Электр ҳисоблагичлар истеъмолчилардан ортиқча киловатт учун пул олгани қайд этилмаган. Ижтимоий тармоқда тарқатилган хабарлар мутлақо асоссиз — Энергетика вазирлиги

Шунингдек, вазирлик тасдиқланмаган хабарларни тарқатганлик учун қонунчиликда жавобгарлик борлигини эслатиб ўтган.

Telegram | Instagram | Facebook

“Маънавият фестивали” ҳудудлар бўйлаб йўлга чиқди

Биз билан бирга, бирлашиб, юқори кайфиятда фестивалда қатнашинг!

Telegram | Instagram | Facebook

Банкдан пул ўғриламоқчи бўлганлар ушланди

Кибержиноятчилар дастлаб банк ҳисоб рақамларида ҳамда банк иловасига уланган фуқароларнинг пластик карталарида сақланаётган жами 370 млрд сўм маблағни хакер жалб қилган ҳолда ўғирлашни, кейин эса оффшор ҳудудлар орқали чет элдаги танишларига тегишли ҳисоб рақамларга ўтказишни режа қилишган.

Telegram | Instagram | Facebook

❗️ Бюджет маблағларининг молиявий назорати кучайтирилади

Ҳозирги тизимда фақат бюджет ва мақсадли жамғармалар харажати ташқи аудит билан қамраб олинган. Бу жами харажатларнинг 86 фоизини ташкил этади.

Шу боис Ҳисоб палатаси томонидан консолидациялашган бюджет ижросини ташқи аудитдан ўтказиш таклиф этилмоқда. Бу бюджетдан ташқари жамғармалар ҳамда ташқи қарз ҳисобидан харажатларни ҳам қамраб олиш имконини беради.

Сўнгги йилларда ҳудудлар ривожига катта маблағлар йўналтирилаяпти. Лекин маҳаллий кенгашлар бюджет муҳокамасида асосан вилоят ёки туман бюджети билан чекланаяпти. Бу – ҳар бир ҳудудга барча манбалардан берилаётган маблағларнинг 65-70 фоизи уларнинг назоратидан четда қолаяпти, дегани.

Шу боис Ҳисоб палатаси бюджет жараёнини нафақат Олий Мажлис палаталарида, балки маҳаллий кенгашларда ҳам муҳокама қилиб бориши кераклиги қайд этилди.

Telegram | Instagram | Facebook

“Ўзавтосаноат” акциядорлик жамияти бошқаруви раиси Улуғбек Розуқулов BYD компанияси билан В, С ва бюджет автомобиллари сегментидаги автомобиллар ишлаб чиқариш бўйича келишувларга эришилганини маълум қилди.

Уларнинг биринчи намуналари хитойлик ҳамкорлар томонидан замонавий стандартлаштириш тизими синовларини ўтказиш учун лабораторияларга топширилди.

Telegram | Instagram | Facebook

Олий таълим муассасаларига кириш имтиҳонлари 14 июлдан 25 июлга қадар ўтказилади.

Тест синовлари кунига 2 сменада ташкил этилади. 1-смена соат 08:00 да, 2-смена 15:00 да бошланади.

Абитуриентлардан тест синовлари бошланишидан камида бир ярим соат олдин белгиланган ҳудудга етиб келишлари талаб этилади.

Эслатиб ўтамиз, тест синовларида иштирок этиш учун онлайн рўйхатдан ўтган абитуриентларга “Абитуриент рухсатномаси” my.uzbmb.uz сайти орқали берилмоқда.

Telegram | Instagram | Facebook

Маънавият ва маърифат маркази “Ўзбекистон тарихи” телеканали билан ҳамкорликда буюк тарихимизни ёш авлодга етказишга қаратилган янги лойиҳаларни бошлади.

Шулардан бири – “Буюк саркардаларимиз” ҳақида. Улар тарихимизда катта ўрин тутган, бироқ бу ҳақида етарлича билмайсиз ҳам.

Ёшларга қизиқарли тасвирлар сунъий интеллект ёрдамида яратилди.

Бугун мактабда Ўзбекистон тарихи дарсини ўқиш билан бирга, бу каби қўшимча маълумотларни билиш ҳам фойдали ҳам қизиқарли бўлиши табиий.

Тарих дарси ўқитувчиларига методик ёрдамчи бўлиши учун лойиҳа мактаб дарсликларига қўшимча тарзда маълумотлар билан бойитилиб, тизимли ва кўп сонли бўлиши билан аҳамиятлидир.

Telegram | Instagram | Facebook

“Маҳалла еттилиги” вакиллари ҳар чоракда фуқаролар олдида ҳисобот беради

Вазирлар Маҳкамасининг 13.06.2024 йилдаги 334-сонли қарори қабул қилинди.

