Маҳкумларга масофали видео-учрашувдан фойдаланиш ҳуқуқи берилади

Қонун (ЎРҚ–1112-сон, 15.01.2026 й.) билан Жиноят-ижроия кодексига ўзгартириш ва қўшимчалар киритилди.

Қонун билан Жиноят-ижроия кодексига озодликдан маҳрум этишга ҳукм қилинган маҳкумларнинг масофали видео-учрашувдан фойдаланиш ҳуқуқини белгилашни назарда тутувчи ўзгартириш ва қўшимчалар киритилди.

Киритилган ўзгартиришларга кўра, маҳкумнинг ўз шахсий маблағлари ҳисобидан тўланадиган, 15 дақиқа давом этадиган 1 марта масофали видео-учрашув ёки телефон орқали сўзлашиш ҳуқуқига эгалиги белгиланди.

Илгари маҳкумнинг фақатгина 15 дақиқа давом этадиган 1 марта телефон орқали сўзлашиш ҳуқуқига эгалиги белгиланган эди.

Қонун расмий эълон қилинган кундан эътиборан кучга киради.

▪️Қонун матни

Telegram | Instagram | Facebook

❗️Қишки “перевод” учун аризалар қабули давом этмоқда

Вазирлар Маҳкамасининг 578-сон қарори (13.09.2025 й.) билан тасдиқланган низомга мувофиқ, баҳорги семестр учун ОТМ талабалари ўқишини кўчириш (қайта тиклаш) бўйича аризаларни қабул қилиш муддатига ўзгартириш киритилган.

Энди ариза топшириш муддати ҳар йили 10 январдан 20 январгача (20 январь куни ҳам) давом этади.

2 та узрли сабабга кўра республикадаги бир ОТМдан иккинчисига ўқишни кўчириш ёки ўқишни тиклаш бўйича аризалар transfer.edu.uz сайти ёки ягона интерактив давлат хизматлари портали — my.gov.uz орқали онлайн қабул қилинади.

Талаб этиладиган ҳужжатлар:

➖академик маълумотнома ёки транскрипт нусхаси;
➖ўқишни кўчириш сабабларини тасдиқловчи ҳужжатлар.

Муҳим эслатмалар:

▪️ Баҳорги семестр олдидан бир ОТМдан бошқасига “ўқишни кўчириб тиклаш” бўйича аризалар қабул қилинмайди;
▪️ Ариза топшириш жараёнида киритилаётган маълумотлар ва юкланадиган ҳужжатларни юборишдан олдин диққат билан текшириб чиқиш сўралади. Сабаби ариза юборилгандан сўнг уни таҳрирлаш имкони мавжуд эмас.

Аризалар белгиланган тартибда ОТМлар, тегишли вазирлик ва идоралар томонидан 21 январдан 10 февралгача кўриб чиқилади ва натижаси юзасидан талабгорларга маълум қилинади.

❗️Маълумот учун, ўқишни кўчиришга асос бўлувчи 2 та узрли сабаб мавжуд. Булар:

▪️ талаба оила қуриши муносабати билан турмуш ўртоғи доимий яшайдиган ҳудуддаги олий таълим муассасасига ўқишини кўчириш истагидагиларга;
▪️ давлат органларининг ходимлари иш жойи ўзгарган тақдирда унинг турмуш ўртоғи ёки вояга етмаган фарзанди ўқишини кўчирмоқчи бўлганларга (тегишли вазирлик (идора) раҳбарининг тавсияси асосида).

Telegram | Instagram | Facebook

❗️Президент қарорига кўра:

2026 йил 1 январдан депутатлар ҳар йили Ташаббусли бюджет жараёнларида тегишли сайлов округларида ғолиб бўлмаган лойиҳалар орасидан аҳолининг кундалик ҳаёти ва ҳудудни ривожлантиришга таъсир қиладиган 2 та лойиҳани (ҳар мавсумда 1 тадан) “Очиқ бюджет” ахборот порталида танлайди.

Мазкур танлов лойиҳани республика бюджетидан молиялаштириш учун асос ҳисобланади.

