✅ Yeri gəlmişkən, axır çərşənbəniz mübarəkdir!

✅ Canınız həmişə sağlam, süfrəniz ruzili-bərəkətli olsun.

✅ Qeyd: Şəkil “Kommunist” qəzetinin 30 dekabr 1990-cı il tarixli sayından götürülüb.

✅ Novruz bayramını 20 mart, yoxsa 21 mart tarixində qeyd edirsiniz?

✅ Və həmin tarixdə qeyd etməyinizin səbəbi nədir?

✅ Vəəəə buna süni intellektin cavabı!

✅ Bəlkə də Azərbaycanda ilk lahmacun məhz burada verilib. 😂

✅ Mənbə: “Azərbaycan” qəzetinin 21 mart 1919-cu il tarixli sayı.


✅ Yəqin bildiniz. Elanda adı yazılan Keçəçi Məhəmməd görkəmli xanəndəmiz, əsl adı Məhəmməd Məşədi Xəlil oğlu olan Keçəçioğlu Məhəmməddir.

✅ O, 1864-cü ildə Şuşa şəhərində anadan olub, 1904-cü ildə isə Bakıya köçüb və çıxışlarını burada edib. Həmin vaxt səsi vala yazmaq asan iş deyildi. Keçəçi Məhəmməd 1912-ci ildə "Sport- Rekord" səhmdar cəmiyyətinin dəvəti ilə Polşaya, Varşava səhərinə getmiş və orada "Qarabağ şikəstəsi" və digər muğamları vala yazdırmışdı.

💚 Bayramlarınız mübarək olsun!

✅ BİLİRDİNİZMİ

...ki, Türkmənçay müqaviləsi imzalandıqdan sonra general Paskeviç İran hökmdarı Fətəli şahı həm sülh, həm də Novruz bayramı münasibətilə təbrik edib?

1828-ci ilin fevralında – Türkmənçay müqaviləsi imzalanandan dərhal sonra general Paskeviç İran şahına uzun bir təbrik məktubu hazırlayır. Məktub belə bir cümlə ilə başlayırdı:
“İki böyük dövlət arasında Tütkmənçayda uğurla imzalanan sülh münasibətilə Zati-alilərinizi təbrik etməkdən şərəf duyuram”.

Paskeviç Fətəli şaha təbrik məktubunu şəxsən çatdırmaq üçün general Rozeni Tehrana göndərmək qərarına gəlir.
Vasili Pottonun yazdığına görə, Paskeviçin bu ideyasından xəbər tutan xarici işlər naziri Mirzə Əbülhəsən xan generala çatdırır ki, şahı əliboş təbrik etmək düzgün çıxmaz, ona pul da göndərmək lazımdır! Ən azı 5 min çervon...

Paskeviç şaha pul hədiyyə etməyin yersiz ola biləcəyini düşünür. Lakin ingilis səfiri Maknil də “şahın belə qəribəliklərinin olduğunu” xatırladaraq, ona pul gəndərməyin vacibliyini bildirir.
Paskeviç bahalı parçadan hazırlanmış bəzəkli torbaya 5 min təzə çervon monet yığılması barədə göstəriş verir.


Mənbə: Müsəllim Həsənov

🇱🇨 Sumqayıta Karib dənizindən qonaqlar gəlir!

🇱🇨 Bu gün Azərbaycanın futbol yığması Sent Lüsiya adasının komandası ilə qarşılaşacaq. Sent Lüsiyada 180 min nəfər yaşayır. Ərazisi Quba rayonundan 4 dəfə kiçikdir.

💻 Ötən il Azərbaycan Sent Lüsiyada təhsilin inkişafına dəstək üçün ada sakinlərinə 100 ədəd noutbuk hədiyyə etmişdi.

✅ Cəfər Cabbarlı 1918-ci ildə yazdığı felyetonda Bakını basmış dəniz və okean sularından bəhs etmişdi.

✅ 108 ilə vəziyyət elə də dəyişməyib deyəsən 😂

⚫ Bu gün Azərbaycanlıların Soyqırımı Günüdür.

⚫ 1918-ci ilin mart-aprel aylarında erməni silahlı dəstələri günahsız azərbaycanlılara qarşı amansız qətliamlar törətdilər. Soyqırımın əsas məqsədi Cənubi Qafqaz regionunda azərbaycanlıları yox etmək idi. Nəticədə, minlərlə həmyerlimiz həyatını itirdi.

⚫ Hadisədən bir müddət sonra müstəqilliyini elan edən Azərbaycan Xalq Cümhuriyyəti hadisənin araşdırılması istiqamətində ciddi addımlar atmışdı. Cümhuriyyət Fövqəladə İstintaq Komissiyası yaratmışdı. Komissiya mart soyqırımını, ilkin mərhələdə Şamaxıdakı vəhşilikləri, İrəvan quberniyası ərazisində törədilən ağır cinayətləri araşdırdı. Dünya ictimaiyyətinə bu həqiqətləri çatdırmaq üçün Xarici İşlər Nazirliyi nəzdində xüsusi qurum yaradıldı. Lakin cümhuriyyətin süqut etməsi araşdırmaların yarımçıq qalması ilə nəticələnmişdi.

⚫ Soyqırımı ilə bağlı ən təsirli çıxışlardan biri Azərbaycan Xalq Cümhuriyyətinin parlamentində olmuşdu. Deputat Əsədulla Əhmədov bildirmişdi ki, qırğınlar zamanı bir evdə 24 uşağın meyitini öz gözü ilə görüb.


