Dhimmi Barumsaa #garam deemaa jira

Yeroo bu'aan Qabxii barattootaa ifoomu miira heddu keessa nama galcha. Silaa hojiin Qulqullina barnootaa Qormaata irratti osoo hin ta'in adeemsa Barumsaa irraa kauu qaba ture.

Yeroo durii barataan Yeroo baratu hamilee qaba, barsiisaanis waliin barataarratti hojjatu, naannoo mana barumsaas baayyee namatti tola, Hooggansaa Fi sirnichis barumsarratti nama gargaaru. Barataan Qabxii gaarii yoo fide namni hundi waliin gammada. Yoo kufes akksumatti waliin gaddu. Barataan yunivarsity seenuuf waliin dorgomaa, wanta barate beekee ibsuuf hirriba dhab. Maatiin ilma isaa barsiisee muldhisuuf hawwii guddaa qaba. Barsiisaan barataa isa caalu baasuuf halkanii guyyaa hojjata, Bulchiinsis barattoota isaa dorgomtuu biyyaaf hojjattu omishuuf carraaqa.

Barataan barfate ni cinqama, kan Barumsa irraa oole guyyaa San ofitti gaddan, wanta Jala dabruuf ni seenaya. Yoo balleesse adabamuuf qophiidha. Wanta barate galee ilaala, harki isaa waa barreessuu jaalata osoo shaakalu qomatti qabata, Yeroo hunda akka waan qormaata taeetti dubbisa.

Yeroo ammaa barataan hamilee Fi kaayyoo hin qabu, barsiisaanis beekumsa qabu barataan biraan gahuuf hamileen dur Suni hin jiru, barataa barsiisee Bakka isaa buusuu fi barataa yaaduu keessatti akka dur hinjiru, dura bu'oonni Dhimma mana barumsichaa too'atanii haala mijeessuun barumsi akka cimee barataan dorgomaa baasuuf hojjataa muraasa. Maatiin barataa kutaa inni baratu beeku baayyee miti, akkatti oolee Fi maal akka barate namuu hin gaafatu. Ijoolleen maatiin ala Jireenya adeemsifataa jirti. Hariiroon maatii Fi mana barumsaa adda fagoo jiru. Maatiin mana barumsaa San eddoo seenee jedhu muraasa.

Waliigala dhimmi Barumsaa Dhimma akka salphatti ilaaluu miti. Yoo baranne guddanna, Qaroomnee seenaa galmeessina. Yoo barumsaan kufne waa hundaan kufna. Haalli Barumsa biyya keennaa Kuni maal akka tae rakkoo isaa gadi fageennaan qoratamee furmaannii itti Barbaadamuu qabaan dhaamsa kiyya.
Barumsi Ifaadha Wallaalli dukkana!!!
fb Ustaaz Abdulwahaab irraa fudhatame.
t.me/Sammaan