طلاب أعلاه شرح صوت مرحلة اولى تسجيل محاضرة الفصول الثلاث الاولى من حيدر ميري.

مرحلة اولى
الجزء الثالث من النحو
الوحدات من 7-15
ضفتلكم 70 سؤال تمتحنون انفسكم بيهن

من نخلص المادة ادزلكم اقل شيء 500 سؤال تراجعون بيهن

نهاية كل ملف جاي يخلي الكم اسئلة كلشش كلششش تفيدكم.

المودلز اللي من اهم المواضيع و اصعب موضوع بالكتاب
هو 10 وحدات شرحتهن بالكامل و ضفتلكم 100 سؤال مثل اسئلة الفاينل و كل حل مع التبرير

طلاب المرحلة الأولى والمحملين حاليا كل مصادر النحو يمك من ناحية ملازم ( كل الي نعرفهم والي اعتمدنه عليهم والي حاليا صارو أرسلناهم الكم)، تأشيرات، شروحات وكلشي تجمع يمكم على شكل روابط أرسلتهم الكم حوراء فوگ 👆🏻 وأكثر نقطة تركزون عليهة أسئلة العام ل مس لبنى والفاينل وأسئلتكم هل السنة شهريات وفاينل نسبة التكرار تكون ضئيلة بسس تساعدك شلون تحل النقطة ما تجي نصا بس تجي من نفس الفكرة من تخلص مادة ضروري جداااااااا تحل كل الأسئلة وكلشي موجود يمكم هنا وبالتوفيق ان شاء الله.

هاي قصيدة الشتاء مختصرة و مبسطة ضفت الصور البصرية و الصوتية لان الدكتور اطانا هيج سؤال و كال ممكن اكلك اطيني الصور و بين نوعها

السلام عليكم، طلاب كلنا نعرف ان الاستاذ لمّن يسوي اسئلة فـ حيسوي 3 نسخ وحدة للدور الأول و وحدة للدور الثاني و الثالثة احتياط خاف تضيع أحد النسخ و بالدور الاول يسحبون الك اي نسخة من هذه الـ 3 نسخ يعني ماكو نسخة محددة للدور الأول و وحدة للثاني لا هي فقط يسحبون فـ شنو حاولوا تدرسون الاشياء اللي ما اجت بالاسئلة مال الدور الأول لان الاستاذ اصلًا مجبور يسوي 3 نسخ و كل نسخة لازم بيها اسئلة مُختلفة، هو مو لازم يعني مرات الاستاذ إذا يحب سؤال معين يگدر يكرره بالـ 3 نسخ بس اغلب الأساتذة سمعت منهم أن يحاولون يوزعون الاسئلة اللي بالكتاب كلها على 3 نسخ يعني مثلا عندك مادة🔴 تعليم الكبار اغلب الاسئلة اجت بالدور الاول من بداية الملزمة و ما اجه من النهاية رغم كانت أهم مواضيع هي بالنهاية بس د. سجى جايبتهم بأسئلة الدور الثاني أو النسخة الاحتياط فـ من تجون تدرسون تعليم حاولوا تركزون على الاسئلة اللي ما اجت بالدور الاول يعني على نهاية الملزمة مواضيع مثل النسيان و نظرياته، الفروق الفردية، اسباب تشتت الإنتباه، كيف ينمي المعلم الدافعية لدى الطلبة و غيرها مثل هذه الاسئلة.
مدا اگلگ أهمل اسئلة الدور الأول بس القصد هنا أن هو الاستاذ بأغلب الأحيان و الاحتمال الأكبر ما ح يكرر اسئلة الدور الأول نفسها، ok ح يجيب نفس نمطها بس مو نفس السؤال نصًا، فهمتوا الفكرة....

يعني عندك 🔴طرائق د. حسن يحب ينوّع بالاسئلة يعني ادرس شكو سؤال ما اجه بالدور الاول مثلًا الچابتر الـ 8 عندك جدًا مهم د. حسن إذا راد يجيب سؤال جديد فـ احتمال يكون من الفصل الـ 8 فـ ركز عليه كلش زين و خصوصًا موضوع الـ TPR و ما قبله....

