🟦🟦🟦🟦🟦🟦🟦

Bugun, 2026-yil 9-aprel kuni Ingliz tili 2-fakultetida iqtidorli talaba Malika Yoqubovaning “Sabo qizi” nomli she’riy to‘plamining taqdimoti bo‘lib o‘tdi. Mazkur tadbir fakultet professor-o‘qituvchilari, talaba-yoshlar hamda adabiyotga qiziqish bildirganlar ishtirokida tashkil etildi.

Taqdimot davomida Malika Yoqubovaning ijodiy faoliyati, uning she’riyatga kirib kelish yo‘li, ilhom manbalari hamda “Sabo qizi” to‘plamiga kiritilgan she'rlarning mazmun-mohiyati haqida batafsil ma’lumotlar berildi. So‘zga chiqqan ustozlar va talabalar yosh ijodkorning she’rlarida samimiyat, teran fikr va o‘ziga xos badiiy uslub mujassam ekanini alohida ta’kidladilar.

Shuningdek, taqdimot jarayonida muallifning ayrim she’rlari o‘qib eshittirildi, bu esa tadbirga o‘zgacha ruh bag‘ishladi. Tinglovchilar tomonidan iliq kutib olingan she’rlar yig‘ilganlarda chuqur taassurot qoldirdi. Malika Yoqubovaning ijodi bugungi kunda talabalar va yosh blogerlar orasida tobora ommalashib borayotgani, uning asarlari yoshlar qalbidan joy olayotgani e’tirof etildi.

Mazkur adabiy uchrashuv yosh iste’dodlarni qo‘llab-quvvatlash, ularning ijodini keng targ‘ib etish hamda talaba-yoshlar orasida kitobxonlik madaniyatini rivojlantirishda muhim ahamiyat kasb etdi.

Fakultet jamoasi Malika Yoqubovaga kelgusi ijodiy faoliyatida ulkan zafarlar, yangi-yangi yutuqlar va ijodiy parvoz tilaydi. Uning ijod yo‘li bundan buyon ham yanada porlab, o‘zbek adabiyotida munosib o‘rin egallashiga ishonch bildiramiz.

😊Ingliz tili ikkinchi fakultetining ijtimoiy tarmoqlardagi sahifalariga aʼzo boʻling!

📱Telegram. 📱Instagram



🟦🟦🟦🟦🟦🟦🟦

“Universitet malikasi” ko‘rik-tanlovi g‘oliblarini taqdirlash marosimi bo‘lib o‘tdi

Bugun O‘zbekiston davlat jahon tillari universitetida talaba-qizlar o‘rtasida tashkil etilgan “Universitet malikasi” ko‘rik-tanlovining g‘oliblarini tantanali taqdirlash marosimi bo‘lib o‘tdi.

Tadbirni universitet rektori Ilxomjon Tuxtasinov ochib berib, tanlovning ahamiyati haqida so‘zlab o‘tdi. U bunday tanlovlar talaba-qizlarning bilim va salohiyatini yuzaga chiqarishda, ularni yetakchilik ko‘nikmalari, nutq madaniyati va sog‘lom raqobat muhiti bilan ta’minlashda muhim ekanini ta’kidladi.

Tanlov davomida talaba-qizlar uchta asosiy shart bo‘yicha o‘z mahoratlarini sinovdan o‘tkazishdi:
1. Sport musobaqalari – yugurish, sakrash va basketbol.
2. Kitobxonlik testi – oldindan belgilangan badiiy asarlar bo‘yicha bilimlarini sinash.
3. Osh pishirish musobaqasi – milliy taomimiz oshni tayyorlashda pazandalik va ijodiy yondashuvni namoyon etish.

Har bir shart hakamlar hay’ati tomonidan belgilangan mezonlar asosida adolatli baholandi. Bugun esa barcha baholash natijalari e’lon qilinib, g‘oliblar tantanali ravishda taqdirlandi.

