YOG'INGARCHILIK SABABLI YUZAGA KELADIGAN SUV TOSHQINLARINING OLDI OLINADI

Kuchli yog‘ingarchiliklar oqibatida yuzaga kelishi mumkin bo‘lgan suv toshqinlarining oldini olish hamda ularning salbiy oqibatlarini kamaytirish maqsadida Samarqand shahar Obodonlashtirish boshqarmasi tomonidan zarur chora-tadbirlar jadal sur’atlarda amalga oshirilmoqda.

Xususan, shahar hududlarida drenaj tizimlarini tozalash, suv oqim yo‘llarini ochish, xavfli hududlarda tezkor va samarali choralar ko‘rish ishlari izchil davom ettirilmoqda.

Shuningdek, maxsus texnikalar yordamida to‘plangan suvlarni tortib olish ishlari ham olib borilmoqda.

Shu o'rinda, fuqarolarimizdan chiqindilarni belgilangan joylarga tashlashlarini so'raymiz, ariq va zovurlarga emas!

🌍 Web-sayt|  📱 Telegram| 📱 YouTube  
📱 Instagram| 📱 Facebook| 📱 Facebook

Shahar hokimligida drayver loyihalar ijrosi muhokama qilindi

Samarqand shahar hokimi Fazliddin Umarov ishtirokida shahar hududida amalga oshirilayotgan drayver loyihalar ijrosiga bag‘ishlangan muhokama yig‘ilishi bo‘lib o‘tdi.

Unda mas’ul tashkilotlar rahbarlari, mahalla raislari, hokim yordamchilari hamda loyihachi tashkilotlar vakillari ishtirok etib, amalga oshirilayotgan ishlarning bugungi holati atroflicha ko‘rib chiqildi.

Yig‘ilish davomida loyihalar ijrosida yuzaga kelayotgan muammolar tahlil qilinib, ularni bartaraf etish bo‘yicha aniq vazifalar belgilab berildi. Shuningdek, ishlarni jadallashtirish, sifat va muddatlarga alohida e’tibor qaratish zarurligi ta’kidlandi.

Muhokama yakunida mutasaddilarga tegishli topshiriqlar berilib, har bir loyiha ijrosi ustidan qat’iy nazorat o‘rnatilishi belgilandi.

🌍 Web-sayt|  📱 Telegram| 📱 YouTube  
📱 Instagram| 📱 Facebook| 📱 Facebook

Suv toshqinlarining oldini olish uchun tezkor choralar koʻrilmoqda

Ayni paytda Samarqand shahrida kuzatilayotgan kuchli yog‘ingarchilik natijasida yuzaga kelishi mumkin bo‘lgan suv toshqinlari va sel xavfining oldini olish maqsadida barcha zarur choralar ko‘rilmoqda.

Xususan, shahar hududlarida drenaj va suv oqimlari tizimlari nazoratga olinib, ularning uzluksiz ishlashi ta’minlanmoqda.

Mutasaddi tashkilotlar tomonidan muammoli hududlarda tezkor choralar ko‘rilib, maxsus texnikalar va ishchi guruhlar doimiy ravishda faoliyat olib bormoqda.

Shuningdek, aholi xavfsizligini ta’minlash, ehtimoliy noxush holatlarning oldini olish hamda zarur hollarda tezkor yordam ko‘rsatish bo‘yicha tegishli xizmatlar kuchaytirilgan tartibda ish olib bormoqda.

Samarqand shahar hokimligi axborot xizmati

📱 Каналга уланиш: https://t.me/AxborotP