اذا ما اجيت اشد عيني برجل غيمه وادورنك

يوسف عبد الحسين

هَذا شارعكُم وصَلته
وجايَب وياي الخَريف
علّمت روحَي الشَجاعة
وبطّلت مِن الرِجيف
وتآلي خِفت البّاب ادگه
وگمت ادّك اعِلّى الرَصيف
♡

اليُوم بالصدفة مِثل عُطرك لكَيت
حاولت بَس مكَدرت ألزم عبرتي
بهوسة السوكَ وبجيّت
♡

عايش بروحي واشوفنك بعيد ،
تنتهي الدنيا ويضل حبك جديد .
♡

الليلة اگلب بالرسايل
بلكي منك عيدك مبارك وأحبها
الليلة اعايد ذكرياتك
وحدة وحدة
واطفة سكتة
شلي بالعيد وضحكتة !
شلي بالناس التعايد
وماكو انتَ ..
♡

اجيتك والشتات وياي
اريد تلمني بأحضانك
أجيتك وانا قمة خوف
خاف تردني بيبانك
انا المستاحش المتعوب
والمهضوم والتايه
اريدك ما تزيد الكيل
من يحكمني ميزانك
وانا شعندي عتب مرفوع
لمني ولا يضل بالك
اذا بهتت الواني وياك
أظل مشتاگ لألوانك .
♡

باچر دَروبك تغنيّ
تذكَر البيه تحَبهن
تبچي وحَدك
تبقى يَم روحَك تكابر
باچر بحلمَك تسافر
للمَواعيد الگضيناهن برود
للبچي ودَمعاتي يَمك
للوَعود ..
♡

انتَ ماخِذ رُوحي مِني
ياسَبب جَرحي اليغَني
انتَ دَفانك دِفني
وأعِله گبرك كِتبوا إسمي
كُل ليل وانتَ بطيف
بَس كونَك غافي
كُل شَمعه وأنه بنارّ
بَس كونَك دافيّ
كُل مٌوت وانتَ بخَير
مٌوت العَوافي
وبمَماتا للبقيا .

يا گلبي الحزن مو باب
الحزن ناعور لو دولاب
لو عين انچفت ع الباب
يا گلبي الحزن غيمة ....
واذا مو غيم ، من يغسل ذنوب الباب ؟؟
يا گلبي الحزن ليلة
واذا مو ليل ، چا ليش الغروب صواب ؟!
الحزن اذا يكبر يشيب يموت
شعجب حزن المگابر شاب ؟؟
يا گلبي الحزن محراب
الحزن كلساع يذبنه بباب
الحزن من تچهب الصحره
وتصد عنك وانت تراب ..!!
الحزن هم فرح بس چذاب !!

_ هاشم الخزاعي

عاشرنة التعب والاه والحرمان
كلها لخاطرك ولخاطر اعيونك

لسمير صبيح