حبوبة بتقول " الفال تحت اللسان " ..

أهلنا زمان بيقولوا "البتتفاولو بتتناولو " ..

وعن سيدنا علي بن أبي طالب كرم الله وجهه " كل متوقع آت ، فتوقع ماتتمنى " ..

قال رسولنا الحبيب عليه الصلاة والسلام لرجل " أخذنا فالك من فيك " ..

إتفائلوا خير، أحسنوا الظن بالله ، إتمنوا من غير سقف المستحيل، ماتضيق تفكيرك وتقول لا مابيحصل ، ماتتكلم وتتفاول بالشين ، عود لسانك على السمح السمح وبسسس ..

وأنا بقول ليكم المناي لقاااااي ! ❤

فاسرِقوا لِلرّوحِ يومًا
واعقِدوا للعيدِ نيّة
‏و افرحوا.. مازال
للأفراحِ في الأرضِ بقيّة!🌸


- كل عام وانتم بخير وصحة وسلام وكل أمانيكم محققه وبقرب من تحبووون 🥺🤲♥️✨

"والعيد أنتَ إذا أتيتَ لخطبتي
وأخذتني من عيشةِ العزّابِ

وأتيتَني بيديكَ قصعةُ كبدةٍ
من ذبحكُم وأتيتَني بكبابِ!". 😹🌝🏃‍♀️♥️....

-محمد أحمد عبدالسلام.

مَن لَبِسَ جميل الثّياب إظهارًا لنعمةِ اللّٰه كان مأجورًا.

- ابن تيمية.

"الله أكبرُ من متاهاتِ العنا
‏الله أكبرُ كي يزيدَ بها الهنا."🥺♥️✨

من عادات أهل مكه(يوم عرفة) أن يخرج النساء وبعض الرجال للافطار والصلاة في الحرم المكي المغرب والعشاء 🤍


بعد ذهاب الحجاج الي عرفات لكي لا يبقى صحن الطواف في بيت الله الحرام خاليا 🥹


وغالبا يكون عدد النساء أكثر من الرجال لان أغلب الرجال ينشغلون بخدمة الحجاج في عرفة ومزدلفة ومني وتسمى النساء في هذا اليوم بمونسات الحرم

هنئيا ليكم نساء هذا الاصطفاء

مونسات الحرم المكي ❤️🕋

*اسمُ النَّبي ﷺ كامِلا:*

*مُحَمَّدُ بنُ عَبدِ اللهِ بن عَبدِ المُطَّلبِ بن هاشِم بن عَبدِ مَناف بن قُصَي بن كلاب بنِ مُرَّة بن كعب بن لُؤَيِّ بن غالب بن فهر بن مالك بن النَّضر بن كِنانة بن خُزيمة بن مُدْرِكة بن إلياس بن مُضَر بن نِزارِ بن مَعَدِّ بن عدنان.*

*احفَظوهُ وَحَفِّظوهُ...❤️"*

#كلو_لي_خير...💚🫶

أكتر جملة سمعناها في حياتنا ، مع أنها بسيطة جداً الا أنها قادرة تخلي أي واحد فينا يتقبل و يطمئن لي أي حاجة حصلت مهما كانت هي شنو ، بالجد أنت ما عارف ربنا صرف عنك شنو و لا عندك أدنى فكرة الحاجة كانت ح تأذيك قدر كيف!

خطة ربنا دائما ليها حكمة تانية .. "فشلت في مشروع ، أتاخرت في وظيفة ، دراسة ، سفر ، زواج...الخ" كلو لي خير ، في النهاية ربنا ح يرضيك و يسعدك بحاجة أحسن بكتير من الكنته متوقعة و مخطط ليها .. و مهما أتاخرت ح تجي في الوقت المناسب و بالطريقة الأنت عايزها و أحسن كمان.💚

"ف خلي الأمور على الله و الباقي كلو هين".💚

#أخيراً...
خليك دائما خاتي  الجملة دي ف بالك صدقني عمرك ما ح تتضايق من حاجة حصلت ، و أي حاجة حصلت أو ح تحصل لي خير فاطمئن...💚

