گومان لە کتێب...
موحەقیقی کتێبی نقض علی المریسی كە دراوەتە پاڵ عوسمان کوڕی سەعیدی دارەمی. ئەڵێ بۆ تەحقیقی ئەم کتێبە پشتم بەتاکە دەسنوسێکی ئەو کتێبە بەستووە کە نوسەرەکە ساڵی 735 ی کۆچی نوسیویەتی،
واتە دوای نزیکەی 500 ساڵ لە مردنی دانەری کتێبەکە.
وە ئیعترافیش ئەکات کە فەرمودەی زەعیف و مونکەری تێدایە..
ئەو کتێبە زۆر شتی عەجیبی تێدایە کە تەجسیمی وازحە.
ئەڵێ : کەسێک لە سەر کێوێک بێ لە خوا نزیکترە لە کەسێک لە خوار شاخەکە بێ،چون سەری شاخ لە ئاسمان نزیکتره،هەروەک ئاسمانی حەوتەم لە عەرش نزیکترە لە ئاسمانی شەشەم، هەروەها شەشەم نزیکترە لە پێنجەم تا ئەگاتە زەوی....
م. یوسف قەڵپی

ئایا ڕاستە الإمام مجاهد فەرموویەتی: تەفسیری (المقام المحمود) بریتییە لەوەی الله تعالی پێغەمبەرەكەی صلی الله علیه وسلم لەگەڵ خۆیدا لەسەر عەرش دادەنیشێنێت ؟

نەخێر لاوازە چونکە (ليث بن أبي سليم) لە سەنەدەکەدا هەیە كە كەسێكی زەعیفە و فەرموودەی لەلای فەرموودەناسان لە مرتەبەی ضعیف ە و لە كۆتایی تەمەنیدا تیكچووە و سەنەدەكانی تێكەڵ دەكرد و بە گشتی جێگای متمانە نەبووە.

یحیی بن معین دەربارەی لیث ئەڵێ: لاوازە
[الكامل في ضعفاء الرجال، ٳبن عدي ۷/۲۳۳]

بەڵکو ئەثەری سەحیح لە مجاهدەوە ئەوەیە كە (المقام المحمود) ی بە شەفاعەت تەفسیر كردووە.

أَخْبَرَنَا عَبْدُ الرَّحْمَنِ، قَالَ: نا إِبْرَاهِيمُ، قَالَ: نا آدَمُ، قَالَ: نا وَرْقَاءُ، عَنِ ابْنِ أَبِي نَجِيحٍ، عَنْ مُجَاهِدٍ، {عَسَى أَنْ يَبْعَثَكَ رَبُّكَ مَقَامًا مَحْمُودًا}
[الإسراء: ٧٩] قَالَ: «§الْمَقَامُ الْمَحْمُودُ شَفَاعَةُ مُحَمَّدٍ صَلَّى اللَّهُ عَلَيْهِ وَسَلَّمَ» [تفسير مجاهد/ص ٤٤۱]

ئیجماعی موفەسیرین: أبو الحسن الواحدي (٤٦۸ هـ) فەرموویەتی:
ئیجماع ـئی موفەسیرین لەسەر ئەوەن کە (المقام المحمود) بریتیە لە شەفاعەت. [تفسير الوسيط للواحدي ٣/١٢٢]
پاشان حەدیسێکی سەحیحی نەقڵ کردوە کە پێغەمبەرمان صلی الله علیه وسلم تەفسیری (المقام المحمود)ی کردوە بە شەفاعەت.

الإمام الطبري لە تەفسیری ئەم ئایەتە: [عَسَىٰ أَن يَبْعَثَكَ رَبُّكَ مَقَامًا مَّحْمُودًا] قەولی ئیمامی ٳبن عباس رضي الله عنهما دێنێتەوە کە فەرموویەتی: مقام الشفاعة. وە قەولی چەندین زانای تابعی دێنێتەوە کە هەمان ڕایان هەبوە لەوانە الحسن و سلمان و قتادة و مجاهد..هتد لەگەڵ حەدیسە سەحیحەکەی پێغەمبەریش صلی الله عليه وسلم.

پاشان الطبري دەفەرمووێت: قال أكثر أهل العلم: إنه الشفاعة للناس
ليريحهم ربهم من عظيم ما هم فيه، من شدة ذلك اليوم ...
واتە: زۆربەی ئەهلی عیلم لەسەر ئەوەن كە تەفسیری (المقام المحمود) مانای شەفاعەتە و دوای ئەوە (أثر) زۆری هیناوەتەوە
وەكو بەڵگە لەسەر ئەوەی كە مەعنا و تەفسیرەكەی شەفاعەتی گەورەیە.

الحافظ ٳبن عبد البر (٤٦٤ هــ) فەرموویەتی: هەموو زانایان لەسەر ئەوەن كە واتای (المقام المحمود) لە ئایەتی: {عَسَى أَن يَبْعَثَكَ رَبُّكَ مَقَامًا مَّحْمُودًا} شەفاعەتە و ئەثەرەكەی مجاهدیشیان بە ئەثەرێكی مونكەر زانیوە و وەریان نەگرتووە.
[التمهيد لابن عبد البر/ج۱۹/ص٦۳-٦٤]

ٳبن خزيمة فەرموویەتی: عنْ أَبِي هُرَيْرَةَ رَضِيَ اللَّهُ عَنْهُ عَنِ النَّبِيِّ صلى الله عليه وسلم فِي قَوْلِهِ {عَسَى أَنْ يَبْعَثَكَ رَبُّكَ مَقَامًا مَحْمُودًا} قَالَ هُوَ الْمَقَامُ الَّذِي أَشْفَعُ فِيهِ لأُمَّتِي. [التوحید لابن خزیمة ١/٤٥٩]

الإمام البيهقي له (شعب الإيمان) بەرگی ١ لاپەڕەی ٢٨٢ و ٳبن حجر لە (فتح الباري) بەرگی ١١ لاپەڕەی ٤٢٦ و ٳبن أبي حاتم تفسیرەکەی بەرگی ٦ لاپەڕە ١٧٦٦ وە تەفسیری البغوي بەرگی ٣ لاپەڕەی ١٣١
و....هتد بە هەمان شێوە.

الذهبي رحمه الله فەرموویەتی: مەسەلەی دانیشاندنی پێغەمبەر صلی الله علیه وسلم لەگەڵ الله تعالی لەسەر عەرش ئەوە هیچ دەقێكی لەسەر نەهاتووە و جێگیر نەبووە ، جگە لە شوێنەوارێكی لاواز نەبێت لە مجاهدەوە. الذهبي بە توندی ئەو ئەثەرەی مجاهدی ڕەت كردووەتەوە و لەگەڵ ئەوانەی رەتیان كردووەتەوە ئەویش ئەثەرەكەی مجاهدی ڕەت كردووەتەوە و بە صحیح ی نەزانیوە.
[العلو للذهبي/ص ۱۷۰]

الذهبي دوبارە لە [ميزان الاعتدال ٣/٤٣٩] پاش ئەوەی وەسفی الإمام مجاهدی كردووە وتوویەتی: وقال أبو بكر بن عياش: قلت للاعمش: ما بال تفسير مجاهد مخالف - أو شئ نحوه؟ قال: أخذها من أهل الكتاب.
واتە: ٳبن عياش بە الأعمش ـی وتووە: بۆچی تەفسیرەكەی مجاهد بۆ (المقام المحمود) جیاوازە ؟ فەرمووی: لەبەر ئەوەی لە ئەهلی
كیتابەوە وەریگرتووە.

