❓Қайси ҳолатда қарздорнинг хорижга чиқиши чекланади?

Фуқаронинг Ўзбекистон Республикасидан чиқишини вақтинча чеклаш фақат қонунда белгиланган ҳолларда амалга оширилиши мумкин.

Кредит ташкилотларидан кредит олган шахсларнинг хорижга чиқишига ўз-ўзидан ҳеч қандай чеклов ўрнатилмайди.

Қарздор жисмоний шахснинг Ўзбекистондан чиқиши эса суд ҳужжати асосида берилган ижро ҳужжатидаги талаблар белгиланган муддатда, узрсиз сабабларга кўра бажарилмаган тақдирда вақтинча чекланиши мумкин.

Бундай ҳолатда давлат ижрочиси:
➖ ундирувчининг аризасига кўра
➖ ёки ўз ташаббуси билан
қарздор жисмоний шахснинг хорижга чиқишини вақтинча чеклаш тўғрисида қарор чиқаришга ҳақли.

Фуқаролар чет элга чиқишга вақтинча қўйилган чекловларни my.gov.uz портали ёки МИБнинг mib.uz сайти орқали текширишлари мумкин.

Telegram | Instagram | Facebook

❗️Ўқишни кўчиришда миллий ва халқаро сертификатлар 2026 йилдан инобатга олинади

Олий таълим, фан ва инновациялар вазирлигининг маълум қилишича, Вазирлар Маҳкамасининг 2026 йил 11 июндаги 299-сон қарорига мувофиқ, хорижий ва нодавлат олий таълим ташкилотларидан давлат олий таълим ташкилотларининг мос ва турдош бакалавриат таълим йўналишларига ўқишини кўчиришда чет тили ҳамда умумтаълим фанлари бўйича миллий ёки халқаро сертификатга эга талабгорларга тегишли фанлардан табақалаштирилган ёки максимал балл бериш тартиби жорий этилган.

Мазкур қарор 2026 йил 12 июндан кучга кирган ва унинг талаблари 2026 йилдаги ўқишни кўчириш жараёнида ҳам тўлиқ қўлланилади.

Telegram | Instagram | Facebook

❗️“Ректорлар мактаби” дастури доирасида ўқишга қабул қилиш тартиби белгиланди
 

Бу ҳақдаги низом давлат рўйхатидан ўтказилди (рўйхат рақами 3897, 13.07.2026 й.).

Мазкур ҳужжатга кўра,

Дастур доирасида 30 ёшга тўлган, камида магистр академик даражасига ва олий таълим соҳасида камида 5 йиллик иш тажрибасига эга бўлган, шу жумладан, 2 йил раҳбарлик лавозимларида ишлаган номзодлар очиқ танлов асосида ўқишга қабул қилинади.
 

Маълумот учун, Вазирлар Маҳкамасининг 16.04.2026 йилдаги 177-сон қарорига асосан давлат олий таълим ташкилотлари ректори (директори) лавозимига номзодлар фақат Дастурни муваффақиятли тамомлаган ва олий таълим ташкилотлари ректори (директори) захирасига киритилган шахслар орасидан танлаб олинади.

 
Қабул жараёни қуйидаги 4 та босқичда ташкил этилади:

➖ ҳужжатларни қабул қилиш ва ўрганиш;
➖ тест синовлари;
➖ психологик баҳолаш;
➖ суҳбат.
 
Номзодлар тест, психологик баҳолаш ва суҳбат натижалари бўйича тўплаган умумий баллари асосида рейтинг шакллантирилади ҳамда қабул квотаси доирасида ўқишга тавсия этилади.
 

Шунингдек, Низом билан ҳужжатларни топшириш, баҳолаш мезонлари, натижаларни эълон қилиш, апелляция тартиби ҳамда қабул жараёнининг шаффофлигини таъминлаш механизмлари белгиланган.

Telegram | Instagram | Facebook

❗️Паррандачилик лойиҳалари учун 10 фоизли кредитлар ажратилади

Президент қарорига кўра, 2026 йил 1 августдан паррандачилик маҳсулотларини ишлаб чиқариш бўйича янги қувватларни ишга тушириш ҳамда «тайёр бизнес» лойиҳаларини молиялаштириш учун йиллик 10 фоиз ставкада кредитлар ажратиш бошланади.

Кредитлар 10 йилгача муддатга, 4 йиллик имтиёзли давр билан Микрокредитбанк орқали ажратилади. Бунда банк маржаси 4 фоизни ташкил этади.

