🟦🟦🟦

Hurmatli yurtdoshlar, aziz ustoz va murabbiylar, qadrli faxriylar!

Sizlarni 9-may – Xotira va qadrlash kuni bilan samimiy muborakbod etaman!

Bu yil an’anaga aylangan mazkur qutlug‘ sana yurtimizda “Burch, jasorat, matonat!” shiori ostida keng nishonlanmoqda. Ushbu ayyom xalqimizning matonati, jasorati va Vatanga sadoqatini ulug‘laydigan, ajdodlarimiz xotirasiga chuqur hurmat bajo keltiriladigan muqaddas kundir.

Bugungi tinch va farovon hayotimiz uchun jonini fido qilgan ajdodlarimiz, front ortida fidokorona mehnat qilgan insonlar, shuningdek, yurt ravnaqi, ilm-fan va ta’lim taraqqiyoti yo‘lida fidokorona mehnat qilayotgan ustoz va ziyolilarimizning xizmatlari beqiyosdir.

Xotira va qadrlash kuni nafaqat o‘tmishni yod etish, balki inson qadrini ulug‘lash, mehr-oqibat, sadoqat va vatanparvarlik tuyg‘ularini yanada mustahkamlovchi ulug‘ ayyomdir.

Shu munosabat bilan barcha faxriylarimizga, ustozlarimizga va yurtdoshlarimizga mustahkam sog‘lik, uzoq umr, xonadonlaringizga fayzu baraka, tinchlik va osoyishtalik tilayman.

Yurtimiz tinch, osmonimiz musaffo, xalqimiz hamisha omon bo‘lsin!

Hurmat bilan,
Ilxomjon TUXTASINOV,
O‘zbekiston davlat jahon tillari universiteti rektori, professor