الإمام القرطبي رحمه الله فەرموویەتی: اختلف في المقام المحمود على أربعة أقوال: الأول- وهو أصحها- الشفاعة للناس يوم القيامة،
قاله حذيفة بن اليمان. واتە: زانایان دەربارەی تەفسیری (المقام المحمود) جیاوازییان لە نیواندایە و لەو بارەوە چوار بۆچوونیان هەیە، ڕاستترین ئەوەیە (المقام المحمود) واتای شەفاعەتە وئەمە لە حذیفة بن الیمان گێڕدراوەتەوە. [تفسير القرطبي]

ئەوانەی پشتگیری لەم بۆچوونە دەكەن زیاتر ناو كۆ ئەكەنەوە و هەركێ ئەوەی وەرگرتبێت ناوی ئەهینن، بەڵام باسی بەڵگەكە ناكەن بزانە ئەو ئەثەرە كە صحیح نییە لەسەر چ بنەمایەكی زانستی و شەرعی دەیكەن بە عەقیدە بەسەرمانەوە ؟؟ كوا بەڵگەی ڕاستێتی ئەثەرەكە ؟؟ نەك بڵێی فڵان و فڵان قبوڵیان كردووە و فڵان و فڵان وتویانە ئەوەی قبوڵی نەكات جەهمییە و لە ئیسلام لایداوە، لە

كەیەوە قسەی رجال بەڵگەیە بێ ئایەت و بێ فەرموودەو بێ ئەثەرێكی صحیح ؟ دین بەڵگە وەردەگیرێت، بۆیە كوا بەڵگەكەتان؟
هەروەها پرسیاریش دەكەین بۆچی ئەو هەموو هاوەڵانەی كە لە فەرموودەی صحیحدا لە البخاري و مسلم و غەیری ئەواندا تەفسیری (المقام المحمود) یان لە پێغەمبەر صلی الله علیه و سلم بە شەفاعەت گێڕاوەتەوە باسی دانیشاندنی پێغەمبەر صلی الله علیه و سلم یان لەگەڵ پەروەردگاردا نەكردووە لەسەر عەرش؟ ئایا دەكرێت ئەوان ئاگاداری ئەوە نەبن و ئەو زانایانە لەوان شارەزاتر بن؟ چونكە مەسەلەیەكی وا دەبێت بە بەڵگەیەكی مەرفوع لە پێغەمبەرەوە صلی الله علیه و سلم جێگیر بێت و شتێك نییە كەس بۆ ڕاوبۆچوونی خۆی قسەی لەسەر بكات.

سەید محمد

👆👆👆👆👆(١)
پوجکردنەوەیی کوفریی وەهابیەکان
!!!!
تێبینی ئێمە وەهابیمان پێکافر نییە بەڵام کوفریان هەیە بونیی کوفر مانایی کافربوون ناگەیەنێت

👆👆👆👆👆(٢)
پوجکردنەوەیی کوفریی وەهابیەکان
!!!!
تێبینی ئێمە وەهابیمان پێکافر نییە بەڵام کوفریان هەیە بونیی کوفر مانایی کافربوون ناگەیەنێت

(مورشیدی حەقیقی ئاوایە)
هەڵوێستی ڕابەری طەریقەتی نەقشبەندی شێخ محمد عوسمان سیراجەددین (قدس سرە) بەرامبەر مەقامی ئەصحاب (رضي الله عنه)
نامەیەکی حەزرەتی شێخ محمد عوسمان سیراجەددین لەوەڵامی شێخ عەبدوڵا هەرەری حەبەشی ، کەئاگاداری ئەکاتەوە لەوەی نابێت تانە لەهیچ هاوەڵێکی پێغەمبەری خوا بدرێت و ئاگاداری قوتابیەکانی بکات لەوبارەیەوە ، چونکە ڕق لێبوونەوەی هاوەڵان ڕقبوونە لەخودی پێغەمبەری خوا (صلی الله علیه وسلم)
ئەمەش دەقی نامەکەیە:

ڕێزدار شێخ عەبدوڵای هەرەری(خوا بتانپارێزێ)
السلام علیکم ورحمةالله وبركاته
ٲمابعد:
نامەی بەڕێزتانم پێگەیشت دڵخۆش بووم بەتەندروستی و سەلامەتیتان، داواکارم لەپەروەردگار پارێزراوبن
من خۆشم دەوێن، چاوەکەم، بەنیسبەت ئەوەی کەنوسیوتانە لەنامەکەتاندا، من ئەوەتان پێ دەڵێم کەوەرم گرتووە لەجەنابی باوکم (شێخی عەلائەددین)(قدس سرە) وەزانایانی ئاینی لە وڵاتەکەماندا ، لەو خیلافات و تەنگەژیانەی کەڕوویانداوە لەنێوان هاوەڵانی بەڕێزدا بەهیچ جۆرێک لەسەر کێشەی خەلافەتی ئیمامی عەلی نەبووە (رضي الله عنه) بەڵکو هەڵەیەک بووە لەئیجتیهاد، موجتەهیدی هەڵەکار لەئیجتیهادا گومڕاو فاسیق نابێت ، بەڵکو پاداشتێکی بۆ هەیە بەپشتبەستن بەفەرموودەی شەریف.
وەئێمە باسی هاوەڵی پێغەمبەری خوا ناکەین مەگەر بەخێرو چاکە نەبێت، وەڕۆناچین لەوەی کەڕوویداوە لەنێوانیان
بەتایبەت لەلای کەسانی عەوام کە شارەزاییان نیە لە تەئویل.
پەرەوەردگار دەفەرموێت (محمد رسول الله والذين معه ٲشداء علی الكفار رحماء بينهم) الآية.
واته: حەزرەتی محمد و ئەوانەیش کەلەخزمەتیدا بوون هەڵوێستی توند دەنوێنن بەرامبەر دوژمنان و نەرم و نیانن لەنێوان خۆیاندا.
بۆیە پێویستە لەسەرمان زمانمان بپارێزین لەباسکردنیان مەگەر بەچاکە نەبێت
چونکە ڕق لێ بونەوە لەوانەی کەهاوەڵایەتیان چەسپاوە لەخزمەت پێغەمبەردا (صلی الله علیه وسلم) ڕق بوونە لەخودی پێغەمبەری خوا.
لەوەی کەباسکرا بەسە، باشترین وتە ، ئەو وتەیەیە کە پوخت و مانابەخشە.
ئەوەی کەداوامە لێتان قەدەغەکردنی قوتابیەکانتانە لەتانەدان لەوانەی هاوەڵایەتیان چەسپاوە لەخزمەت پێغەمبەری خوادا(صلی الله علیه وسلم)
بەتایبەت لەنێو چینی عەوامدا.
پەروەردگار یش تەوفیق بەخشە بۆ هەموو چاکەیەک
وصلی اللە علی سیدنا محمد وعلی آله وصحبه وسلم

واژوو
خزمەتکاری زانایان و هەژاران
شێخ محمد عوسمان سیراجەددین نەقشبەندی
ئیستانبوڵ، 5/ نیسان/ 1994ز

