Ayni paytda Samarqand shahrida O‘zbekiston Respublikasi Konstitutsiyasi qabul qilinganligining 33 yilligi munosabati bilan tantanali marosim o‘tkazilmoqda.

👉🏽 Kanalga ulanish: https://t.me/samshahar
🌐 www.facebook.com/samshaharhokim
🌔 samshahar.uz

Nukus va Samarqand UNESCOning Ta’limni targʻib etuvchi shaharlar global tarmog‘iga (GNLC) kiritildi.

2025-yil 4-dekabr kuni UNESCO O‘zbekistonning Nukus va Samarqand shaharlarini Ta’limni targʻib etuvchi shaharlar global tarmog‘iga qo‘shilganini e’lon qildi.
Mazkur tarmoq maktablarda, ish joylarida, madaniyat muassasalarida, kutubxonalarda hamda jamoat joylarida hayot davomidagi ta’limni targʻib etayotgan shaharlarni birlashtiradi.
Joriy yilda 46 davlatdan 72 ta shahar tarmoqqa qo‘shildi va shu tariqa GNLC a’zolarining umumiy soni 91 davlatdan 425 ta shaharga yetdi.
Nukus va Samarqandning tarmoqqa qo‘shilishi O‘zbekistonning barcha yosh toifalari uchun sifatli ta’limni rivojlantirish, inklyuziv yondashuvlarni kengaytirish yo‘lidagi sa’y-harakatlarining e’tirofi bo‘ldi.
Nukus shahrida ayniqsa yoshlar va ayollarning ehtiyojlariga mos keladigan qulay ta’lim ekotizimini shakllantirish borasida sezilarli yutuqlar qayd etilgan.
Samarqand shahrida esa hayot davomidagi ta’lim tizimini rivojlantirish, zamonaviy ta’lim muassasalarining tashkil etilishi, “Bilim Samarkand” raqamli platformasining joriy etilishi, shuningdek, professional va kasb-hunar ta’limi imkoniyatlarining kengaytirilgani alohida ta’kidlandi.

Samarqand shahrida atmosfera havosini tozalash bo‘yicha ishlar olib borilyapti

Samarqand shahrida Prezidentning tegishli Farmoni ijrosi doirasida, atrof-muhit sifatini yaxshilashga qaratilgan amaliy ishlar izchil davom etmoqda.

Shahardagi ko‘chalar, yo‘l chetlari, yirik kesishmalar, shuningdek, katta hududlardagi daraxtlar maxsus texnika yordamida yuvilmoqda. Maxsus xizmat xodimlari zamonaviy texnika vositalarini ishga solgan holda, baland daraxtlarning eng yuqori qavatlarigacha yetib boruvchi tozalash ishlarini amalga oshirmoqda.

Ushbu chora-tadbirlar shahar havosini chang va zararli moddalardan tozalash, atmosfera ifloslanishini kamaytirish, aholi uchun sog‘lom va pok muhit yaratishga qaratilgan.

Ishlar shaharning barcha hududlarida bosqichma-bosqich amalga oshirilmoqda.

👉🏽 Kanalga ulanish: https://t.me/samshahar
🌐 www.facebook.com/samshaharhokim
🌔 samshahar.uz

Yong‘in Xavfsizligi qoidalariga qat’iy rioya qiling!

Samarqand shahar hokimligi, Favqulodda vaziyatlar boshqarmasi va shahar gaz ta’minot korxonasi bilan hamkorlida Samarqand shahridagi barcha dehqon bozorlari, yirik savdo majmualari, umumiy ovqatlanish shahobchalari, mehmonxonalarda yong‘in xavfsizligi qoidalari hamda tabiiy va suyultirilgan gaz ballonlari ta’minotidan foydalanish qoidalariga rioya etilishi holatini o‘rganish hamda aniqlangan qoidabuzarliklarni bartaraf etish, yuzaga kelishi mumkin bo‘lgan noxush holatlarni oldini olish bo‘yicha kuchaytirilgan reyd tadbirlari olib borilmoqda.

Hurmatli fuqarolar, agar siz dehqon bozorlari, yirik savdo majmualari, umumiy ovqatlanish shahobchalari va boshqa joylarda yong‘in xavfsizligi qoidalari yoki suyultirilgan gaz ballonlaridan foydalanishga qoidalari buzilishi holatiga guvoh bo‘lsangiz bu haqida tezkor ravishda (66) 240-40-19, (66) 240-06-01 yoki qisqa 101, 1050 telefon raqamlariga axborot berishingiz mumkin!

👉🏽Kanalga ulanish: https://t.me/samshahar

Jarayon | “Ipak yo‘li” buyum bozorida yong‘in xavfsizligi nazorati

Samarqand shahrida yong‘in xavfsizligi qoidalariga rioya etilishini ta’minlash maqsadida profilaktik tadbirlar davom etmoqda. Shu doirada “Ipak yo‘li” buyum bozori hududida tadbirkorlar va savdo shoxobchalarida tabiiy va suyultirilgan gaz ballonlaridan foydalanish tartibi hamda yong‘in xavfsizligi talablari o‘rganildi.

Mutaxassislar tomonidan savdo nuqtalaridagi mavjud holat ko‘zdan kechirilib, tadbirkorlarga xavfsizlikni ta’minlashga qaratilgan amaliy tushuntirishlar berildi.

Hurmatli fuqarolar! Agar yirik savdo majmualari, umumiy ovqatlanish nuqtalari yoki boshqa jamoat joylarida yong‘in xavfsizligi qoidalari buzilishini ko‘rsangiz, bu haqda tezkor ravishda xabar bering:

📞 (66) 240-40-19
📞 (66) 240-06-01
📞 101, 1050 – qisqa raqamlar

👉🏽 Kanalga ulanish: https://t.me/samshahar
🌐 www.facebook.com/samshaharhokim
🌔 samshahar.uz