"‏أي علاقة فيها زعل وفيها رضا و خطأ واعتذار وغيرة وعتاب وشوق ، هي في الحقيقة علاقة ناجحة ، العلاقات الي على وتيرة ثابتة هي في الغالب تكون مهزوزة من الباطن ، لأن معناها انك غير مستعد لتقبّل الاختلاف وتبدل الاحوال وتغير المزاج في شريك حياتك وبالتالي تكون معّرضة في أي لحظة للأنهيار "❤

دور الرجل المتزن في العلاقة مع الأنثى هو أن (يقود) و (يجود).

عندما (يقود) العلاقة، يمنحها شعوراً بالأمان التام.
لا تقلق بشأن النفقات أو اتخاذ القرارات أو مواجهة تقلبات الحياة، فهو مسؤول تماماً عنها.
القيادة ليست فقط في الأمور المادية، بل أيضاً في قيادة المشاعر. يفهمها، يحتويها، يتجاوز عن هفواتها، يقبلها كما هي، ويوجهها بلطف ويعالج مشكلاتها بحب وحنان.

وعندما (يجود)، فإنه يغمرها بكل الحب والمشاعر، ويسخى بماله ووقته وخبرته. يكون كريماً ومعطاءً بكل ما يجعل الحياة سعيدة.
إذا (قاد) و (جاد)، ستصبح حياته جنة، لأن الأنثى المتزنة لن ترفض عطائه ولن تعارض قيادته، بل ستسلم له طواعية وحباً. تراه أسد يحمي مملكته، فتعيش معه بسلام وأمان..♥️

للناس الفاهمة #الخطوبة غلط ومقضنها #غراميات بدون اي تطرق للكلام ف المستقبل فركزو ف الكلام دا عشان م تتفاجؤ لقدام :-)
غالبا فترة الخطوبة بتعدي على أي اتنين كالآتي 👇
ونساات و ضحكات 😘 ..
طلعات و عزومات 😉 ..
رسائل و غراميات 😍 ..

و الناس بتنسى الهدف الأساسي منها !

و هو أنه البنت تتأكد أنه الشخص ده هو الشخص المناسب و هو كمان يتأكد إنها الشريكة المناسبة ^^

_ طيب الكلام ده بحصل كيف من غير الحاجات الفوق دي ؟!

أولا : الحاجات الفوق دي مفروض تكون بعد عقد الزواج و ما مكانها فترة الخطوبة 👌

ثانيا : عمرك ما حتعرفي الشخصية الحقيقية لواحد و هو بقابلك ساعتين في الإسبوع في كامل أناقته و معاهو هدية و بتصرف بحذر و ذوق !

و لا وحدة في كامل زينتها بتنتقي ألفاظها و تختار اسلوبها بعناية و هي بتتكلم معاك !

كلنا بنقدر نكون (أحسن ناس) لمدة ساعتين 😉

#قلنا أنه في حاجات لازم تتأكدوا منها في فترة الخطوبة 👀

حتكلم المرة دي عن أهم حاجتين فيها ✌

أولا : التوافق بين الأسرتين 👌

في فترة الخطبة ركزوا على مدى التوافق و الإحترام بين الأسرتين ، لأنه الحاجة دي حتأثر جداا على حياتكم على المدى القريب 👀

يعني اذا دائما نقاشات أسركم شكلها كده 👇

_ أم فلان ده بتعاين لينا من فوق ! ..
- أم فلانة ما بتحترمنا ! ..
- أخوانه شكلهم كيف كيف ! ..
- أخواتها مغرورات ..

طوالي حاولوا عالجوا الموضوع ده من هسه !

لأنه السيناريو بعد الزواج حيكون كده 👇

- أمك قالت لي ! ..
- أخواتك عملوا ..
- ولدك ده مالو طالع هناي زي خالو ..
- خلاص البت بقت زي عماتها ! ..