حَضرة الفَاضل الشيخ عبد الله الهرري ، حَفِظَهُ الله .
السلامُ عليكم ورحمة الله وبركاته ،أمّا بَعد .
فقد وصلني كِتابكم وسررنا بخبر صحتكم وسلامتكم ، ونتمنى من المَولى حفظكم ، وإنني أحبكم . يا عيني ، بالنسبة لما كتبتم في رسالتكم ، فإنني أقول ُ لكم ما أخذته عن حضرةِ الوالدِ قدس سره وعلماء الشريعةِ في بلادنا بأن ماوقع من المخالفات والمحاربات بين حضرات الصحابة لم يكن عن نزاع في خلافة الامام علي رضي الله عنه بل عن خطأ في الاجتهاد ، والمخطئ في الاجتهادِ لا يضلل ولا يفسق بل له أجرٌ مصداقاً للحديثِ الشريف ، وأننا لا نذكر أصحاب رسول الله صلى الله عليه وسلم إِلَّا بخيرٍ ولاَ نخوضُ في مَا وقعَ بينهم خصوصاً بين َ العوام الذين لا يعلمون التأويلَ ، فقد قال الله تعالى ( مُحَمَّدٌ رَسُولُ اللَّهِ ۚ وَالَّذِينَ مَعَهُ أَشِدَّاءُ عَلَى الْكُفَّارِ رُحَمَاءُ بَيْنَهُمْ ۖ ) الآية ، فيجبُ علينا أن نكف ألسنتنا عن ذكرهم إلاّ بخيرٍ كما أنّ الله كفّ أيدينا عن أذاهم ، إذ بغض من ثبتت صحبته للنبّي بغضٌ لَهُ صلى الله عليه وسلم كما صحَّ بِهِ الحديثُ . وفي المذكور كفاية ، وخيرُ الكلامِ ما قلّ ودلّ ، فالمرجو منكم نهي تلاميذ كم عن الطعن فيمن ثبتت صحبته لرسول الله صلى الله عليه وسلم ، خصوصاً بين العوام
.....
والله الموفق لكلِ خيرٍ ، وصلّى الله على سيدنا مُحَمَّدٍ وعلى آله وصحبه وسلم تسليماً كثيرا.
الإمضاء خادم العلماء والفقراء الشيخ مُحَمَّد عثمان سراج الدين النقشبندي إستانبول في ٥ نيسان ١٩٩٤ م

ئەبوبەکر ئەفەندی خۆشناو، ئەو زانا کوردەی بۆ چارەسەری کێشەی موسڵمانانی کەیپ-تاون رەوانەی باشووری ئەفریقا کرا

یەکێک لەو زانا کوردانەی، کە بە ئەستێرەیەکی درەوشاوەی کورد و جیهانی ئیسلامی دادەنرێت، ئەبوبەکر ئەفەندییە، کە لە سەدەی نۆزدەدا لەلایەن دەوڵەتی عوسمانییەوە دەنێردرێت بۆ باشووری ئەفریقا، هەتا کێشەی موسڵمانانی ئەو ناوچەیە چارەسەربکات.

سوداد رەسووڵ، مامۆستای زانکۆی سۆران و خوێندکاری دکتۆرا لە مالیزیا، توێژینەوەیەکی لەبارەی ژیانی ئەبوبەکر ئەفەندی کردووە و گەیشتووە بەو ئەنجامەی، کە ئەم زانا کوردە لە ساڵی 1814 لە گوندی سیساوە لە بنەماڵەیەکی زانا و خوێندەوار لەدایکبووە و سەرەتا لەو خوێندنگەیە دەستی بە خوێندن کردووە، کە لەلایەن باب و باپیرانیەوە لە گوندەکەیان دروستکراوە، پاشان بۆ درێژەدان بە خوێندن، روو دەکاتە ئیستانبوڵ و بەغداد و مەککە.

بنەماڵەی ئەبوبەکر ئەفەندی لە ساڵی 1830دا لەلایەن عەشیرەتێکی کوردییەوە هێرش دەکرێتە سەریان و خوێندنگەکەیان وێراندەکرێت، بەوهۆیەشەوە، ئاوارەی ئەرزەڕۆم دەبن و لەوێ دەگیرسێنەوە.

ئەبوبەکر لە ساڵی 1861 لە ئەرزەڕۆم دەبێت بە مودەریس، هەرزوو بەهۆی زیرەکیی و دانایی و شارەزایی لە شەرع و زانستە ئایینییەکاندا، توانی لە ناوچەکەدا ناوبانگێکی زۆر پەیدابکات و سەرنجی کاربەدەستانی عوسمانی بۆخۆی رابکێشێت و پەیوەندییان لەگەڵدا دابمەزرێنێت.

لە سەدەی نۆزدەدا، ئەو کاتەی باشووری ئەفریقا ژێردەستەی ئیمپراتۆریەتی بەریتانی بوو، ژمارەیەک موسوڵمان لە شاری دێرینی کەیپ تاوندا دەژیان، کە پێشتر لە سەردەمی دەستەڵاتی هۆڵەندییەکاندا وەک کۆیلە لە ناوچە جیاجیاکانی ئاسیادا هێنرابوون، لەو سەردەمەدا موسڵمانانی ئەوێ کۆمەڵێک کێشەیان لەبارەی شەرع و بابەتە ئایینییەکانەوە هەبوو، بۆیە داواکارییان پێشکەشکرد، هەتا کەسێکی شارەزا بۆ ناوچەکەیان بهێنرێت و رێنماییان بکات، بۆیە کاتێک داواکاریی پێشکەشی دەوڵەتی عوسمانی دەکرێت، سوڵتان عەبدولمەجیدی یەکەم بڕیاردەدات ئەبوبەکر ئەفەندی رەوانەی ئەوێ بکات، بۆیە لە ساڵی 1862، زانا کوردەکە بەرەو ئەو وڵاتە دوورەدەستە کۆچی یەکجاری دەکات.

ئەفەندی کاتێک دەگاتە کەیپ تاون، بۆ ئەوەی رێنماییە ئایینییەکانی بڵاوبکاتەوە خۆی فێری زمانی ئەفریکانی دەکات، کە بریتییە لە زارێکی زمانی هۆڵەندی لە باشووری ئەفریقا، دوای ماوەیەکی ئەبوبەکر فێری ئەو زمانە دەبێت و کتێبێک بە ناوی (بیان الدین) بە زمانی ئەفریکانی و بە ئەلفبێی عەرەبی دەنووسێت، کە کتێبەکە پێکهاتووە لە باسی ئادابەکانی دەستنوێژ و نوێژکردن و یەکلاکردنەوەی چەند پرسێکی شەرعی.

کتێبەکەی ئەبوبەکر ئەفەندی کاریگەری زۆربوو لەوەی ئەو زمانە بکات بە زمانی نووسین، ئەمەش وادەکات، ئەم کتێبە جگە لە گرنگیی ناوەڕۆکەکەی، کەرەستەیەکی لێکۆڵینەوەی زمانەوانەکانیش بێت.

ئەبوبەکر ئەفەندی لەپای ئەو خزمەتە زۆرەی کردوویەتی، لەلایەن موسڵمانانی ئەو ناوچەیە بە (شیخ العلم) ناسراوە و هەمیشە وەک ناوێکی درەوشاوە دەمێنێتەوە و بنەماڵەکەشی هەتا ئەمڕۆ خاوەنی پلەوپایەی کۆمەڵایەتیی بەرزن.

ئەبوبەکر ئەفەندی، لە ساڵی 1880 لە باشووری ئەفریقا لە تەمەنی 67 ساڵیدا کۆچیدوایی کردووە و لە گۆڕستانی تانا باروو لە کەیپ تاون نێژراوە.

سوداد رەسووڵ، ئەو توێژەرەی لێکۆڵینەوەی لەبارەی ژیانی ئەبوبەکر ئەفەندی و کارەکانی ئەنجامداوە، ئاماژە بەوە دەکات، کە لەلای نووسەرە تورکەکانەوە، هەوڵی ئەوە دەدرێت ناسنامەی کوردبوون لەم زانایە بسەندرێتەوە و وەک زانایەکی تورک و عوسمانی بیناسێنن.

