🟦🟦🟦

Amir Temur tavalludining 690 yilligiga bag‘ishlangan ma’naviy-ma’rifiy tadbir

Ingliz tili 2-fakulteti tyutori D. Burxonova boshchiligida 2522-guruh talabalari ishtirokida buyuk sarkarda va mohir davlat arbobi Amir Temur tavalludining 690 yilligiga bag‘ishlangan mazmunli tadbir tashkil etildi.

Tadbir davomida Amir Temurning boy hayoti, uning dono davlat boshqaruvi, strategik fikrlashi hamda yoshlar uchun ibrat bo‘ladigan yuksak fazilatlari haqida qiziqarli va foydali ma’lumotlar taqdim etildi.

Buyuk ajdodlar – buyuk kelajak poydevori!
Ularning bebaho merosi bizni doimo ilhomlantirib, yangi marralar sari undaydi!

😊Ingliz tili ikkinchi fakultetining ijtimoiy tarmoqlardagi sahifalariga aʼzo boʻling

📱Telegram. 📱 Instagram

🟦🟦🟦🟦🟦🟦🟦

Xalqaro bo‘lim xodimlari Ingliz tili ikkinchi fakultetiga tashrif buyurdi.

Bugun Xalqaro bo‘limi xodimlari Ingliz tili ikkinchi fakultetiga tashrif buyurib, fakultet professor-o‘qituvchilari uchun uchrashuv o‘tkazdi. Uchrashuv davomida xalqaro hamkorlik doirasidagi maqsadli ko‘rsatkichlar, ularning mazmun-mohiyati hamda ushbu ko‘rsatkichlarga erishish bo‘yicha amalga oshirilishi lozim bo‘lgan vazifalar haqida batafsil ma'lumotlar berildi.

Shuningdek, ko‘rsatkichlar asosida amalga oshiriladigan yangi tashabbuslar va kreativ yondashuvlar ham tushuntirildi.

Tadbir yakunida berilgan ma'lumotlar barcha professor-o‘qituvchilarga yetkazilib, kelgusidagi ish faoliyatida foydalanish bo‘yicha tavsiyalar berildi.

😊Ingliz tili ikkinchi fakultetining ijtimoiy tarmoqlardagi sahifalariga aʼzo boʻling!

📱Telegram. 📱Instagram

🟦🟦🟦🟦🟦🟦🟦

Ingliz tili ikkinchi fakultetida kengaytirilgan yig‘ilish o‘tkazildi

Ingliz tili ikkinchi fakultetida kengaytirilgan yig‘ilish bo‘lib o‘tdi. Unda universitet tomonidan belgilab berilgan ustuvor vazifalar, xususan, fakultetning maqsadli ko‘rsatkichlari, xalqaro va ilmiy faoliyatga oid masalalar yuzasidan amalga oshirilayotgan ishlar keng muhokama qilindi.

Yig‘ilish davomida hozirgi kunga qadar maqsadli ko‘rsatkichlar doirasida bajarilgan ishlar tahlil qilinib, bu borada hali amalga oshirilishi lozim bo‘lgan vazifalar yuzasidan mas’ullarga tegishli topshiriqlar berildi. Jumladan, professor-o‘qituvchilarning ilmiy maqolalar chop etishi, xalqaro konferensiyalarda ishtiroki, xorijiy hamkorlikni kengaytirish hamda grant loyihalarida faol qatnashish masalalariga alohida e’tibor qaratildi.

Shuningdek, o‘quv jarayonlarining sifatli tashkil etilishi, dars mashg‘ulotlarining o‘z vaqtida va samarali o‘tilishi, talabalarning darslarda faolligi va davomati, professor-o‘qituvchilarning darslarda muntazam ishtirok etishi masalalari ham ko‘rib chiqildi.

Bundan tashqari, o‘quv jarayoniga oid barcha ma’lumotlarni Hemisphere elektron platformasi orqali o‘z vaqtida va to‘g‘ri kiritib borish, baholash natijalarini tizimga joylashtirish hamda elektron ta’lim tizimidan samarali foydalanish bo‘yicha ham tegishli ko‘rsatmalar berildi.

Yig‘ilish yakunida fakultet faoliyatini yanada takomillashtirish, belgilangan maqsadli ko‘rsatkichlarga erishish hamda ta’lim va ilmiy faoliyat samaradorligini oshirish bo‘yicha zarur vazifalar belgilab olindi.
Tadbir so‘nggida ilmiy darajaga ega bo‘lgan hamda ilmiy unvonni qo‘lga kiritgan professor-o‘qituvchilar fakultet jamoasi oldida munosib taqdirlanib, ularning mehnatlari e’tirof etildi.

😊Ingliz tili ikkinchi fakultetining ijtimoiy tarmoqlardagi sahifalariga aʼzo boʻling!

📱Telegram. 📱Instagram