🔹RASMIY MUNOSABAT

"Kusherbayevga murojaat" telegram kanalida e’lon qilingan
Urgutlik Nayomjonov Madat Axmadjonovichning 7-sinifda o‘qiyotgan o‘g‘lini Samarqand shahridagi 23-sonli maktabga joylashtirish bo‘yicha qilingan murojaati mas’ullar tomonidan o‘rganildi va ota-ona tomonidan zarur hujjatlar taqdim etilganidan so‘ng, urgutlik o‘quvchi Samarqand shahridagi 23-umumta’lim maktabiga joylashtirildi.

Samarqand viloyati Maktabgacha va maktab ta’limi boshqarmasi axborot xizmati

✅@samarqandvxtb       

Telegram | Facebook

⚡️RASMIY MUNOSABAT

Ijtimoiy tarmoqlarda Qo‘shrabot tumanida ustozlarga bayram puli sifatida yozilgan 490 ming so‘mdan pul mablag‘lari to‘lanmayotganiligi haqida xabar tarqaldi.
Ta’kidlash joizki, mehnat qonunchiligiga ko‘ra, smenta doirasida ajratilgan pullar birinchi navbatda ishchi-xodimlarning oylik ish haqqi uchun ajratiladi. Joriy yilning sentabr oyi uchun smeta doirasida ajratilgan pullar o‘qituvchilarning oylik maoshlari uchun yo‘naltirildi. Vazirlar Mahkamasining 2019-yil 30-sentabrdagi 823-sonli qarorining 29-bandida , "Umumta’lim muassasalari xodimlari, shu jumladan rahbar xodimlari faqat «1-oktabr — O‘qituvchi va murabbiylar kuni» munosabati bilan Jamg‘armaning (Direktor jamg‘armasi) mavjud mablag‘lari hisobidan mehnatga haq to‘lashning eng kam miqdorining 50 foizigacha miqdorida mukofotlanishi mumkin" deyilgan.
Ajratilgan mukofotlar Jamg‘armaning mavjud mablag‘lari hisobidan bosqichma-bosqich to‘lab beriladi.

Samarqand viloyati Maktabgacha va maktab ta’limi boshqarmasi axborot xizmati

✅@samarqandvxtb       

Telegram | Facebook

⚡️RASMIY MUNOSABAT

Ijtimoiy tarmoqlarda e’lon qilingan "Urgutdagi 93-maktab o‘qituvchisi va farroshi portalga murojaat qilgani uchun maktab direktori, uning ukasi va direktorga yaqin bo‘lgan o‘qituvchilar tomonidan kaltaklandi" mazmunidagi xabar yuzasidan quyidagilar ma’lum qilinadi:
Mazkur murojaat Urgut tuman Maktabgacha va maktab ta’limi bo‘limi mas’ullari tomonidan o‘rganildi.
Ma’lum bo‘lishicha, 2023-yil 9-oktyabr kuni 93-maktabda farrosh bo‘lib ishlovchi S. G.ning O‘zbekiston Respublikasi Prezident Adminstratsiyasiga 2023 -yil 26-sentabr kuni maktab direktori L.R. va xo‘jalik ishlar bo‘yicha direktor o‘rinbosari F.A.ning hatti-xarakatidan norozi bo‘lib qilgan murojaati pedagogik jamoa bilan birgalikda o‘rganib chiqish uchun G.S. maktabga chaqirtirilgan.
Ushbu arizani o‘rganib chiqish jarayonida qatnashgan o‘qituvchilar (maktab direktori o‘rinbosarlari F.Axmedov, N.Toshmurodova, maktab kasaba uyushmasi raisi S.Nishonova, 11-sinf rahbarlari M.Nodirova, M.Xushvaqtova, D.Azimovalar ) bilan suhbat jarayonida maktab farroshi G.Sni hech kim urmaganligini bayon qilishgan.
Maktab direktori ham o‘z tushuntirish xatida yuqoridagi murojaat farrosh tomonidan uyushtirilgan "navbatdagi bo‘hton" deya ta’kidlagan.
Ijtimoiy tarmoqda e’lon qilingan telegram yozishmalarida ko‘rsatilgan plastik raqami ham direktorga tegishli emasligi ayni paytda ushbu holat bo‘yicha maktab direktori huquqni muhofaza qilish organlariga murojaat qilganligini ma’lum qilgan. Vaziyat bo‘yicha huquqiy baho vakolatli organlar tomonidan beriladi.

