Korrupsiya — jamiyat taraqqiyotiga tahdid

Korrupsiya jamiyat rivojiga jiddiy to‘sqinlik qiluvchi, adolat tamoyillarini izdan chiqaruvchi hamda qonun ustuvorligiga putur yetkazuvchi illat hisoblanadi. Ushbu salbiy holat nafaqat iqtisodiy taraqqiyotni sekinlashtiradi, balki fuqarolarning davlat va jamiyatga bo‘lgan ishonchiga ham salbiy ta’sir ko‘rsatadi.

SHu illatning oldini olish maqsadida Samarqand shahar hokimligida mavzu yuzasidan tashkil etilgan o‘quv-seminarida shahar hokimining o‘rinbosarlari, tegishli tashkilot va idoralar rahbarlari ishtirok etdi.

Seminar davomida mutaxassislar tomonidan korrupsiyaning oldini olish, unga qarshi kurashish mexanizmlarini takomillashtirish hamda bu borada amalga oshirilayotgan ishlar samaradorligi yuzasidan atroflicha ma’lumotlar berildi.

Shuningdek, korrupsiyaga qarshi kurashishda jamiyatning har bir a’zosi faol bo‘lishi, befarqlikka yo‘l qo‘ymaslik muhim ekani alohida ta’kidlandi.

Web-sayt|  📱 Telegram| 📱 YouTube  
📱 Instagram| 📱 Facebook| 📱 Facebook

SHahar hokimi mahallada muammolarni joyida o‘rgandi

Samarqand shahrida mahallalarda mavjud muammolarni joyiga chiqib o‘rganish va ularni amaliy hal etishga qaratilgan izchil ishlar olib borilmoqda. Bu esa aholi bilan ochiq muloqotni kuchaytirish hamda ularni qiynayotgan masalalarga tezkor yechim topishda muhim ahamiyat kasb etmoqda.

Shu asosda, shahar rahbari Fazliddin Umarov Nafosat mahallasida bo‘lib, hududda olib borilayotgan ishlar bilan yaqindan tanishdi.

O‘rganish jarayonida mahalla infratuzilmasini yaxshilash, xususan, yangi mahalla binosi qurilishi bilan bog‘liq masalalar muhokama qilindi. Bino qurilishi rejalashtirilgan hudud ko‘zdan kechirilib, amalga oshirilishi lozim bo‘lgan ishlar yuzasidan masʼullarga tegishli ko‘rsatmalar berildi.

Mahalladagi ayrim masalalar joyida ijobiy hal etildi, qolgan muammolarni bosqichma-bosqich bartaraf etish choralari belgilab olindi.

🌍 Web-sayt|  📱 Telegram| 📱 YouTube  
📱 Instagram| 📱 Facebook| 📱 Facebook