توێژەرە کوردەکە ئەمساڵ لە سەردانێکیدا بۆ کەیپ تاون، چاوی بە بنەماڵەی ئەبوبەکر ئەفەندی کەوتووە و لەگەڵیاندا باسی لە ژیان و بەرهەمەکانی ئەو زانایە کردووە، وەک خۆی نووسیویەتی: "نەوەکانی ئەبوبەکر ئەمڕۆ لە شاری کەیپ تاون لە دامێنی چیای سەرکەشی تەیبڵ و نزیک بە کەنارەکانی ئۆقیانووسی ئەتڵەسی دەژین، هێشتا چاویان لە کوردستان و گوندی سیساوەیە، حەز دەکەن چاویان بە زێدی باپیرە گەورەیان بکەوێت، ئەوان هێشتا هەر کوردستان بە وڵاتی خۆیان دەزانن. لەم سەفەرە پێکەوە لەگەڵ بنەماڵەکەی بە تاجە گوڵێکەوە چووینەوە سەر قەبرەکەی ئەبوبەکر لە گۆڕستانی تانا بارو، لەسەر قەبرەکەی پەیمانمان نوێ کردەوە کە لێ ناگەڕێین ئەم مێژووە پڕ لە سەرەوەرییەی ئەم زانا کوردە ون ببێت، یان دەستی تەزویر و چەواشەکاری بگاتێ. دەبێ ئەم مێژووە زیندوو بکرێتەوە، جارێکی دی ئەم شانازییە بگەڕێتەوە بۆ کورد و بۆ سیساوە و خۆشناوەتی".

#کوردسات #Kurdsat

" ئایا خودا لە کوێیە ؟ "
ئایا خودا لە ناو شوێن و کاتدایە ؟
بەشی یەکەم .
ئامادەکردن/محمد عثمان فائق

ئەو خاڵەی کە کڕۆک و ناوەڕۆکی بابەتەکەیە ئەوەیە کە ئایا خودی پرسیاری " خودا لە کوێیە ؟ " ڕاستە یاخود هەڵەیە ؟

پرسیاری " خودا لە کوێیە ؟ " بریتیە لە پرسینی شوێنی خودا ، وەڵامی ئەم پرسیارەش بە پرسیار دەدرێتەوە :
دەڵێین : ئایا شیاوە خودا شوێنی هەبێت ؟ ئایا خودا نیازی بە شوێن هەیە ؟

تەواوی درووستکراوەکانی خودا پێچ دراون بە دوو شت : کات پاشان شوێن ، کات و شوێنیش بریتین لە درووستکراوی خودا ، ئێستا بیربکەوە کە ئایا خودا دێت بۆ ناو درووستکراوەکانی خۆی کە کات و شوێنە ؟ ئایا خودا پێویستی بە کات و شوێنە لە کاتێکدا خۆی درووستیانی کردووە ؟
عمران بن الحصين دەگێڕێتەوە کۆمەڵێک خەڵک لە هۆزی بني تميم هاتن بۆ لای پێغەمبەرمان و پرسیاریان لە بارەی پێش درووستکردنی بوونەوەران لێ کرد ، پێغەمبەرمان لە وەڵامدا دەفەرمووێت : كانَ اللهُ ولَمْ يَكُنْ شيءٌ غَيْرَهُ [حلية الٲولياء ۲٥۸/۸ صحيح متفق عليه] .
واتە : اللە بوونی هەبوو وە هیچ شتێك بوونی نەبوو جگە لە ئەو .
بەڵێ لە سەرەتادا تەنها و تەنها اللە بوونی هەبوو ، نە کات نە شوێن بوونی نەبوو پاشان خودا کات و شوێنی درووستکرد و بوونەوەرانی خستە ناو تاقیکردنەوەی ژیان لە ناو کات و شوێندا ، ئێستا پرسیارێک درووست دەبێت :
اللە بوونی هەبوو وە کات و شوێن بوونی نەبوو تا لەناویدا بێت ، ئایا ئێستاش لەهەمان بارودۆخە یاخود هاتووتە ناو کات و شوێن ؟
ئەگەر بڵێیت لە هەمان باروودۆخەوە و سەرەتا چۆن بوو ئێستاش وەهایە و لەناو کات و شوێندا نیە ئەوا پێکاوتە و پاک و بێگەردی و بێنیازی خودات سەلماندووە لە درووستکراوەکانی خۆی کە کات و شوێنە ، ئەگەریش بڵێیت هاتوتە ناو کات و شوێن ئەوا تۆ خودات نیازدار کردووە بە کات و شوێن ، جا ئایا ئەو بیرکردنەوەیە ڕاستە کە بڵێیت خودا نیازدارە بە کات و شوێن ؟!
هەموو ئەوانەی کە لە ناو کات و شوێندان و نیازیان بە کات و شوێن هەیە بریتین لە ماددە ، ماددەش درووستکراوە ، ئەگەر بڵێیت خودا لە ناو کات و شوێندایە ئەوا بپرسە لە خۆت کە ئایا خودا ماددەیە تا لە ناو کات و شوێن بێت ؟ ئایا خودا درووستکراوە تا لە ناو کات و شوێن بێت ؟ بێگومان نەخێر ، دەی کەواتە خودا نیازی بە کات و شوێن نیە .

ئێستا دوو پرسیات بۆ درووست دەبێت :
۱ـ دەپرسیت ئایا خودا کاتی لا هەڵناسوڕێت و شوێنیشی نیە ؟
وەڵام : بەڵێ خودا کاتی لەلا هەڵناسوڕێت وە لە ناو شوێنیشدا نیە و ڕوونمان کردەوە بۆچی .
۲ـ دەپرسیت کە چۆن دەکرێت شتێك بوونی هەبێت بەبێ شوێن و کاتیشی لا هەڵنەسوڕێت ؟
وەڵام : خودا شت نیە و درووستکەری شتە ، ئەوەی تا ئێستا تۆ دیوتە شت بووە و شتیش پێویستی بە شوێن و کاتە ، بەڵام خودا شت نیە و شوێن و کاتیشی ناوێت .

اللە دەفەرمووێت : ﴿وَٱعۡلَمُوۤا۟ أَنَّ ٱللَّهَ غَنِیٌّ حَمِیدٌ﴾ [البقرة ٢٦٧]
واتە : بزانن کە اللە بێ نیاز و سوپاس کراوە .
بێ نیاز لە چی ؟ بێگومان بێ نیاز لەتەواوی درووستکراوەکانی ، ئەگەر خودا لە ناو شوێندابێت ئەوا غني عن مكان نیە بەڵکو فقیر الی مكان ـە ، واتە بێ نیاز نیە لە شوێن بەڵکو نیازدارە بە شوێن .
اللە دەفەرمووێت : ﴿هُوَ ٱلۡأَوَّلُ وَٱلۡـَٔاخِرُ وَٱلظَّـٰهِرُ وَٱلۡبَاطِنُۖ وَهُوَ بِكُلِّ شَیۡءٍ عَلِیمٌ﴾ [الحديد ٣]
واتە : هەر خودایە سەرەتایەک نیە بۆ هەبوونی و کۆتاییەک نیە بۆ مانەوەی و هەموو ئەوەی لە بووندایە بەڵگەیە لەسەر هەبوونی و خۆیشی دیارنیە و بەهەموو شتێکیش زانایە .
بڕوانە هەر خودایە سەرەتا و کۆتایی نیە ، ئەگەر خودا لە ناو شوێندا بێت ئەوا ئەو شوێنەش هەمان تایبەتمەندی ئەو وەردەگرێت و شوێنەکەشی سەرەتا و کۆتایی نیە !

