Маъмурий жавобгарлик тўғрисидаги кодексга киритилган қўшимчаларга кўра:

➖ Иккиламчи ижарага олган ижарачилар томонидан қишлоқ хўжалигига мўлжалланган ер участкаларининг дала четларидаги канал, суғориш ва коллектор-дренаж тармоқлари атрофидаги қишлоқ хўжалиги маҳсулотларини етиштириш белгиланган майдонларида ва муддатларда мақбул экин экилмаганлиги БҲМнинг 1 бараваридан 3 бараваригача миқдорда жарима солишга сабаб бўлиши белгиланди.

Солиқ кодексига киритилган қўшимчаларга кўра, Ўсимликлар карантини ва ҳимояси агентлиги юқорида келтирилган майдонларда:

➖ ҳар йили 1 майгача мақбул экин экилмаган ер участкаси ва уларнинг мулкдорлари (эгалари) тўғрисидаги ахборотни давлат солиқ органларига реал вақт режимида, электрон шаклда тақдим этиши шартлиги кўзда тутилди. Мазкур ахборотга асосан ер участкасининг мақбул экин экилмаган қисми учун жорий йилги ер солиғи ставкаси 3 баравар миқдорда оширилган ҳолда ҳисобланиши белгиланди.

Telegram | Instagram | Facebook

❗️ Зарарни қопламагунча фирибгарларни жазодан эрта озод қилиш тақиқланиши мумкин

Бу кўзда тутилган қонун лойиҳаси депутатлар томонидан қабул қилиниб, Сенатга юборилди.

Қонун лойиҳаси билан Жиноят кодекси ўзлаштириш ёки растрата йўли билан талон-торож қилганлик, фирибгарлик учун ҳукм қилинган ва жиноят туфайли етказилган зарарнинг ўрнини тўлиқ қопламаган шахс жазодан муддатидан илгари шартли равишда озод қилинмаслигини назарда тутувчи норма билан тўлдирилмоқда.

Шунингдек, Жиноят кодекси коррупцияга оид жиноятлар атамаси билан тўлдирилиб, у билан 19 та турдаги жиноий қилмишлар коррупцияга оид жиноятлар ҳисобланиши белгиланмоқда.

Telegram | Instagram | Facebook

❗️“Янги авлод тадбиркорлари” дастури ишга туширилади

“Янги Ўзбекистон ёшлари – 2030” стратегиясини 2026–2027 йилларда амалга ошириш ҳамда ёшлар бандлигини таъминлаш бўйича қўшимча чора-тадбирлар тўғрисида”ги Президент қарори (ПҚ–148-сон, 20.04.2026 й.) қабул қилинди.

Қарорга кўра, 2030 йилга қадар 20 минг нафар ёшларни тадбиркорликка ўқитишга мўлжалланган Ёшлар ишлари агентлигининг “Янги авлод тадбиркорлари” дастури ишга туширилади, унга кўра:

🔹 маҳаллий ва хорижий экспертлар (консультантлар) ҳамда хусусий сектор билан шартнома асосида ҳамкорлик қилинади, “Янги авлод тадбиркорлари” дастури доирасида ўқитиш учун ёшлар саралаб олинади;

🔹 Дастури доирасида бизнес лойиҳасини ишлаб чиқиш, сотувга чиқиш ва бозорни кенгайтириш каби йўналишларни қамраб олувчи тадбиркорлик асослари бўйича билимлар бериб борилади;

🔹 лойиҳа якунида ёшларнинг билимлари синовдан ўтказилиб, ижобий ўзлаштириш кўрсаткичларига эришган энг яхши 1 минг нафар ёшларга Ёшлар ишлари агентлигининг сертификати берилади;

🔹 сертификатга эга бўлган ёшларга БҲМнинг 500 бараваригача миқдорда Марказий банк асосий ставкасининг 50 фоизи миқдоридаги фоиз ставкасида 6 ойлик имтиёзли давр билан 3 йилгача муддатга ссуда ажратилади.

2026 йил 1 августдан туман фермерлари кенгашлари ҳузуридаги Фермер хўжаликларида бухгалтерия ҳисоби ва ҳисоботини юритиш марказлари томонидан бошлиғи ёшлар бўлган янги ташкил этилган фермер хўжаликларига аъзолик бадаллари тўланганлиги ҳамда пахта ва ғалла етиштиришидан қатъи назар 2 йил давомида бепул хизмат кўрсатилади.