Ҳужжат билан жамоатчиликни маҳалла еттилиги аъзолари томонидан амалга оширилаётган ишлар тўғрисида хабардор қилиш тартиби тасдиқланди.

Еттиликнинг ҳар бир аъзоси ўз фаолиятининг барча йўналишлари бўйича батафсил ҳисобот беради. Ҳисобот фуқаролар йиғинида ҳар чорак якуни бўйича кейинги ойнинг 10-санасигача эшитилади.

Шунингдек, Қарор билан кўчабоши ва уйбошилар фаолиятини ташкил этиш тартиби тўғрисидаги намунавий низом тасдиқланди.

Telegram | Instagram | Facebook

Шайх Нуриддин Холиқназар ҳазратлари:

Фарзандларимизга эътибор бермасак, бизни дунёи охиратда қийинчилик кутмоқда, чунки бола-чақа бизга омонат берилган.

Telegram | Instagram | Facebook

Учтепа тумани ҳокими Фарҳод Абдуллаев лавозимидан озод этилди

Фарход Абдуллаев “Ўзбекистон технологик металлар комбинати” АЖ раиси этиб тайинланди. Президент қарори билан “Олмалиқ КМК” АЖ таркибидаги “Нодир металлар ва қаттиқ қотишмалар” илмий ишлаб чиқариш бирлашмаси негизида шу комбинат ташкил этилган эди.

Учтепа тумани ҳокими вазифасини биринчи ўринбосар Жамшид Алимжонов вақтинча бажариб туради.

Telegram | Instagram | Facebook

Энди камбағалликни қисқартириш ва ижтимоий ҳимоя битта, яъни Ижтимоий ҳимоя агентлиги тизимида бўлади – Президент

Telegram | Instagram | Facebook

“Водил” ва “Оқ-қия” чегара ўтказиш пунктлари халқаро мақомга эга эмаслиги боис хорижий туристлар Шоҳимардон ва Ёрдонга Ўш орқали айланиб келишига тўғри келмоқда. Бу масала ҳал бўлса, тадбиркорлар ушбу 2 та қишлоққа 100 миллион доллар инвестиция киритишга тайёр.

❗️ Бу борада қўшни мамлакат билан тегишли музокаралар олиб борилаётгани маълум қилинди.

Telegram | Instagram | Facebook

“Тошкент – Андижон” йўналишида йўловчи поезди Қувада ҳам тўхтаб ўтади.

Telegram | Instagram | Facebook

Энди фоизсиз таълим кредити фақат кундузги таълим шаклида ўқийдиган хотин-қизларга берилади

Президентнинг Фармони (27.05.2024 йилдаги ПФ-82-сон) билан 2022 йил 18 июлдаги ПҚ-323-сонли қарорга ўзгартириш киритилди. Унга кўра, эндиликда фақат кундузги таълим шаклида ўқиётган хотин-қизларга имтиёзли фоизсиз таълим кредити берилади.

❓Кредит кимларга берилади?
➖ Ўзбекистондаги барча олий таълим муассасалари талабаларига (давлат, хусусий ва хорижий ОТМлар филиаллари);
➖ ўрта махсус ва профессионал таълим муассасалари ўқувчиларига (техникум, касб-ҳунар коллежи ва ҳ.к.).

❓Қайси таълим шаклига берилади?
➖ Кундузги;
➖ Сиртқи;
➖ Кечки.

Масофавий таълимга берилмайди.

❓14 фоизда берилар экан-ку, нега фоизсиз дейиляпти?
➖ Тўғри, таълим кредити аслида 14 фоизлик ставкада берилади. Аммо бу фоиз қисмини хотин-қизлар тўламайди, давлат тўлаб беради.

❓Тўлаш қачондан бошланади?
➖ Таълим кредитининг асосий қисми талабанинг расмий ўқиш муддати тугагандан сўнг еттинчи ойдан бошлаб (яъни олти ой ўтиб) 7 йил давомида қайтарилади.

❓Қандай ҳужжатлар керак?
➖ банкка ариза;
➖ шахсни тасдиқловчи ҳужжат;
➖ таълим муассасаси билан тўлов-контракт шартномаси;
➖ талабанинг доимий даромад манбаига эга бўлган оила аъзолари ва бошқа учинчи шахс биргаликда қарз олувчи сифатида таълим кредити қайтарилишининг таъминоти бўйича ҳужжат.

❗️“Ижтимоий ҳимоя ягона реестри”га кирган оилаларнинг хотин-қизларига ажратиладиган таълим кредитлари учун гаров ва кафилликлар талаб этилмайди.

