Бешариқда “Дўстлик боғи” — бирдамлик ва меҳр рамзи барпо этилди

📅2025 йил 16 ноябрь куни Фарғона вилояти Бешариқ тумани Бахмал МФЙ ҳудуди учун эзгу ва унутилмас тадбир ташкил этилди. “Саломатлик Плюс Экология” ННТнинг “Ёшлар дўстлик учун” лойиҳаси доирасида ҳудудда “Дўстлик боғи” барпо этилди. 🌱

🤲 Бир мақсад атрофида бирлашган ёшлар, нуронийлар, маҳаллий фаоллар ва фуқаролик жамияти вакиллари хашар рухида кўчат экиш ишларини амалга оширдилар. Бу ташаббус нафақат ҳудудни кўкаламзорлаштириш, балки жамоадаги бирдамлик руҳини мустаҳкамлади.

👥 Тадбирда ЎзННТМА Фарғона вилояти бўлими, “Меҳржон” аёллар ва болалар маркази, “Азим Тафаккур” ННТ вакиллари ҳамда маҳаллий аҳоли кенг қатнашди. Ҳар бир экилган кўчат — умид, меҳр ва келажакка бўлган ишонч рамзига айланди.

✂️ Тадбир очилиши рамзий лентани кесиш маросими билан бошланди. Шундан кейин ёшу қарилар елкама-елка туриб кўчат экишди. Атрофдаги кулишлар, болаларнинг шодлиги ва кўтаринки кайфият тадбирга ёрқин руҳ бағишлади.

🤝 Тадбирнинг яна бир муҳим жиҳати — “Биргаликдаги саъй-ҳаракатлар билан Марказий Осиёда барқарор ривожланиш сари” лойиҳаси доирасида Бешариқ туманида фаолият юритаётган Маҳаллий маслаҳат гуруҳи аъзоларининг яқиндан кўрсатган ёрдами бўлди.

🎶 Маданият бўлими вакиллари томонидан ижро этилган куй-қўшиқлар тадбирга байрамона кайфият олиб кирди. Мусиқалар, хушнаво оҳанглар ва самимий кулишлар “Дўстлик боғи”га янги руҳ бахш этди.

Хашар якунлангач, иштирокчилар учун илиқ ва самимий дастурхон ташкил этилди. Бир даврага жам бўлган ёшу кекса тадбир таассуротлари, боғнинг келажаги ва уни парваришлаш ҳақида фикр алмашдилар. Дуолар ва яхшилик тилаклари кунга янада барака қўшди.

🌳 “Дўстлик боғи” энди нафақат дарахтлар маскани, балки аҳиллик, ҳордиқ, мулоқот ва бирдамлик манзилига айланиши кутилмоқда. Бу боғда қўйилган меҳнат ва меҳр келажак авлод учун қадрли мерос бўлиб қолади.

Ушбу ташаббус Немис халқ университетлари ассоциациясининг (DVV International)🇪🇺 Ўзбекистондаги Филиали ва Фарғона вилояти “Меҳржон” 🕊аёллар ва болалар маркази ҳамкорлигида, Европа Иттифоқи🇪🇺ҳамда Германия Иқтисодий ҳамкорлик ва тараққиёт федерал вазирлиги🇩🇪томонидан молиялаштирилаётган “Биргаликдаги саъй-ҳаракатлар билан Марказий Осиёда барқарор ривожланиш сари” лойиҳаси доирасида амалга оширилмоқда.
#EU4UZ @bmz_bund
#DVV_international #EUprojectTRUST
#DVVInternationalUz #Mehrjon_NGO
#youthofosh #PO_SaodatУ
Bizning sahifalarimiz:
Telegram / Instagram Facebook / YouTube

👩‍🎓 Қизлар саломатлиги ва гендер тенглигига бағишланган семинар ўтказилди
🫰 Қўқон шаҳар ихтисослаштирилган мактабида қизлар саломатлиги ва гендер тенглиги масалаларига бағишланган маърифий семинар бўлиб ўтди.
🗣 Мазкур семинар “Саломатлик плюс экология ” ННТ томонидан ташкил этилди. Тадбир давомида мутахассислар томонидан қизлар учун муҳим ва долзарб мавзулар кўтарилди.
🗣 Семинарда Х. Назарова сўзга чиқиб, қизлар саломатлигини асраш, жамиятда гендер тенглигини таъминлаш, қизларнинг таълим ва ижтимоий ҳаётдаги ўрни ҳақида атрофлича фикр билдирди.
🗣 Шунингдек, мактаб психологи
Р. Исмоилова қизлар томонидан берилган саволларга жавоб бериб, руҳий саломатлик, ўз-ўзини англаш ва муаммоли вазиятларда тўғри йўл тутиш бўйича амалий тавсиялар берди.
🏫 Семинар қизлар иштирокида қизғин муҳокама ва савол-жавоблар асосида самарали тарзда ўтди.

Bizni Salomatlik Plyus Ekologiya NNT kanallarida kuzatin
Bizning sahifalarimiz:
Telegram / Instagram Facebook / YouTube

Prezident Shavkat Mirziyoyevning Oliy Majlis va O‘zbekiston xalqiga Murojaatnomasidan eng muhim iqtiboslar

Prezident.uz|Facebook|Instagram|YouTube|X

Bizni Salomatlik Plyus Ekologiya NNT kanallarida kuzatin
Bizning sahifalarimiz:
Telegram / Instagram Facebook / YouTube