فبالله اذا لاحظتوا في فترة الخطبة مشاكل من النوع ده ، عالجوها بالحكمة و الحنكة 😉

و اذا المشاكل مستفحلة أفضل ما تكملوا في علاقة بالشكل ده !

لأنه الزواج أسرتين ما شخصين بس ..

#ثانيا : القبول 👌

مبدئيا القبول ده ما حب ✋

هو شعور بالإرتياح لشخص معين ..

يعني هي تحس أنه ممكن الشخص ده تكمل معاه حياتها ..

و بالنسبة ليهو يشعر بأنها ممكن تكون عرضه و أم لأبنائه ..

و في فترة الخطبة لازم تبحث/ي عن الشعور ده !

- و لو مافي ؟ 😕

ما أنصحك تكملي الزواج ! ✋

طبعا غالبا اذا الخاطب ما شعر بقبول ما بكمل فعشان كده الكلام هنا للبنات ..

حتى لو الناس بتقول ليك أنه ده زول (ما بترفض) و متدين و ملتزم ! ..

لو ما حاسة بقبول ما تعدي الموضوع !

أخت السيدة عائشة ردت عمر بن الخطاب رضي الله عنه و هو هو !

فإذا ما لقيتوا الإحساس ده ما تكملوا ^^

طيب القبول ده غالبا بتحقق من المظهر الخارجي و السيرة العامة للشخص ، و أحيانا من أول نظرة ..

لكن برضو في قبول من نوع تاني لاااازم تبحثوا عنه في الفترة دي !

.. ...........

#لكن في نوع (أعمق) من القبول لازم تبحثوا عنه في الفترة دي و هو قبول ( الطباع و العيوب ، الأفكار و التوجهات) ..

أولا : الطباع و العيوب ☝

دائما العلاقات الناجحة هي البتكون مبنية على تقبل العيوب ما على حب المميزات ^^

و في النقطة دي أقصر طريق هو الصراحة و الوضوح بين الطرفين 👌

و كان السلف بيستحبوا الحاجة دي ..

فيقول الخاطب منهم في أول لقاء : إن في خلق كذا و كذا فإن شئت قبلت و إلا رددت ..

يعني يفضل الخاطب يصارح مخطوبته بعيوبه و طباعه الشخصية مثلا 👇

- بتعصب بسرعة ..
- ما بحب الكلام الكتير ..
- ما بحب زول يتدخل في مشاكلي ..
- ما بحب الصرف الكتير ..

و هي كمان يفضل تصارحه بعيوبها و طباعها 👇

- حساسة زيادة عن اللزوم ..
- ما بحب الصوت العالي ..
- ما بتحبس في البيت بحب الطلعات ..
- كلامي كتير ..

و من هنا بتكتشفوا التناقضات الممكن تسبب ليكم مشاكل بعدين 😉

و يبدأ التنازل و تحسين الطباع عشان تصلوا في النهاية لنقطة تفاهم 👌

و بالله أبعدوا من العيوب بتاعت ( طيبتي الزايدة .. قلبي الكبير .. الخ ) !

أخر حاجة في النقطة دي 😊

لازم تعرف/ي أنه كلللنااا فينا عيوب كتيرة و طباع مختلفة !

لكين تقبل العيوب بختلف من شخص لآخر ، يعني ممكن وحدة تتقبل العصبية و ما تتقبل السجائر مثلا !

أو واحد يتقبل الكلام الكتير و ما يتقبل الطلعات كل يومين !

فالمسألة دي نسبية بحتة بترجع ليك تماما 👌

مافي زول بقدر يفرض عليك طبعه أو عيبه أنت/ي اختار/ي تتقبل/ي أو لأ ! ^^

ثانيا : الأفكار و التوجهات ^^

في فترة الخطبة من الحاجات المهمة جدا معرفة الأفكار و التوجهات ( الدينية ، العلمية ، الشخصية ، .. الخ )

و الحاجة دي بتتعرف بأي سؤال بدايته (رأي / وجهة نظر)

مثال بسيط 😊

- رأيك شنو في الشيوعية ؟
- رأيك شنو في النقاب ؟
- رأيك شنو في أنه الوحدة تشتغل ؟
- وجهة نظرك عن الأسرة الناجحة ؟

الخ !