2026 йил 1 июлдан ёшлар ташкил этган тадбиркорларни муҳандислик-коммуникация тармоқларига (электр энергияси, ичимлик суви ва оқова сув тармоғи) улаш билан боғлиқ давлат хизматлари харажатларининг кўпи билан БҲМнинг 10 бараваригача бўлган қисми қоплаб берилади.

Telegram | Instagram | Facebook

❗️Ёшларни давлат хизматига қабул қилиш жараёнларида ягона ёндашув таъминланади

Президент қарорига кўра,

2026 йил 1 июлдан ёшларни давлат хизматига қабул қилиш жараёнларида ягона ёндашувни таъминлаш бўйича қуйидаги тартиблар жорий этилади:

▪️ суҳбат босқичида бериладиган саволлар (топшириқлар) давлат органининг расмий веб-сайтида камида 1 ой олдин эълон қилинади, 1 ой олдин эълон қилинмаган саволларни номзодларга бериш тақиқланади;

▪️ ички танловлар ўтказилмайдиган ҳамда танловларни ўтказишда номзодларга нисбатан умумий ёки махсус иш стажига оид талаблар белгиланмайдиган лавозимлар рўйхати ҳамда танловларни ўтказишда номзодларга нисбатан кўпи билан 2 йил умумий ёки махсус иш стажига оид талаблар қўйиладиган лавозимлар рўйхати белгиланади.

Шунингдек, меҳнат бозорида талаб юқори бўлган ҳамда замонавий касблар реестри (Реестр) шакллантирилади.

Реестрга киритилган касбларга ўқиган ёшларнинг касбий кўникмаларини баҳолаш – миллий сертификациялаш тизими жорий этилади.

Замонавий касблар бўйича миллий сертификат олган қуйидаги тоифадаги ёшларнинг харажатлари “Ёшлар дафтари” жамғармаси ҳисобидан қоплаб берилади:

▫️ Ижтимоий реестрга киритилган давлат таъминотидаги оилалар ва камбағал оилаларнинг фарзандларига ўқиш ва имтиҳон харажатлари;
▫️ “камбағаллик чегарасидаги оила” тоифасига киритилган оилаларнинг фарзандларига имтиҳон топшириш харажатлари.

Telegram | Instagram | Facebook

Қийин паллада топилган ечим.

Бугун яқин дўстимизнинг ҳовли тўйига кетяпмиз. У умри давомида ҳалол меҳнат қилиб, нонвойлик орқали оиласини боқди, уйини кенгайтириб, тўй қилишни орзу қилди. Шу мақсадда йиллар давомида тинмай меҳнат қилиб, жамғарма тўплади.

Аммо қурилиш охирига яқин маблағ етишмай қолиб, ишлар чала тўхтаб қолди. Бу ҳолат дўстимизни анча ташвишга солди. Қарз қидириб юрган пайтида танишларидан бири TBC Bank кредитлари ҳақида айтиб қолди. Дўстимиз tbcbank.uz сайтида маълумотлар билан батафсил танишиб чиқди ва банкнинг мобил иловаси орқали кредит расмийлаштирди. Аввалига ишонқирамаган бўлса-да, ариза бериб кўрди ва жавоб бир минут ичида келгандан кейин ҳаммаси тез ҳал бўлди — на гаров, на кафил, маблағ зумда ҳисобига тушди.

Мана, бугун ўша орзудаги уй битиб, дастурхон ёзилди. Баъзан катта мақсадларга эришишда меҳнат билан бирга, ўз вақтидаги тўғри қарор ва замонавий имкониятлар ҳам жуда муҳим экан.

Telegram | Instagram | Facebook

❗️Ёш оилаларга имтиёзли ипотека кредитлари ажратилади

Президент қарорига кўра:

2027 йил 1 январдан бошлаб уй-жойга муҳтож ёш оилаларга бирламчи бозордан квартира сотиб олиш учун қуйидаги тартибда ипотека кредитларини ажратиш йўлга қўйилади:

▪️ Ипотека дастури доирасида ипотека кредитлари бўйича ҳисобланган фоиз тўловларининг Марказий банк асосий ставкасидан ошган қисми Давлат бюджетидан қоплаб берилади;

▪️ қуйидаги асосий ижтимоий мезонларга мувофиқ келадиган ёш оилаларга ипотека кредити ажратилади:

• ариза берувчи ҳамда унинг турмуш ўртоғи 30 ёшдан ошмаган бўлиши;

• ариза берувчи ҳамда унинг турмуш ўртоғи номида сўнгги 3 йилда мулк ҳуқуқи асосида кўчмас мулк мавжуд эмаслиги.

