O‘zbekiston Respublikasi Prezidenti Shavkat Mirziyoyev amaliy tashrif bilan Shveytsariyaning Syurix shahriga keldi. Xalqaro aeroportda Prezidentimizni Birlashgan savdo-sanoat palatasi rahbari Dorit Probst kutib oldi.
—
Президент Республики Узбекистан Шавкат Мирзиёев прибыл с рабочим визитом в швейцарский город Цюрих. В международном аэропорту Президента нашей страны встретила глава Объединенной торгово-промышленной палаты Дорит Пробст.

#Mirziyoyev #tashrif #Shveytsariya #Tinchlikkengashi

Prezident.uz|Facebook|Instagram|YouTube|X

🔸Maktabgacha ta’limda fransuz tilini o‘rganish bo‘yicha yangi loyiha boshlandi

Samarqand shahrida maktabgacha ta’lim tizimida fransuz tilini o‘rgatishni yo‘lga qo‘yishga qaratilgan muhim seminar tashkil etildi.

Fransiyada bo‘lib o‘tgan Xalqaro Frankofoniya tashkilotining 19-sammiti doirasida erishilgan kelishuvlar ijrosini ta’minlash maqsadida O‘zbekiston Respublikasi Maktabgacha va maktab ta’limi vazirligi hamda “Kokoro Lingua” kompaniyasi o‘rtasida hamkorlik yo‘lga qo‘yildi.

Shu munosabat bilan Samarqand shahridagi Metodik mahorat markazida “Davlat maktabgacha ta’lim tashkilotlarida 'Kokoro Lingua' innovatsion fransuz tilini o‘rganish platformasidan samarali foydalanish” mavzusida viloyat seminari bo‘lib o‘tdi.

Seminarda “Kokoro Lingua” kompaniyasi asoschisi Nathaliye Lesselin, Samarqand viloyati Maktabgacha va maktab ta’limi boshqarmasi o‘rinbosari Sobir Mirzayev, O‘zbekiston Respublikasi Maktabgacha va maktab ta’limi vazirligining Maktabgacha ta’limni muvofiqlashtirish departamenti mutaxassisi Bahromjon Ermatov hamda viloyatdagi barcha tuman (shahar) maktabgacha va maktab ta’limi bo‘limlari mutaxassislari, maktabgacha ta’lim tashkilotlari direktor o‘rinbosarlari ishtirok etdi.

Mazkur tajriba asosida 2026 yil yanvar oyidan boshlab Samarqand viloyatidagi 25 ta davlat maktabgacha ta’lim tashkilotining 70 ta katta va maktabga tayyorlov guruhlarida “Kokoro Lingua” innovatsion platformasi orqali fransuz tilini o‘rgatish yo‘lga qo‘yilishi rejalashtirilgan.

Samarqand viloyati Maktabgacha va maktab ta’limi boshqarmasi axborot xizmati            

Telegram | Facebook | YouTube | Veb sayt

🔸 Samarqand shahridagi 79-DMTTda “Kokoro Lingua” platformasi asosida fransuz tilini o‘rgatish amaliyoti namoyish etildi

Samarqand shahridagi 79-sonli davlat maktabgacha ta’lim tashkilotida bolajonlarga “Kokoro Lingua” innovatsion platformasi orqali fransuz tilini o‘rgatishga qaratilgan namunaviy dars jarayoni tashkil etildi.

Mazkur dars jarayonida “Kokoro Lingua” kompaniyasi asoschisi Nathaliye Lesselin hamda O‘zbekiston Respublikasi Maktabgacha va maktab ta’limi vazirligining Maktabgacha ta’limni muvofiqlashtirish departamenti mutaxassisi Bahromjon Ermatov ishtirok etib, o‘quv mashg‘ulotlarining borishi, bolalarning darsga bo‘lgan qiziqishi va platformaning amaliy samaradorligi bilan yaqindan tanishdilar.

Dars jarayoni mobaynida bolalarga yosh xususiyatlarini inobatga olgan holda tayyorlangan qiziqarli videodarslar orqali fransuz tilining boshlang‘ich so‘z va iboralari o‘rgatildi. Mashg‘ulotlar interaktiv shaklda tashkil etilgan bo‘lib, bolajonlar darslarda faol ishtirok etdilar.

Ta’kidlash joizki, “Kokoro Lingua” innovatsion platformasi bolalarning chet tilini erta yoshdan o‘rganishga bo‘lgan qiziqishini oshirish, ularning nutqiy rivojlanishi hamda kommunikativ ko‘nikmalarini shakllantirishga xizmat qiladi.

Mazkur tashrif davomida loyihani Samarqand viloyatidagi boshqa davlat maktabgacha ta’lim tashkilotlarida ham joriy etish istiqbollari, pedagoglar uchun o‘quv-metodik yordam ko‘rsatish masalalari muhokama qilindi.

Samarqand viloyati Maktabgacha va maktab ta’limi boshqarmasi axborot xizmati            

Telegram | Facebook | YouTube | Veb sayt