#Коррупция
#Курашиш
#Самарқандвилояти

✴️ Коррупцияга қарши курашишда нафақат ҳуқуқни муҳофаза қилувчи давлат органлари, балки кенг жамоатчилик назорати билангина кескин ва самарали курашиш мумкин. Чунки, коррупция айни бир соҳа ва бир йўналишни танламайди.
Таъкидлаш жоизки, коррупция жамиятни турли йўллар билан исканжага оладиган даҳшатли иллатдир. Мазкур иллат демократия ва қонун устуворлиги асосларига путур етказади. ✴️ Инсон ҳуқуқларининг бузилишига олиб келади. Ислоҳотларга тўсқинлик қилиб, жамият тараққиётини ортга суради. Оқибатда ҳаёт сифати ёмонлашиб, одамлар хавфсизлигига таҳдид соладиган нохуш ҳодисаларнинг илдиз отиши учун шароит юзага келади.
Ушбуларни олдини олиш мақсадида ҳукуматимиз томонидан “9 декабр-Халқаро коррупцияга қарши курашиш куни”га бағишланган, Аксилкоррупция ҳафталиги доирасида 2021 йилнинг 22 ноябридан 2 декабрга қадар “Коррупция ривожланишимизга тўсиқ” мавзусида тадбирлар ўтказилиши белгиланган. Мазкур тадбир ижросини таъминлаш мақсадида, жорий йилнинг 23 ноябр куни Вилоят Ўсимликлар карантини ва ҳимояси бошқармасида коррупцияга қарши курашиш борасида ташкилотимиз фаолиятидан келиб чиқиб, тизимда коррупцион хавф-хатарларни олдини олиш ва бартараф этиш борасида семинар ташкил этилди.
✴️ Коррупцияга сабаб бўлаётган ҳолатларни ҳамда жамиятни бу балодан қутқариш масаласи муҳокамасини йўлга қўйиш борасида кенг жамоатчиликни, халқаро ҳамжамиятни хабардор қилиб бориш долзарб аҳамиятга эга эканлигини борасида тушунчалар берилди.
✴️ Ўсимликлар карантини ва ҳимояси фаолиятида ҳам коррупцияга қарши курашиш борасида қатор ишлар амалга оширилмоқда. Хусусан, ўсимликлар карантини ходимларининг ҳалол, масъулиятли ва адолатли бўлишлари юзасидан доимий равишда тарғибот ташвиқот ишлари ҳам олиб борилиши йўлга қўйилган.
✴️ Бинобарин, иқтисодиётимизни янада жадал юксалтириш, халқимиз фаровонлигини ошириш борасида бевосита коррупцияга қарши курашиш мақсади йўлида барчамиз бирлашишимиз, бир ёқадан бош чиқаришимиз, ҳамжиҳат ва ҳамфикр бўлишимиз, унда фаол иштирок этишимиз бугунги даврнинг ўзи тақазо этаётганини унутмаслигимиз шарт ва зарур.

Самарқанд вилоят ўсимликлар карантини ва ҳимояси бошқармаси ахборот хизмати

Каналга қўшилинг 👇👇

https://t.me/Samkarantin

🌐 https://www.instagram.com/samkarantin99?r=nametag

🌐 https://www.facebook.com/profile.php?id=100073345246541

🌐 https://youtube.com/channel/UCeMdD5Tkf193unqC6ShdWbA