🔴النحو، كومة شغلات مهمة ما جابها استاذ حسين كومة كومة فـ حاول تركز عليها كلها، ما اگدر اذكرها هنا لان هن هواي نقاط.

🔴الصوت كذلك و قابل للتكرار سواء من الشهري أو الفاينل دور اول لان اسئلة أساتذة الصوت شُبه ثابته او مُتشابهه.

🔴القراءة هذه حرفيًا مس هدى بنفسها گالت ما اكرر الك بالـ 3 نسخ ح اجيب اسئلة متنوعة و ركزت على نقاط موجودات بصفحة 66 الفصل الـ 6 عنوانهم
Guidelines for Empathetic Listening
هذني 6 نقاط گالت اكيد جايات بوحدة من النسخ فـ ركزوا عليهن، و ركزوا هم على نقاط التمارين اللي ما اجت بالفاينل و الهوامش اللي ما اجوا هم.

🔴الكتابة هذه المادة مُحيره ادرسوا كل شيء بس الاحتمال الاكبر ح يجي نفس نمط الدور الأول+ ركزوا على اسئلة الشهر الثاني احتمال يجي منها لان مهمة و ما اجه منها بالفاينل.

🔴الحاسبات أيضًا ادرسوا اللي ما اجه و ركزوا عليه هواي و ممكن تجي نفس نمط الدور الأول فراغات صح و خطأ و هكذا يعني يجيبون اسئلة مال طالب دارس بعمق و جاهز للفراغات مو فقط تعداد و شيء جاهز.

🔴الجرائم جدًا وارد أن يكرر بالاسئلة أو يجيب من اسئلة الشهر الاول و الثاني اللي ما جابهم بالفاينل و الله اعلم بعد.

🔴العربية ما تحب تكرر بس تجيب نفس النمط، و ركزوا على الجواهري لان هم 3 شعراء و هي عندها 3 نسخ يعني اكيد بكل نسخة مخليه شاعر فـ ركزوا على الجواهري هواي.

🔴استماع هو نمط الاسئلة جدًا واضح و ح يجي نفس الدور الأول خصوصًا آخر سؤال هذا يكون ورقة ضمان للنجاح لان بسيط و جاهز و عليه 10 درجات محادثة احفظها على 4 مواضيع هو معطيك على 5 انتَ احفظ فقط على 4 لان ح يجي واحد ترك فـ انتَ اتركه من هسه و اني افضّل تركزون على المحادثات اللي تكون خاصة بالدراسة يعني مثل ما أجه موضوع الغش أو موضوع عن الجامعة و هيچ شيء اما السؤال الاول من الكتاب كله موجود و السؤال الثاني تدرّب على chatGPT و ح تگدر تجاوبه بكل سهولة.

بقى عندك المواد الأدبية الـ 3
🔴 قصة قصيرة، مسرح، وشعر هذولة ادرسهم على نفس نمط الدور الأول وارد التكرار ركزا من اگول وارد التكرار بالادبيات يعني ما ينسخ السؤال نفسه. لا ح يجيب سؤال بصيغة مختلفة و الجواب يكون نفسه لأن هو مثلًا بالقصة القصيرة عندك 4 قصص بالكورس الاول و قصة بالكورس الثاني ما تگدر تجيب غيرهم هو نفسهم مال الدور الاول ح يتكررون بصيغة مختلفة و حاول تنوّع بالاجابة و اربط كل شيء يخص القصة ح تنطيك درجة لان د. هبة زينة حتى امتياز انطت فـ إن شاء الله القصة سهلة.
و المسرح نفس حال القصة القصيرة
أما الشعر فـ وارد التكرار يعني تغيير صيغة السؤال و الجواب يكون واحد و نفسه لكل القصيدة و ركز على بقية القصائد و التعاريف و نقاط التعداد مال المقدمة اللي ما اجوا بالدور الاول.

هذه اهم نصيحة ممكن اقدمها لحضراتكم...
حاول هيچ تدرس مواد الدور الثاني يعني ادرس بذكاء خلّي اسئلة الدور الاول گدامك و ادرس على أساسها نفس النمط و ركز على اللي ما جاي بيها و إن شاء الله النجاح يكون حَليفكم.