الأسئلة الزي دي بتوضح مدى التوافق بين أي اتنين ✌

و أهم نقطة هنا أنه المهم ( التوافق) و ليس (التطابق) 😉

#يلاااا_الجاااااي_دا_مهم_شديد_ركزو_معاااي

حتكلم عن مفاهيم خاطئة بتحصل في فترة الخطوبة لااازم تتجنبوها عشان تكونوا ماشيين صح 👍

1_ مفهوم الإختبار 👀

للأسف المفهوم ده منتشر جدا !

و هو أنه واحد من الطرفين يضع التاني في فتنة معينة و يهيئ ليهو الجو بتاعها عشان يشوف أخلاقه و دينه و صدقه في العلاقة !

و غالبا نهاية الإختبار ده واحد من اتنين ✌

_ طرف مصدوم من الطرف التاني عشان (فشل) في الإختبار.
_ طرف مصدوم من الطرف التاني عشان (وضعه) في إختبار.

و في الحالتين بتحصل (هشاشة) في العلاقة أو بتنتهي!

#طيب ^_^

: الإختبار نتيجة لشك و عدم إرتياح ، فإذا أي طرف شعر بالحاجة دي أفضل يترك العلاقة بدل يفتن الطرف التاني أو يكشف ستر الله عليه !

و أخيرا في النقطة دي دااائماا الصراحة و الوضوح في العلاقات أفضل من الطرق الملتوية ✋

2_ مفهوم التنازل 👎

غالبا المفهوم ده عند البنات لما يكون الخاطب غني جدا أو الرجال لما تكون المخطوبة جميلة جدا ^^

أو مرات لأسباب ضغط الأهل أو الجمهور المتابع !

و المقصود بيه التنازل عن حاجات ما مفروض تتنازل/ي عنها في شريك حياتك !

يعني مثلا يكون ( ما بصلي ، ما عنده خلق ، عاق بوالديه ، ما بحترمك ، .. الخ )

أو هي تكون منتهى الجمال لكن ( ما عندها دين ، علاقاتها منفتحة جدا ، ما بتحترم أهلك ، .. الخ )

اذا لقيت/ي نفسك بتتنازل/ي كتير راجع/ي العلاقة دي !

لأنه (المال و الجمال) ما حيكون ليك أسرة سعيدة بل بالعكس غالبا العلاقات الزي دي بتكون التعاسة بعينها !

3_ مفهوم ( حيتغير بعد الزواج ) 😉

العبارة دي بتتقال في بعض العيوب و الطباع زي 👇

_ ما مسؤول ..
_ عنيدة ..
_ بخيل ..
_جنها طلعات ..

يلا لازم تعرفوا أنه غالبا الحاجات دي ما بتتغير بعد الزواج بل بتزيد ! 👎

فإذا في عيوب ما متقبلنها أبدا أفضل تجهزوا نفسكم للتعامل معاها أو تخلوا العلاقة ! ^^

دي تقريبا أكتر المفاهيم المشهورة في فترة الخطبة و ممكن توقعكم في تجربة زواج سيئة جدا فخلوا بالكم منها ✋

#آخر_نصيحة ^^

فترة الخطبة عيشوها صح لأنها أول خطوة (حلال) في علاقتكم ، ما تفسدوها بالمعاصي و تنزعوا البركة من حياتكم 👌

أبدوا صح و أمشوا صح عشان تنتهوا صح 😉

#خارج_النص 😊

ما تتزوجوا لمجرد أنه الزواج مرحلة لازم يمر بيها الشخص الناضج !

و لا لمجرد أنه جاهز و لقاك قدامه و لو كان لقى أي وحدة غيرك في نفس التوقيت كان حتكون مكانك !

و لا لأنها قبلت بيك لأنه ما عندها سبب ترفض !

لأ !

