#Kadastr_agentligi #Dolzarb_40_kunlik
#Yer_nazorati

Kadastr agentligining Kattaqo‘rg‘on tuman bo‘limi tomonidan “Dolzarb 40 kunlik” doirasida o‘tkazilgan yer nazorati tadbirlarida “Qoqsoy” mahallasida yashovchi fuqaro M.Q. tomonidan tumandagi “Moybuloq” massivi hududidagi yaylov yerdan 0,15 gektar yer maydonini egallab olib, 40,0 kv.metr yerga uy-joy qurish maqsadida beton-poydevor quyish ishlari amalga oshirayotganligi aniqlangan.

Ushbu holat yuzasidan yerni o‘zboshimchalik bilan egallab olgan fuqaro M.Q.ga mazkur noqonuniy qurilmani 15 kunlik muddat ichida bartaraf etish, ya’ni yerni belgilangan muddatda asl holatiga qaytarish to‘g‘risida tushuntirish va ogohlantirish xati berildi.

Agar ushbu fuqaro tomonidan ogohlantirish xatida belgilangan 15 kunlik muddat ichida noqonuniy qurilma bartaraf etilmasa, O‘zbekiston Respublikasi Ma’muriy javobgarlik to‘g‘risidagi kodeksning 60-moddasi 3-qismiga asosan bazaviy hisoblash miqdorining 150 baravari (bugungi kunda 51,0 mln so‘m) miqdorida jarima qo‘llanilishi mumkin.

Rasmiy sahifalarimiz 👇

✅Telegram 📹 YouTube ✅ Facebook