Шунингдек, мазкур жараёнларда ғолиб бўлмаган лойиҳаларни молиялаштириш учун ҳар бир депутатга 1 йилда 2 мавсумга БҲМнинг 8 минг баравари миқдорида маблағ ҳар йилги республика бюджетида назарда тутилади.

2026 йил 1 февралдан ташаббусли бюджет жараёнларида ижтимоий аҳамиятга эга лойиҳаларни аҳоли ва давлат ўртасида шериклик асосида молиялаштириш амалиёти жорий этилади.

Ташаббускор аҳоли томонидан лойиҳалар қийматининг 50 фоизи ихтиёрий равишда молиялаштирилганда лойиҳалар ғолиб деб топилади ва қолган 50 фоизи республика бюджетидан молиялаштирилади.

Telegram | Instagram | Facebook

Ўзбекистонликлар учун АҚШ визасини соддалаштириш бўйича музокаралар бошланган — Фурқат Сиддиқов

Ўзбекистоннинг АҚШдаги элчиси айни пайтда, шунингдек, Бразилия, Канада ва бошқа давлатлар билан ҳам виза тартибини енгиллаштириш бўйича иш олиб борилаётганини маълум қилди.

“АҚШга визасиз киришга эришиш узоқ вақт талаб этадиган жараён. Лекин бу бўйича музокаралар олиб боряпмиз. Албатта, қанақа виза режимини жорий этиш, қандай шартлар қўйиш Америка ҳукуматининг ички сиёсатига боғлиқ. Ҳозирда нафақат АҚШга, балки Бразилия, Канада ва бошқа давлатларга ҳам аҳолимиз визасиз боришини таъминлаш борасида мунтазам музокаралар кетмоқда”, – деди у.

Маълумот учун, январь ойи якунидан Ўзбекистонда АҚШ фуқаролари учун 30 кунгача бўлган визасиз режим жорий этилади.

Telegram | Instagram | Facebook

SQB аутсорсинг хизматлари бўйича ҳамкорликка таклиф этади

SQB банк турли хизматларни аутсорсинг асосида ташқи компанияларга топшириш учун ҳамкорлар жалб этишини маълум қилди. Бу Президентнинг давлат корхоналарида харажатларни қисқартириш бўйича фармойиши ижроси билан изоҳланмоқда.

Гап қуйидаги йўналишлар ҳақида кетмоқда:
1. Бино, ҳудуд ва ходимларни хизмат билан қўллаб-қувватлаш хизмати
Масъул: А. Хасанов
Тел.: +998 97 157 54 94
E-mail: xasanov.a@sqb.uz
2. Рекрутинг хизмати
Масъул: Б. Миралиев
Тел.: +998 90 189 07 22
E-mail: bmiraliyev@sqb.uz
3. Муаммоли кредитлар бўйича ҳуқуқий хизматлар
Масъул: У. Аминова / Ж. Максудов
Тел.: +998 94 711 22 25 / +998 90 315 53 35
E-mail: uaminova@sqb.uz / jmaksudov@sqb.uz
4. Телефон орқали қарздорликни ундириш (Soft Collection) хизмати
Масъул: Ш. Султонов / Б.Отамуродов
Тел.: +998 94 711 11 41 / +998 94 711 18 15
E-mail: shsultonov@sqb.uz / botamurodov@sqb.uz
5. Рақамли маркетинг, реклама ва жамоатчилик билан алоқалар хизмати
Масъул: О. Абдурахимов / Ж.Убайдуллаев
Тел.: +998 97 333 34 55 / +998 94 711 77 55
E-mail:abdurakhimov@sqb.uz / 
j_ubaydullayev@sqb.uz
6. Алоқа маркази (Call-center) фаолияти
Масъул: Ш. Халилов / А. Солиев
Тел.: +998 90 139 99 33 / +998 94 711 01 17
E-mail: kre00440@sqb.uz / akmal@sqb.uz
7. Сервер, тармоқ ва ахборот технологиялари инфратузилмасига комплекс хизмат кўрсатиш фаолияти
Масъул: В. Краснов
Тел.: +998 94 711 18 13
E-mail: v.krasnov@sqb.uz
 
Мазкур хизматлар бўйича ҳамкорлик қилиш истагида бўлган компаниялар ўз тижорат таклифларини тақдим этишлари мумкин.

