مُتيم
245 subscribers
درى الفطين اني بحبه متيّم
Download Telegram
ولو يجون خلق الله معك في الطريق أفواج
‏مَايسوون عندي —— رِمش عينك وحجّانك .
صبرت والدنيا من الله مقاسيم
ولا لي الا الصبر لاصرت تاييه

والصبر لو ماله مكانه وتعظيم
ماكان فالمصحف ورد فيه اَيه

دنيا عناها فرض عين وملازم
ماهوب فيها مثل فرض الكفاية

من الطفوله والليالي مجاهيم
كن القمر ماله عليها ولايه

ماهو صحيح العبره من الخواتيم
انا حياتي عبرة من البدايه .
حاول تواضع في حياتك مع الناس
الكبر ما عزز شيوخ وسلاطين

ما ذاع صيت ولا ارتفع بالفخر راس
إلا كريم عاش عمره على الدين .
" ماكنه الا ساكن بين الرمش والحشا
مدهاله
واحد لامن دعاني تلبي له ضلوعي قبل لساني " .
دنياك لو تسوى من الحزن ذره
ماكان تاليها توابيت وقبور

العمر يمضي بين حلوه ومره
والموت حق قابض الروح مأمور

دام الحياه الفانيه مستقره
ورزقك يجيك وبين الاجواد مستور

لاتشغل بالوقت برده وحره
واحذر تصير بقسمه الناس مقهور

وحكم القدر لاجاك خيره وشره
اشكر عظيم الشان والذنب مغفور .
تساميت وقطعت الشك بـ حد اليقين
واقفيت وانا اسامح ونفسي طايبة

كم لي وانا تحت سيف الضماير رهين
صادق ومنصح واثر النوايا خايبه .
عطاك الله قبول وكل مامر العرب طاريك
تلج أصواتهم مابين نعم وحي هالطاري.
سأحفظُ العهدَ إن طالَ البعادُ بنا
وأكتمُ الشوقَ في قلبي واخفيهِ

لأنّ روحك في جنبيّ ساكنةٌ
فليحفظ اللّهُ قلبي والذي فيهِ
_
‏"قد ينال المؤمن بدعاء أخيهِ ما لا يُدركه بدعائِه
‏لنفسِه" -أذكرونـي بِدعوة-❣️
ترا الماهر اللي شغله الكذب والتشويه
يحسب النبا الطيب مهارات مكتسبه

لاتاخذ منه راي ولا تسمع منه توجيه
ورى المجد غامر وافعل الأجر واحتسبه

جميلك لاسويته مع الناس لاتطريه
وفعل ماتقدر تفعله لا تنومس به

ترا المخطي صدوف المقادير ماتخطيه
مصيره من أحداث الزمن يدفع النسبه

ياكم واحد طيب تضيع الهقاوي فيه
ويقضي لزومك واحدٍ خارج الحسبه .
يا باذل الطيِب خل الطيِب في فاله
ابذل وتلقى جزا الإحسان عند الله

الناس لو يمدحون الشخص لافعاله
بكرى يذمون نفس الشخص من زله .
«تراك الفارق اللي ما يجي مثلك ولا شرواك
انا وياك عشت اغلى سنين العمر واجملها»
البارح استرجع الذكرى على انقاضي
واندم على كل وقت فات ما اشعر به

تحاصر الروح ضيقه لازم حاضي
ولا معي من يقيني ما اتعذر به

حاولت اعيش الحياه بقلب متغاضي
والقلب عيا يوالف وحشه الغربه

اساير الناس واجامل على الفاضي
رغم اختلافاتها فالطبع والتربه

محتاج فرحه تطلعني من الماضي
فرحه فقير تصدق وانفرج كربه .
ماتفعله يمناك في واجب الغير
تلقاه لا ضاقت عليك الوسيعه

ابذل من المعروف وابذل من الخير
الرازق الله و الجمايل وديعه .
نبتسم في وجه الايام لو مابه حصيل
خاطر الطيب ماكل الظروف تكدره .
ازعل وترضيك الليالي والايام
ماجاك منا شي يزعلك منا

يغرك التفكير في بعض الاوهام
وتشوفنا مخطين وتصد عنا

لا تحسب إنّا للمقفين خدام
من يتبع المقفين ما هو بحنا

مالك علينا حق في وصل الارحام
عشان نمشي لك على ماتمنّا

كنا نعدك في القسى درع وحزام
الله يسامحنا يوم كنا .
اللي يكافح ميل وقته بتقواه
قد كفن الضيقه وصلى عليها

ياقو عزم المحسن الظن بالله
تمره الشدات ماضاق فيها .
تموت بداخلي خيبة مشاريهي على الأحباب
ولاشافوا سوى الوجه السمُوح وبسمة محيّا .
2