📻🎙 No sutzedit ònnia die de intèndere chistionare su sardu in is programmas prus ascurtados de sa Catalugna! Oe Adrià, de Sardware, est istadu intervistadu dae sa ràdiu catalana Rac1. Ascurtade·ddu inoghe: http://adriamusic.cat/index.php/bloc-beni-cun-me-rai3/

Custu mangianu, Adrià Martín (Sardware) at chistionadu subra #BeniCunMe e #Sardigna in sa TV pùblica catalana #PlantaBaixaTV3: https://twitter.com/plantabaixatv3/status/1354018929505665024.

S'intervista intrea est inoghe (min 42:52): https://www.ccma.cat/tv3/alacarta/planta-baixa/planta-baixa-les-claus-del-vot-per-correu/video/6080793/

Oe su Diari de Barcelona pùblicat custa intervista, cun riferimentos a Sardware.

Adrià Martín: "Semus in unu protzessu globale de desertificatzione linguìstica".
https://www.diaridebarcelona.cat/w/adria-martin-estem-proces-global-desertificacio-linguistica

Sàbadu 20 de freàrgiu, s'assòtziu Sardos in Paris (Sardos in Parigi) presentat s'eventu "LINGUA SARDA: IDENTITÀ E CONDIVISIONE". Gianfranco Fronteddu (Sardware) at a faeddare de s'importu de sa tecnologia pro sa tradutzione pro s'amparu de sa limba sarda, de Apertium e de Sardware. Cun issu, ant a intervènnere Maria Luisa Mura e Alexis Barranger. Pro partetzipare tràmite Zoom, imbiade unu messàgiu de posta eletrònica a sardiaparigi@gmail.com
Acudide in medas!

Iscàrriga·ti de badas «Valores Feministas 2021», su calendàriu de Feminismo Inc. (feminismoinc.org) chi amus bortadu in sardu! Bonu 8 de martzu de luta!

Leghe puru s'intervista chi FeminismoINC at fatu a Flavia: https://feminismoinc.org/2021/03/feminismo-en-sardo-una-causa-importante-y-urgente.html

"Torra a ti pigare sa fache".
Sighit sa petitzione contras a sa possibilidade de èssere connot* dae sistemas automàticos aunde si siat s'agatamus.
https://www.sardumatica.net/node/109

Salude! Oe, pro sa Die de sa Sardigna, amus isseberadu de publicare una tradutzione noa, chi bos batimus in paris cun sos augùrios mannos nostros: Mastodon 🐘🐘!

Mastodon est una retza aberta federada a còdighe abertu e de propiedade comunitària, chi bos permitit de amministrare sos datos bostros in sa manera chi preferides. Bos podides registrare in una "istàntzia" o nde podides creare una bois, e gràtzias a sa federatzione ais a pòdere interagire cun totu sos contos in totu sas istàntzias, comente chi siant in su matessi situ.

Registrade·bos e proade·lu oe, e ammentade·bos de nos sighire fintzas in cue! Su contu de Sardware est "@sardware@mastodon.social"!

In sa Die internatzionale de sa tradutzione presentamus s'agiornamentu nou de Telegram! Immoe si podet seberare unu tema pro ògnia tzarrada, impreare carigheddas interativas, bìdere is cunfirmas de letura e registrare is diretas.
Pone #TelegramInSardu e festa paris cun Sardware custa die!

Adrià Martín, de Sardware, chistionat de lìnguas, de Sardigna e de s'assòtziu nostru in s'ispetziale de Vilaweb "Connòschere s'Alighera, connòschere Sardigna" (in catalanu). https://histories.vilaweb.cat/Alguer-Sardenya/index.html

Salude! S'iscuadra de Sardware est traballende a sa localizatzione de su navigadore lìberu Mozilla Firefox.
Amus traduidu bastante pro otènnere de publicare su traballu giai fatu in Firefox Nightly, una versione "pre-alfa" chi serbit mescamente pro fàghere is proas de totu is isvilupos in antis de ddas pònnere in su Firefox istàbile comente atualizatziones.
Tenimus bisòngiu de gente chi dda proet e chi nos sinnalit faddinas eventuales, tràmite su canale Telegram de Sardware o is redes sotziales.
Pensamus chi potzat èssere un'ocasione bella pro ònnia utente pro bìdere su traballu fintzas una manera pro passare a un'aplicatzione lìbera e a còdighe abertu che a Firefox!
Pro installare Firefox Nightly in s'elaboradore tuo, sighi custa ghia:
1) Bae a Firefox Nightly;
2) Dae su primu menù a cortina, seletziona Firefox Nightly; dae su segundu, seletziona su sistema operativu tuo; dae su de tres, chirca "Sardinian - Sardu" e seletziona·ddu;
3) Incarca "Download Now" pro ddu iscarrigare, e a s'acabu installare!

Sa Carta de Montarbu, chi Sardware at firmadu in paris cun àteros assòtzios, at a èssere presentada su 18 de làmpadas in Biddanoa de Forru, in su fèstival Arrexini. Acostiade·si!
www.arrexinifestival.it/

🧡🔥🦊

A pustis de prus de un'annu de traballu, s'iscuadra de Sardware est pregiada de presentare sa tradutzione de #FirefoxInSardu pro Android e elaboradores de iscrivania!

https://addons.mozilla.org/en-US/firefox/addon/language-sardu-sardinian/