بۆیە دەڵێین " كان الله ولا مكان ، وهو الآن علی ما عليه
كان " .
اللە هەبوو وە شوێن بوونی نەبوو ، ئەوکات چۆن بوو ئێستاش وەهایە .
ئەوە گوزارشتی پێغەمبەرە کە فەرمووی " اللە هەبوو جگە لە ئەو هیچ شتێک بوونی نەبوو " نە شوێن نە کات ، وە کە دەڵێین ئەوکات چۆن بوو ئێستاش وەهایە ئەمە بۆ پاک ڕاگرتن و بێ نیاز کردنی اللەیە لە ئەوەی کە شیاو نیە بە ئەو کە پاش درووستکردنی شوێن و کات بێت بۆ ناویان .

ئەگەر پێت وەهابێت خودا لە ناو شوێندایە ئەوا دەبێت دوو قسە بکەیت :
۱ـ یان ئەوەتا بڵێیت کە هەر لەگەڵ خودا شوێنەکەشی بوونی هەبووە ، ئەمەش هاوەڵت بۆ بڕیار داوە چونکە ئێمە پێمان وەهایە تەنها اللە درووستکراو نیە جا ئەگەر بڵێیت لەگەڵیدا شوێنەکەی بوونی هەبووە ئەوا کەواتە شوێنەکەیشی درووستکراو نیە .
۲ـ ئەگەر بڵێیت پاش درووستکردنی شوێن و کات هاتە ناو شوێن و کات ئەمەش هەڵەیە ، لەبەرئەوەی خودات نیازدار کردووە بە درووستکراوێکی خۆی ، ئەو پێش کات و شوێن بوونی هەبووە و سەرەتا و کۆتاییەکی نیە پاشان کات و شوێنی درووست کرد ئیتر چ نیازی پێیانە بێتە ناوی ؟!

بوێریت هەیە بڵێیت لە ناو شوێنە ؟ ئەگەر وەها بڵێیت ئەوا مانای ئەوەیە خودات محدود کردووە واتە خودا پێچ دراوە بە شوێنێک .

بۆیە خودا بە زانست لە تەواوی درووستکراوەکانیەوە نزیکە بە هەمان مەودا ، بەڵام شتێک نیە بە ناوی دوور و نزیکی درووستکراوەکان لە خودا بە دوور و نزیکی ماددی چونکە خودا ماددە نیە و لە شوێندا نیە ، کە ماددە نەبوو وە لە شوێندا نەبوو ئەوا دوور و نزیکی ماددی درووست نابێت وەك پێشەوای شیکەرەوانی قورئان (ابن جریر الطبري) لە پەڕاوی (جامع البيان) لە شیکردنەوەی دەقی ۳ ـی سورەتی الحدید دەڵێت : لا شىء أقرب إلى شىء منه .
واتە : هیچ شتێک لە شتێکی دیکە لە خوداوە نزیکتر نیە .
ئەمەش واتە هیچ کام لە درووستکراوەکانی خودا لە چاو درووستکراوێکی دیکەی خودادا بوونی نیە کە لە ڕووی دوور و نزیکی ماددی لە خوداوە نزیکتربێت ، تۆ ئەگەر لە ناو جەرگەی گۆڕدا بێت یاخود لەسەر ڕووی زەوی بیت یاخود لەسەر بەرزترین لوتکەی شاخێک بیت ئەوا خودات بەهەمان شێوە لەگەڵە بەبێ جیاوازی ، چونکە خودا لە شوێندا نیە تاوەکو دووریەکی جیاوازبێت لەگەڵ کابرای ناو گۆڕ و کابرای سەر لوتکەی شاخەکە .

ئەمە بیروباوەڕێکی تەندرووستە بۆ بێ نیازکردنی خودا لە تەواوی بوونەوەر ، وەك پێشەوا (الطحاوي) لە پەڕاوی (عقيدة الطحاوية) لە لاپەڕەی دەستپێک دەفەرمووێت : تَعالى عَنِ الْحُدُودِ وَالْغَاياتِ والأَرْكَانِ والأعْضَاءِ والأَدَواتِ لا تَحْويِهِ الْجِهَاتُ السِّتُّ كَسَائِرِ الْمُبْتَدَعَاتِ .
واتە : خودا بێ بەرییە لە ئەوەی سنوور و کۆتایی و لاشە و ئەندام و پێداویستیەکانی جەستەی هەبێت و هیچ ئاڕاستەیەکیش ئەوی لە خۆ نەگرتووە وەك درووستکراوەکانی .
واتە : خودا لەسەرەوە نیە لە خوارەوەش نیە لە ڕاست و چەپ و پێش و پاشیش نیە ، چونکە ماددە نیە .

زانایانمان کۆڕابوونی لەسەر دەگێڕنەوە لە ئەوانیش پێشەوایان (ٲبو منصور البغدادي) لەگەڵ (ٲبو المعالي الجويني) لەگەڵ (الشهرستاني) لەگەڵ (اسماعیل بن ابراهیم الشیباني) .

کە پێشەوا (ٲبو منصور البغدادي) لە پەڕاوی (الفرق بين الفرق) لاپەڕە ۳۳۳ کۆدەنگی مسوڵمانان دەهێنێت لەسەر ئەم بۆچوونە پاکە و دەڵێت : وأجمعوا على أنه لا يحويه مكان ولا يجري عليه زمان .
واتە : کۆڕاین کە خودا نە شوێن لە خۆی دەگرێت نە کات لە لای هەڵدەسوڕێت .

وە هەروەها (ٲبو المعالي الجويني) لە پەڕاوی (الٳرشاد) لاپەڕە ٥۸ دەڵێت :
مذهب أهل الحق قاطبة أن الله سبحانه وتعالى يتعالى عن التحيز والتخصص بالجهات .
واتە : ڕێچکەی شوێنکەوتوانی ڕاستی ئەوەیە کە اللە سبحانە وتعالی بەرزترە لەئەوەی پێچ بدرێت و لە ئاڕاستەیەکدا بێت .

وە هەروەها (الشهرستاني) لە پەڕاوی (نهایة الٲقدام) لاپەڕە ۱۰۳ دەڵێت : فمذهب أهل الحق أن الله سبحانه لا يشبه شيئا من المخلوقات ولا يشبهه شىء منها بوجه من وجوه المشابهة والمماثلة فليس البارىء سبحانه بجوهر ولا جسم ولا عرض ولا في مكان ولا في زمان .
واتە : ڕێچکەی شوێنکەوتوانی ڕاستی ئەوەیە کە اللە لە هیچ شتێک لە درووستکراوەکانی ناچێت و لێکچواندنی نیە و نە پەیکەرە نە لاشە نە لە شوێندایە نە کات .

وە هەروەها (اسماعیل بن ابراهیم الشیباني) لە پەڕاوی (ٲبكار الٲفكار) لاپەڕە ۱۹٤ دەڵێت : قال أهل الحق : إن الله تعالى متعال عن المكان ، غير متمكن في مكان ، ولا متحيز إلى جهة خلافا للكرامية والمجسمة .
واتە : شوێنکەوتوانی ڕاستی دەڵێن : اللە بەرزترە لە شوێن ، لە شوێندا نیە ، وە ئاڕاستەشی نیە ، بەپێچەوانەی بۆچونی ئەوانەی لاشە بۆ خودا بڕیاردەدەن .