“Очиқ бюджет”да янги тизим жорий этилади — Президент қарори

2026 йил 1 февралдан ташаббусли бюджет жараёнларида ижтимоий аҳамиятга эга лойиҳаларни аҳоли ва давлат ўртасида шериклик асосида молиялаштириш амалиёти жорий этилади.

Ташаббускор аҳоли томонидан лойиҳалар қийматининг 50 фоизи ихтиёрий равишда молиялаштирилганда лойиҳалар ғолиб деб топилади ва қолган 50 фоизи республика бюджетидан молиялаштирилади.

Telegram | Instagram | Facebook

❗️Президент фармони:

2026 йил 1 февралдан Камбағал оилалар реестрига киритилган оилалардаги ёшларга қуйидаги имтиёзлар берилади:

➖ сафарбарлик чақируви резервидаги ҳарбий хизматни бепул ўташ тартиби жорий этилади;

▪️ “Ёшлар дафтари” жамғармалари орқали:

➖ автомототранспортлар ҳайдовчиларини тайёрлаш ўқув курси харажатларини қоплаш бўйича субсидия ҳайдовчилик гувоҳномасининг “А”, “B”, “D” ва “DE” тоифаларини олиш учун тўлаб берилади.

Telegram | Instagram | Facebook

❗️ Шавкат Мирзиёев номига Дональд Трампдан Яқин Шарқда тинчликни мустаҳкамлаш ва можароларни ҳал этиш бўйича халқаро ташаббусга қўшилиш бўйича расмий таклиф келиб тушди.

Мактубда қайд этилишича, ушбу ташаббус 2025 йил 29 сентябрда эълон қилинган ва жаҳон етакчилари томонидан қўллаб-қувватланган, шунингдек, БМТ Хавфсизлик Кенгашининг 2025 йил 17 ноябрдаги 2803-сонли резолюцияси билан маъқулланган Ғазодаги можарони тугатиш бўйича комплекс режага асосланади.

Ташаббуснинг асосий мақсади узоқ муддатли тинчлик, барқарорлик ва хавфсизликни шакллантириш учун масъулиятни ўз зиммасига олишга тайёр бўлган давлатларни бирлаштиришга қаратилган янги халқаро тузилма — Тинчлик кенгашини тузишдан иборат.

Ўзбекистонга Тинчлик кенгашига таъсисчи давлат сифатида қўшилиш таклиф этилди.

Давлатимиз раҳбари америкалик ҳамкасбига жавоб мактубини йўллаб, унда Ўзбекистон Тинчлик кенгашига таъсисчи давлат сифатида қўшилишга тайёрлигини билдирди.

Президентимиз ўз мактубида ушбу ташаббусга Яқин Шарқдаги кўп йиллик низоларни ҳал этиш, кенг минтақада тинчлик ва барқарорликни таъминлаш йўлидаги муҳим қадам сифатида қаралаётганини таъкидлади.

Telegram | Instagram | Facebook

Президент маслаҳатчиси – Спичрайтери Хайриддин Мадриддинович Султоновга “Ўзбекистон Республикаси халқ ёзувчиси” унвони берилди.

Хайриддин Султонов 19 январь куни 70 ёшни қарши олди.

Telegram | Instagram | Facebook

Шайх Зоид номидаги "Инсоний биродарлик" халқаро мукофоти 2026 йил ғолибларини эълон қилди.

Қуйидагилар лауреат деб топилди:

▪️ Озарбайжон ва Арманистон ўртасидаги тинчлик келишуви – Жанубий Кавказдаги қарийб 40 йиллик можарони тугатиш ҳамда ҳамкорлик ва барқарорлик учун мустаҳкам пойдевор яратиш йўлидаги муҳим қадам сифатида эътироф этилди.

▪️ Зарқа Яфтали – Афғонистондаги аёллар ва болалар учун таълим олиш ҳуқуқи ҳимоячиси.

