https://t.me/lli8kn
*قـناة لجميع طلاب ثانوية العامة*

https://t.me/sneour27

انـسـتا💎:
https://www.instagram.com/noor.sn27?igsh=MTU3NGs4bDQ5M244aw==

تـيـك تـوك💎:
http://tiktok.com/@lli8kn
*قـروب دعاء وآذكـار*

https://chat.whatsapp.com/EjYHem04YkcLLzwq0iBcsh?s=cl&p=a&ilr=4

*الـنـشر بـجمـيع القـروبات، والأصدقاء، الدال على خير كفاعله*

🌼🌼🌼🌼🌼🌼🌼🌼🌼🌼🌼

قروب روعة يفيدكم بإذن الله يا دفعة ٢٧

قدرات التطبيقي …

محتوى اختبار العلوم

احياء ١٢ (الكورسين)

منهج الكيمياء للثانوية كاملة (من عاشر ل١٢) كورس اول وكورس ثاني كله داخل معاكم

https://www.tiktok.com/@assny30?_r=1&_t=ZS-98GXl6xBNFw


الي عندهم عيال أو اخوان بأولى او ثانيه ابتدائي ويبون يأسسون عيالهم باللغة العربية وتحفيظ للقران مع التجويد وتأسيس للرياضيات

المعلمة خبرة 14 سنة بالمجال ومتأكد راح تفيد عيالكم وانتوا تدرون انا ما ارسل اي شي الا اكون متأكد منه ..

وقولوا لها من طرف عبدالله المرزوق وراح تضبطكم ان شاء الله 🤍🤍

مبروووك القبول🥹❤️

السوريين
مين فيكم ناوي عالتحضيري ؟
او بيعرف حدا ناوي عالتحضيري ؟

السلام عليكم ورحمة الله وبركاته خريجينا دفعة ٢٧
شلون القدرات معاكم ؟ 🙂‍↔️