#Қарияларуйи
#Ғамхўрлик
#Самарқандвилояти

“Қариялар уйида қолдириб кетилган ота-она!” Ноқобил фарзанд ёхуд...

✅ “Қариялар уйи” деганда хаёлимиздан бирдек оғриқли уй ўтади. “Қандай қилиб фарзандларини боқиб катта қилган ота-онасига, кексайганида ғамхўрлик қилишдан бош тортади?”- дея ажабланамиз, раҳмимиз келади. Қариялар уйида турли сабаблар тақозосидан истиқомат қилувчи кишилар бор.
✅ Уларнинг қалбларига бир чимдим малҳам бўлмоқлик ва мурувват эстагида бугун биз вилоят Ўсимликлар карантини ва ҳимояси бошқармаси раҳбарияти бошчилигида Самарқанд шаҳрида жойлашган “Саховат” қариялар уйига ташриф буюрдик. Улар бизни кўриб, биз томонга шошилишди. Уларнинг ҳолидан яна кимдир хабар олаётганига қизиқишди шекилли? Уларнинг хурсандчилигидан одам кўзига ёш келаркан. Бироз вақт ўтиб, улар билан бир пиёла чой устида озгина муддат суҳбат қурдик.
✅ Лекин улар бизда ачиниш уйғотадиган тасаввур қолдирди. Уларнинг орасида бугун нафси, кундалик эҳтиёжи, арзимас сабаблар билан улардан воз кечганлари бўлса, баъзиларининг эса хеч кими йўқлари ҳам бор. Уларнинг кўнгли ярим. Инсон қариган чоғида ўзига бир дардкаш излаб қоларкан. Лекин бугун турли сабаблар ила қариялар уйига тушиб қолганларнинг дардкашлари тугул яқинлари ҳам йўқ. Улар у ерда бир бирига малҳам, дардкашдирлар.
✅ Биз қариялар уйидан қайтар эканмиз, дуогуй отахону -онахонлар қўлларини дуога очиб, кўзларига ёш олди.
✅ Уларнинг юзларидаги маҳзунлик инсон юрагини бехаловат қилди.
Ҳаётининг энг ширин дамларини бугун оиласи бағрида ўтказиши керак бўлган, отахону оналар бугун қариялар уйида паноҳ топмоқда.
✅ Бугун ҳукуматимиз томонидан қариялар уйига ҳам катта эътибор қаратилган. Шинам кенг ёруғ хоналар, саронжом-саришта овқатланиш зали, ошхона, ювиниш хоналари, теливизорхона ва катта кенг кутубхона улар хизматида.
✅ Қариялар ўйида яратилган бундай шароитни кўриб инсон кўнгли ёришади. Лекин, барибир оила бағрига нима етсин.
✅ Бугун кимдир ота-онасидан айирилиб, уларнинг бир сониялик меҳрларига зор бўлса, кимдир эса уларни тирик хор қилиб қўйишибди. Наҳотки, бундай кечирилмас хатонинг гуноҳидан қўрқишмаса?
Бу дунёни қайтар дунё дейдилар.
Уларнинг бу қилмишлари ўз фарзандларидан қайтишини билишса эди.

Бу ҳақида уйлаб кўриш вақти келмадимикан?

Самарқанд вилоят ўсимликлар карантини ва ҳимояси бошқармаси ахборот хизмати

Каналга қўшилинг 👇👇

https://t.me/Samkarantin

🌐 https://www.instagram.com/samkarantin99?r=nametag

🌐 https://www.facebook.com/profile.php?id=100073345246541

🌐 https://youtube.com/channel/UCeMdD5Tkf193unqC6ShdWbA