گوفتاری تەواوی زانایانم لەئەم بارەیەوە نەهێناوە بە دوو هۆکار :
۱ـ درێژنەبوونەوەی بابەتەکە ، چونکە ئەگەر بێت و تەنها قسەی کۆمەڵە زانایەکی سەدەی ٤ بۆ ٦ بهێنم وەك ٲبو حامد الغزالي یان ٲبوبکر بن الفورك یان ٲبوبكر الباقلاني یان ٲبوعبدالله القرطبي یان فخر الرازي و شرف النووي ... یاخود سەدەی ٦ بۆ سەرەوە وەك ابن حجر و السيوطي ... بەشێکی دیکەش لە گەورە زانایان بهێنم لەسەری ئەوا بە دە پۆستی دیکەش تەواونابێت .
۲ـ قسەکانیان وەك یەکن و جیاوازی نیە کە هەموویان پشت ڕاستکردنەوەی بێ نیازبوونی خودایە لە شوێن و ئاڕاستە و کات و سات .

پرسیار هاتە پێش ، دەپرسیت " ئەی بۆچی پێمان گوتراوە خودا لە ئاسمانە ؟ ئەی ئایا خودا لەسەر تەختەکەی نیە لەسەروو ئاسمانەکان ؟ ئەی بۆچی کاتی نزا دەست بەرزدەکەینەوە ؟ "
وەڵامی ئەمەیان بۆ بەشی دوو .

مامۆستا مەلا مستەفای شەشۆ فەرمووی:

ڕۆژێکیان لەمزگەوتی گەورە دانیشتبووم دەرسم ئەداوە، پیاوێک هات بۆلام و وتی مامۆستا خەوێکم دیوە، وتم چییە؟ وتی: سوێن بەخوا دوێنێ بۆ نوێژی عەسر هاتم بۆ مزگەوتی گەورە نوێژ بکەم، سەیر ئەکەم مامۆستا عبداللەی تەکیە پێش نوێژی دەکات، منیش وتم بەخوا زۆر خاوە بابڕۆم بۆ مزگەوتێکی تر، شەو لە خەوما بینیم لەمزگەوتی مەدینەم دەبینم پێغەمبەری خوا (صلى الله عليه وسلم) پێش نوێژی بۆ سەحابەکان دەکات، منیش ویستم بچم لەدوایەوە نوێژ بکەم، پێغەمبەری خوا (صلى الله عليه وسلم) ئیشارەتی بۆ مەئمورەکان کرد و فەرمووی: دووری بخەنەوە، مادام لەدوای ملا عبداللە نوێژت نەکرد لەدوای منیش نوێژ ناکەیت.

م. بڕوا شارباژێڕی

ئیبنو خەفیفی شیرازی و زیارەتەکەی مەدینە.

پێشەوا ئیبنو خەفیفی شیرازی دەفەرمووێ:(کاتێک ڕۆیشتم بۆ مەدینە تووشی دەردەسەری زۆربووم، بۆیه ڕۆشتم بۆ زیارەتی موستەفا️ ﷺ، لەپێش ڕەوزەی شەریفە بەربوومەوە، وتم: ئەی پێغەمبەری خوا️ ﷺ برسیمه، کاتێک ئەم قسەیەم کرد زۆر پەشیمان بوومەوە، هەر ئەو ڕۆژە لەدەیان شوێنەوە خواردنیان بۆ هێنام، بەڵام هیچیانم قەبوڵ نەکرد چونکە لەسەر ئەو قسەیەم زۆر پەشیمانبووم).

سەرچاوە:(سیرة الشیخ الکبیر للدیلمی ص280 ـ 281، و المعقتد الصغیر للامام ابن خفیف الشیرازي ص149 ط: دار الامام الرازي).

🔰پێشەوا ئیبنو خەفیفی شیرازی یەکێکە لە زانایانی سەلەف، له ساڵی 267ـی کۆچی لەدایکبووە، و لە ساڵی 371ـی کۆچیدا وەفاتی کردووە، پێشەوا ئیبنو عیماد له باسیدا دەڵێت:(شێخی هەموو ناوچەی فارس بووە، خاوەنی ئەحواڵ و مەقامات بووە).(شذرات الذهب لابن عماد ج4 ص386).

✍️سالار احمد نەوجولی

زەكەریا چۆن موسڵمان بوو:ئەم برادەرە مەسیحیەو هاتووە بۆئەستەمبوڵ دانەكانی بۆرێك بكەنەوە ، لەئاودەستی مزگەوتا جانتاكەی بیردەچێت هەرچی شتیشی دەبێت لەجانتاكەیدا دەبێت ، رۆژی یەكشەمە ئەچێتەكەنیسەیەك بەهیوای ئەوەی وەك مەسیحیەك هاوكاری بكەن ، قەشەكە هاوكاری ناكات ،ئێوارە ئەچێتە مزگەوتێكی بچووك نزیك مزگەوتی سوڵتان ئەحمەد كزكەساس دائەنیشێ‌ ، موسڵمانان دەبینێ‌ نوێژدەكەن، دوای نوێژەكە گەنجێكی سعودی دێتە لایەوەو سەلامی لێدەكات (السلام علیكم ورحمە اللە) ئەمیش دەڵێت:من موسڵمان نیم ، ئەڵێ‌ ئاساییە حەزدەكەی بابچینە ئەو كافتریایە قسە بكەین ، لەكافتریەكە دانیشتین ولەدڵەوە ئەترسام چونكە وایان گۆش كردوین كەموسڵمانان تیرۆریستن ، باسی ئیسلامی بۆكردم لەم گوێوە چووە ژوورەوەو لەوی دیكەوە هاتە دەرەوە ..وتی: تۆ چی دەكەی ؟وتم:ئەوە حاڵ ومەسەلەكەمە.
هات لەگەڵما 1500 لیری دا بەسێ‌ شەوی مانەوەی ئوتێلم و 1500 لیرەشی دامێ‌ بۆخەرجی و وتی:سبەی دێمەوە بۆلات بۆهەمان مزگەوت ، بۆسبەی هاتەوە وتی:ئەوە دووتەلەفونم هەبوو یەكێكیان سیم كارت و سەنتم بۆتێكردوی باپێت بێت .
شەو زۆربیرم لەقسەكانی كردەوەو دوعام كرد خوایە ئەگەر ئیسلام هەقە شتێكم پیشان بدە، سبحان اللە لەخەوما كەسێكی ریش رەش كەعەمامەی سەوزی بەسەرەوەبوو سێ‌ جار پێی وتم:زەكەریا خوا یەكە.
هەستام هەمووگیانم نیشتبووە سەرعارەق و بڕیارمدا موسڵمان بم.چوومە مزگەوتی سوڵتان ئەحمەد دوای نوێژی هەینی موسڵمانبوونم ، وەك باڵندەیەك لەقەفەس رزگاری بێت رزگارو ئاسوودەبووم، سوپاس بۆخوا كە رێی هیدایەتی بۆئاسان كردم...

اندازيار عثمان

پۆلێنکردنی زانایان:
ئیمامی غەزالی (ڕەحمەتی خودای لێ بێت) دەفەرموێت: زانایان سێ پۆلن:
گروپێک کە بە ڕوونی جیهانیان دەوێت، خۆیان و ئەوانی تر لەناو دەبەن.
گروپێک کە لە دەرەوە و ناوەوە خەڵک بانگهێشتی خودا دەکەن، خۆیان و ئەوانی تر ڕزگار دەکەن.
دەستەیەک کە به ڕواڵەتبازی تەرکەدونیان، و بانگهێشتی قیامەت دەکەن، بەڵام لە ناوەوە ڕەزامەندی مرۆڤ و پێگەیان دەوێت؛ خۆیان لەناو دەبەن و ئەوانی تر ڕزگار دەکەن، جا بیر بکەوەو بزانە تۆ لە کام گروپی و بەچی مەشغولی و بۆ کێ ئیش دەکەی، ئیتر پێت وانەبی خوای گەورە عیلم و کردەوە بەبێ دڵسۆزی قەبوڵ دەکات ...!!!

