"بـــانگەشەی گـــەورە پێویستی بەبەڵگەی گــەورەیـــە"

کارڵ ساگان

کۆمەڵگایەک کە لە ڕێزگرتن لە کەرامەتی مرۆڤ شکست دەهێنێت، لە هەموو شتێکی تردا شکست دەهێنێت.

ئەلێکساندەر سۆلژنیتسین

مرۆڤ ناتوانێ دادپەروەربێت،بەڵام دەتوانێت لەبری ئازار ، جوانی دروستبکات. گەورەترین تۆڵە لە ناهەقیەکانی دنیا ئەوەیە مرۆڤ شاعیربێت، مۆسیقای جوان لێبدا، تابلۆ دروسبکات لەپێشدەمیدا سەرسام بوەستین، لەوە بترازێ هیچ عەدالەتێ نیە. گەمژە ئەوکەسانەن کە چاوەڕوانن سیاسییەکان عەدالەتیان بۆ بێنن. نە قانون، نە دین، نە سیاسەت پەیوەندیان بەدادپەروەریەوە نیە، جوانی تاکە شتێکە دەتوانێت هاوسەنگی بۆ دنیا بگێڕێتەوە.

"شاری مۆسیقارە سپییەکان"
"بەختیار عەلی"

شەهیدانی ڕاگەیاندنی ئازاد "گوڵستان تارا و هێرۆ بەهادین"

ئەوەی لە خەونی گورگە بۆرەکەی یەکەمەوە
نەهاتە دی و ناشیەتە دی
ئەوەی هەرگیز پێتان ناکرێ
سڕینەوەی ئازادییە
لە ڕوحمانا
کوشتنی عەشقی ئەبەدی
دارو بەردە
لەناخمانا
ڕاماڵینی خۆسەویستی
دیاربەکرو کەرکوکە
لەدڵمانا
کۆتایی ئێمە
کاتێکە
کە کۆتایی هەناسە هات
ئەوەی " ئا " یە و نابێ بە " نا "
کوژانەوەی ئاییندەیە
لەچاوی یەک بە یەکمانا...

شێرکۆ بێکەش.

ئەگەر بینیت ڕەز دەسوتێ ودوکەڵ ئاسمانی تەنیوە
هـەوای پـاک وئـاوی کـانـی وداری زۆزانـیـان بـڕیـوە
گـوند کاول وژن کۆیلەیە ، گەنج وپیریان سەربڕیوە
سـور بـزانـە جـەندرمـەی تـورک ئـا بێـرەدا تـێپەڕیوە

مەحوی

"با لەبیرمان بێت: یەک کتێب، یەک قەڵەم، یەک منداڵ، و یەک مامۆستا دەتوانن جیهان بگۆڕن."

مەلالە یوسفزای

قەندیل وتی

لەوەتەی هەم
بەفری سەرم
بێ شوێن پێیەو
بەرپێم تژی
هاژەی چەمە

دیلانی خەباتم
گەرمە و
تارای سەری
بوکی دوندی
باڵا بەرزم
ئاوریشمێکی
نەژاکاوی
تەنکی تەمە

نیگابانی
سەر گا بەرد و
ڕکەی سەختی
گوێ دەربەند و
وردە گڵوکی
ناو ڕەوەزی
کەمەربەندم
کارمامزی
گورج و سرکی
گەریلایە

چرکەی تایپی
ناو ئەشکەوت و
تکەی لێوی
تاشی لەت و
چەپڵەی گەڵای
داری مازوی
کەڵەگەتم
سۆڵۆی ئاوازی
سروشتە و
شنەی فێنکی
شەوبایە

لەوەتەی هەم
ناوی شەهید
تۆمارئەکەم
لەپەڕتوکی
سپی بەفرا
سوور ئەنوسم
چوزەرەی
ڕێواسە خامەم

ناونیشانی
بەرخودان و
قەڵای گەلی
ستەم دیدە و
نیشتمانی
بێ ناسنامەم

Dktor amen

مرۆڤێک بەرانبەر ئاژەڵان دڵڕەق بێت، بەرانبەر مـرۆڤیش دڵڕەق دەبێت، پێوەری دڵباشیی مرۆڤ، شێوازی مامەڵەکردنیـیەتی لەگەڵ ئاژەڵاندا.

ئیمانوێل کانت

بە زوڵف و پەرچەم و ئەگریجەکانت غارەتت کردم
دڵێکم بوو ئەویشت خستە نێو چاهی زەنەخدانت

تەشەککور واجبە بۆ من ئەگەر بمرم بە زەخمی تۆ
بە شەرتێ کفنەکەم بدروون بە تای زوڵفی پەرێشانت

لە کوشتن گەردنت ئازا ئەکەم گەر بێیتە سەر قەبرم
لە ڕۆژی جومعە بمنێژن لە لای جەمعی شەهیدانت

کەسێ تۆ کوشتبێتت ڕۆژی مەحشەر ئەزیەتی نادەن
ئەگەر وەک من سووتابێ لەم دونیایە لە هێجرانت

هەندێک بە بەرهەمی مەستوورە و هەندێکی تر بە شیعری ئەختەر لە قەڵەمی دەدەن.

ناو گۆڤار: New View

تەنها تاوانمان ئەوەیە #کوردین