🔹🔹🔹🔹🔹🔹

Joriy yilning 14-aprel sanasida O‘zbekiston davlat Jahon tillari universiteti Ingliz tili Ikkinchi fakultetida 23-24 guruhlar o'rtasida Amir Temurning harbiy va siyosiy faoliyatidan malumot beruvchi “Temur Tuzuklari” asariga bag’ishlangan Tafakkur intelektual bilimlar tanlovi tyutor Murodova N hamkorligida o'tkazildi.

Ushbu musobaqada ishtirokchilar jamoaviy tarzda bahslarda qatnashib, o‘z bilimlarini sinovdan o‘tkazdilar, aql-zakovat, tezkor fikrlash va mantiqiy xulosalar orqali raqobatlashdilar qiziqarli savollar va jonli muhokamalar musobaqani yanada qiziqarli qildi.

Kelgusida bunday intellektual o'yinlarni muntazam ravishda tashkil etish, talabalarning bo’sh vaqtlarini mazmunli tashkil etishda va bilimlarini rivojlantirishga yordam beradi.

😊Ingliz tili ikkinchi fakultetining ijtimoiy tarmoqlardagi sahifalariga aʼzo boʻling!

📱Telegram. 📱Instagram

🟦🟦🟦🟦🟦🟦🟦

2026-yil 14 aprel kuni O’ZDJTU Ingliz tili 2 fakulteti ingliz tilini o’qitish metodikasi kafedrasi o’qituvchisi Shamsiddinova Gavhar boshchiligida hamda XT2-2211 guruh talabalari ishtirokida “LINGUA PARKda talabalarning nutqiy faolligini oshirish” mavzusida madaniy-ma’rifiy tadbir o‘tkazildi.

Tadbirning asosiy maqsadi talabalarning bo‘sh vaqtini mazmunli va samarali o‘tkazish
. Tashrif davomida talabalar uchun qiziqarli va foydali ingliz tilida suhbatlar, interaktiv muloqotlar hamda turli muhokamalar tashkil etildi. Ushbu jarayonlarda talabalar o‘z fikrlarini erkin ifoda etish, muloqot ko‘nikmalarini rivojlantirish hamda amaliy til bilimlarini mustahkamlash imkoniyatiga ega bo‘ldilar.

Shuningdek, LINGUA PARK hududida yaratilgan ochiq va qulay muhit talabalar uchun ilhom manbai bo‘lib xizmat qildi hamda ularning ijodiy va intellektual faolligini oshirdi.

Kelgusida ham shu kabi mazmunli va innovatsion tadbirlarni muntazam tashkil etish rejalashtirilgan.

🟦🟦🟦🟦🟦🟦🟦

2026-yil 14-aprel kuni soat 10:00 da Ingliz tili 2-fakulteti “Ingliz tili nazariy aspektlari – 2” kafedrasi tomonidan xalqaro darajadagi mutaxassis ishtirokida ilmiy-amaliy trening mashg‘uloti tashkil etildi.

Mazkur tadbirda Iordaniya davlatidan tashrif buyurgan, xalqaro tajribaga ega ingliz tili mutaxassisi Ahmad Altamimi ishtirok etdi. Trening “AI in academia: learning, teaching and research” mavzusiga bag‘ishlanib, zamonaviy ta’lim jarayonida sun’iy intellektdan samarali foydalanish, ingliz tilini o‘qitish metodikasining ilg‘or yondashuvlari, akademik yozuv kompetensiyalarini rivojlantirish hamda xalqaro ta’lim standartlariga mos pedagogik strategiyalarni yoritishga qaratildi.
Tadbir davomida mutaxassis tomonidan: sun’iy intellektning ta’lim jarayonidagi o‘rni va ahamiyati;
ingliz tilini o‘qitishda zamonaviy interaktiv metodlar;
akademik yozuv ko‘nikmalarini shakllantirish usullari;
ilmiy tadqiqot olib borishda AI texnologiyalaridan foydalanish imkoniyatlari haqida batafsil ma’lumotlar berildi.

Trening jarayoni interaktiv ruhda o‘tib, talaba va professor-o‘qituvchilar faol ishtirok etdilar. Ishtirokchilar o‘zlarini qiziqtirgan savollarga javob oldilar, tajriba almashish imkoniyatiga ega bo‘ldilar hamda zamonaviy pedagogik yondashuvlar yuzasidan yangi bilim va ko‘nikmalarni egalladilar.

Mazkur trening mashg‘ulotlari kafedra mudiri f.f.f.d. (PhD) M. Abduvahabova hamda kafedra katta o‘qituvchilari G. Tursunova va M. Polvanova tomonidan tashkil etildi.

Tadbir yuqori saviyada tashkil etilib, ishtirokchilar tomonidan ijobiy baholandi. Ushbu trening professor-o‘qituvchilar va talabalar uchun zamonaviy ta’lim texnologiyalarini o‘zlashtirish hamda xalqaro tajribani o‘rganishda muhim ahamiyat kasb etdi.

😊Ingliz tili ikkinchi fakultetining ijtimoiy tarmoqlardagi sahifalariga aʼzo boʻling!

📱Telegram. 📱Instagram