Telegram | Instagram | Facebook

Иккита янги университет ташкил этилади

❗️ Ҳозир Сурхондарёда Термиз муҳандислик-технология институти ҳамда Термиз агротехнологиялар ва инновацион ривожланиш институти бор. Уларни йириклаштириш орқали Термиз давлат муҳандислик ва агротехнологиялар университетини ташкил этиш режалаштирилмоқда.

Янги университетда Илғор муҳандислик мактаби ташкил этилади. Унга билими юқори талабалар танлов асосида олиниб, амалиётга йўналтирилган махсус таълим дастурлари асосида ўқитилади.

❗️ Тошкент шаҳрида Америка технологиялар университети очилиши кутилмоқда.

Унинг фаолияти 2024/25 ўқув йилидан бошланади. Университетда муҳандислик, архитектура ва дизайн, ахборот технологиялари, соғлиқни сақлаш, иқтисодиёт ва молия, халқаро муносабатлар соҳалари учун кадрлар тайёрланади. Битирувчиларга Aризона давлат университети ёки АҚШда тан олинадиган ҳамкор хорижий университетнинг дипломи берилади.

Telegram | Instagram | Facebook

Депутатлар Маъмурий жавобгарлик тўғрисидаги кодексга тегишли ўзгартишлар киритиш тўғрисидаги қонунни қабул қилди.

Унга кўра:

➖Автоматлаштирилган фото ва видео қайд этиш техника воситалари орқали йўл ҳаракати қоидалари бузилганлиги қайд этилган ҳолларда транспорт воситасининг мулкдори тўғрисида маълумот мавжуд бўлмаса, шунингдек махсус автоматлаштирилган фото ва видео қайд этиш техника воситалари орқали қайд этилган йўл ҳаракати қоидалари бузилишига оид маълумотлар жарима солиш тўғрисида қарор чиқаришга ваколатли бўлган мансабдор шахсга (яъни ҳуқуқбузарга эмас) 48 соат ичида юборилмаган бўлса, ишни кўриб чиқиш тугатилади.

➖Скутер ва бошқа индивидуал ҳаракатланиш воситаларини бошқарувчилар ҳам велосипед ҳамда мопедлар ҳайдовчиларига тенглаштирилиб, уларни бошқариш вақтида содир этилган ҳуқуқбузарликлар учун жарима тўланади.

➖Тез тиббий ёрдам ва ёнғин-қутқарув бўлинмалари транспорт воситалари томонидан йўл қоидаси бузилиши фото ва видео радарларда қайд этилган бўлса, улардан ўша пайтда хизмат вазифаларини бажарганлигини тасдиқловчи ҳужжатлар талаб қилиш амалиёти бекор қилинмоқда.

Қонун иккинчи ва учинчи ўқишда қабул қилинди.

Telegram | Instagram | Facebook

❗️ Қонунчилик палатаси депутатлари томонидан қабул қилинган Қонун лойиҳасига кўра, Жиноят-процессуал кодекс ҳамда “Судлар тўғрисида”ги Қонунга қуйидагиларни назарда тутувчи ўзгартириш ва қўшимчалар киритилмоқда:

— жиноят содир этганликда айбланаётган шахс унинг айби қонунда назарда тутилган тартибда ошкора суд муҳокамаси йўли билан исботланмагунча ва суднинг қонуний кучга кирган ҳукми билан аниқланмагунча айбсиз деб ҳисобланиши;

— гумон қилинувчига, айбланувчига ва судланувчига ўзини ҳимоя қилиш учун барча имкониятларни таъминланиши;

— айбдорликка оид барча шубҳалар, агар уларни бартараф этиш имкониятлари тугаган бўлса, гумон қилинувчининг, айбланувчининг, судланувчининг ёки маҳкумнинг фойдасига ҳал қилиниши кераклиги;

— гумон қилинувчи, айбланувчи ёки судланувчи ўзининг айбсизлигини исботлаши шарт эмаслиги ва исталган вақтда сукут сақлаш ҳуқуқидан фойдаланиши мумкинлиги;

— ҳеч ким ўзига ва яқин қариндошларига қарши гувоҳлик беришга мажбур эмаслиги;

— агар шахснинг ўз айбини тан олганлиги унга қарши ягона далил бўлса, у айбдор деб топилиши ёки жазога тортилиши мумкин эмаслиги;

— шахснинг судланганлиги ва бундан келиб чиқадиган ҳуқуқий оқибатлар унинг қариндошлари ҳуқуқларини чеклаш учун асос бўлиши мумкин эмаслиги.

Telegram | Instagram | Facebook