📜 Nominatsiyalar bo‘yicha g‘oliblar va mukofotlar:
• Miss University – Xudayqulova Shaxzoda Anvar qizi (Roman-german filologiyasi fakulteti)
Mukofot: stpendiyaning 5 baravari, koʻchma toj va Germaniya davlatida 1 yillik o‘qish uchun grand
• Boshqa nominatsiya g‘oliblari (Miss Pazanda, Miss Go‘zallik, Miss Kitobxon, Miss Sportchi, Miss Nafosat, Miss Iqtidor, Miss Oqila, Miss Tabassum, Miss Ijodkor, Miss Kreativ, Miss Joziba, Miss Latofat)
Mukofot: stpendiyaning 3 baravari
• Qolgan barcha ishtirokchilar
Mukofot: stpendiyaning 1 baravari

Taqdirlash marosimida g‘olib va sovrindorlarga universitet rektori Ilxomjon Tuxtasinov diplom va esdalik sovg‘alari topshirdi. Tanlov talaba-qizlarning bilim, iste’dod va ijtimoiy faolligini rivojlantirishga xizmat qiluvchi muhim platforma ekanini yana bir bor ko‘rsatdi.


🌐 Biz ijtimoiy tarmoqlarda:
Telegram | Instagram | Facebook | Sayt

🇺🇿 Oʻzbekiston davlat jahon tillari universiteti 😊 Ingliz tili ikkinchi fakulteti 🇺🇿 Yoshlar ittifoqi boshlangʻich tashkiloti Intelektual loyihalar klubi tashabbusi buyuk sarkarda va davlat arbobi Amir Temur tavalludiga bag‘ishlangan "Sohibqiron merosi" deb nomlanuvchi tanlovimiz muvaffaqiyatli o‘tkazildi
✅Tanlov davomida ishtirokchilar o‘z bilimlari, tafakkuri va tarixga bo‘lgan qiziqishlarini namoyon etdilar.
✅Tanlovimiz qiziqarli va bahs-munozaralarga boy bo‘ldi, eng faol qatnashchilar esa alohida e’tirof etildi.

G'oliblarimiz:

1-o'rin: O'zbegoyimlar jamoasi
2-o'rin: Thinkers union jamoasi
3-o'rin: Ufq jamoasi

✅Bunday tadbirlar yoshlarimizda tarixiy merosimizga hurmat, milliy g‘urur va bilimga intilishni yanada kuchaytiradi.
Barcha ishtirokchilarga rahmat!
G‘oliblarni tabriklaymiz🌟

✅Bizni kuzatib boring
📱Telegram 📱Instagram

🇺🇿 😊 O‘zbekiston davlat jahon tillari universiteti Ingliz tili 2-fakulteti talaba-qizlari “Universitet malikasi” tanlovida yorqin natijalar qayd etdi

👑O‘zbekiston davlat jahon tillari universitetida o‘tkazilgan “Universitet malikasi” ko‘rik-tanlovida Ingliz tili 2-fakulteti talaba-qizlari faol ishtirok etib, o‘zlarining bilim, iste’dod va har tomonlama salohiyatini yuqori darajada namoyon etdilar.

📖 Tanlov davomida ishtirokchilar sport, kitobxonlik va pazandalik yo‘nalishlari bo‘yicha o‘z mahoratlarini sinovdan o‘tkazishdi.

🏆 Tanlov yakunlariga ko‘ra, fakultetimiz talaba-qizlari quyidagi nominatsiyalarni qo‘lga kiritdilar:
➡️Yusupova Sevinch – Miss kitobxon
➡️Bahodirova Madina – Miss go‘zallik
➡️Hasanova Gavharoy – Miss sportchi nominatsiyalarini qoʻlga kiritishdi.
Shuningdek, Mavlonova Saodat ham tanlovda faol ishtirok etib, o‘zining salohiyati va intiluvchanligi bilan alohida e’tibor qozondi.

✅Ushbu yutuqlar fakultetimiz talaba-qizlarining nafaqat bilimli, balki har tomonlama iqtidorli, faol va tashabbuskor ekanliklarini yana bir bor namoyon etdi.

✨Ingliz tili 2-fakulteti jamoasi barcha ishtirokchi va g‘oliblarni samimiy muborakbod etadi hamda ularga kelgusida yanada ulkan zafarlar tilaydi!

🌐 Bizni kuzatib boring:
Telegram | Instagram