Telegram | Instagram | Facebook

Шавкат Мирзиёев Мирзо Улуғбек тумани ҳокимлигига ташриф буюрди

Ҳокимликда вазиятлар маркази ташкил этилиб, сунъий интеллект асосида таҳлил қилиш, муаммоларни тезкор аниқлаш ва ҳал этиш бўйича “Ақлли туман” платформаси яратилди. Муҳими, тумандаги барча маҳалла вакиллари билан онлайн мулоқот қилиш, вазиятдан доимо хабардор бўлиш имконияти яратилган.

Бу ерда ижтимоий ва коммунал муаммолар мониторинг қилинади, аҳоли мурожаатлари ижроси назоратга олинади, фавқулодда ҳолатларда тегишли хизматлар фаолияти тезкор бошқарилади ва мувофиқлаштирилади.

Платформа таркибидаги “Хавфсиз туман” тизими ҳуқуқбузарликларни мониторинг қилиш ва жамоат хавфсизлигини таъминлашга хизмат қилади. Тадбиркорлик субъектларининг рақамли харитаси сунъий интеллект таҳлили асосида солиқ тушумларини прогноз қилиш ва уларнинг йиғилувчанлигини таъминлашга қаратилган. “AI Davomat” тизими эса мактабларда сабабсиз дарс қолдириш ҳолатларини бартараф этиш, вояга етмаганлар ўртасида назоратсизликнинг олдини олишда муҳим аҳамият касб этади.

Бундай платформалар Чилонзор, Шайхонтоҳур ва Олмазор туманларида ҳам ишга туширилди.

Telegram | Instagram | Facebook

Хорижий инвесторларга қишлоқ хўжалигига мўлжалланган ерларни ижарага беришнинг тартиби ва шартлари қайта кўриб чиқилади

Бундан буён уларга фақат вилоят ҳокимликлари ҳузуридаги дирекциялар орқали, инвестиция миқдори камида 10 млн доллар бўлган лойиҳалар доирасида, яйлов, лалми ва фойдаланишдан чиққан ерларни айланмага қайтариш шарти билан иккиламчи ижарага бериш тартиби қўлланади.

Шунингдек, қишлоқ хўжалиги ерларини олиш бўйича аукционда фақат маҳаллий деҳқон ва тадбиркорлар иштирок этишини белгилаш лозимлиги таъкидланди. Мудофаа, чегара, тарихий-маданий ерлар ва ўрмон фонди ерлари фақат мамлакатимиз фуқароларига берилади. Айни пайтда ерларни ижарага бериш муддатини барча турдаги ерлар учун, шу жумладан саноат ва қурилиш лойиҳаларини амалга оширадиган чет эллик инвесторлар учун ҳам 49 йил этиб белгилаш таклиф этилди.

Telegram | Instagram | Facebook

“Жаримаси катта бўлади” – солиқ раиси ЯТТ шаклида чек бераётган кафеларни огоҳлантирди

Солиқ қўмитаси раиси Фаррух Пўлатов умумий овқатланиш соҳасида айрим тадбиркорлар ҚҚС тўламаслик учун мижозларга якка тартибдаги тадбиркор сифатида чек бераётганини айтди.

“Буни кўриб-билиб турибмиз. Эртага текшириш борса, хафа бўласизлар. Илтимос, қонуний ишланглар”, деди у.

Солиқ қўмитаси раиси ўринбосари Жаҳонгир Абдиев ҳам айрим тадбиркорлар ўз даромадларини яширишга уринаётганини қайд этди. Унинг сўзларига кўра, бундай ҳолатлар шу залда ўтирган, очиқ мулоқотда савол бераётган тадбиркорлар орасида ҳам бор.