Шунингдек, 2026 йил 1 сентябрдан паррандачилик хўжаликлари, парранда омухта еми ишлаб чиқарувчилари ҳамда «тайёр бизнес» лойиҳаларини молиялаштириш учун Тикланиш ва тараққиёт жамғармаси маблағлари ҳисобидан ҳам йиллик 10 фоиз ставкада кредитлар ажратилади.

Ушбу шартлар фақат 1 сентябрдан бошлаб расмийлаштириладиган янги кредит шартномаларига татбиқ этилади.

Telegram | Instagram | Facebook

❗️Cубсидия учун қўшимча аризалар қабул қилинади

Иқтисодиёт ва молия вазирлиги фойдаланилмай қолган ипотека субсидиялари ҳисобидан қўшимча аризалар қабул қилинишини эълон қилди.

Қабул 27 июль куни соат 15:00 да бошланади. Ариза берувчилар учун ижтимоий баҳолаш, даромад, кредит тарихи ва уй-жойга эгалик қилиш бўйича талаблар белгиланган.

Telegram | Instagram | Facebook

Президент Администрацияси раҳбари Саида Мирзиёева:

— Афросиёб кўчасидаги боғни кўздан кечирдик. Бу ерда барча эмин-эркин дам олиши учун зарур шароитни яратиш режалаштирилмоқда. Шунингдек, Сайилгоҳ кўчаси, Амир Темур шоҳкўчаси ва унга туташ ҳудудларни янгилаш, Бобур номидаги Экопарк ҳамда Мирзо Улуғбек номидаги боғ майдонларини кенгайтириш масалаларини муҳокама қилдик.

Асосий вазифамиз — пойтахтимизга “яшил шаҳар” мақомини қайтариш, одамлар мазмунли ҳордиқ чиқариши ва сайр қилиши учун имкон қадар кўпроқ очиқ майдонлар яратишдир. Қулай ва хавфсиз муҳитни ривожлантириш, кўкаламзорлаштириш ишларини изчил давом эттириш ҳамда мавжуд инфратузилмадан самарали фойдаланиш лозим.

Шаҳар аҳолисининг турмуш даражасини яхшилаш йўлида бу масалаларни ҳал этишга зудлик билан киришмоқ жуда муҳим.

Telegram | Instagram | Facebook

🏦 BRB карталари уйингизгача етказиб берилади

Энди янги карта расмийлаштириш учун банк филиалига бориш шарт эмас. BRB мобил иловаси орқали бир неча босқичда буюртма беринг, қолганини эса банкнинг ўзи ҳал қилади.

🚚 Yetkazib berish shartlari:
🔘 Toshkent bo'ylab — 25 000 so'm
🔘 Viloyatlarga — 40 400 so'm

Шундай қилиб, ортиқча вақт сарфламай, навбат кутмай ва уйдан чиқмасдан BRB картаси эгаси бўлишингиз мумкин!

📞 1254 🌐 brb.uz

❗️2026 йил 1 июлдан муддатли ҳарбий хизматни ўтаб бўлган ҳамда олий таълим ташкилотларида ўқиш истагини билдирган ёшларга хорижий тил ва фан сертификати харажатларини “Ёшлар дафтари”га киритилган ёшларни қўллаб-қувватлаш жамғармалари маблағлари ҳисобидан қоплаб бериш амалиёти йўлга қўйилади.

Telegram | Instagram | Facebook

❗️Президент фармонига кўра:

2026 йил 1 августдан “trade-in” дастури доирасида эскирган автотранспортларни топширган жисмоний ва юридик шахсларга янги транспорт воситаларини харид қилиш учун автокредит фоизининг бир қисми қоплаб берилади.

2026 йил якунига қадар “Экологик транспорт” тизими доирасида Тошкент шаҳрининг ҳудуди “қизил”, “сариқ” ва “яшил” зоналарига ажратиб чиқилиши таъминланади.

Telegram | Instagram | Facebook

Шавкат Мирзиёев таваллуд куни муносабати билан хорижий давлатлар, ҳукуматлар ва парламентлар раҳбарлари билан телефон орқали мулоқот қилди.

Хусусан, Туркман халқининг миллий етакчиси Гурбангули Бердимуҳамедов, Тожикистон президенти Эмомали Раҳмон, Қозоғистон президенти Қасим-Жомарт Тоқаев, Озарбайжон президенти Илҳом Алиев, Қирғизистон президенти Садир Жапаров, Эрон президенти Масъуд Пезешкиён, Беларусь президенти Александр Лукашенко, Грузия бош вазири Ираклий Кобахидзе, Россия президенти Владимир Путин, Сербия президенти Александр Вучич, Туркия президенти Режеп Таййип Эрдоған, БАА президенти шайх Муҳаммад бин Зоид Ол Наҳаён, Иордания подшоҳи Абдулла II ибн ал-Ҳусайн, Қатар амири шайх Тамим бин Ҳамад Ол Соний ва бошқалар билан суҳбатлар бўлиб ўтди.