سەرچاوە: کتێبی إحیَاءُ عُلُومِ الدِّین الإمامُ محمد الغزالی

منقول

گلەیی چی لە مەلا عەبدوڵەتیف ئەکەن کە لەو کۆنگرەیەی سعوودیە باسی کوردی نەکرد؟ بۆچی ئەو باسی ئیسلامی کرد؟

ئەو بەزۆری باسی سەلەفییەکانی کردووەو جارجار باسی وەلی ئەمر. گوایە لێکۆڵینەوەیەکی پێشکەشکردووە کە راستەکەی وەک ئەوە وایە گوێزی بۆ هەورامان بردبێت چونکە شتانێکی سادەو دوەبارەبووی وت کە ئامادبووان وەک مەحفووزات لەبەریانە. لێکۆڵینەوەکەشی لە بابەتی وتارێکی فەیسبووک ئەچێت لەبارەی جیاوازیی نێوان سەلەفییەکان و پەڕگیرەکان (وەک بڵێی خۆیان پەڕگیر نەبن)و پڕیبوو لە چەواشەکاری، هەر لە وەسفکردن چەند بیروباوەڕێک وەک سەلەفیەت کە سەلەفیەت نین بەڵکو قسەی موسڵمانی تریشن تا ناوبردنی ئەوانەی دژی ستەمی فەرمانڕەوان بە پەڕگیر.

یەک لە قسەکانی وەسفکردنی سعوودیە بوو وەک دەوڵەتی موبارەک و ناوبردنی شازادە محمد بن سەلمان کە ئاشکرایە شازدە خەریکی چییەو چۆن سعوودیەی پڕکردووە لە ئاهەنگی تێکەڵاوی و گۆرانی و سەمای گۆرانیبێژی ئافرەت و تەنانەت محمد رەمەزانی میسریش کە ئەوەندە موفسیدە دەسەڵاتی ناموبارەکی کوردستان ئاهەنگەکەی لە کوردستانی ناموبارەک هەڵوەشاندەوە.

ستایشێکی تری سعوودیە باسی باوەشگرتنی بۆ سەلەفیەت کە یان ئاگادار نییەو یان خۆی گێل ئەکات کە شازادەی سعوودیە لە دیمانەیەک ئەو باوەشگرتنەوەیە بۆ سەلەفیەت لە مێژووی سعوودیە (کە ناوی نابوو وەهابیەت) بەهەڵەی رابوردوو وەسفکردبوو و ئیشی بۆ نەهێشتن یان سنووردارکردنی ئەو وەهابیەتە کردووە (بێگومان جگە لە بنەمای کۆیلایەتی بۆ وەلی ئەمر).

قسەیەکی تری مەلا عەبدوڵەتیف دەربارەی ئەوەیە کە سەلەفییەکان بە کوفری ئەزانن ئەگەر پشتگیریی کافر لەدژی موسڵمان بکرێت و دیارە دیسان خۆی لەوە گێل کردووە کە شازادە پشتیوان بوو بۆ ستەمی چین دژی چل ملیۆن موسڵمانی وڵاتەکەو بۆ هێشتنەوەی یەک ملیۆن موسڵمان لە زیندانی بەکۆمەڵ. شازادە وتبووی لە ترسی چین تێئەگات سەبارەت بە تیرۆر و بەمجۆرە نەک تەنها پشتگیریی کافری کردووە دژی موسڵمان بەڵکو ئەو موسڵمانانەشی بە تیرۆریست ناوبردبوو.

ئەم تەنها سێ چەواشەکاری لە وتارێکی یەک چارەکی. ئەگەر ئەم بابەتە سادە پڕ چەواشەکارییەش لە کۆنگرەیەکی نێودەوڵەتی پێشکەش بکرێت ئیتر بزانە ئەتباعی مەلا چەند داماو و بێئاگان.

فازل قەرەداغی

حەققی ئیخلاسە بەجێ هێنانی ئادابی خولوص پێ بزانێ یانەزانێ من بەدڵ یادێ دەکەم ئاوی تێغی وەقفی هەر توشنە لەبێکە من نەبم کاریگەری بێ یان نەبێ لەم مەزڵەمە دادێ دەکەم ( مەحوی )

ڕۆژنامەنوسێك لەبارەی سێكسەوە پرسیاری لە نەوشیروان مستەفا کردووە، بەم جۆرە وەڵامی داوەتەوە

ڕۆژنامەنوس : سێکس چیە ؟
نەوشیروان مستەفا : سێکس چێژێکی خۆشە لە ژیاندا ، بەڵام لە چوار چێوەی خێزاندا.

ڕۆژنامەنوس : کەواتە تۆ سێکسی ئازاد ڕەد ئەکەیتەوە ؟؟
نەوشیروان مستەفا : بەڵێ بە ھەموو شێوەیەک دژی سێکسی ئازادم

ڕۆژنامەنوس : ئەی بۆ لە کۆمەڵگای سویدی سێکس ئازادە و وڵاتێکی زۆر پێشکەوتوشن، خۆ ئێمە لە ئەوان پێشکەوتوتر نین ؟

نەوشیروان مستەفا : ئێمە لەو ڕووەوە زۆر لە کۆمەڵگای سویدی پـێشکەوتوترین، گوێ بگرە کوڕی گەنج تۆ جارێ گەنجی تۆش گەر تەمەنی چل ساڵی تێپەڕێنی ھەمان قسەی من ئەکەیت ، لات سەیر نەبێ لەم قسەیەی من ئەیکەم ، زۆرێک لە ژن و پیاوە پیرەکانی سویدیش دژی سێکسی ئازادن ، گەنجێکی کورد ئەمڕۆ کە سەیری فیلمێکی سێکسی ئەکات وا ئەزانێ لە ئەوروپا ھەموو بەو جۆرە ئەژین ، لە ڕاستیدا وانیە ، مەگەر تەنھا شوێنی سۆزانیەکان بەوشێوە بێت.

ڕۆژنامەنوس : چی ئەڵێی لە سـەر سێکسی نێوان کچ و کچ و کوڕ و کوڕ لێسبین و گەی ؟

نەوشیروان مستەفا : کارێکی قێزەونەو سەد لە سەد لە دژی ئەو کارەم

ڕۆژنامەنوس : ھەرگیز سەیری فیلمی سێکست کردووە؟ بۆ چی ؟

نەوشیروان مستەفا : بەڵێ سەیرم کردووە و ویستومە بزانم سودی ھەیە بۆ کۆمەڵ یاخوود زیان ، زۆر زیانی ھەیە بۆ کۆمەڵگا و دژی ئەوەم.

بەشێکی کورت لە چاوپێکەوتنی ڕۆژنامەوانی
نەوشیروان مستەفا ، ساڵی ١٩٩٩ لە سلێمانی.

