وأجيك بلهفتي التچوي
وأرد منك عشك بردان
واتدفى بندم جَيتي .
♡

الشاعر سمير صبيح

وكون تدري
المايجيبه الشوگ خطواته چذب

حسين ال حبتري

من كلت بذات عنك عاتبتني

لـ عريان

أخذني وياك امشي ابغير واهِس والطواري كَصار

لـ عريان السيد خلف⁩

وحتى لو ترجَعلي ذابل ..
ما أگلك ليش أجيت ؟ .
وأركض لصوتك قبل لا أسمع أسمي .
وأبچي من عندك عليك .
♡

بَعد ياعين تبچيلك
وياديره ترحِب بيك
وانتَ الكاتل دخيلك؟
♡

آخر رسَالة إلك ، أكتبها وأتلوى
وآخر وصيتي إلك ، احجيها بالگوه
و انا ادري بعد الجرح مامش عذِر يسوى
بالك تثق بدرب مابي إلك خطوة
وبالك تضَحي لوطن ما يفهّم الفدوة
اخذ الحجي ولم دمُعك ونام
بَاجر تذكرك بيه الأيام
مِن تفتقدني ورايد تعود
وتلكاني بالزينَات موجود
إذكرني مِن تبتسم ، من تحزن إنساني
مَا أظن نرجع سوه ، بس ‏لا تحب ثَاني !
ولا تنطي روحك تره مو كل بشَر اني
بَاجر إذا زعلك ما راح تلكاني
مَا تلكه مثلي يهدلك الحيل
نعسان بسّ يسهرلك الليل …
♡

ماضَل تعب ماجاس روحي
♡

تجاوزتك وكملت مُجبر جنت مو بطل
ليش استلذ بالنصِر وادري انـه مو نشمي !
غصباً عليه عشت من انتَ مو يمي
گلت اعلى هجرك حلو
وگالولي عفيه وكفو
بَـس النتيجه شنو ؟
كدامُ ناسي صدك انـه ربحت الحربَ ..
بَـس اخسرت حَلمي .
♡