Эслатиб ўтамиз, халқаро мукофот ҳакамлар ҳайъати таркибига собиқ давлат раҳбарлари, БМТ ва диний муассасаларнинг юқори мартабали вакиллари, шунингдек, Ўзбекистон Президенти Администрацияси раҳбари Саида Мирзиёева киритилган.

Telegram | Instagram | Facebook

“Ақлли” миграция шохобчалари ташкил этилади

“Ички ишлар органларининг миграция ва персоналлаштириш соҳасидаги фаолиятини рақамлаштириш орқали сифат жиҳатидан янги босқичга кўтариш чора-тадбирлари тўғрисида”ги Президент қарори (ПҚ–14-сон, 19.01.2026 й.) қабул қилинди.

Қарорга кўра, 2026 йил 1 майдан эксперимент тариқасида Тошкент, Самарқанд ва Фарғона вилоятлари ҳамда Қорақалпоғистон Республикасида 1 тадан туман (шаҳар) миграция ва персоналлаштириш бўлинмаларида ўзига ўзи хизмат кўрсатиш имконияти яратилган, сунъий интеллект асосидаги “Ақлли” миграция шохобчалари ташкил этилади. Бунда:

▪️ дастлабки босқичда “Ақлли” миграция шохобчаларида белгиланган давлат хизматлари кўрсатилади;

▪️ Ички ишлар вазирлиги томонидан ўзига ўзи кўрсатиладиган хизматлар турлари кенгайтириб борилади.

2026 йил 1 майдан Миграция ва персоналлаштириш департаменти ва унинг ҳудудий бошқармаларига Ўзбекистонга электрон кириш визаси асосида кириб келган чет эл фуқаролари ва фуқаролиги бўлмаган шахсларнинг электрон визалари амал қилиш муддатини 1 маротаба 30 кунгача узайтириш ҳуқуқи берилади.

Чет эл фуқароларига Ўзбекистон ҳудудида меҳнат фаолиятини амалга ошириш ҳуқуқини берадиган тасдиқномани расмийлаштириш ваколати Департамент ва унинг ҳудудий бошқармаларига ҳам берилади.

2026 йил 1 сентябрдан талабалар ётоқхонасига жойлашиш бўйича шартнома тузиш билан бир вақтда талабаларни турган жойи бўйича рўйхатга олишнинг композит тартиби жорий этилади.

Telegram | Instagram | Facebook

Олис ҳудудларда нотариус лавозимига талабгорларни суҳбат асосида тайинлаш тартиби белгиланди

Адлия вазирлиги томонидан олис (чекка) ва нотариус лавозимига талаб паст бўлган нотариал округларда давлат нотариал идораси нотариуси лавозимига талабгорларни суҳбат асосида тайинлаш тартиби тўғрисидаги низом давлат рўйхатидан ўтказилди (рўйхат рақами: 3756, 2026 йил 19 январь).

Низомга мувофиқ, Президентнинг 2025 йил 9 сентябрдаги ПҚ–280-сон қарори билан тасдиқланган рўйхатга киритилган нотариал округларда нотариус лавозими бўш бўлган ёки янги лавозим таъсис этилганда суҳбат ўтказилади. Суҳбат Олий малака комиссияси томонидан ўтказилиб, талабгор ҳужжатлари дастлаб ҳудудий комиссиялар томонидан кўриб чиқилади.

Суҳбат ўтказилиши ҳақида эълон “Инсон ва қонун” газетасида ҳамда Адлия вазирлигининг расмий веб-сайтида жойлаштирилади. Талабгор ҳужжатлари ҳудудий комиссия томонидан 15 кун ичида кўриб чиқилади ва талабларга мувофиқ деб топилганда Олий малака комиссиясига юборилади.

Суҳбатда талабгорларнинг касбий билимлари, амалий кўникмалари, мустақил фикрлаш ва таҳлил қилиш қобилияти баҳоланади. Рўйхатга киритилган нотариал округларда камида 3 йил фаолият юритган нотариуслар республика бўйича исталган ҳудудда хусусий амалиёт билан шуғулланиш ҳуқуқига эга бўлади.

Низом 2026 йил 1 апрелдан кучга киради.

Telegram | Instagram | Facebook