بابەتێکی جوانی ئەکادیمی کاك شێخ ئامانج نەقشبەندی لەوەڵامی دووپرسیاری زۆرگرنگدا سەبارەت بەڕۆڵی شێخانی هەورامان وتەریقەی نەقشبەندی وبەتایبەت خانەی بیارەی شەریفە

بە هۆی چەندین هۆکاری جیاجیاوە کە دیارترینیان ئامادە بوونی بەردەواممان لە خانەقای بیارە لە خزمەتی هەمووان دا بەتایبەت لەم سی ساڵەی ڕابردوو دا ، جگە لەوەی وەک خودی خۆم کەم تا زۆر خولیای خوێندنەوە و نووسین و گەڕان و بەدواداچوونم هەیە و گرنگیەکی زۆر دەدەم بە پاراستن و بڵاوکردنەوەی ئەرشیف و دۆکیومێنت و ێنەی خانەقای بیارە بەتایبەتی و مێژووی تەریقەتی نەقشبەندی و شێخانی هەورامان بە گشتی .. لە ساڵانی ڕابردوو دا بەشداریمان کردووە لە چەندین بەرنامەی تەلەفزیۆنی لەسەر مێژووی خانەقا و ڕێبازی نەقشبەندی و حەزرەتی مەولانا خالیدی نەقشبەندی و چەندین تەوەری دیکەی پەیوەست بەم بابەتانەوە ، بێگومان لێرەدا مەبەست تەنها کەناڵ و بەرنامەی ناوخۆی هەرێمی کوردستان نییە بەڵکو گەلێک لەکەناڵی عێراقی و عەرەبی و جیهانیش ، ئەمە جگە لەوەی ساڵانە چەندین خوێندکاری زانکۆ و قۆناغی ماستەر و دکتۆرا لە بەشە جیاوازەکانی ئاین و مێژو و زمانی عەرەبی پەیوەندیمان پێوە دەکەن بۆ بەدەستهێنانی زانیاری و دۆکیومنت وێنە و ئەرشیف سەبارەت بە تەریقەت و مێژووی خانەقای بیارە ، زۆرێک لەو توێژەرە بەڕێزانە جگە پرسیارە گشتیەکانی تایبەت بە ڕۆڵی خانەقاکان لە خزمەتی ئاین و هەژاران و میواندۆستی و بەرجەستەکردنی تۆلێرانس و پێکەوە ژیان ، هەمیشە دوو پرسیار جەختیان لێوە دەکرێت سەبارەت بە شێخانی نەقشبەندی هەورامان هەر لە شێخ عوسمانی تەوێڵەی باپیرەگەورەمان کە ناسراوە بە ( شێخ عوسمان سراج الدینی یەکەم) کە یەکەم خەلیفە و جێگەداری مەولانا خالیدی نەقشبەندی بووە تاوەکو دواهەمین مورشیدی تەریقەتی نەقشبەندی (شێخ عوسمان سراج الدینی دوهەم ـ بیارە) ... ئەو دوو پرسیارەش یەکەمیان سەبارەت بە ڕۆڵی ئەوان لەڕووی کۆمەڵایەتی و خزمەت و ئاشتەوایی و پێکەوە ژیان ، دووهەم پرسیار تایبەتە بە نوسین و کتێب و بەرهەم و (مٶلفات)ی شێخانی نەقشبەندیە ...
سەبارەت بە پرسیاری یەکەم پێم باشە زۆر نەگەڕێمەوە بۆ ڕابردووی دوور کە پێدەچێت پێشتر گەلێک لە کتێب و ووتار و سەرچاوەدا باس کرابێت ، بێ ئەوەی بچمە قوڵایی مێژوەوە و باسی ووردەکاری هەندێک ڕووداو و بابەت وەک بەشداری شێخانی نەقشبەندی شانبەشانی خەڵکی نەبەردی هەورامان و هۆز و تیرەکانی خزمانی جاف لە دژی ڕووسیای قەیسەری لە چارەکی یەکەمی سەدەی ڕابردوودا ، جگە لە ڕۆڵی دیاری خانقای بیارە لە سەردەمی خودالێخۆشبوو (شێخ علاءالدین نەقشبەندی) دژی ئینگلیزەکان لە ناوەڕاستی چلەکاندا کە نووسەر و مێژونووسی گەورەی گەلەکەمان د.(کەمال مەزهەر) لە ل. (١٨٠ـ١٨١) لە کتێبی (چەند لاپەڕەیەک لە مێژووی گەلی کورد ) دا باسی دەکات ..
تەنها ئاماژە دەکەم بە هەوڵ کۆشش و نامە و پەیامەکانی خودالێخۆش بوو (شێخ عوسمان سراج الدینی نەقشبەندی بیارە) هەر لە ناوەڕاستی شەستەکانی سەدەی ڕابردوەوە لە ئان وساتی درووست بوونی لێکترازانی شۆڕشی کورد بەسەر دوو بەرەدا تاوەکو شەڕی نێوان یەکێتی و پارتی .. سەرەتای هەوڵەکان دەگەڕێتەوە بۆ دابەش بوونی شۆڕش بۆ دووبەرە ، یەکێکیان خودالێخۆشبوو (مەلا مستەفای بارزانی) و ئەوی دیکەیان باڵی مەکتەب سیاسی ، لەو کاتەدا شێخی بیارە هەست بەو مەترسی و دەرهاوێشتانە دەکات کە لەم ڕووداوە دەکەوێتەوە و بەوپەڕی توانا هەوڵ دەدات کە ڕێبگرێت لەم لێکترازانە .. بەڵام بەداخەوە هەوڵەکان سەرکەوتوو نابن ( ناشتوانرێت هەندێک ووردەکاری کە دەیزانین باسی بکەین) ؟! .. دووبارە لە حەفتاکانیشدا ئەم هەوڵانە بۆ ئاشتبوونەوە و چارەسەری کێشەکان درێژەی دەبێت بەڵام هەمیشە بەرژەوەندی تەسکی حزبی زاڵترە بەسەر بەرژەوەندی گشتیدا و لایەنەکان وەکو پێویست بە هانای هەوڵ و تەقەلاکانی شێخ عوسمان سراج الدینی نەقشبەندیەوە نایەن ... لە هەشتاکانیشدا هەمیشە هەوڵەکان بۆ ئاشتی نێوان هەردوو لا هەر بەردەوام دەبێت بەڵام وەک هەمیشە بێ سوود کۆتایی دێت ، دیسانەوە لە سەرەتای نەوەدەکاندا و لە سەردەمی نەگریسی شەڕی ناوخۆ دوای ڕاپەڕینی بەهاری ١٩٩١ لە سەردەمی ئابڵۆقەی ئابووری و هەژاری و نەداری باشووردا حەزرەتی شێخ چەندین جار شاندی تایبەتی خۆی و پەیام و نامە دەنێرێت بۆ لای هەردوو سەرکردە بەڕێزان (جلال تاڵەبانی و مسعود بەرزانی) لە وێنەکەشدا دوو دۆکیومنتم دانا کە بەشێکە لە کۆمەڵێک نامە و پەیام کە نزیکەی (٣٠) ساڵە لامان پارێزراوە ...
سەبارەت بە پرسیاری دووهەم کە هەمیشە لەلایەن توێژەران و ڕۆژنامە نووسانەوە ئاراستەمان دەکرێت تایبەتە بە نووسین و کتێب و دانراوی شێخانی نەقشبەندی بە تایبەت و کتێب و دەستنووس و کتێبخانەی بیارە بە تایبەتی ، کە ئاخۆ بۆچی جگە لە هەندێک دیوانی شیعریی شێخانی نەقشبەندی هەورامان نووسین و کتێب و بەرهەمیان کەمە ؟ و هۆکاری نەبوون یاخود کەمی یان فەوتان و لەناوچوونی ئەو بەرهەمانە چین ؟ بۆ