⚫ Allah bütün şəhidlərimizə və günahsız müharibə qurbanlarına rəhmət eləsin.

✅ 1562-ci ildə ingilis səyyah-diplomatı Entoni Cenkinson Şamaxıya gəlmişdi. O, burada I Şah İsmayılın bacısı oğlu, Şirvan bəylərbəyi Abdulla xan Ustaclı ilə görüşmüşdü.

✅ Qəbul zamanı ingilis diplomatı ən çox şoka salan ziyafətdəki yeməklərin çeşidi idi. Cenkinson yazır ki, meyvə və çərəzləri çıxmaqla, süfrəyə əvvəlcə 140 növ, daha sonra 150 növ yemək gətirilmişdi. Yəni, ümumilikdə ingilis diplomat 290 növ xörəklə qarşılanmışdı.


Mənbə: Qızılbaş ensiklopediyası. İkinci cild. Bakı-2024. Səh. 20

✅ Məsələnin Stalinsayağı həlli 😂😂😂

✅ Uzaq 2006-cı ildə, düz 20 il öncə, 8-ci sinifdə oxuyanda söz, onun dəyəri barədə inşa yazmışdım. Həmin inşanı "Azərpoçt"un keçirdiyi respublika inşa müsabiqəsinə yollamışdıq. 1-ci yer tutduğumu tədbir zamanı öyrəndim. Elə həyəcanlanmışdım ki, çıxış zamanı cəmi 3 cümlə demişdim - onların da ikisini təkrar səsləndirmişdim. 😂

✅ Az öncə "Azərpoçt"un yazı müsabiqəsi elanını görəndə həmin anlar yadıma düşdü. Elanda yazılıb ki, müsabiqədə 9-15 yaş arası məktəblilər iştirak edə bilər. Sizin də həmin yaşlarda övladınız və ya qohumunuz varsa, bəlkə ona maraqlı olar. Yazı maksimum 800 söz həcmində olmalı, əl yazısı ilə ingilis dilində yazılmalıdır. Elan həmçinin bildirir ki, 1-ci yerin qalibi beynəlxalq mərhələdə Azərbaycanı təmsil edir. Açığı, detalları bilmirəm. Ona görə linki şərhdə sizinlə bölüşürəm. İştirak edəcək hər kəsə bolluca uğurlar ♥️

✅ 1961-ci ilin yazında kosmosa uçmağa 6 namizəd vardı. Uçuşa az qalmış baş konstruktor Sergey Korolyov onlardan soruşmuşdu ki, tapşırığı yerinə yetirməyə hazırdırlarmı? Hamı "hazırıq" demişdi. Yalnız Yuriy Qaqarin demişdi ki, səhərdən başım ağrıyır. Amma mən də hazıram.

✅ Korolyov izah etmişdi ki, səhər yeməyi zamanı onlara baş ağrısı yaradan dərman verilib. Əslində, indi hamının başı ağrıyır. Həqiqəti isə yalnız Qaqarin dedi.

✅ Bu ilin yanvar-mart aylarında Azərbaycanda 51 ədəd noutbuk istehsal edilib.

✅ Xanlıqlar dövründə evlənmək asan iş deyilmiş.

✅ Qarabağ xanlığında kəndli öz ailəsində olan toya görə 10 manat ödəməli idi. Üstəlik, ağa ya onun övladı toy eləsə, ona da 10 manat bəxşiş verəcəkdi. 10 manat həmin dövrdə çox böyük pul sayılırdı.

✅ Car-Balakən azad icmalarında və İlisu sultanlığında kəndlilərin ödədikləri toy pulu vergisi də narazılığa səbəb olurdu. Bəyin icazəsi olmadan kəndli evlənə bilməzdi. Evlənmək istəyən oğlan, başqa yerdən gəlməsə belə gəlin üçün mülkədara 5 manat verməli idi. Qız mülkədarın icazəsi olmadan qonşu və başqa sahibkarın kəndlisinə ərə getdikdə, mülkədarın qarşılıqlı razılığına əsasən, hər birindən ayrılıqda olmaqla gəlindən və evlənən bəydən, yaxud onların valideynlərindən 10 manatdan 30 manata qədər, yaxud bir at cərimə alınırdı. Evlənmək üçün qız qaçıran oğlan mülkədara 50 manat cərimə verir və şəriət qanunu ilə cəzalandırılırdı.

@sakit_redaktor

✅ İctimai Televiziyada yayımlanan "Milyonların Şousu" verilişində "Azərbaycan Xalq Cümhuriyyəti haqqında ən maraqlı 100 fakt" kitabından sual səsləndi.

✅ Sizin fikrinizcə düzgün variant hansıdır?

🟥 1920-ci ilin bu günü Azərbaycan Sovet Sosialist Respublikası yaradılmışdı. Bir neçə gün sonra — mayın 5-də Lenin Azərbaycanın Sovet hökumətinə teleqram göndərmişdi. Teleqramda “Yaşasın MÜSTƏQİL Azərbaycan Sovet Respublikası“ sözləri də yazılmışdı. Leninin bu teleqramı yerli bolşeviklər tərəfindən Azərbaycan SSR-in RSFSR tərəfindən tanınması kimi qarşılandı.


🟥 Bir müddət sonra Azərbaycanın tamamilə Rusiyanın tərkibinə daxil edilməsi məsələsi qalxanda Nəriman Nərimanov Leninə məktub yazacaqdı: “Əziz Vladimir İliç, məgər " müstəqil Azərbaycan" Sizin dilinizdən çıxmamışdırmı?... "