📢Notiqlik va Debate Klublari yangiliklari
🇺🇿O'zDJTU 🇺🇿😊 2-ingliz fakulteti

📌 1- va 2-mavsum talabalarimiz uchun navbatdagi notiqlik mashg‘uloti mazmunli va samarali tarzda bo‘lib o‘tdi. Ushbu mashg‘ulot davomida ishtirokchilar nafaqat nutq so‘zlash texnikalari, balki auditoriya bilan to‘g‘ri muloqot qilish, fikrni mantiqiy va ta’sirchan yetkazish ko‘nikmalarini ham mustahkamlashdi. Har bir talaba o‘z ustida ishlab, sahnada erkin va ishonch bilan chiqish qilishga harakat qildi.

🔅Mashg‘ulotning eng muhim qismi sifatida “Tabaqalashtirilgan stipendiya sifatli ta’lim olishga sabab bo‘ladi” mavzusida qizg‘in va mazmunli munozara tashkil etildi. Ushbu bahs davomida talabalar turli pozitsiyalarni egallab, muammoni chuqur tahlil qilishdi, dalil va qarshi dalillar keltirish orqali o‘z nuqtai nazarlarini himoya qilishdi. Munozara jarayoni nafaqat bilim almashish, balki fikrlash doirasini kengaytirish uchun ham muhim maydon bo‘ldi.

📝Bunday mashg‘ulotlar talabalarda tanqidiy va mustaqil fikrlashni shakllantirish, nutq madaniyatini rivojlantirish, jamoa oldida o‘z fikrini erkin ifoda etish va bahs madaniyatiga rioya qilish kabi muhim ko‘nikmalarni rivojlantirishga xizmat qiladi. Shu bilan birga, ular yoshlarning liderlik qobiliyatini oshirib, kelajakdagi muvaffaqiyatlari uchun mustahkam poydevor yaratadi.

🖐Biz bilan birga rivojlaning, fikringizni dadil bildiring va yetakchiga aylaning!

⬇️Bizni kuzatib boring:
🌐Instagram 🌐Telegram

🌍🌍🌍🌍🌍🌍

Nomli davlat stipendiyalariga bag‘ishlangan seminar muvaffaqiyatli o‘tkazildi!

15-aprel kuni 2-Ingliz fakultetida Navoiy stipendiyasi hamda Prezident granti uchun tayyorgarlik mavzusida muhim va foydali seminar tashkil etildi. Tadbir davomida ishtirochilar nomli davlat stipendiyalarining talablari, tanlov jarayonlari hamda muvaffaqiyatli nomzod bo‘lish strategiyalari haqida batafsil ma’lumotga ega bo‘lishdi. Ushbu uchrashuvda universitet Iqtidorli talabalarning ilmiy-tadqiqot faoliyatini tashkil etish bo'limida Bo‘lim boshlig‘i Ismatova Shahnoza Miraxmatovna va fakultet ilmiy ishlar, innovatsiyalar va iqtidorli talabalar bilan ishlash bo'yicha dekan muovini Begmatova Sohiba Mustafoyevnalar ishtirok etdilar va talabalarni nomli stipendiyalarga nomzod bo'lish tartibi bilan tanishtirdilar.

📚 Seminar doirasida:
• Kuchli portfolio yaratish,
• Arizalarni to‘g‘ri va samarali topshirish,
• Tanlovda ajralib turish yo‘llari haqida amaliy tavsiyalar berildi.

🎤 Tadbirda Navoiy stipendiyasi sohibasi Turdiyeva Zahro hamda Prezident granti sohibasi Shahlo Bahriddinova o‘z tajribalari, yo‘l qo‘ygan xatolari va muvaffaqiyatga erishish bosqichlari bilan o‘rtoqlashdilar. Ishtirochilar o‘zlarini qiziqtirgan savollarga ham batafsil javob oldilar.

Bunday mazmunli uchrashuvlar talabalarning kelajakdagi yutuqlariga mustahkam poydevor yaratishiga ishonamiz.

😊Ingliz tili 2 fakulteti ishtimoiy tarmoqlardagi sahifalariga a’zo bo’ling.!

📱Telegram 📱Istagram