ورود ماه محرم

✍️ زبدة الاشعار ✍️

🆔:

مرحوم ذلیل تبریزی

نه روزگار نه بو چرخ سفله پرور اولیدی
نه تخت سلطنت اوسته یزید کافر اولیدی

نه کربلا چولینه جمع اولیدی لشکر کوفه
نه شاه تشنه جگرده قتیل لشکر اولیدی

نه باغلانیدی حسینین یوزینه آب فرات
نه تشنه لب سودان اوتری او آل حیدر اولیدی

نه غش ایدیدی او چولده سوسوزدان خوردا اشاقلار
نه العطش ایشیدوب شرمسار او سرور اولیدی

نه سنون قتلیوه قاتللر ایلییدیلر او چولده قیام
نه شمر شوم و ستمگر الینده خنجر اولیدی

کسنده شمر سوسوز باشیوی تشنه سو کنارینده
نولوردی ساقی کوثر الینده ساغر اولیدی

نه قوم دون چیخادیدی او کهنه پیرهنون
نه غش ایدیدی باشین اوسته بتول اطهر اولیدی

نه قولاری بدنیندن دوشیدی عباسین
نه سرنگون علمی هم یر اوسته پیکر اولیدی

نه ملک و مالی حسینین گدیدی تالانه
نه اهل بیت پیمبر اسیر کافر اولیدی

نه قتلگاهیده باشین کسیدیلر دالیدان
نه باشین اوسته گلن باش آچوق پیمبر اولیدی

نه بارماقوندا اولیدی سنون او انگشتر
نه ساربانین الینده قالان او اللر اولیدی

نه شمر اولیدی نه خولی نه خاک و خاکستر
تنوریده نه کول استی او باشه بستر اولیدی

نه شهر کوفه اولیدی نه بزم ابن زیاد
نه سنگسار باشون کوفه ده مکرر اولیدی

نه شهر شام اولیدی نه بزم شرب یزید
نه خیزران نه دوداقلار نه شور محشر اولیدی

نه سینه سینده سنی بسلییدی زحمتیله زهرا
نه پایمال ستوران یارالی پیکر اولیدی

نه قاتلین الی قانیله اولیدی او چولده خضاب
نه زلف حضرت زهرا او گونده احمر اولیدی

نه ئولدوریدی سنی کربلاده قوم شریر
نه زینبین یارالی نعشین اوسته مشکر اولیدی

نولوردی لطف ایلییدون #ذلیل نوکریوه
او استانه ده مدفون وفالی نوکر اولیدی


#ورود_محرم
#نه_روزگار_نه_بو_چرخ_سفله_پرور_اولیدی
#ذلیل_تبریزی
#ترکی
ازطرف بهرام رهنورد(التماس دعا)
@sarkanddizaj