اتزوجوا ناس قاصدنكم ^^

ناس كانوا بفتشوا عنكم انتو و منتظرنكم انتو !
متقبلين عيوبكم جداا و مقدرنكم و فخورين بيكم و بشكروا الله عز و جل أنهم معاكم !

الزواج مرحلة من مراحل النمو لكنه نمو (من خلال الآخر) ، فاختاروا (أرواح) شبهكم تكبروا (معاها و بيها) و تعيشوا سعداء (دنيا و جنة)
منقول

#تاق_للمخطوبيين💜

💜..

#قصص_ملهمة

لما كبرت وفهمت الدنيا، عرفت إنه الحب بيجي في آخر قائمة أولويات الزواج، آخرها ولله جد، ما مجازاً. في حاجات كتيرة أهم بكتير ولازم تتوفر قبله:
• التفاهم: إنكم تفهموا بعض وتعرفوا تتناقشوا بدون ما تتحول الأمور لحرب.
• الاحتواء: شخص يعرف يحتويك وقت ما تكون متضايق أو محتاج دعم.
• الإنجذاب: أهم بكتير من الحب. لازم يكون الشخص عاجبك شكلاً، نفسياً، عقلياً، وجسدياً، وتحس إنه مرضيك في كل الجوانب دي. ❤
• الونس: شخص ما تمل منه مهما طال الزمن، يكون وجوده خفيف ولطيف عليك.
• الأمان: تأمن ليه في أسرارك وكلامك، وتكون واثق إنه ما ممكن يغدر بيك أو يسيبك فجأة.
• الإنتماء: تحس إنه الشخص دا شايفك جزء منه، بيعاملك كفرد من حياته، مش كغريب أو ضيف.
• السند: إنكم تسندوا بعض في الشدة وتدعموا بعض عشان كل واحد فيكم ينجح ويكبر. ✨
• الطمأنينة: أكتر حاجة مهمة ليّ، إنه وقت ما أكون خايفة أو متوترة، ألاقيه بيهديني ويطمني، مش يزيد قلقي.
• العيوب: ما تطنشوا عيوبكم لحد ما تتزوجوا، وبعدين تبقى مشاكل كبيرة. لازم من البداية تكونوا عارفين تتعاملوا مع عيوب بعض.

بالنسبة لي، كل النقاط دي أهم مليون مرة من حب أعمى يوديك لشخص ما مناسب ليك لا اجتماعياً، لا أخلاقياً، لا مادياً، ولا فكرياً.💍♥

🔥 مجاااااااانا 🔥
🔹 الدورة المطلوبة جدًا في سوق العمل! 🔹

هل ترغب في اكتساب مهارات صيدلانية أساسية تميزك في سوق العمل؟ 💊💼
انضم الآن إلى دورة أساسيات الصيدلة الوظيفية مع د. إسراء بشير، عضو هيئة التدريس بجامعة النيلين، وتعلم أهم الأساسيات الصيدلانية بطريقة عملية ومبسطة!

🔹 محاور الدورة | Course Topics:

✅ المصطلحات الصيدلانية الأساسية | Basic Pharmaceutical Terminology
✅ التصنيع والتسويق الدوائي | Pharmaceutical Manufacturing & Marketing
✅ طرق الإعطاء وأشكال الدواء | Routes of Administration & Dosage Forms
✅ تصنيفات الأدوية حسب الأمراض | Drug Classifications Based on Diseases
✅ الاختصارات الصيدلانية المهمة | Important Pharmaceutical Abbreviations
✅ محاضرات تثقيفية عن الأدوية الشائعة | Educational Lectures on Common Drugs
(البندول، الفلاجيل، أدوية الملاريا، أدوية الكحة، الأموكلان)
(Panadol, Flagyl, Malaria Medications, Cough Medications, Amoclan)

📝 طريقة الشرح | Teaching Method:
🎙️ مقاطع صوتية | Audio Lectures
📄 ملفات PDF | PDF Documents

💰 التكلفة | Cost:
📌 الكورس مجاني بالكامل! | The course is completely free!
📜 شهادة معتمدة متاحة برسوم رمزية لمن يرغب | Certified certificate available for a nominal fee

📅 احجز مقعدك الآن وابدأ رحلتك في عالم الصيدلة!
📩 انضم الآن

https://chat.whatsapp.com/DAMXj50cPu38MaxgHlbb4O?mode=ac_t

ألحقووو ادخلو حتستفيدوو جدا قبل م العدد يكتمل م تفوتو الفرصه🏃‍♀️♥️...