Samarqand viloyati Maktabgacha va maktab ta’limi boshqarmasi axborot xizmati

✅@samarqandvxtb       

Telegram | Facebook

🔹 “YILNING ENG YAXSHI O‘ZBEK TILI O‘QITUVCHISI” RESPUBLIKA TANLOVINING VILOYAT BOSQICHI G‘OLIBLARI ANIQLANDI

Maktabgacha va maktab ta’limi vazirligi hamda O‘zbekiston kasaba uyushmalari Federatsiyasining 2023-yil 18-sentyabrdagi
qaroriga muvofiq,"21 oktabr-O‘zbek tiliga davlat tili maqomi berilgan kun" munosabati bilan “Yilning eng yaxshi o‘zbek tili o‘qituvchisi” respublika tanlovining viloyat bosqichi o‘tkazildi.
Tanlov nizomiga ko‘ra, “Yilning eng yaxshi o‘zbek tili o‘qituvchisi” tanloviga (https://t.me/tiltanlov_bot) maxsus bot orqali viloyatdagi umumiy o‘rta ta’lim maktablarining ona tili va adabiyot hamda o‘zbek tili o‘qituvchilari tomonidan videotaqdimotlar yuborildi.
Tanlov ishtirokchilari tomonidan yuborilgan video formatdagi taqdimot (slayd)lar viloyat pedagoglarni yangi metodikalarga o‘rgatish milliy markazining tajribali professor-o‘qituvchilari va mutaxassislardan iborat hakamlar hay’ati tomonidan Nizom talablari asosida 50 ballik tizimda baholandi.
Tanlov natijalariga ko‘ra,Payariq tumani 5-umumta’lim maktabining ona tili va adabiyot fani o‘qituvchisi Abilova Baxtigul Umurzoqovna I o‘rinni, o‘zbek tili yo‘nalishi bo‘yicha, Samarqand shahar 81-umumta’lim maktabining o‘zbek tili fani o‘qituvchisi Tog‘ayeva Feruza Elmuratovna I o‘rinni egallashdi va tanlovning respublika bosqichiga yo‘llanma olishdi.

Samarqand viloyati Maktabgacha va maktab ta’limi boshqarmasi axborot xizmati

✅@samarqandvxtb       

Telegram | Facebook

🔹RASMIY MUNOSABAT

"ZO‘R.TV“ telekanali "BU KUN" dasturida Payariq tumanidagi 80-umumta’lim maktabiga qish mavsumi uchun berilgan ko‘mir sotib yuborilganligi aytilgan lavha yuzasidan quyidagilar ma’lum qilinadi:

Payariq tumani 80-umumta’lim maktabiga joriy yil kuz-qish mavsumi uchun 84 tonna ko‘mir mahsulotlari berilgan. Ushbu ko‘mir mahsulotlarining 2 tonnasi maktab xo‘jalik ishlari bo‘yicha mudiri U.A. tomonidan sotib yuborilganligi gumon qilingan. ( A.U.intervyuda aytishicha, yoqilg‘ini ko‘mirxona kiritgan ishchilarga xizmat haqqi o‘rniga bergan)
Holat Payariq tuman Prokuraturasi tomonidan o‘rganilgan va maktab xo‘jalik ishlari mudiri U.A.ga O‘zbekiston Respublimkasi Prokuratura to‘g‘risidagi Qonunining 39-moddasi hamda Ma’muriy javobgarlik to‘g‘risidagi kodeksning 245-, 275 -moddalaridan kelib chiqib, O‘zbekiston Respublikasi MJtKning 61- modda 1- qismi bilan ma’muriy javobgarlik to‘g‘risidagi ish qo‘zg‘atilib, ish sud oshirilgan.

Samarqand viloyati Maktabgacha va maktab ta’limi boshqarmasi axborot xizmati

✅@samarqandvxtb       

Telegram | Facebook

❗️Samarqand viloyati Maktabgacha va maktab ta'lim boshqarmasi "Universal Shingarf" NTM va "Malika Education" o'quv markazining 2023 yili 20-sentabrdagi Memorandumiga muvofiq matematika va Ingliz tili ixlosmandlari uchun "Samarqand allomalari" nomli bilimlar bellashuvi bo'lib o'tadi

❗️Ushbu bellashuv 3 bosqichda bo'lib o'tadi.
1️⃣ - Maktab bosqichi (14-oktabr kuni)
2️⃣- Tuman (shahar bosqichi) (28-oktabr kuni)
3️⃣ -Viloyat bosqichi (4-noyabr kuni)

✅Bellashuv 3-4-5-6-sinflar o'rtasida bo'lib o'tadi. Ushbu bilimlar bellashuvida faqat Samarqand viloyatida tahsil olayotgan davlat va nodavlat ta'lim muassasalari o'quvchilari ixtiyoriy ishtirok etishi mumkin.

▶️ 3-4 sinflar umumiy bellashadi
▶️ 5-6 sinflar ham umumiy bellashadi

✔️ Har bir ishtirokchi matematika va Ingliz tili fanlaridan 30 tadan jami 60 ta test savollariga javob berishlari talab etiladi.

🏆 Sovrinlar
🥇 1-O'ringa Smart_TV
🥈 2-O'ringa Velosiped
🥉 3-O'ringa Rolik

👉Olimpiada nizomi va buyruq bilan to'liq tanishib chiqish👈

Online ro'yxatdan o'tish

🔴Maktab bosqichida ishtirok etgan o'quvchilar quyidagi platformaga kiritilishi shart.
👉 Platformaga o'tish

☎️Qo'shimcha ma'lumot uchun ushbu raqamlar bilan bog'laning.

📞+99894-185-44-88
📞+99893-465-44-88

✅@samarqandvxtb       

Telegram | Facebook