Мулоқотларда улар давлатимиз раҳбарини туғилган куни билан самимий муборакбод этиб, мустаҳкам соғлиқ, бахт-саодат, дўст Ўзбекистон халқига тинчлик-омонлик ва фаровонлик тиладилар.

Telegram | Instagram | Facebook

Президент фармони билан Олий Мажлис Сенати раиси Танзила Нарбаева “Эл-юрт ҳурмати” ордени билан мукофотланди.

Telegram | Instagram | Facebook

❗️ОТМ ва таълим йўналишини танлаш бошланди

25 июлдан тест синовларида қатнашган абитуриентлар ОТМ, таълим йўналиши ва таълим шаклини танлаш имкониятига эга бўлди.

5 тагача олийгоҳ ва йўналишни танлаш мумкин. Кундузги, кечки ёки масофавий таълим шаклини белгилаш имконияти мавжуд.

Танлов my.uzbmb.uz платформаси орқали амалга оширилади.

📅 Танловларни 8 августга қадар исталган вақтда ўзгартириш мумкин. Муддат тугагач, ўзгартиш киритиш имкони бўлмайди.

Telegram | Instagram | Facebook

❗️ДХХ: Тошкент аэропортида 11,8 кг гашиш мойи мусодара қилинди

Тезкор тадбир давомида Бангкок – Деҳли – Тошкент йўналишида учиб келган Қирғизистон фуқаросининг юклари текширилганда шампун идишларига яширилган 11,8 кг гашиш мойи аниқланди.

Шундан сўнг ўтказилган тезкор тадбирда мазкур гиёҳванд моддани Юнусобод туманидаги хонадондан олиб кетиш учун келган Чирчиқ шаҳрида яшовчи шахс ушланди.

Дастлабки маълумотларга кўра, наркотик восита Таиланддан Ўзбекистон орқали қўшни давлатлардан бирига транзит тарзида олиб ўтилиши режалаштирилган.

Ҳолат юзасидан жиноят иши қўзғатилиб, тергов ҳаракатлари олиб борилмоқда.

Telegram | Instagram | Facebook

2026 йил 1 сентябрдан бошлаб муддатли ҳарбий хизматни ўташ даврида олий таълим ташкилотларига тўлов-контракт асосида ўқишга қабул қилинган аскарларга қонунчиликда белгиланган тартибда ўқишнинг биринчи йили учун Таълим кредитини молиялаштириш жамғармаси маблағлари ҳисобидан таълим кредити ажратилади.

Telegram | Instagram | Facebook

❗️2026 йил 1 сентябрдан бюджет ташкилотлари ходимларининг иш ҳақи ва стипендиялар миқдори 7 фоизга оширилади.

Telegram | Instagram | Facebook

2026 йил 1 сентябрдан талабалар ётоқхонасига жойлашиш бўйича шартнома тузиш билан бир вақтда талабаларни турган жойи бўйича рўйхатга олишнинг композит тартиби жорий этилади.

Telegram | Instagram | Facebook

❗️2026 йил 1 сентябрдан маданият, санъат ва адабиёт соҳаларидаги нуфузли халқаро ва республика танловлари ғолиб ва совриндорлари бир марталик пул мукофоти билан рағбатлантирилади.

Telegram | Instagram | Facebook

❗️2026 йил сентябргача Одил судлов академиясида судьялар ва суд аппарати ходимлари фаолиятида манфаатлар тўқнашуви ва коррупциянинг бошқа кўринишларининг олдини олиш бўйича “реал кейслар”га асосланган ўқув-амалий модули жорий этилади.

Telegram | Instagram | Facebook

❗️Бугундан ипотека субсидияси учун аризалар қабули бошланади

Бугун, 27 июль соат 15:00дан бошлаб, фуқаролар ипотека кредити бўйича давлат субсидиясини олиш учун ариза топшириши мумкин.

Аризалар my.gov.uz портали, myGov Mobile иловаси ёки Давлат хизматлари марказлари орқали қабул қилинади.

Субсидия олиш учун оиланинг ўртача ойлик даромади белгиланган мезонларга мос бўлиши, ариза берувчи ижтимоий мезонлар бўйича камида 30 балл тўплаши талаб этилади.

Telegram | Instagram | Facebook