أي علاقة في الدنيا دي ما مُضمونة، الناس بتتغيّر، والمشاعر بتبرد..♥️))

في الحقيقة، أي علاقة إنت فيها ما معروف مُمكن يحصل فيها شنو، الناس بتتغير، و المشاعر بتقل، والأيام بتبدل المواقف.

وحتى الزول القال ليك ما بقدر أعيش بدونك،
يوم مُـمكن يصحى ويلقى نفسه ما قادر يواصل معاك، ما عشان كذاب، لإنو الحـياة بتغيّر فينا حاجات أكتـر من ما نتخيل.

و ما تتعشـم كتير، خُـت في بالك الظروف.
الأقـدار.
الفُـراق.
والبُـعد.

التغيّر البكـون من غير سابق إنذار.
ما تخلي العلاقة كُل دُنياك، ولا تخلي وجود زول سبب في سُعادتك الوحيدة، لإنو أي حاجة مربوطة بإنسان  قابلـة تزول.

الحيـاة علمتنا إنو ما في وعد أبدي، ولا مـحبة ما فيها تعب، ولا عُشـرة ما بـتمرّ بخلاف، لكن الأجـمل إنك تدي بطـيبة قلب، و تحب بنية طيبة .

العلاقات ما بتـقيف على الكمال، لكنها بتقيف على الوضـوح، على المحاولة رغم التعب، على أنا معاك حتى لو الدُنيا مقلوبة، لكـن برضو، لو جاء اليوم البتنكسر فيـه العلاقة. ما تخليها تكسر روحك كُل نهاية وجع، لكن كمان كُل نهاية درس، و كُل درس بخليك أقرب لنسختك  الأقوى، الما بتـقع بالسـاهل.

ما تبكي على الناس الفاتـت، ولا تنـدم على الحصل، كُل زول جاك في وقت، و كان عندو دور، و حتى الوجع، جاء عشان يعلّمك شنو يعني تختار نفـسك.

ما كُل حُـب لازم يدوم، و ما كُل وداع خسارة،
في وداع بـحررك من التعلق، و بفتح ليك باب لحـياة أوسع.

أدي المـحبة.
لكن ما تدي روحك بالكامل، خلي عندك مساحة ترجـعِ فيها لنفسك، مساحة تصحى فيها بعد الخيبات، وتعـرف إنك قادر تمشي وتواصـل.

و الزول البستحقك، ما بخليك تشك في قيمتك،
ولا في جدوى وجودك، ولا في إحساسك الجميل.

وخُـت في بالك دايمًا  الناس ما بتختار تبعد،
لكن الأقدار مـرات بتفرض البُعد، و الظروف بتكسر العشـم، لكن برضو بتصنع منك زول جديد، روحـه أقوى.

و أنا مؤمن إنو مهما وجعتك التجارب، لسه في محبة حقيقية جاية في الطريق، محبة ما فيها خوف ولا شك.

و يا عزيزي..!
في النهاية ما بتقدر تملك الناس، لكن بتملك كيف تـحبهم، و كيف تتجاوزهم لما يمشوا.

و أي عـلاقة، مهما كانت نهايتها، بتخلّف فينا أثر
ياماا وجـع علمـنا، ياماا محـبة خلتنـا نفرهد.

و في الحالتـين نحن بنـتطور..!

#بعض_من_اللطف

في الحـياة كُل زول بنقابلـه بكون درس، إما يعلمنا كيف نُحب، أو يعلمنا كيف نحِب نفسنا أكتر.
و في الحالتين برضـو، ما خسارة...♥️

#بُرعي_عبدالرحمن
حبييت❤️