Telegram | Instagram | Facebook

❗️Тадбиркор жариманинг ярмини бир ойда тўласа, қолганидан озод қилинади

Президент қарорига кўра, 2026 йил 1 октябрдан ваколатли органларнинг молиявий жаримани қўллаш тўғрисидаги қарори тадбиркорнинг танловига кўра қуйидаги шакллардан бирида ихтиёрий ижро этилиши мумкин:

▪️ ваколатли органнинг молиявий жаримани қўллаш тўғрисидаги қарори топширилган кундан бошлаб 1 ой муддатда жарима миқдорининг 50 фоизини ихтиёрий равишда тўлаш шарти билан жариманинг қолган қисмини тўлашдан озод этиш;

▪️ қўлланган молиявий жарима суммасини 6 ой давомида тенг миқдорларда бўлиб-бўлиб тўлаши мумкин.

Telegram | Instagram | Facebook

Энди мобил рақамни бошқа шахс номига онлайн ўтказиш мумкин

Буни my.gov.uz орқали амалга ошириш мумкин. Илгари рақам эгасини ўзгартириш учун ҳар икки томон алоқа оператори марказига шахсан бориши, навбат кутиши ва ҳужжатлар имзолаши талаб этиларди.

Эслатиб ўтамиз, 22 апрелдан мобил иловадан рўйхатдан ўтаётган шахснинг телефон рақами ва ЖШШИР (ПИНФЛ) бир-бирига мос келиши шарт. Агар мос келмаса, иловага карта бириктириб бўлмайди.

Telegram | Instagram | Facebook

❗️“Права”сидан айрилган 192 нафар ҳайдовчи машина бошқаргани камералар орқали аниқланди

Ҳайдовчилик ҳуқуқидан маҳрум қилинганлар ва ушбу ҳуқуққа эга бўлмаган шахсларнинг транспорт воситасини бошқаргани камералар орқали аниқланмоқда.

Бу каби ҳолатлардан энг кўпи Хоразм вилояти (60 та) ва Тошкент шаҳри (40 та)да қайд этилган.

Шундан 32 та ҳолатда ҳайдовчиларга БҲМнинг 50 баравари (20 млн 600 минг сўм) миқдорида жарима солинган. 31 та ҳолатда эса БҲМнинг 5 баравари (2 млн 60 минг сўм) миқдорида жарима қўлланилган.

Telegram | Instagram | Facebook

Саноат кооперацияси ва давлат харидлари агентлигида тайинловлар амалга оширилди

Жаҳонгир Юнусов Саноат кооперацияси ва давлат харидлари агентлиги директорининг ўринбосари этиб тайинланди. Бунгача у “Тошкент Инвест компанияси” АЖда Активларни бошқариш департаменти директори лавозимида фаолият юритиб келаётган эди.

Илҳомжон Пардаев Саноат кооперацияси ва давлат харидлари агентлиги директорининг ўринбосари этиб тайинланди. Бунгача у Божхона қўмитасининг Тадбиркорлар фаолиятини қўллаб-қувватлаш бошқармаси бошлиғи эди.

Telegram | Instagram | Facebook

Президент раислигидаги видеоселекторда:

Биринчи чорак якуни билан Ўзбекистон ЯИМ 8,7 фоизга, саноат 8 фоизга, хизматлар 16,1 фоизга, қишлоқ хўжалиги 5,1 фоизга ўсди. Экспорт 5,8 млрд долларни, хорижий инвестиция ҳажми эса 13,7 млрд долларни ташкил қилди. Инфляция йиллик ҳисобда биринчи марта 7,1 фоизгача пасайди.

Жорий йил мамлакат нуфузли “Иқтисодий эркинлик индекси”да 14 поғона юқорилаб, илк бор “иқтисодиёти мўътадил эркин” давлатлар қаторидан жой олди.

Telegram | Instagram | Facebook

❗️Президент раислигидаги йииғилишда соҳа масъулларига туман банкирларини сунъий интеллектга ўқитишни бошлаш, банкларда “Сунъий интеллект маслаҳатчиси” платформасини ишга тушириш топширилди.

Бу платформа тадбиркорларга кредит олиш учун лойиҳанинг параметри, рисклари, бозордаги талабни сунъий интеллект ёрдамида таҳлил қилиб, тайёр ечимларни бериши кераклиги кўрсатиб ўтилди.

Telegram | Instagram | Facebook

Президент саноат режасига чиқа олмагани учун Қамаши, Қарши, Миришкор, Арнасой, Шароф Рашидов, Янгиобод, Навбаҳор, Косонсой, Қумқўрғон, Фурқат, Шовот, Шайхонтоҳур, Сергели туманлари ҳокимларига нисбатан интизомий жазо чорасини кўришни тайинлади.

Telegram | Instagram | Facebook