Shahar rahbari yosh dasturchilar bilan muloqot qildi

Xabar berganimizdek, yoshlar bilan uchrashuvlar davom etmoqda.

Samarqand shahar hokimi Fazliddin Umarov "School21" dasturchilar tayyorlash maktabida boʻlib, u yerda tahsil olayotgan boʻlajak dasturchi yoshlar bilan muloqot qildi.

Muloqot davomida yoshlarning start up gʻoyalari tinglanib, loyiha taqdimotlari bilan tanishdi. Yoshlar bildirgan gʻoyalar qoʻllab-quvvatlanishi ta'kidlandi.

Ma'lumot oʻrnida,  maydoni 4 000 m² boʻlgan "School21"ning Samarqand kampusi «Registon», «Ulugʻbek», «Sherdor» va «Tillaqori» kabi 4 ta oʻquv klasterini birlashtirgan. Kampus ishtirokchilar uchun tunu kun ochiq. Bu yerda ular raqamli texnologiyalar sohasida yuksalish, hamfikrlar jamoasini tashkil etish va o‘qish uchun zarur bo‘lgan hamma qulay narsani topadilar.

🌍 Web-sayt|  📱 Telegram| 📱 YouTube  
📱 Instagram| 📱 Facebook| 📱 Facebook

Sohibqiron Amir Temur tavalludining 690 yilligi munosabati bilan oʻtkazilgan tanlov gʻoliblari taqdirlandi

Buyuk sarkarda bobomiz Sohibqiron Amir Temurning 690 yilligi munosabati bilan "Tarix soʻzlaydi" nomli videoroliklar tanlovi e'lon qilingan edi.

Quyidagilar tanlov gʻoliblari deb topildi:

🎬 Eng yaxshi SI (sun’iy intellekt) yordamida tayyorlangan videoroliklar tanlovi g‘oliblari:

🥇 1-o‘rin:
Nizomov Feruz Po‘lat o‘g‘li –
Samarqand ixtisoslashtirilgan san’at maktabi o‘qituvchisi;

🥈 2-o‘rin:
Charos Abdullayeva –
Samarqand shahar Damir Salimov nomidagi 20-umumiy o‘rta ta’lim maktabi direktorining o‘rinbosari;

🥉 3-o‘rin:
1. Shodmonqulov Abbos Asad o‘g‘li –
“Samarqand suv ta’minoti” AJ axborot xizmati xodimi

🎬 Eng yaxshi milliy kontent va ijodiy videoroliklar tanlovi g‘oliblari:

🥇 1-o‘rin:
Hakamlar hay’ati xulosasiga ko‘ra, tanlov talablariga to‘liq javob beradigan ijodiy videorolik taqdim etilmaganligi sababli 1-o‘rin uchun munosib ish aniqlanmadi;

🥈 2-o‘rin:
Dilobar Ro‘ziyeva –
Samarqand shahri, Qorasuv massivi, Shodiyona MFY fuqarosi;

🥉 3-o‘rin:
Nodir Xolmatov –
Samarqand shahar Sog‘liqni saqlash boshqarmasi matbuot xizmati xodimi.

Bugun shahar hokimligida tanlov gʻoliblarini taqdirlash tadbiri boʻlib oʻtdi.

Tadbirda shahar hokimining oʻrinbosari Ra'no Toshniyozova ishtirok etib, ishtirokchilarni yutuq bilan tabrikladi.

🌍 Web-sayt|  📱 Telegram| 📱 YouTube  
📱 Instagram| 📱 Facebook| 📱 Facebook

Hokim Ibrohim Xoʻja mahallasidagi maktabgacha ta'lim tashkiloti qurilishi bilan tanishdi

Davlatimiz rahbarining ta'lim sohasida qilayotgan islohotlarining amaliy ifodasi sifatida Samarqand shahrida ham bir qator ta'lim muassasalari uchun qoʻshimcha binolar hamda yangi binolar qurib berilmoqda.

Jumladan, shahardagi Ibrohim Xoʻja mahallasi hududida joylashgan 5-son Davlat maktabgacha taʼlim tashkiloti uchun loyiha qiymati 3 milliard 600 million soʻm boʻlgan 120 oʻrinli qoʻshimcha bino qurilmoqda.

Shahar rahbari Fazliddin Umarov mazkur ta'lim dargohida olib borilayotgan qurilish ishlari bilan tanishdi. Muassasada zamonaviylik uf urib turishi hamda bolajonlar uchun qulay shart-sharoitlar yaratilishi kerakligini taʼkidladi. Shuningdek, muassasaga olib boruvchi yo‘llarning taʼmirtalab qismlarini tartibga keltirish yuzasidan masʼullarga aniq vazifalar belgilab berildi.

🌍 Web-sayt|  📱 Telegram| 📱 YouTube  
📱 Instagram| 📱 Facebook| 📱 Facebook

Korrupsiya — jamiyat taraqqiyotiga tahdid

Korrupsiya jamiyat rivojiga jiddiy to‘sqinlik qiluvchi, adolat tamoyillarini izdan chiqaruvchi hamda qonun ustuvorligiga putur yetkazuvchi illat hisoblanadi. Ushbu salbiy holat nafaqat iqtisodiy taraqqiyotni sekinlashtiradi, balki fuqarolarning davlat va jamiyatga bo‘lgan ishonchiga ham salbiy ta’sir ko‘rsatadi.

SHu illatning oldini olish maqsadida Samarqand shahar hokimligida mavzu yuzasidan tashkil etilgan o‘quv-seminarida shahar hokimining o‘rinbosarlari, tegishli tashkilot va idoralar rahbarlari ishtirok etdi.

Seminar davomida mutaxassislar tomonidan korrupsiyaning oldini olish, unga qarshi kurashish mexanizmlarini takomillashtirish hamda bu borada amalga oshirilayotgan ishlar samaradorligi yuzasidan atroflicha ma’lumotlar berildi.

Shuningdek, korrupsiyaga qarshi kurashishda jamiyatning har bir a’zosi faol bo‘lishi, befarqlikka yo‘l qo‘ymaslik muhim ekani alohida ta’kidlandi.

Web-sayt|  📱 Telegram| 📱 YouTube  
📱 Instagram| 📱 Facebook| 📱 Facebook